有關和小兒在學習和打機及電子媒體使用上的時間爭議

S-Kwok

dlam141231 發表於 19-10-25 13:27
我可以接受個子買虛擬世界既物品.

我仔自幼品學兼優, 親子關係一直很好, 他最近拍拖才一個多月, 笑眯眯 ...

點解你會接受到買虛擬世界嘅物品？

S-Kwok

little_yolky 發表於 19-10-25 13:36
了解下D game點運作丫嘛

其實... 暫時我覺得無咩關係。

little_yolky

S-Kwok 發表於 19-10-25 13:54
其實... 暫時我覺得無咩關係。

無關係咩我諗住都係apps啫，要認識如何呃玩家錢，咁緊係要先被呃丫嘛欲練神功，必先自宮

MrBeast

S-Kwok 發表於 19-10-25 08:54
想喺度借個位問大家意見：

我仔最近自己偷偷地攞咗$1000叫同學幫佢買google play card, 然後諗住貨金喺gam ...

要consider 左你們關係和處事方法，小朋友小時我好firm的，所以大左反而一些唔係咁重要的事情我可以flexible 咁處理。至於你的問題，通常法例都有grey area, 點執行任你up，雖然是誠信有關，但我覺得又未到死罪，不過要佢生不如死。首先當然心平氣和地話失望和令你唔開心，二，佢要講出三個唔poon 佢死罪的理由，活罪難搖，將功補過，例如停玩一個月和all privilege removed，將時間用來溫習，平均分要提升，有玩體藝就要練多d，又或者community service，屋企洗馬桶，etc etc.

dlam141231

S-Kwok 發表於 19-10-25 13:52
點解你會接受到買虛擬世界嘅物品？

我老公曾做多年投行, 在我看來, 一切都是非常虛擬.  我兒在美, data science方面發展, 也是很虛擬.  我是小女人一個, 從來搞不清這些數字符號, 但世界真是在變, 要接受.

S-Kwok

dlam141231 發表於 19-10-25 14:09
我老公曾做多年投行, 在我看來, 一切都是非常虛擬.  我兒在美, 現在讀master, 志在data science方面發展,  ...

世界在變... ...以前我地睇戲就要買實體影碟，依家我地可以上網買，實體嘅物品好多已經唔存在。 所以，我亦有問過自己，依家佢想買嘅虛擬人物，其實就好似我地細時要父母買玩具咁，只係玩具出現嘅形式唔同，係咪有需要咁抗拒佢買虛擬物品呢？  

唉！我好似精神分裂咁，呢一步未知點行。  自覺呢步係重要，所以真係要三思。

Diversifyedu

回覆 S-Kwok 的帖子

六年級仲係可控制範圍, 慶幸你及早預到.

我覺得先要分開兩件事去處理: 規則同價值觀:

1) 規則: 如之前已定下幾時可以玩, 幾時有額外時間等等. 佢今次接受罰停打機, 就照規則停打, 因我覺得佢係有去遵守承諾, 之後新規則可以再商議, 相互尊重

2) 價值觀: $1000我會等佢買, 亦會一齊定下下次最高金額係幾多. 之後要多關心幾時有新裝新角, 再重提早知唔買住喇之類論調, 慢慢潛移默化價值觀.

緊記佢之後一定會有重複犯錯時候, 唔好一下打沉佢就同佢講話咗你啦, 唔再信你之類說話, 盡量重提佢之前堅持守規則嘅努力, 增加佢信心可以克服引誘.

但當然如果持續不停犯同樣錯誤, 就要深入了解重整策略.

S-Kwok

MrBeast 發表於 19-10-25 14:07
要consider 左你們關係和處事方法，小朋友小時我好firm的，所以大左反而一些唔係咁重要的事情我可以flexibl ...

我對仔講，我今次係罰我事先張揚嘅規則， 至於偷偷地叫同學幫佢買卡課金，我亦有講明念在佢最後有誠實，我今次唔罰，因為我怕佢以後有事唔敢同我講。

MrBeast

S-Kwok 發表於 19-10-25 10:28
佢覺得同學可以自由打機，可以貨金，我地對佢係限制佢，只有星期六、日可以打30鐘機，又限制佢唔可以貨金， ...

its an interesting question.  若是打波要買一塊好d的球拍，或好d的樂器，點解大部分家長又唔覺有問題，身邊仲有d三姑六婆話乜乜必須利其器。我一早就同小朋友分享我自己的故事，有次和朋友打波，咁啱之前佢塊拍爛左，但一樣打贏我，當時真的冇面見人，所以凡事小朋友都要盡最大努力先，唔好all c 唔出賴地硬。個question 問番你公子是：買左勁character 都輸咪仲比人笑得金，到時佢又點？

Diversifyedu

S-Kwok 發表於 19-10-25 14:20
世界在變... ...以前我地睇戲就要買實體影碟，依家我地可以上網買，實體嘅物品好多已經唔存在。 所以，我 ...

EXACTLY, 正如有人鍾情投資磚頭唔買股票一樣, 無價值時變廢紙一張(雖然依家紙都唔係, 得號碼一堆), 唔實在.

MrBeast

S-Kwok 發表於 19-10-25 14:20
世界在變... ...以前我地睇戲就要買實體影碟，依家我地可以上網買，實體嘅物品好多已經唔存在。 所以，我 ...

有硏究話自控能力是決定將來成功與否的最大因素

Yanamami

S-Kwok 發表於 19-10-25 13:24
阿仔已經六年級，嗰啲課金升LV不停出新裝呢啲道理我都已經提過，你意思係等佢買，買咗知道、感受過公司不 ...

呢样野我女幼稚園已試过……行年宵要買公主汽球，我話睇多陣先死都唔肯，買左，再行入去幾圈有更靚既，後悔死佢，所以佢会記得｡若1000買到一世人都記得既教訓都值吖~学樂器都幾百蚊－堂啦！當交两堂学費会唔会好过d? 同佢講明無得無底深潭不断買去upgrade㗎~

S-Kwok

MrBeast 發表於 19-10-25 14:39
有硏究話自控能力是決定將來成功與否的最大因素

係 所以我好緊張佢嘅自制能力。我話點解我明言後果你都唔控制下自己嘅慾望。
我舉咗陳同佳做例子，一時衝動，一時嘅慾望可以犯下嘅大錯

little_yolky

Yanamami 發表於 19-10-25 15:01
呢样野我女幼稚園已試过……行年宵要買公主汽球，我話睇多陣先死都唔肯，買左，再行入去幾圈有更靚既，後悔 ...

我阿大都試過，不過佢係想行多陣睇下有無好D，點知無，返轉頭賣晒

little_yolky

S-Kwok 發表於 19-10-25 15:07
係 所以我好緊張佢嘅自制能力。我話點解我明言後果你都唔控制下自己嘅慾望。
我舉咗陳同佳做例子，一時衝 ...

我阿細都係咁，我一定罰！不過罰佢都唔驚的，只會下次諗辦法隱瞞得好D

little_yolky

Diversifyedu 發表於 19-10-25 14:26
回覆 S-Kwok 的帖子

六年級仲係可控制範圍, 慶幸你及早預到.

//唔好一下打沉佢就同佢講話咗你啦, 唔再信你之類說話//

我仲會外加一句：抵死

Danielhk

S-Kwok 發表於 19-10-25 08:54
想喺度借個位問大家意見：

我仔最近自己偷偷地攞咗$1000叫同學幫佢買google play card, 然後諗住貨金喺gam ...

我兒子小六發生過一次，偷取過更多現金。
我知道后近乎瘋狂，都想報警，把他拉走。

後來才逐漸瞭解到，是他偏執，固執的性格導致。

事後懲罰，於事無補。我當時要求他必須還我錢。

那段時間我們恰好試行考試獎勵，他自己考試獎勵全用來還那筆錢了。

現在我們廢除了現金獎勵。改用積分。每天情緒管理5分，功課5分，22:30分前入睡5分。

一周105分。 15個積分，周末可以玩半小時游戲。

每天入睡5分，始終拿不到。默書如果滿分，可以獎勵5分。
我兒子周末兩天打機時間在2+2小時以内。

如果他想打機更久，就要協商。逼他在其他事情上讓步。

Diversifyedu

Yanamami 發表於 19-10-25 15:01
呢样野我女幼稚園已試过……行年宵要買公主汽球，我話睇多陣先死都唔肯，買左，再行入去幾圈有更靚既，後悔 ...

認同, 人總係從錯誤中學習成長, 越細可犯嘅錯結果就越輕, 所以家長唔好怕比小朋友犯錯就隔絕所有引誘.

Diversifyedu

回覆 little_yolky 的帖子

其實抵死真係好HURT, 將心比己, 你傷心失意時想得到C6安慰定同你講抵死

little_yolky

Diversifyedu 發表於 19-10-25 17:11
回覆 little_yolky 的帖子

其實抵死真係好HURT, 將心比己, 你傷心失意時想得到C6安慰定同你講抵死 ...

因為我細個阿媽成日係咁講，習慣咗

BTW，我從來無響C6面前表現過傷心失意喔。