04年9月入讀小一家長請進！

evelyn317

各位媽咪，請問妳們的小朋友幾點sleep？我個女第一日11點，我發覺唔掂，因為上床之後仲要講3個故事(這個己是多年來的習慣，唔講佢唔肯sleep)，於是再早o的，昨晚9點半上床，約10點"訓"著，不過我今朝發覺佢都好似'訓'唔夠，我同個女講不如9點鐘上床，佢又唔肯，我聽其它家長講，有o的8點半就'訓'，咁咪無晒時間玩，測驗同考試點算？我己經申請o左假期，o念住測驗同考試前一個星期開始同佢

肥仔媽咪

evelyn317,

我所認識的有很多都是九點半上床最遲十點瞓著, 我個仔都係上床後要搞很耐先瞓但暫時佢返下午所以由得佢.

evelyn317

[quote]我所認識的有很多都是九點半上床最遲十點

Astrid

我女就 9:30pm 訓 .... 好快就訓著 ..... 不過佢 6:45 am 就要起身      因為佢由 k.1 - k.3 都係 8:00am 就要上校車, 所以習慣左早睡早起 ...... 最衰就係星期六日都係倒屎咁早 .... 我想訓多陣都唔得    

我一向都唔講 bedtime story .... 我會平時先講    

carollam310

我個女三年幼稚園都係下午班,依家一年級又係下午班,夜夜都唔"訓",不過朝早8點幾就醒.都唔知夠唔夠"訓".聽日星期六第一次長週要返早,6:40分要上校車,都唔知點算,最怕大小姐發脾氣叫唔醒,到時裙甩褲甩追校車.

麟媽媽

我仔讀左4年下晝班幼稚園，上小學返上晝直情想死….
佢每日六點起身，7:25am上堂，6:35am一定要出門口，6:45pm上校車。開學前想train佢早D訓，但最早都成10:30pm先上床！
開學後本想叫佢放學後訓下覺，但佢又訓唔著。工人話佢每日五點零六點亞仔便會好眼訓，我叫工人陪佢玩千其唔好比佢訓，如果唔係夜晚實訓唔到。我仔而家最遲9點我便要佢上床，每日放工都好趕！七點左右我番到屋企，食完飯差不多到8點，之後對功課，實有D錯漏，改完個仔仲要練琴，我又要同佢執書包，學校仲有個咩Self Reading Scheme，我有時仲要同佢一齊睇圖書，之後再填閱後報告…總之每晚D時間都好唔夠使，琴晚我老公放工返到屋企亞仔已訓左，今朝六點老公竟然起床，同個仔傾下又同個仔gel下個頭，兩個玩玩下咁！平日我老公打鑼都唔起身，可能琴晚無同個仔玩掛住個仔呢！

Sami

我個仔以前K1-K3，7點起身，但係11點幾12點先瞓，因為有午睡，所以都OK。依家就10時或10時半上床，朝早6:20分起身，所以精神都OK.....因為都慣左早起。不過好彩SAT & SUN可以瞓到10點幾11點先起身，不過如果有時早起，都會自己起身睇電視，唔會嘈我瞓。

MingMing626

我個囝都係k1-k3都返下午,現在小一都係返下午.
佢每晚最遲10:45一定上床,講bedtime story2個.11點鬆d就一定訓

MichelleChen

My daughter went to bed around 9:45pm & woke up at 6:30am, left home around 7:20am! I had to please her to wash her face, finish her breakfast in between! Alway tire that she say every morning &  big fight with me since day one back to school!
I almost died.....

LULU-MAK

我個女以前返幼兒園既時候, 由於有午睡, 所以可以10:30先上床

evelyn317

各位媽咪，除o左俾o的時間自己同小朋友適應一下，我都o念唔到有其它辦法，唔通將屋企o的鐘較快o的！！

我估個女唔夠’訓’同佢平時慣o左’訓’到10點幾有關。就算暑假期間星期一至日我安排o的course俾佢上都係11點開始，仲係係屋企附近。

但係唔夠’訓’會有好多’骨牌效應’，上堂精神唔集中不得止，返學時佢心情又差。由星期一正式上堂，佢日日都有o野唔記得帶番屋企，一係無帶書，一係就無帶工作紙或者功課薄，學校本手冊又話唔交功課會記缺點，攪到我鬼死咁緊張，又要打電話問佢o的同學功課薄點寫o的format, o念住無學校薄用其它薄做住先，起碼俾佢老師知個女唔係懶唔做功課，佢亞媽唔係無睇手冊，不過無學校薄做都無計。O念住叫工人返學校

肥仔媽咪

我估個女唔夠’訓’同佢平時慣o左’訓’到10點幾有關。就算暑假期間星期一至日我安排o的course俾佢上都係11點開始，仲係係屋企附近。

可能你唔夠忍心讓她早些習慣, 因有啲媽咪話若新學年轉時間一定要喺暑假改善的.

Cheung

我囡囡讀幼兒園果陣都系好夜訓, 晚晚成12時至訓. 又唔午睡 :cry: 返著小學之後晚晚9點就話要訓, 她話好累   ! 早早6點30分起身 !

fp

麟媽媽 寫道:
我仔讀左4年下晝班幼稚園，上小學返上晝直情想死….
佢每日六點起身，7:25am上堂，6:35am一定要出門口，6:45pm上校車。開學前想train佢早D訓，但最早都成10:30pm先上床！
開學後本想叫佢放學後訓下覺，但佢又訓唔著。工人話佢每日五點零六點亞仔便會好眼訓，我叫工人陪佢玩千其唔好比佢訓，如果唔係夜晚實訓唔到。我仔而家最遲9點我便要佢上床，每日放工都好趕！七點左右我番到屋企，食完飯差不多到8點，之後對功課，實有D錯漏，改完個仔仲要練琴，我又要同佢執書包，學校仲有個咩Self Reading Scheme，我有時仲要同佢一齊睇圖書，之後再填閱後報告…總之每晚D時間都好唔夠使，琴晚我老公放工返到屋企亞仔已訓左，今朝六點老公竟然起床，同個仔傾下又同個仔gel下個頭，兩個玩玩下咁！平日我老公打鑼都唔起身，可能琴晚無同個仔玩掛住個仔呢！

麟媽媽,

all you have stated same as me.佢每日6:15am起身，7:30am上堂，6:35am一定要出門口，6:45pm上校車.
now he go back to sleep at 9:30pm everyday.
I am also 七點左右番到屋企 but I have no maid which I need to make dinner with him,then 食完飯差不多到8點，之後對功課，實有D錯漏 and ugly，改完之後,
must study the books with him, make sure he can speak and write the book which he have learned on that day. 之後我又要同佢執書包，我仲要同佢一齊睇圖書.then 佢先訓，
also on every Tuesday 6:00-7:00pm go to learn english with foreign teacher and every Thursday 6:30-7:30pm go to learn swimming.總之每晚D時間都好唔夠使.

fp

Cheung

Astrid,

咁你囡囡日日都好多o野拎!比著我個囡實唔記得! 你細囡返學點嗎? 好似有得家長陪同上堂? 如果我細個囡囡宜家3歲我就輕鬆死!





由 Astrid 於 2004-09-08 18:13:25

cheung,

因為我女係日日拎個 lunch box 返去 .... 一定要日日拎黎屋企   如果唔係第二日就會無飯食o架啦   

Astrid

Cheung,

我細女間幼稚園係唔俾陪 ..... 不過佢係第三日喊左一陣咁多, 之後都無事    

話說我大女有一日要做值日生 .... 有 d 帶咩住 .... 個日開心到淨係拎條帶, 而唔記得拎番個飯袋返黎 .... 好在第二日 (星期三) 係返半日 , 唔使食飯咋 ....... 不過, 我已經罰左佢 ... 就係要佢聞下自己個飯盒 ... 等佢知道如果唔拎番黎俾我洗 ... 會有幾臭 !!!!

twinsma

我個仔昨日放學落校車時, 只係攞左飯袋, 冇攞書包, 好在姐姐醒目問佢, 拿拿聲轉頭追, 幸好校巴未開......

昨日打鍾我個仔仍未吃完飯, 全班最慢, 真擔心!!

Astrid

今日放學返黎 ..... 個 melody 飯盒已經 "certified" .... 又要買過個啦    

LULU-MAK

仲有, 我仲要晚晚陪個女9:30入房

evelyn317

[quote]可能你唔夠忍心讓她早些習慣, 因有