九龍禮賢幼稚園K3家長請進！

penpen

renren,
hehee..., 我都係響BK留意下人點講, 又覺得近屋企所以諗住試下架咋~~  

penpen

bosze,
唔洗客氣!!  我今次整左唔係好多咋~~  
算俾面你地架喇~ 老師都係得2粒架咋~當小食多知味啦~ 其實今次係落多左糖架!!   
其實甜品我麻麻架咋~ 當初買個焗爐都係因為妹豬同爸爸鍾意食, 所以先......
仲有多得dan生同生生咁刷得, 如果唔係上次你地上完黎, 我跟住真係要連打3日邊爐喇~    
佢係衰在唔飲得姐~~      :  :

朱古力

penpen,
有呀，好味道呀！一睇就知係你送既，我都無問塱生呀！
你整蛋糕就益左我呀！ 因為塱生唔食架．

講你地知呀∼真係激氣到爆呀！塱生打比我話好對唔住，
我知緊係又唔知攪乜啦！唉！原來佢整花左個眼鏡，
仲要係用鉸剪尊登整添，佢話唔知會有咁既後果喎！
呢副係上次嘉琳生日岩岩配咋，真係要同眼鏡舖打工先得啦！       

penpen

朱古力,
原來生生唔食旦糕架!!  
好似浩然咁, 唔係咁好, 但bosze話我知連浩然都話好味, 開心c我    
塱生第幾副眼鏡呀??  :cry:  我諗妳要同佢講清楚d先得喇~~ :cry:  :cry:
呢件事令我諗起妹豬第一次用蠟筆果時, 俾左張紙佢,我同佢講唔可以劃l牆, 跟住入左廚房整野, 點知出來發覺可能佢嫌張紙細啦~ 佢冇劃牆, 但係劃左地下    俾佢吹漲!! 好在都係只此一次   

朱古力

塱生由k1下學期開始配眼鏡，前前後後眼鏡框６副，鏡片６－７副，佢帶左眼鏡兩年，已經配左幾千蚊眼鏡，你話我激唔激氣呀，之前幾次都無得好講，因為唔小心整爛，但今次我真係好嬲．
返到屋企我要佢

penpen

朱古力,
係呀!! 真係冇辦法, 唔好嬲喇~~ c好多細胞架!! 我記得我2年級開始戴眼鏡時都時常會整爛架!!  唔知我阿媽果時有幾嬲呢?!   不過最好笑(唔好怪我呀!! hehe...)妳話爸爸冇啤酒飲, 咁爸爸未唔可以俾佢見到佢飲酒囉~~  

penpen

朱古力, bosze,
我今日觀課, 真係好開心,
不過最好笑係老師每當要小朋友全班集合時,妹豬便會幫塱生擔定櫈, 留座!!    
浩然既女朋友仔都一樣   

penpen

妹豬有兩張相post左響disney個website度,
可以click here
選第5個page睇下~    

littleeva

朱古力

我仔(老公都係)試過配d 有保養包換 (1 年)  的眼鏡.
真係幾抵嫁.  對鏡片花左都有得換嫁.  細路仔係咁上下嫁啦. 我仔都配左幾副嫁啦.


您試下買果d 包換眼鏡.  貴少少不過都化算. (因為1年內實換)

朱古力

littleeva,

我未聽過喎~有無資料比我呀,thanks!
前日驗完眼帶左佢去配,又唔見480啦!   
呢副係第8副啦!除番2年,平均三個月換一副呀!

littleeva

朱古力


我配開間係咁 :

有次我選左款眼鏡比仔仔. 點知 都幾貴.  原來係有保換 一年.

我估隻隻牌子不同.  而家再配 .我會問下有邊隻款係 有 做保換 . 咁我會從中選 .  其實都係貴 多 200 左右.   
您買d 可以 比預左比細路仔掘得果d啦.  價錢應該around 600 - 800  咁上下. 我仔可以帶到 1 年.   平均都算化算.

我仔 k1 第一副 掘到不似型.  <s型.>  回來問他. 他話上堂時都當副眼鏡是"面"包.係咁掘.  (幸好現在佢大個左 , 唔會再係咁. 否則        )

littleeva

我想問下您地小朋友開始換牙未 ?

我仔出左 2 隻. 現在想買個乳齒盒.  不知道那裡有得買 ?

請問大家知嗎 ?

朱古力

littleeva,
我囝囝未呀！不過我已經比晒心理預備佢．

"乳齒盒"聽人講KINJI店有得賣，不過都幾貴，純銀的，有熊仔、天使、兔仔可供選擇，於IFC一期、又一城、半島酒店地庫、洲際酒店地下、利園二期、SOGO-B1都有分店．

朱古力

話你地知呀！琴日同塱生去取眼鏡，返屋企時我問佢：

littleeva

朱古力

多謝您的資料. 希望不要太貴.

我仔是先出了恆齒  (其中一隻還斜出)  要去醫生度脫.  幸好不是太痛.

TKS

penpen

bosze,
今日見到dan生, 佢觀課都見到幾對孖公仔喇~~
妳囝囝好乖, 今日接放學後一齊行過去又一城, 佢見到妹豬食朱古力百力支都冇話過要食, good boy!!  
佢地今日父子裝好搞笑~ (兩個一齊戴口罩)

littleeva,
haha~~ 我之前見到bk有得買已經買定左咯~~ 不過我妹豬就未開始換牙!!
希望你都會買到啦~~    
星期五見啦~~

朱古力,
妹豬已經爆左料同生生講, 佢生日果日會有野送俾佢, 我諗緊唔知佢忍唔忍到到果日先揭曉係咩黎?!      

朱古力

penpen,
我無漏口風比塱生知，反而妹豬忍唔住   

bosze,
今朝送塱生上校車見到樂心媽咪，剛才問塱生有ｄ咩人去觀課，佢初初話浩然媽咪，跟住話唔係，應該係浩然爸爸，佢仲問我知唔知浩然爸爸係咩老師，我話邵老師咯！佢話唔係，係龍老師，我話〝聾〞老師，咁你地班小朋友係咪笑左好耐呢？佢話係呀！笑死人呀   

penpen

朱古力,
佢都唔係漏口風既~  我諗佢係因為可以送野俾塱生開心得滯, heheee

penpen

朱古力,
曜媽昨天觀課, 放學時話我知昨天老師同佢地玩時, 塱生出去邀請partner, 妹豬係咁指住自己, 跟住塱生冇揀到佢, 佢偏晒咀, 冇晒心機, 直至x謙揀左佢, 佢就冇野, 我一路冇提件事,...我諗住佢冇野啦~ 真至同佢洗白白果陣, 佢忽然間好唔開心咁問我點解塱生唔揀佢, 淨係揀x楠做partner ?!  問塱生係唔係唔鍾意佢,跟住我就同佢講, "x謙揀左妳啦~" x謙媽咪同我講過x謙由幼班都已經鍾意佢喇~  一班咁多同學, 大家都可以做好朋友嘛~  大家都要同下其他同學玩,跟住佢自己就講, 係喎! 佢都有同X謙班撞來撞去, 都好開心, 跟住佢就冇事咯~    
今朝食早餐我地仲響度笑緊, 昨日發傻打俾妳, 問妳坐邊架車?!  點知到放學時我仲同朗媽又響度研究緊, 我地間屋幾家人, 同台唔同車, 同車唔同台, 傻朗媽仲響度講話妳係A車, 我話, 下?! 佢仲唔知, 我話下?! A車, 跟住兩條友響度勁笑   

朱古力

penpen & bosze,
真係唔好意思啦！:cry: :cry: :cry:
琴日天氣唔好，又無得BBQ，屋企又無野玩，最失敗係塱生唔知仲乜，大皮氣到咁   ，唉！真係好耐疚呀！搵日要請你地食飯補數先得啦！