請問粉嶺上水區小一派位?

朗媽

Hi all,

聽日開始返學，朗朗上高班喇，今年要默書，想請教大家會用咩方法教小朋友串英文生字？

有無收到風，幾時派 form，幾時交form??  

Polly,

你攞左本明報本小一攻略未？有無特別資料？

cindybb

請問住粉嶺區(81)可否選上水區(80)的小學?

Astrid

第一輪可以 .....

第二輪要跟住址 !!!

wenwen821

朗媽,
今天開始派表了,9月17日前要交回心儀學校, 朗朗學校應該今天派表, 我女女要遲一日, 因為明天才開學, 你揀到心儀學校未呀?

*Polly*

朗媽,

我有上年的 明報  升小選校全攻略, 聽講 今年和上年無咩大分別, (無咩學校提供 升中派位的情況), 所以今年無買 lor. 你有無買?


wenwen,

今早送呀囝返學 老師無講派表的事, 可能學校未收到表.


       

hinhei

朗媽

係囉!都唔知點解會變了跨區.曾梅你話係上水又得,係粉嶺又得.........好中間姐!

唉!我唔諗咁多,選樓下個間算數!希望抽到啦!抽唔到先煩第二輪!

朗媽

Polly,

我無買任何一本天書呀。

今日學校都無派表同無派有關報小一講座嘅回條，只有參觀學校嘅回條。會參觀：陳式宏、方樹泉、李志達、曾梅千禧、保良局田家炳、保良局田家炳千禧、上水榮真和五旬節于良發。

朗媽

wenwen821,

依家我都係考慮兩間：曾梅千禧同嘉福榮真。我諗參觀完曾梅千禧，方面會明確d。

你呢？

朗媽

hinhei,

You are right.  抽唔到先煩第二輪。我今日響青衣撞到個朋友，佢教中學，佢話好多人第一輪入唔到，要靠第二輪抽獎 or 靠人事。至於唔 hit 嘅學校，有 20 分已經係必收。

朗媽

Astrid,

倚華今日第一日返小一，一切順利？係咪坐校車。

Astrid

Teresa,

一切順利 .... 無錯, 係坐校車 !!! 不過頭兩日要親身去接放學 ....... 差 d 熱溶左我    

hinhei

嘩!咁多間~~~~
我Only收到陳式宏同于良發咋!
不過我都唔去囉!帶住兩條仔~~~由其是我細仔,正一破壞皇,又自我(touble two),超麻煩!

朗媽 寫道:
Polly,

我無買任何一本天書呀。

今日學校都無派表同無派有關報小一講座嘅回條，只有參觀學校嘅回條。會參觀：陳式宏、方樹泉、李志達、曾梅千禧、保良局田家炳、保良局田家炳千禧、上水榮真和五旬節于良發。

wenwen821

Polly,朗媽,
女女今日放學書包好多野, 包括: 小一入學簡章, 統籌辦法光碟, 申請表須知, 申請表試填樣本, 申請表正本, 北區小學名單,  小一申請暫定行事曆, 北區小學概欖. 你地派左未? 我簡單睇過下已經覺得幾煩, 都係唔理住 . 另外有通告參觀小學, 有興趣媽咪可去參觀:
3/9 (Fri) 10:00-11:30am, 1:30-3:00pm 上水榮真
4/9, 11/9 (Sat) 9:00am-4:00pm于良發
4/9 (Sat) 2:00-4:00pm 靳茂生
7/9 (Tue) 9:30-11:00am, 2:00-3:30pm 上水宣道

朗媽,
可否比李志達、曾梅千禧、保良局田家炳、保良局田家炳千禧d參觀時間, 因女女有同學媽咪有興趣呢幾間, 唔該晒! 而我暫時考慮兩間：上水榮真同嘉福榮真, 不過都係參觀多幾間再決定 .

朗媽

wenwen821,

李志達、曾梅千禧 4 Sept 1-5 pm

保良局田家炳 4 Sept 1:30 - 6:30 pm

保良局田家炳千禧 4 Sept 10 am - 4 pm

你上午定下午參觀上水榮真？  我下午帶埋朗朗去呀。

*Polly*

今日下午要帶 King 去游水班, 去唔到 上榮 啊!     

wenwen821

朗媽,
唔該晒! 我上午參觀左上水榮真啦, 大至上同上年參觀時差唔多. 點解o甘多小學都係4/9呢日開放, 上午仲要返幼稚園聽小一講座, 真係好忙! 你4/9會去邊間?

Polly,
唔緊要啦, 上網睇番佢地個網d資料囉!

hinhei

我想問曾梅千禧除了今日有得參觀外,仲有無機會呢!
因我想報呢間,始終我覺得榮真入到機會唔高,曾梅千禧起碼學位多同無咗宗教分個班小朋友爭!

真係唔好彩第一輪入唔到曾梅,第二輪先會係乙部選返榮真做第一志願.
今日聽咗講咗知道第二輪跨區機會微乎其微................

于良發今年開六班小一,學位比較多.有成二百幾個,但于良發始終功課多,所以我覺得唔係咁好囉!


另外我想問,其實基督教宗教分係唔係一定只有洗禮紙先有分,教會寫紙有無效呢?

朗媽

wenwen821,

我地12:45 pm 搭田家炳校車去田家炳千禧，去田家炳千禧之前，架校車接部份人去李志達先，我無落車，但見李志達環境真係唔錯。田家炳千禧有攤位玩，之後搭 3:15pm校車去大埔墟火車站，搭火車去上水打的去曾梅千禧，去到大慨 4 pm，至5 pm 離開。

去完曾梅千禧，好多家長 like 呢間學校，有d諗住報嘉福榮真嘅(包括我)都心思思想報呢間，因為佢師資好，同埋上年有18人派去鄧顯。佢張貼數據比較幾間小學嘅師資同上年派位情況，以數字睇，呢兩方面佢好過嘉福榮真，但之前問親人邊間學校好，十個人有九個話嘉福榮真。

不過曾梅千禧個校舍無我想像中咁靚，每層五個課室有兩間無冷氣(因無$$$$)，仲有隔離起緊公屋(好近，可以話一牆之隔)，仲有好多設施未完全裝設好，例如課室預留地方放電腦，但卻未有電腦。

唉，依家諗到個頭有d痛。你地點評價曾梅千禧同嘉福榮真？？或者收到咩料呢？？？

朗媽

hinhei,

你同老公唔係決定咗嘉福榮真？？？？其實曾梅千禧都好多人揀呀。聽人講，若果你第一輪揀曾梅千禧，第二輪甲部第一志願最好揀番佢，因為就算大抽獎抽唔到，去叩門時都表現到你入呢間學校o既誠意。上年有個媽咪第一、二輪揀曾梅千禧，都抽唔中，但叩門成功。呢個媽咪話另一個媽咪第二輪無揀曾梅千禧做第一志願，連後備位都無。

hinhei

朗媽

唉~~~
其實我有係十五十六.......我老公,其實只係比意見,最終話事人始終係我.
我點解會改,原因之前都講過.曾梅起碼無咗班宗教分的小朋友,學位又多啲!咁第一輪抽機會好似大啲!
榮真,除了兄姐在校讀的一班小朋友,還有一班有受洗的小朋友,最後先到我哋呢啲只有大仔分的小朋友........學位又比曾梅少!
同埋最後因為軒學校的老師對榮真的評語都係唔係咁好!

本來諗住選榮真做第一志願,曾梅係第二志願.....因我之前唔係咁清楚派位方法,今日聽完講座先知若跨區在第二輪若不是選第一志願就唔洗諗,機會係等於零!
咁我就諗把曾梅放係第一志願,榮真係乙部先放第一志願.......咁起碼兩間都有機會呀!

我想問宗教分係唔係一定要受洗書呢?因我教會話可以幫我出信証明我係有返教會,係信徒等!唔知咁可唔可以計分呢?

仲有就係我想問若第一輪收咗,咁仲可唔可以到第三輪咁去叩門呢??
因我想若真係咁好彩係第一輪入咗,到最後我都想去榮真叩門試吓.始終我有教會信會有啲機會.........

其實真係好鬼煩!