九龍禮賢幼稚園K3家長請進！

tiger

有無人收到家長會的通知信?

GraceMami

PENPEN,

你有埋電池?  我返到家, 囡囡已拿了車出來玩, 但我又唔見佢用遙控來玩, 後來我才發覺根本無電池.  

不過, 小跳豆這部車, 我已收起了, 囡囡實在太多玩具, 況且, 她已有一部, 這部遲些送給表弟好了.

囡囡常說車車是老師送的, 我解釋給她知道是我們訂購雜誌, 出版社送的.  我問她是否班中每位小朋友都有, 她說是, 可能她全班都有訂.


littleeva, tiger
我都收到家長班的通告, 不知到時會否跟你們同組呢.

littleeva

各位早晨

係呀, 昨天一入門口. 仔仔已經拿著車車玩. (冇電池) 他問可以張車車油顏色嗎 ? (他好like 黃色)
我問他是否全部小朋友都有車車. 他話係呀. 除左請左病假的小朋友 冇 LOH


昨晚訓前仔仔係都要話做功課,  明明在床上都要走出來,  在書包裡找唔到功課. 他話老師教左車車. 有得油顏色.  (我估可能教  C FOR CAR) 我話要等星期5 才有功課做.

手冊中老師話欣賞仔仔愛護同學. 能夠表達自己的需要.  另我意外地是他能愛護同學.  希望他能領略到能夠愛人的快樂.   學校真係以讚賞鼓勵小朋友為主.   

不過仔仔話唔鐘意有時老師很大聲講野. (用咪時)  大聲話小朋友, 他話以前BB 班的老師是細細聲．　我話是否您頑皮老師教您呀．　他話不是他,是其他小朋友姐.  我話而家因為升了班. 多了很多同學. 很多人一班.所以老師要用咪. 要大聲少少, 否則有D小朋友聽唔到LOH (我仔坐很前的)

可能以前BB班 D 老師比較就小朋友, 而家是幼稚園會有所不同. 相信這是成長的一個階段.


TIGER 昨天仔仔比個 咪 我. 要我做小老師.  要我跟他講 "各位小朋友今日教大家畫車車 "
您囡很可愛喎. 我諗大多數小朋友都鐘意玩 "小老師遊戲"　


GRACE & TIGER 我未收到家長班通告. 希望快些收到. 能和大家一組.

penpen

GraceMami,
係呀! 我屋企多數都會買定d電響度, 費事撓起手要用果時先去買丫嘛!! 隨左2A電之外,尤其係D電, 因為屋企煤氣爐要用, 分分鐘沖沖下涼煮煮下餸冇電先落去買就好麻煩! 舊方型電反而係之前有部按摩機響度所以買定既!  
我哋12月搞christmas party呀! 妳報唔報名呀? 快d返我地個架部度報名啦~  

penpen

bosze,
唔緊要啦~ 每個小朋友都唔同嘛!  既然妳已經知道原因就真係正如老師話齋, 多d鼓勵佢, 響屋企都要俾佢多d自顧習慣, 一定會成功架! 我都會黙黙支持你哋倆母子架!!
有困難, 要克服, 唔識就要學嘛~   加油呀!!  
妳不久既日子見到囝囝有改善會更加開心架!!  

littleeva

bosze,

係呀要多d鼓勵小朋友. 其實我仔仔都有話唔返學. 他叫我唔好交學費tim.  他話唔返學在家玩.

我估小朋友係因為陌生環境加上要分離, 對他們來說是很大件事. 我相信我地小朋友一定會改善. 他們始終會明白.

努力加油  


我都在擔憂緊, 昨天老師剛來電. 有 2 件事

1件 是 讚賞仔仔能照顧同學. 老師叫我一定要讚仔仔. 老師話仔仔隔離同學cry. 我仔仔就輕輕拍同學安慰他.叫他不要哭.
所以老師叫我一定要讚他.

而第2件事另我好擔心. 原來此位老師 (我仔十分跟她) 是待課. (我還以為另一位才是待課老師)而還有 10幾天 正式的班主任會放完產假復職. 到時這位待課老師走啦. 她知道我仔仔是慢熱, 所以已經一早輔導我仔仔. 今次還特此告我知. 希望早些比仔仔知道有心理準備. 死啦. 我仔真係好慢熱,  又長情. 今次都唔知點算, 有排哭. 其實到而家他還掛住 bb 班的老師. 說要這些老師去禮賢到教.   唉剛開始適應, 又要面對分離.   唉.............

魚子

請問明天九龍塘禮賢幼稚園是開放日嗎??
可否告知幾點開始??
謝謝!!

penpen

冇收過通知喎?!

konekobb 寫道:
請問明天九龍塘禮賢幼稚園是開放日嗎??
可否告知幾點開始??
謝謝!!

tiger

你地今日有無收到功課呀?

朱古力

tiger,

有呀!逢星期五都有架.

今次老師寫左D字係功課度,上次畫冷球可能囝囝畫得唔夠多,所以老師寫住可以多些練習和用些粗的顏色筆填色喎.

魚子

penpen:
唔該晒!!

penpen

bosze,
繼續努力加油呀!!  

littleeva,
真係可惜咁短時間又要重新適應, 希望妳囝囝可以快d適應番啦~ 不過我諗都會好過當初既! 因為佢已經熟悉左個環境同埋其他同學仔嘛~

朱古力, tiger,
係呀! 逢星期五都有功課,我妹豬上次又係冷球線畫得唔夠多, 老師叫佢再畫番多D再交多次呀! 佢執筆都未係好正確同埋夠力同埋做功課果陣唔可以全神貫注,所以今次架車車D廢氣我要佢畫多D, 填色我都係俾蠟筆佢填都未有問題!  
今朝妹豬無啦啦同我講嚴老師'MET'左佢張相又唔知黐左響邊咁喎! 講到我一舊雲咁! 所以我寫左紙問嚴老師點解,等我可以解釋番俾阿囡知囉! 另外佢已經講得出4個同學仔既名喇~  又成日話有其中一個同學打佢, 我問佢有冇話俾老師知佢話有, 我讚佢乖同埋記得唔可以打番人  
今日我整左d 旦糕仔佢帶番學, 尋晚我整完果陣佢已經想食, 我話食完飯先可以食, 點知佢食完飯真係記得, 平時其它野多數都唔會記得, 唔知點解佢真係好鍾意食呢隻旦糕仔, 整都好易, 仲易過整曲奇, 又冇咁熱氣!!  

朱古力

各位今天我請左假揍囝囝放學,原來唔係課室接,佢地企晒係後門,有幾姐姐叫名放學,當我話比姐姐知,我接幼勇班陳塱生,我見囝囝拍心口說:我我,當時佢未見到我,後尾我揮手叫佢,佢好開心走出來,但就唔可以同老師傾下計.

littleeva

朱古力

係可以同老師傾計. 接完仔仔後. 再去番前門按鐘仔入番學校, (校車停的門口門) 等老師安排晒小朋友放學. (即是等小朋友上了校車後)  就可以跟老師傾計.

我都係咁就可以見到老師, 一埸來到. 當然希望和老師談一談. 她們也很樂意. 不過要等 5-10分鐘,  在等的同時 您會見到同車小朋友與您仔仔say good bye. 好可愛嫁.

朱古力

littleeva,

原來去番正門呀!,我唔知

littleeva

各位報了家長班的家長: 請問是否已收了通知, 我至今還沒有收到任何通告. 是否需要與老師聯絡呢 ?

penpen

昨天阿囡放學我見佢個書包好似好大個咁! 因為星期一應該唔會有咁多野嘛~ 我初時仲以為派左冬季運動衫添~   跟住睇下, 原來她取了同學仔和她一樣的毛巾盒回家(interview果時老師送果個),她說是子謙的, 我驚嗅所以幫她洗了叫她今天交回給子謙,其實我覺得果個毛巾盒對於幼兒班既小朋友來說都幾蓋好個蓋  今早阿囡6點醒左, 我忽然想不如揍下佢返學睇睇佢既情況, 於是乎我就同左佢返學,但祇有幾個同學仔返左,所以好靜, 嚴老師話阿囡比較靜喎! 我都唔知阿囡幾時開始變得咁慢熱, 可能我唔係同佢一齊啦~ 希望遲d會好d啦~ but我都有話俾老師知佢響屋企同學校係兩個人黎~
阿囡呢兩日又記得兩個同學仔既名字同埋講多左學校發生既事喇~ 不過有個橙組既同學仔心心仲犀利, 響學校門口已經同媽媽講見到我個囡盈盈,記得名, 記得邊組, 大我個女一個月咋喎!!
月尾家長會我哋可以見下面喇~~

bosze,
其實都冇話盡唔盡責既! 祇要阿囡鍾意食自己就有心機整架喇~~  

朱古力,
係呀! 轉左門口都有一排架喇~ 妳下次記得走番去正門搵老師傾下偈喇喎!  

GraceMami

bosze,
你囝囝情緒不穩可能是還未適應吧, 不用太擔心的, 每個小朋友對陌生環境適應時間都不同, 你多些跟他傾談, 嘗試找出影響他的情緒的原因再開導他.  多給他鼓勵和支持, 相信他很快便無事的.

littleeva,
如果你囝囝喜歡現時的代課老師, 你最好盡早給他心理準備, 告訴他, 老師快要離開學校, 解釋為什麼老師會離開, 相信越早告知他, 到老師走時, 他會容易一點接受.  希望你囝囝情緒不會有太大影響.

我上星期已收到家長班第一次聚會的通知, 我想, 如果你還未收到通知, 最好直接向宗教主任張姑娘查詢一下.  希望到時見到你.

GraceMami

penpen,
你好犀利, 又做曲奇, 又做蛋糕仔, 你囡囡好幸福呀.
我最多只做簡單的三文治給囡囡.
係呢, 你囡囡晚上幾點睡? 放學後要午睡嗎 ?
我囡囡返了下午班, 沒午睡, 就變得晚上早睡, 這兩晚八點幾就睡了, 每朝早就一定要我返工前叫醒她, 通常會陪她poo poo, 梳洗換衫, 我才返工, 所以她大概早上七點就要起身.  星期日, 她跟我們去聽concert, 半夜才睡, 第二朝我想她睡晚一點才起身, 所以無叫醒她就返工, 點知她在我出門後十多分鐘醒了, 哭著打電話給我, 說我不叫醒她就返工.

是呀, 家長會那天可以見面喇.

tiger

penpen,

可否教我做蛋糕仔? 唔該哂