有無愉城方方家長？

薳然媽媽

家晞媽咪,

家晞又係鐘意提男同學仔既名  , 薳然都係呀 , 即證明佢地好正常, 異性相吸.

家晞媽咪&子俊媽咪,

我之前搵我個僱用agent check機票, 係平d喎, 子俊媽咪, 您要唔要我幫您格吓價呀 ?  您可以pm d 日期&地點我, 我幫您問吓價錢啦.

您地工人續左約後, 有無變左d呀 ?  我個o個就變左嘞, 懶左好多 & 心不在焉, 唔叫唔做, 唔知係咪我大肚問題呢 ?  

之前我未諗或會生完唔做工時, 同佢講過我會請多一個工人, 點知佢提意我請佢個妹, 我心諗我實情都唔係好鐘意佢個妹(好似古惑d), 而我都唔想兩個印印響屋企, 佢地一定會講印尼話, 我唔想我d囡囡變印尼妹, 所以我同佢講話我今之會請賓賓, 之後佢就唔happy啦.  依家成日響屋企歎印尼報紙, 不過我都唔理佢啦, 我返多兩個星期就放產假, 之後有新賓賓黎到, 我地就抄佢架啦.  其實之前老公都唔想同佢續約, 但係我話我有左, 唔可以afford去train一個新工人, 所以先同佢續約咋.  遲吓轉新工人, 又有d驚新o個個唔知好唔好, 都幾煩架.

原文章由 lsw0316 於 07-10-17 01:00 硐表
子俊媽咪,

我都成日聽見家晞提志樂同子文, 未見過佢哋, 因為呢排好懶, 掛住 , 又無湊返學又無湊放學.  睇嚟家晞同啲同學仔熟絡咗, 如果我去湊放學, 可能佢都 ...

lsw0316

薳然媽媽,

其實我開 cheque買校服時都有疑問點解有兩件校褸, 我諗住一件薄啲, 一件厚啲, 不過, 無諗過咁厚啫, 又有諗過唔駛買哂兩件, 不過, 後來又求求其其買哂佢就算, 費事煩, 呢個係我以前做緊嘢, 成日好忙, 覺得唔想嘥時間詳細了解呢啲鎖碎嘢, 喺呢方面, 真係有啲闊佬懶理嘅心態, 我都知要改o架啦 , 尤其是而家唔駛返工, 更加無藉口懶!  我諗住到時如果出年 k1真係轉校先送俾人囉, 環保啲, 都叫做無咁嘥嘛 .

原來妳諗住生咗第二個 BB 就唔做嘢呀, 如果係咁就請一個工人都得, 不過, 請賓賓有賓賓嘅問題, 我試過請一次賓賓, 最後都係要炒咗佢, 請番印印.  印印可能蠢啲, 但始終純品啲, 如果妳話佢都會聽話啲, 無賓賓咁離譜同固執.  通常續咗第二張約嘅工人係會懶啲, 不過家晞係呢個工人由 BB 湊大嘅, 家晞好黐佢, 佢又好鍚家晞, 照顧得佢幾好, 家晞病時我都她放心俾佢照顧.  最近見到啲新聞, 話告唔入嗰啲傷害咗佢哋 BB 嘅工人, 睇咗佢哋 BB 啲相, 見到佢哋咁細個就受到咁大嘅傷害, 都好同情佢哋, 同時自己又覺得好驚, 尤其是以前返咗工, 剩係得 BB 同工人喺屋企, 如果佢哋對 BB 唔好, 或疏忽照顧令BB受傷, 真係幾大件事,  所以, 我惟有同自己講, 佢好好地照顧到家晞就算 OK, 其他家務, 煮飯工夫佢做基本, 我都好 appreciate o架啦.  第時妳有兩個囡囡要湊, 自己睇住會佢哋係好啲同放心啲 , 我好支持妳嘅決定呀

原文章由 薳然媽媽 於 07-10-17 09:01 硐表
家晞媽咪,

我無買到件灰色厚褸呀, 因為諗住讀一年, 實際只係會著得幾個月, 可能又只係著幾次添, 又因daddy&工人會送返學, 工人會湊放學, 若果真係好涷既話, 會比羽絨阿囡著, 之後返學或放學到門日至換紅校褸.

我收 ...

lsw0316

薳然媽媽,

講漏咗兩句, 家晞有時會紥兩條短辮仔, 不過, 家晞頭髮短, 只係紥到兩條細細牛角辮, 有時佢怕痛會唔俾姐姐幫佢紥辮仔o架.  

原文章由 lsw0316 於 07-10-18 14:28 硐表
薳然媽媽,

其實我開 cheque買校服時都有疑問點解有兩件校褸, 我諗住一件薄啲, 一件厚啲, 不過, 無諗過咁厚啫, 又有諗過唔駛買哂兩件, 不過, 後來又求求其其買哂佢就算, 費事煩, 呢個係我以前做緊嘢, 成日好忙, 覺得 ...

薳然媽媽

家晞媽咪,

原來件厚褸好厚架, 重唔重身架 ? 若果重身, 小朋友就會著得好辛苦架.  不過, 其實買左好都既, 涷起上黎可以著住, 唔駛換來換去.

之前舊老闆想搵我幫手半日, 所以一直有打算生咗第二個 BB 就唔做依家呢份工, 轉做半日工, 舊老闆想搞新生意, 依家搵我做緊d feasibility study, 但未落實, 呢幾日同佢傾過, 都唔肯定出年係咪真係開始, 所以我都有d疑慮, 係咪可以成事, 我同老公就梗係想到痺, 始終自己睇小朋友會對小朋友既發展好好多, 我又可以算叫做有份工做, keep住自己, 唔怕第日出返黎工作無哂bargaining power, 不過依家唯有順其自然啦.  真實我好羨慕您地, 可以做全職媽媽, 照顧小寶寶.  奶奶都有叫過我唔好做2年, 不過我&我老公唔係好想, 因為我係好緊張阿囡d人黎架, 怕左自己走火入魔, 所以最好就做半日, 又可以搵d錢, 唔駛吓吓問老公攞.

若果唔成事, 我就要請多一個工人架啦.  未確定我係咪可以轉做半日工之前, 我細b出世&我坐完月返工後, 就要麻煩奶奶過黎睇幾個鐘, 因為工人要湊薳然放學, 到時薳然要改搭校車, 都唔知佢會唔會唔開心, 以為我地生左細妹之後, 疏忽左佢要佢搭校車.  薳然好敏感, 呢兩個星期佢好乖, 不過尋晚我地收到一間幼稚園既面試信, 面試日期啱啱我38周, 我老公食飯時響薳然面前話驚我到時生左, 我就提議不如我聽日打電話去學校問吓若果到時我真係作動生bb, 可唔可以改期面試, 薳然聽到我地咁講, 即刻離開飯枱, 去左sofa, 我幫佢攞碗飯跟住佢去sofa, 諗住由佢響sofa食, 點知佢一野拍我個肚, 都幾大力架, 我相信佢聽到我地講生bb, 佢唔開心.  依家未出世就咁樣, 出左世唔知點 ?

其實屋企個印印一直都ok, 同家晞一樣都係由bb開始湊大薳然, 都算錫薳然, 仲好多時同我爭薳然, 好似以為自己至係薳然阿媽添, 但係同佢續左約之後 & 佢知我有左後, 就好差啦, 我叫佢做野, 佢會頂吓我啦, 又無以前咁衛生, 同埋好似變到唔多識照顧薳然.  以前一向都係我陪薳然瞓覺, 但我有左後, 就比印印陪瞓, 因我驚薳然唔小心踢到我, 點知印印陪佢瞓,陪陪吓, 佢自己瞓埋係薳然隔離瞓著左, 跟住薳然張被就被佢自己蓋住, 薳然瞓著左係無被蓋, 我問佢點解唔幫薳然蓋被, 佢次次都話薳然唔肯蓋, 咁我話薳然未瞓著時幫佢蓋唔到唔緊要, 但瞓著後就要即刻蓋, 叫極都係咁, 薳然9點半會入房瞓, 我地見印印成11點半都無出來, 至發覺原來係咁. 印印陪薳然瞓o個幾個月薳然都會2,3個星期就傷風一次, 有一次仲搞到薳然氣管炎中耳炎, 差d要住醫院, 呢3,4個月我自己情願辛苦d小心d, 都要陪薳然瞓覺, 自己都會安心d.   最近一件事, 真係令我覺得佢有無搞錯,薳然有朝早, 坐住個枕頭, 唔小心柯濕左個枕頭小小&床單, 跟住佢送左薳然返學後, 佢居然返左屋企後唔知做左d咩, 但就無幫薳然換床單 & 枕袋, 到我下午響公司得閒d用眼仔望見到薳然d床單枕頭袋無換到, 但薳然已經響床上瞓緊晏覺, 我後來打比佢問佢點解唔換, 佢居然答我話未夠一個星期, 所以唔換, 我真係嬲到陣, 佢好似發緊夢咁, 以前都無咁樣事情發生, 依家越做得耐, 就變得越蠢.  我老公話佢唔知係咪博炒.

我開頭都覺得賓賓會難d manage, 但係呢期見到d朋友 & 鄰居d賓賓都有文有路, 所以今次轉用賓賓, 希望好彩啦, 請工人真係講彩數架.  我見到家晞個樣, 都覺得您個印印照顧得佢幾好, 有時睇小朋友既面色樣貌會知道照顧佢既人係咪照顧得好.

尋日收到學校通告, 孫中山壽辰學校都放假, 真搞野

原文章由 lsw0316 於 07-10-18 14:28 硐表
薳然媽媽,

其實我開 cheque買校服時都有疑問點解有兩件校褸, 我諗住一件薄啲, 一件厚啲, 不過, 無諗過咁厚啫, 又有諗過唔駛買哂兩件, 不過, 後來又求求其其買哂佢就算, 費事煩, 呢個係我以前做緊嘢, 成日好忙, 覺得 ...

薳然媽媽

家晞媽咪,

係呀, 我o個晚就係紥左兩氣牛角辮仔 , 跟住薳然話我同陳家晞一樣.

會唔會幫家晞留長頭髮呀 ?  薳然以前短頭髮都唔係成日肯比我地幫佢紥辮架, 但係長左呢, 佢就肯.

唔知子俊尋日係咪無返學呢? 我問薳然, 佢話子俊無返學.

原文章由 lsw0316 於 07-10-18 15:14 硐表
薳然媽媽,

講漏咗兩句, 家晞有時會紥兩條短辮仔, 不過, 家晞頭髮短, 只係紥到兩條細細牛角辮, 有時佢怕痛會唔俾姐姐幫佢紥辮仔o架.  

lsw0316

薳然媽媽,

因為我見家晞夏天都幾大汗, 仲會生熱痱o忝, 所以夏天嗰時唔敢同佢留長頭髮, 宜家嚟緊冬天都可以試吓嘅, 不過, 我自己唔識幫家晞紥辮o架, 因為我細個時媽媽都唔俾我留長頭髮, 話好熱同難打理, 所以, 紥辮, 紥髻我係完全唔掂, 全靠工人幫家晞紥辮仔咋, 家晞第一個髮夾, 紥辮仔嘅髮飾都係工人買o架, 其實我都覺得家晞紥咗辮仔得意啲o架, 所以如果佢唔係咁大汗, 我都僧幫佢留長頭髮o架.

原文章由 薳然媽媽 於 07-10-18 15:40 硐表
家晞媽咪,

係呀, 我o個晚就係紥左兩氣牛角辮仔 , 跟住薳然話我同陳家晞一樣.

會唔會幫家晞留長頭髮呀 ?  薳然以前短頭髮都唔係成日肯比我地幫佢紥辮架, 但係長左呢, 佢就肯.

唔知子俊尋日係咪無返學呢? 我問薳 ...

lsw0316

薳然媽媽,

最尾嗰句應該係 "如果佢唔係咁大汗, 我都想幫佢留長頭髮" 個keyboard 無電 short short 哋, 頭先打咗一大篇嘢無咗  , 等我"义"完電再打過.

原文章由 lsw0316 於 07-10-18 17:04 硐表
薳然媽媽,

因為我見家晞夏天都幾大汗, 仲會生熱痱o忝, 所以夏天嗰時唔敢同佢留長頭髮, 宜家嚟緊冬天都可以試吓嘅, 不過, 我自己唔識幫家晞紥辮o架, 因為我細個時媽媽都唔俾我留長頭髮, 話好熱同難打理, 所以, 紥辮, ...

子俊寶寶

HI 薳然媽咪 & 家晞媽咪

好呀, 唔該你幫我問下d機票價錢吖. 真係唔該哂.

係呀, 收到冬天校服, ｄ質地真係好好差呀. 件校樓仲超大件, 要換呀, 條運動褲又爆口, 你地要check清楚呀. 我都係欠1件恤衫, 我都無訂件灰色厚褸, 我係校務處見過超厚呀, 佢又話可以遲d訂, 咪諗住遲d睇下點先.

我工人續左約後, 都有變左呀, 成日講電話又會唔聽我講野, 之後我同佢好認真傾過佢既問題, 之後又好番喇. (其實佢一向都好好, 又好錫子俊, 唔駛叫樣樣都會自動波, 所以我都無管佢點做野).

子俊寶寶

HI 薳然媽咪 & 家晞媽咪,

第9次睇醫生喇 .....子俊又病左, 星期二放學仲好精伶, 訓到半夜開始咳醒, 第二朝咳得仲犀利又流鼻水, 醫生又話係感冒菌引致喉嚨&鼻仔發炎, 星期3,4都無返學. 今日終於好d喇, 先有時間上黎回覆.

子俊寶寶

薳然媽咪,

嘩....你工人咁都得, 柯濕左個枕頭小小&床單都唔換, 仲要比 薳然瞓響床上. , 真係唔得. 問佢仲要話"未夠一個星期, 所以唔換", 咁既態度真係唔要得. 你叫佢試下訓落自己d尿到吖.

見家睎媽咪話個工人幾好都放心d, 因為我見佢工人個look都好後生, 好似唔夠成熟, 仲驚佢無經驗tim.

子俊無返學無通告, 孫中山壽辰係幾時呀?

原文章由 薳然媽媽 於 07-10-18 15:30 硐表
家晞媽咪,

原來件厚褸好厚架, 重唔重身架 ? 若果重身, 小朋友就會著得好辛苦架.  不過, 其實買左好都既, 涷起上黎可以著住, 唔駛換來換去.

之前舊老闆想搵我幫手半日, 所以一直有打算生咗第二個 BB 就唔做依家呢 ...

lsw0316

子俊媽咪,

唔怪得薳然同家晞都話子俊無返學, 初初我都半信半疑, 但係又唔見妳上嚟幾日, 所以我估子俊真係病咗, 小朋友係好容易病未斷尾, 突然又會嚴重咗, 都唔知係之前啲菌唔消, 定係又惹到第二種菌.  最緊要定時食藥同休息多啲加強抵抗力, 子俊就可以自己打低啲菌.  

我個工人都應該有 26 歲o架啦, 我請佢嗰時都知佢無湊初生 bb 嘅經驗, 所以都預由唔識教到識, 我有信心教識佢湊係因為我之前有過相同經驗, 以前湊我二囝初生個工人都係無經驗, 不過, 佢鍾意小朋友, 所以, 二囝出世兩星期佢主動話俾佢自己湊過夜, 唔駛我起身餵夜奶, 又搞得掂喎 , 咁就交咗手俾佢餵夜奶, 甩咗身啦 , 佢又湊得好同埋好錫我二囝, 之後, 佢同一個香港人結咗婚, 喺香港定居, 頭幾年佢都耐唔耐返嚟探我個囝, 帶佢去冒險樂園玩, 有次仲買咗架單車俾我個囝, 架單車都要成 三, 四佰蚊o架,  我話俾番錢佢, 佢又唔要, 我真係唔好意思要o架, 話哂佢揾錢唔多嘛.   其實請工人都係睇彩數, 無樣睇, 無根據嘅.  諗落自己返工, 交哂個屋企俾佢睇住都驚o架, 尤其是我之前要返工, 真係要靠佢自己搞掂, 不過好彩嗰時我媽媽搬嚟我處住咗幾個月幫手睇住個工人我先可以放心啲.  如果我宜家先至生 bb 就唔得啦, 因為我媽媽同爸爸身體都差咗, 我媽媽仲要照顧埋我爸爸o忝.  諗番轉頭都有啲天時, 地利, 人和, 先至掂

原文章由 子俊寶寶 於 07-10-19 09:22 硐表
HI 薳然媽咪 & 家晞媽咪,

第9次睇醫生喇 .....子俊又病左, 星期二放學仲好精伶, 訓到半夜開始咳醒, 第二朝咳得仲犀利又流鼻水, 醫生又話係感冒菌引致喉嚨&鼻仔發炎, 星期3,4都無返學. 今日終於好d喇, 先有時間上 ...

lsw0316

薳然媽媽,

唔知點解我睇漏咗呢個 message 喎 , 見到子俊媽咪答妳我睇翻轉頭先至見到.   我諗件灰色褸都唔會好好人買咗, 得我一個懶人費時煩先會買咋 , 件褸都重o架, 而且, 我諗梁先生專登攞大一至兩個碼, 諗住可以著到畢業, 成 $300 蚊件褸, 一年可能著得幾次, 睇得出佢哋都有心幫家長諗嘅, 橫掂唔知著幾耐, 所以 size 係超大咗啲, 都唔諗住換 lu.   

咁妳個印印又係離譜啲嘅, 唔知詐傻定扮懵, 都好大機會係博炒, 因為佢會覺得第時要同個賓賓一齊做嘢會好蝕底, 因為賓賓識英文, 佢知先生同太太實會覺得賓賓好啲, 唔止唔會少咗嘢做, 到時自己俾人騎住, 實無咁他條.  宜家妳又未係時候炒佢, 真係幾激氣o架喎 .  妳個賓賓幾時到呀?  到時又要睇埋個賓賓掂唔掂先可以落手, 所以都仲有段時間要捱呀! 惟有睇開啲, 唔好激親自己呀!

我都同意妳講法, 有半日工做會好啲, 尤其妳自己都話驚自己太緊張睇住兩個 bb, 返吓半日工, 對妳自己情緒同兩個 bb 都會好啲.  至於, 我自己唔做嘢一段時間係因為我做份工太忙, 我又太緊張啲工作令我唔可以分身/分心睇住自己囝囡嘅功課同安排課外活動.  以前家晞兩個哥哥好似家晞咁嘅年紀都未試過返 playgroup, 而我自己以前亦無時間去聽講坐同 workshop 學吓幼兒教育有啲乜要注意, 而家有時間做呢啲嘢, 都覺得以前忽略咗兩個囝囝, 尤其是二囝, 嗰時做嘢好忙, 仲讀緊 degree, 所有weekend 同長假都係做功課同溫書考試, 有啲後悔俾得太少時間二囝, 所以, 佢宜家啲英文有啲跟唔上, 家晞反而仲會瑯瑯上口.  不過, 後悔都無辨法返轉頭, 惟有宜家俾多啲時間二囝等佢可以追返.   對於家晞,  宜家叫做有啲概念, 識得逐步安排家晞學唔同嘅嘢, 遲吓穩定啲我就會做番嘢.  好同意妳講唔想吓吓要開口問老公攞錢駛, 我都唔慣o架,  因為我之前從未試過唔做嘢, 慣咗經濟獨立, 駛錢唔需要同人交待.

放假通告剩係收到放重陽節假咋喎, 無孫中山壽辰喎, 幾時放呀

原文章由 薳然媽媽 於 07-10-18 15:30 硐表
家晞媽咪,

原來件厚褸好厚架, 重唔重身架 ? 若果重身, 小朋友就會著得好辛苦架.  不過, 其實買左好都既, 涷起上黎可以著住, 唔駛換來換去.

之前舊老闆想搵我幫手半日, 所以一直有打算生咗第二個 BB 就唔做依家呢 ...

meta

您既工人太過份啦？ 妹妹黎埋重得了！宜家好多人請印傭。屋苑內大部份人都用。我唔係偏見，太多印傭可以比佢地溝通到亦唔係好事。但我有次見到 ，一個印傭帶住個小朋友，一路行一路煲電話粥，小朋友留鼻涕:cry: ，係咁點點當抹下就算 ，又繼續講。其實請錯工人都好煩架！好彩我個賓賓又幾好，慶幸了！佢年紀都四十多歲，四個仔都大個，一定要搵錢，用左三年幾都好好。佢可能無生囡，所以好錫我個囡囡囉！！（佢都有兩個細妹係我地家族做架，一個做左七年，一個五年）都係好好！唔知係咪過３５歲會定性呢！
您地回家時，多問下小朋友工人既野（如您同姐姐下午食完飯會做什麼呀！姐姐又做什麼呀？這些問題，您就知一二。如果小朋友講唔出既時侯，工人一定有問題；或者佢唔比小朋友講都唔定，就要小心。有時問清楚，都係因為怕工人係我地唔係屋企時，對小朋友唔好。我地囝囝、囡囡都大，都可慢慢地表達出來既！
佢做得唔好，就要佢做好為止，因佢有人工嘛！無理由比佢話點就點，唔怕佢喎 ！

原文章由 薳然媽媽 於 07-10-17 09:18 AM 硐表
家晞媽咪,

家晞又係鐘意提男同學仔既名  , 薳然都係呀 , 即證明佢地好正常, 異性相吸.

家晞媽咪&子俊媽咪,

我之前搵我個僱用agent check機票, 係平d喎, 子俊媽咪, 您要唔要我幫您格吓價呀 ?  您可以pm d 日 ...

[ 本文章最後由 meta 於 07-10-22 00:09 編輯 ]

薳然媽媽

子俊媽咪，

我幫您ｃｈｅｃｋ吓機票價錢啦，不過請您比一比個大概日期，個價會ｃｈｅｃｋ得實ｄ，係咪去Surabaya呀　？

原來大多數工人都會續完約就變左，我同事個工人續完約之後，居然出街唔鎖門，道門大開，ｃ唔ｃ．好彩無人入屋偷野咋．我之前都有諗過好唔好同工人坐低講吓，但係後尾都無啦，唔知點解唔想同佢講．

子俊好返哂味呀？　薳然星期四放學開始都有ｄ傷風，我地晚上比左幾粒維他命ｃ，但都唔係好ｗｏｒｋ，第２朝＆晚上比左保嬰丹佢食，好彩星期六又無事嘞．不過尋日佢有兩聲有啖咳，比左ｄ化痰粉佢飲　＆整多支保嬰丹，又無野，頭先梁老師打比我，我問佢薳然有無咳，好彩梁老師話無．不過我打比工人，工人又話佢咳，唔知薳然係咪氣管敏感，可能我地住得高空氣薄ｄ，所以佢返到屋企就會易ｄ咳，上次都係咁，同佢落去劉章鴻睇醫生就一聲咳都無，返到屋企就有開始咳．

子俊媽咪　＆　家晞媽咪，

有時ｄ工人無小朋友可能仲會有心機湊得好過有小朋友既工人，我有幾個朋友＆親戚都係請ｄ無小朋友既賓賓＆印印，佢地會投入ｄ聽話ｄ，不過開頭可能要跟得貼Ｄ．我ｏ個個印印有一個１２歲既囝囝，由ｄａｙ　１　我覺得佢唔係太投入，佢唔肯同我地一齊同枱食飯，一齊出街食飯行街好似誓願咁，又唔食野，搞到我地唔好意思再同佢出街，因為我地除左要照顧自己個囡之後，仲要招呼埋佢，有次我帶佢＆薳然同ｄ同事食ｌｕｎｃｈ，佢淨係識得攬實薳然，就咩都唔駛郁，跟住我就要服侍佢食飯嘞，ｄ同事見到都頂佢唔順．

孫中山係１１月１２日呀，ｏ個日唔駛返學．
家晞媽咪，

您遲ｄ會返番工？　會唔會好唔捨得家晞呀？
我依家放完長假要返工，都好唔捨得薳然架，薳然都好唔捨得我，逢星期五晚我陪薳然瞓覺時都會話佢聽明天媽咪唔駛返工，佢唔駛返學媽咪會帶佢返芭蕾舞班，佢會好開心，跟住星期六晚就會自動自覺同我講話no need to go to school或no need to go to work呀，跟住星期日晚又會再講．今朝佢見我換衫返工，即刻問我媽咪唔駛返工呀？我話媽咪要返工，佢即刻喊左出黎，要我攬佢一陣錫吓佢，女仔真係爹ｄ架．
雖然您之前忽略左二囝，但我見您之前都話佢好錫家晞，所以我諗對佢影響唔係咁大，男仔獨立ｄ，有時小小既忽略可能令佢地更自立，將來更懂得照顧別人．

薳然媽媽

Meta,

您地都覺得我個印印好過份，不過直至依家，我有時都驚炒左依家個印印好似好衰咁，唉，有時諗返起，會成日問自己係咪佢蠢，係無心，佢變了還是自己懷孕變了，不過講真佢之前真係唔係咁架．您都講得啱，有時比佢地溝通到真係唔係好事，好次有兩次我湊囡囡放學，佢落去排隊先，我響遠處就見佢同埋成班鄉里一齊傾，傾到興高彩烈，佢響屋企唔係咁架．佢話我聽佢要１１點２０分落到去排隊，因為好長龍，換言之咁佢就唔駛響屋企點做野啦，又可以同人傾計，不過我都唔同佢計較呢ｄ，我都由得佢．

其實請工人請係講彩數，有ｄ人話印印好，有ｄ人話賓賓好，不過整體黎講印印就聽話ｄ，不過就收歲ｄ，賓賓就主觀ｄ直接ｄ，都無話邊個國藉會一定好ｄ，查實我覺得最重要都要夾返主人既性格．係呢，我見多數由賓賓帶既小朋友會小ｄ病痛，唔知係唔係呢？　我朋友個囡囡就黎到３歲，只係病過３次咋，佢個賓賓好掂．

原文章由 meta 於 07-10-21 23:28 硐表
您既工人太過份啦？ 妹妹黎埋重得了！宜家好多人請印傭。屋苑內大部份人都用。我唔係偏見，太多印傭可以比佢地溝通到亦唔係好事。但我有次見到 ，一個印傭帶住個小朋友，一路行一路煲電話粥，小朋友留鼻涕:cry: ，係 ...

薳然媽媽

家晞媽咪，

薳然今日話家晞無返學呀，我問點解，佢話家晞唔舒服，我問左佢兩次，佢都咁樣答，可能我好認真又緊張，我再問佢第三次，佢就唔答我，薳然好敏感，可能佢覺得我好緊張家晞，之後佢有ｄ發我皮氣．家晞無咩事麻？

上星期四，薳然攞左幾本書上餐枱，跟住話自己係卓琪，叫ｄａｄｄｙ坐埋餐枱話ｄａｄｄｙ係衛和希，媽咪（我）係家晞，話大家一齊睇書書啦，有時ｄａｄｄｙ望住個電視，佢就話衛和希唔好睇電視啦，睇書書啦，真係比佢笑ｃ ．ｏ個幾日佢都話自己係卓琪．ｄａｄｄｙ揸車同佢出街，佢又話衛和希drive the car, ｄａｄｄｙ擰轉頭望佢，佢又話衛和希turn back and look at me, 真搞笑．

lsw0316

薳然媽媽, 子俊媽咪,

今日到家晞打敗仗啦!  家晞上兩個星期病完, 醫生話仲有少少咳同痰可以唔駛覆診, 等佢咳清就 ok, 過咗一個星期係好咗, 少咗咳, 久不久有兩聲, 我已經成日煲湯等佢潤吓, 不過始終未斷尾, 跟住星期六晚有微微燒 37.5 度, 同埋把聲沙沙哋, 所以, 星期日朝去咗睇醫生, 好彩無喉嚨發炎, 醫生解釋係佢上次咳完康復初期, 喉嚨裡面嘅表皮仲未完全好番,  而且, 家晞氣管比較敏感, 呢幾日天氣乾燥, 所以, 受咗刺激又起咗好多痰, 如果咁啱有細菌感染就會發炎添o架!  希望唔好啦, 不過, 食咗藥之後, 今晚又有少少燒, 把聲都係沙沙哋兼夾唔想食嘢, 連麵包都唔食, 真係好少有o架, 因為家晞好鍾意食嘢, 又好似我咁鍾意食麵包.  睇怕聽日要再睇醫生唔返得學住, 今日梁先生都有打俾我, 叫我俾佢著對長啲嘅襪, 同埋加條短單車褲, 保暖啲.   

薳然媽媽, 如果妳都覺薳然喺唔同地方, 咳嗽反應唔同, 可以留意吓關唔關空氣濕度, 或者, 有無其他地毯, 毛公仔, 隔塵網等等刺激到薳然嘅氣管.  醫生話家晞因為氣管敏感, 最好可以喺屋企控制好濕度穩定啲, 好似呢幾日空氣乾, 就要用放濕機.  我之前覺得呢啲機無乜用, 宜家要買啦.    不過, 下次妳都可以問清楚醫生, 薳然屬唔屬於氣管敏感, 家晞個醫生一早已經話佢喉嚨同鼻都比較敏感o架啦, 我兩個囝囝都有咁情況, 所以, 我聽見醫生咁講都唔意外, 因為, 三個都係我生, 好公平!

原文章由 薳然媽媽 於 07-10-22 16:43 硐表
子俊媽咪，

我幫您ｃｈｅｃｋ吓機票價錢啦，不過請您比一比個大概日期，個價會ｃｈｅｃｋ得實ｄ，係咪去Surabaya呀　？

原來大多數工人都會續完約就變左，我同事個工人續完約之後，居然出街唔鎖門，道門大開，ｃ唔ｃ．好彩無人入屋偷野咋．我之前都有諗過好唔好同 ...

lsw0316

薳然媽媽,

我諗我哋頭先一齊打緊 message, 我 send 出之後就見到妳呢個 message 啦.  薳然玩角色扮演好投入, 好得意呀!   由此可見, 佢哋真係好回味學校生活嘅點滴, 係好好嘅反應嚟o架!  佢哋咁鍾意返學, 不枉媽媽一片苦心幫佢哋揾間最適合佢哋嘅學校, 我哋大家都成功咗啦, 值得恭喜   

原文章由 薳然媽媽 於 07-10-22 23:33 硐表
家晞媽咪，

薳然今日話家晞無返學呀，我問點解，佢話家晞唔舒服，我問左佢兩次，佢都咁樣答，可能我好認真又緊張，我再問佢第三次，佢就唔答我，薳然好敏感，可能佢覺得我好緊張家晞，之後佢有ｄ發我皮氣．家晞無咩事麻？

上星期四，薳然攞左幾本 ...

薳然媽媽

家晞媽咪,

家晞有d痰清唔哂, 您有無試過川貝燉雪梨(一個去哂皮&心既雪梨, 加一匙磨粹左既川貝, 加一碗水, 燉一個半鐘)呀 ?  上回薳然又係有d痰清唔哂, 食左兩日化痰粉都唔清得哂, 咁薳然跳芭蕾舞既同學仔媽咪教我川貝燉雪梨, 我比左佢飲一次, 就清哂啦.  

若果家晞有小小發燒, 唔好著襪仔呀, 好難散熱架.  希望家晞快d好返, 快d好返, 千其唔好發燒.

您講得都好啱呀, 薳然響我地房同落街街就無咩咳, 但一響廳&自己房就咳, 可能真係濕度問題.  廳係乾d架, 等我返屋企同老公商量吓 好唔好整部放濕機先.

原來您三個小朋友都有小小敏感, 真係要小心處理, 您或老公係咪本身都有鼻敏感架 ?  可能遺傳左比小朋友都唔定.  薳然初出世幾個月, 有幾次病左, 醫生都有懷疑薳然可能有鼻敏感, 叫我地買部空氣清新機放響屋企, 用左一輪, 好似好d.  

梁老師尋日打比我話薳然呢排返學好乖, 其實我都覺得佢響屋企都乖左, 無之前咁野蠻, 不過佢係唔讚得架, 我尋晚話佢聽梁老師話佢好乖, 佢轉過頭又發小小皮氣, 今朝都有.  佢真係好小器架.

因我地有考慮好唔好比薳胎遲d返延展到3:00pm或轉全日班, 尋日問過梁老師, 佢話n班延展到3:00pm, 只係食完飯玩吓咁, 因佢地無得做功課, 轉全日班對n班小朋友會好d, 全日班有得瞓吓晏覺, 小朋友又會學得獨立好多 & 依家薳然o個有幾個同學仔都係讀緊全日班.  我地會睇吓細妹出世後咩情況, 我份工咩情況 & 新工人咩情況, 遲d決定比唔比薳然讀全日班.  係呢, 若果您遲d會返工, 會唔會比家晞轉全日班或延展到3:00pm呀 ?  

原文章由 lsw0316 於 07-10-23 00:08 硐表
薳然媽媽, 子俊媽咪,

今日到家晞打敗仗啦!  家晞上兩個星期病完, 醫生話仲有少少咳同痰可以唔駛覆診, 等佢咳清就 ok, 過咗一個星期係好咗, 少咗咳, 久不久有兩聲, 我已經成日煲湯等佢潤吓, 不過始終未斷尾, 跟住星 ...

[ 本文章最後由 薳然媽媽 於 07-10-23 09:18 編輯 ]

子俊寶寶

薳然媽咪,

我工人係11月尾走, 12月中返. 大概日期係22/11走, 13/12返(可以改任何曰字). Fm HK to Surabaya. 可以接受轉機(2-3hrs), 但不要係機場overnight.

真係唔該哂.

原文章由 薳然媽媽 於 07-10-22 16:43 硐表
子俊媽咪，

我幫您ｃｈｅｃｋ吓機票價錢啦，不過請您比一比個大概日期，個價會ｃｈｅｃｋ得實ｄ，係咪去Surabaya呀　？

原來大多數工人都會續完約就變左，我同事個工人續完約之後，居然出街唔鎖門，道門大開，ｃ唔ｃ．好彩無人入屋偷野咋．我之前都有諗過好唔好同 ...