迦南幼稚園 家長分享

miriammami

N1幼兒班, 係咪得三年:N1, K2 同K3咋??
點解我會問關於外籍老師, 因為"外籍"這二字所代表的範圍好大, 我個同事個太太係亞洲人但英國大學畢業, 黎到香港無野做就去左南區一間收'鬼'嘅幼稚園度教, 不過無話有d好專嘅訓練就教小朋友,佢地d "english speeking"唔識廣東話好似高人一等, 而且搶手, 來自不同地方亦有不同口音同地道方言, 所以想了解下, 恐怕唔會個外籍老師係來自"賓賓"....... 好多家庭都24小時有個.....
我諗都會有好有唔好, 唔好就聽到一個: 我個好友個女有日在家倒寫水講左個"shit"字, 嚇得佢兩公婆, 原來學左個外籍老師, 事後投訴左學校, 間學校好多人讀, 遍佈全港.
唔知emily怕唔怕西人??

Carmen

somimi,

全中!!!請去"M"記冇問題啦...不過叫埋你仔仔播...我個仔好鍾意同哥哥玩...一見到d哥哥就好鬼熱情咁攬住唔放..

係呢...你有冇報其他幼稚園呀???

emilylin

miriammami

係讀3年,emily唔怕西人,返學見到"外籍"企係門口等小朋友返學,emily都肯同佢打招呼和講"good morning teacher"
我諗此外籍教師應該唔會係"賓賓"同"印印"嫁,我見emily有時係屋企讀d英文同我地聽開d音差唔多,我估來自英國,
另外你講呢朋友個問題我諗係個別事件,係呢八卦問吓係邊間幼稚園,唔會係迦南??
miriam就梨in,你緊唔緊張,有冇同佢練習吓??

法子

miriammami
外藉先生係"白雪雪"架,唔係賓&印.
3班分別係(幼兒班K1=N   低班K2= LK   高班K3= UK)

Emily,
我位公主係屋企就成日"good morning teacher",一番到學校好似唔識講野咁架la.

法子

emily,
而家emily 好番未呀?Bovie 都仲係咳,仲未好番.
BBQ 咪就係學校門口 :  : 主任話係"無火"怕小朋友唔小心整親.我想應該用電磁爐吧!
今個星期派咗d問卷調查,我沒有這通告呀....是否K1才有??wendy &其他家長有冇收到呀?
Bovie手冊今星期是全剔了..Hehe因為我依個大頭蝦媽咪記得幫佢剪指甲...Haaaa

29號Halloween party 我同Bovie 傾過後,得出結果.....
扮鬼鬼--佢話好驚D鬼鬼,咁醜怪,唔中意扮鬼(確實每次Halloween人地扮到古靈精怪,佢就會驚驚...)
扮南瓜--佢又話唔想
扮天使--佢想...不過佢話先生唔比架,淨係可以扮鬼喎~

咁即係....冇結果~~       

Bovie 會帶綿花糖 & 珍寶珠~

emilylin

法子
emily仲有d鼻水同小小咳,未清得晒,Bovie D"於"退晒未??
BBQ係學校門口都好呀,話晒都叫"戶外"呀,真係早上就要返學??問卷調查我估淨係for K1,係呢你比咗錢買校服未,我都係啱啱交咗,琴日同emily去行街,我問佢買咩糖,佢話要係"優xx品"買果汁糖,佢自己"簡"咗棉花糖同果汁軟糖,佢嗲地叫佢請粒佢試吓,佢話唔得嫁要請同學仔食嫁,但佢自己就食咗兩粒,佢嗲地話佢又話請同學仔食,而家自己又係度食,emily就答佢"我試吓好唔好食,唔好食叫媽咪再買過啦"跟住係度笑 Bovie都話會講咩佢鍾意,emily問佢樣樣都話鍾意,好醜怪都話靚    ,真係比佢吹脹,
我見"吉x島"有DHalloween party 野買,都幾Q,我諗Bovie應該鍾意,你得閑去睇吓,我聽日會同EMILY去睇吓有冇野啱emily

法子

Bovie 仲係好瘀呀....唉,我想仲要過多個星期....都唔知好番未~_~
Bovie 都係買優xx品呀    D糖比我收埋左,費事未到已經比佢食曬~
"吉x島"有Halloween party 野買"?我都去睇下先~~~thx報料呀~!

emilylin

法子

你有冇去"吉xx"睇呀,我今日同emily買咗個魔鬼頭角,我見到有天使翼,我想同佢扮個"天使與魔鬼混合",你呢??,Bovie決定未,係呢呢掛Bovie仲有冇掛住"安安老師"

法子

emily,
Bovie都仲好miss 安安老師,成日提住佢,床頭都貼滿佢同安安老師影D相..又叫我搵佢咁......其實同以前冇咩分別,只係依家見小左,但仍係滿口"安安老師"......我還記得初初返迦南,Bovie要帶住同安安影既"合照"才安心上學.我仲以為佢會喊晒,點知又適應得幾好.
我幾時都覺得個傻孩子是個很有"心"的人,希望她長大也一樣對人有心呢!!

我仲未想到Bovie 可以扮D乜
現在周先生都幾好,因為Bovie 係屋企話"周先生好呀,佢成日笑架!!"

emilylin

法子

咁就好啦,最緊要Bovie讀得開心同學到野,而家係你自己湊返學放學定搭校車,你係唔係好趕,k2好似都有家長日喎,你知唔知幾時呀,聽日Bovie係學校BBQ喎,有D咩食??

法子

emily,
Bovie依家係我自已湊呀,趕到傻下傻下@_@11月開始by school bus...會好D la..
k2家長日我未知幾時,係咪11月呢?明天BBQ 要等Bovie番泥報告我知.我買左5條粟米+$15 牛丸比佢帶番學,應該都夠呱...       

法子

emily,
今日校車覆我,要12:15pm上車.平時PM class番1:15....
咁要坐成45 mins/up...都幾耐...我仲想緊搭唔搭好!
今日Bovie BBQ ,佢話有好多食物,周先生位忙住整食物比小朋友.
今天真開心!!

高比

各位迦南家長,
我囡囡06年9月會讀K1, 依家睇緊D幼稚園,
想問下迦南有無D咩交通安全隊, 童子軍之類活動?

其實囡囡5個月果時報左梨木樹救世軍, 輪侯NO係001, 但老公奶奶都唔想小朋友咁早讀書(N1), 所以依家應該比佢讀K1, 出年比佢返PLAYGROUP, 我想問下你地覺得士德荊冕堂如何?我自己聽到就都唔錯, 不過學費好貴....

迦南有無得申請學費資助呀?我姑奶話佢幾年前去問, D老師一聽到你問申請資助D野就變哂樣呀.....

emilylin

法子
尋日好嬲呀 :evil: ,攪到我冇咩心機上bk, ,emily攞我部手提電話玩,點知佢用力係個顯示一按,個顯示就中間"烈"咗一條,個display爛咗,都唔知係部機化學定emily係大加士 邊有電話咁易game over架,我部機落地都未夠3個就....我不嬲都用開"noxxx",諗住轉吓其他牌子,就去買咗呢部"GX22",唉,可能同呢部機冇緣,唔通註定要用"noxxx"先得, 我同emily講整壞咗你有錢賠咩,佢好驚咁話"我有錢架,我有3蚊"真係比佢激到啤一聲
攞去原廠修理佢話人為要$1200維修費 出面都係整$500左右,原廠要咁多,仲話有保養我決定唔係原廠整,   我會係出面整再賣出去,跟住買個部新架,今次要係emily d利是錢扣返先得,咁樣冇咁肉赤
校車係咁先煩,早早出門口去"遊車河"先返學,佢要周圍去接學生,我初初都有諗到搭校車,但一諗到要咁早出門,emily實唔夠精神,不如自己行返學,行返去都係10鍾倒,好過去遊成個鍾車河先返到,坐咁耐,小朋友都"牛晒"啦,其實你可以淨係放學先坐,咁佢要遊一倫先到,你就唔洗咁趕啦
係呢你最後同Bovie扮咩??,我最後同emily扮"皇后"好似離咗題添

emilylin

高比
呢間迦南冇交通安全隊, 童子軍之類活動,其他分校就唔知,迦南有得申請學費資助
荊冕堂校舍好新,好多都話好,但學費係貴d,大約$2000到

Carmen

emilylin

咭咭咭.....我個仔仔由出世到而家都唔知整爛幾多部電話勒...所以我o地兩公婆而家只敢用舊電話...唔會再買新電話用...唔係就真係肉赤死我...唔知點解佢o地咁鍾意玩電話...屋企電話都唔放過...連個細佬都係咁...唔比佢o地玩電話就吼住部fax機...激死!! :evil:
係呢...突然醒起想問下你迦南一班幾多人o架??有冇分組上堂o架??
thx..
今日我都有同仔仔去荊冕堂in...不過我又唔覺佢真係好好...校舍係好新...活動空間亦好大...但係我覺得d老師麻麻地...唔係太主動...感覺上欠缺活力同親切感...而且今日仲等左我成兩個鐘至interview :evil: ...in先in得果5分鐘(都唔知有冇)...整體上我唔覺得佢o地係辦學...好商業化...唔似第二d學校以教育學生為大前題咁... 所以我都唔打算再考慮佢勤...

高比

carmen,
講開又講, 我早兩星期打電話去荊冕堂查詢, 佢地接電話果個(我唔知係老師定係咩人), 都係一問一答, 無乜語氣.......迦南d老師係點ga?其他工作人員會唔會咁?

emilylin

Carmen
唔通個個小朋友都鍾意玩電話 ,我試過買d假電話比佢玩佢都唔玩,係要玩真野 ,真係吹脹
emily讀個班有22個,2位老師,佢地有分組架,D小朋友會經常轉動不同位置跟不同同學一組,佢地唔會固定坐邊個位
咁你仲報咗邊間呀

法子

emily,
我今日都換左手提,因為我個手提又係比小姐攪到散晒,今次換左部平平地0既摺機.16和弦,影相得3xx pixels,差小小.但我都會send D MMS 比朋友架~佢地見到都好開心架.希望依部機可以用到一年半載la~@_@~
     GX22 好用嗎?
Bovie扮左巫師,求求其其炸~

法子

星期一評估週,大家有冇同小朋友溫習下呀