跟自己的孩子疏遠了？不明白他們的想法？進來分享一下吧！

jackie1986

可能我講得唔清楚...

每個父母當然係想子女孝順父母,
我都想我仔仔將來大個都好錫我
只係,小朋友未必會識諗識生性,
可能會學壞,返學會生事...(當然,有d小朋友好識諗)
但父母要知道,會有呢d唔好既可能性的存在
我所講既" 4) 但,父母唔應該覺得小朋友孝敬父母係必然既..."
係咁既意思~但絕對唔係鼓吹子女唔尊重父母!

我覺得睇住自己既小朋友長大,會對住我笑,會喊,已經係原動力了
而對自己的回報係bonus
當然,我會好好比心機教導佢,做有用既人,教佢愛錫父母,教佢愛鍚身邊既事物
或者,我未必做得到,但我會盡力

el1008 寫道:
jackie 1986,

對你嘅睇法,我有以下回應 :

1) 父母有責任照顧自己既小朋友
2) 小朋友係有權利向父母撒嬌,接受父母既愛
3) 小朋友亦要有責任孝敬父母
4) 但,父母唔應該覺得小朋友孝敬父母係必然既...

第1,3點我絕對同意, 但如果第4點成立的話,第2點就不能成立,凡事有義務才有權利, 如果你認為父母唔應該覺得小朋友孝敬父母係必然既, 咁小朋友就唔係一定有權利向父母撒嬌,接受父母既愛.

為什麼只要對方有責任付出, 而自己就不希望對方有要求, 第4點係父母嘅原動力, 亦是父母的人生目標, 如果我同你講無論你怎樣做, 你的父母都不一定會關心你, 你估你會變成點?

jackie1986

想補充多一點點:

若果父母知道孩子將來不會有所回報,
咁父母仲會唔會愛錫自己既子女,供養照顧佢地呢?
我相信父母仍然都係會咁愛佢地既孩子,
仲會更比心機教好佢地!

我希望孩子會孝敬父母,長大後會關心父母,
但係唔會期望孩子一定會咁樣做....
即係我買六合彩當然想中獎啦,但我唔會期望中獎咁既意思

Angel^v^

jackie1986

即係我買六合彩當然想中獎啦,但我唔會期望中獎咁既意思

唔中又再買   生得唔好又再生過囉   
我唔會睇仔女將來的回報，只要多d陪陪我心中有我就夠      二個就夠晒數

momodog1990

我覺得只是jackie 1986的用詞不是太合適吧
與其說
「小朋友係有權利向父母撒嬌,接受父母既愛 」
不如咁講
「作為父母，應該享受子女對自己撒嬌，樂於付出無盡的愛」

畢竟父母跟只女的關係不是等價交換
不應牽涉到「權利與義務」
也就是我一直堅持的
【家就是我們可以最不計較，不用找天秤事事秤的地方】