九龍禮賢幼稚園K3家長請進！

penpen

妳打電話問下司機啦~~ 92340633 鄺生

mavisng2003 寫道:
各位禮賢嘅媽咪,

唔好意思, 想打搞你們一下, 有啲嘢想請教你們. 我個小朋友會喺07年9月讀禮賢K1嘅上午班, 而我係住馬鞍山, 我想請問如果搭校車由馬鞍山去禮賢大約要幾耐呢?  大概邊啲屋苑會有站呢? 要幾點上車? 如果搬去大圍會省回多少時間呢? 麻煩哂各位!

朱古力

mavisng2003,

我囝囝係翠擁華庭上車，時間係８：０５分，如果搬去大圍我諗時間都唔係差好遠，應該 ８：１５－２０左右，一定唔會遲過８：３０，因為沙田區既學生唔多．

mavisng2003

朱古力, penpen,

唔該哂你地呀! 我住聽濤雅苑, 亞囡可以讀禮賢我真係好開心, 但又好擔心搭校車嘅問題, 驚路程遠要搭好耐, 所以諗要唔要搬去大圍, 以為會近啲, 可以慳番啲時間, 而家睇完你地嘅意見, 我諗真係要再諗清楚先. 無論如何, 真係多謝哂你地嘅回應呀!

朱古力

mavisng2003,

原來你住聽濤雅苑，現在都有小朋友係呢個站上車，我囝囝上完車再過去聽濤雅苑，所以我諗你應該８：１０分左右上車，不過明年就唔知係咪呢個鐘數，但應該唔會相差太遠．

mavisng2003

朱古力,

真係好多謝你, 為咗亞囡搭校車返學嘅問題, 我真係覺得好頭痛,  好彩有你解答我嘅疑問, 而家我都大約知個情況係點, 麻煩哂你呀!

husbandwife

hello all,
my child would apply for kinder coming year.  can anyone tell me Rhenish has:
1 native english teacher (how many lessons/week)
2 putonghua (how many lessons/week)
3 how much school fee (can i apply for government voucher??)
4 when to apply k1 and when to interview and when will know the result??
5 can admit to P.1 directly?? (for rhenish primary school?)
thanks a lot

penpen

朱古力,
生生喜歡那些朱古力嗎??
係妹豬自己揀的, 買左返屋企再自己包裝架!!
仲有妹豬今日專登等生生架車到送俾佢再一齊上課室架!!
不過生生當時收到好似冇咩反應, 我知道佢係未訓醒先咁!!
但妹豬送左俾佢已經好開心了~~ heheee....   

另外, 今朝妹豬取了兩粒almond朱古力返去食, 話一粒自己, 一粒請生生食, 返到來又話另外有兩個同學要, 明天要帶返去俾佢地, 佢現在有咩第一時間都想起生生, 今朝仲問我可唔可以同生生講佢鍾意佢, 第時要同佢結婚, 笑c我, 我同佢講大家都係好同學好朋友

朱古力

penpen,

收到啦！佢仲話要返黎問過我先食得添，多謝晒呀！
妹豬真係攪笑，佢對塱生咁好，攪到塱生仲以為好叻添！
今日塱生都會回禮，小小意思，我同塱生一齊攪架，
不過我做多Ｄ   

想問你一個問題，如果畢業營之後開生日會，
你地讚唔讚成呢？因為塱生２９號生日係星期四，
我未決定，我老公就話一係去麥記，一係返屋企ＢＢＱ，
你地覺得呢？   

penpen

朱古力,
包得好靚呀!! 妹豬好開心到一放學就話俾我知即刻拆, 糖就同延耀朗朗分享左, 星星自己留番, 本應朗朗想要架~  hehee...

我諗我地3個大人應該會鍾意攪妳屋企多d, heheee...
但始終問番生生自己既意願啦~~ 妳話係唔係?!

dns

朱古力，penpen：

好耐無上黎啦！你們的小朋友係咪入番禮賢小學呢？
我好頭痛！大女係禮幼Ｋ１幼愛，但今年細仔要waiting list，
我巳經寫左兩封信比園長都同園長當面傾過啦！
今年仲要cut每班36人為30人一班喎！
園長話好蚊水！我仲可以做Ｄ咩呢？
要寫幾多封才有成意呢？二月頭我都收吾到通知！
吾知係咪凍過水！     

朱古力

dns,

我唔會讀禮小，因為負擔唔起呀！而penpen已經第一輪派到位啦！其實你同園長講左，我諗佢會盡量安排，希望細仔成功入到啦！

朱古力

penpen,

原本想買扎細細地既花送比妹豬架，不過無時間去買，又怕比塱生整到爛晒都未送到比妹豬，所以送糖咯！星星塱生都有幫手整架，不過佢捲捲下就捲到錯晒，要我幫佢攪番掂．

聽你咁講就去我屋企啦！睇天氣如何，如果好天就BBQ，天氣唔好就叫外賣啦！

husbandwife

can anyone answer my question?  pls help thanks a lot

朱古力

husbandwife,
1. 一位外國長大既英文老師（不懂中文），課堂不斷改進緊，所以我都唔知k1現在幾多堂，我估一，三，五咁啩．
2. 普通話又係一樣，因為我囝囝k3了，真係唔知k1係點，我估二，四係普通話班啩，同埋，英文班和普通話係分組時上的，係小班授課，令佢地容易吸收．
3. 今年學費一千五百幾蚊，書簿雜費分上下學期繳交，每期千幾蚊，無其它雜費．至於學制券，我地明年小朋友已經升讀小一啦，與學制券無緣呀，所以我真係無留意呀，但我相信可以的．詳情你可以打去學校問．
4. 通常8月尾左右可以在網上下載報名表，然後寄回學校，面試時間係每年的一月二日，至於結果到時你會知，我唔記得啦！
5. 禮小係要面試的，並非直上，禮幼會優先約見，而且會有加分，通常收六成左右．

penpen

朱古力,
送花咁浪漫牙?!    有心的話, 送咩妹豬都冇所謂架!!
佢未一樣咁開心
生日會果度妳淨係買定野飲等送貨啦~
燒烤食品就好似朗媽話齋, 可以我地到時再一齊去買嘛~
怕妳買得太多呀!! 又或者要睇埋天氣嘛~~
係呢?! 除左我地幾個仲有冇叫左邊個呀??  

朱古力

penpen,

今日派左邀請咭啦！除左原班人馬外，淨係叫左悕楠一個，嘻嘻      ，老公話唔好叫咁多人喎！佢話我又唔識招呼人，我問塱生，塱生話想請馮志廉（唔知有無攪錯呢？）但我唔知佢係邊個，更加無印象佢媽咪係邊個，所以我同佢講，如果出去攪先請，返屋企就唔好啦！

好啦！我會叫定飲品和炭等．食物等你地一齊先去買啦！

renren

各位媽媽,
我想請問你地禮幼幾時開放日?因為我都心儀呢間學校,想替巴魯旦拜入學,所以想參觀學校環境,接近老師...
謝謝

penpen

朱古力,
oic !! 叫左稀楠都好, 有個女仔同妹豬玩, 唔洗生生成日揍住佢,  印象中智(冇記錯應該係呢個智)廉爸爸好健談, 媽媽好似好少講野咁! 不過傾開都會幾好傾架!!  
妳唔洗驚唔識招呼人喎! 有我地幾個八婆仔響度嘛~ 最多段鐘計打個八拆俾妳喇~
乖女!!    

昨日生生有冇留旦糕仔俾妳食?!   

penpen

renren,
禮賢幼稚園部沒有開放日呀!!  :cry:

renren

penpen,
唔該晒你.我想請教你當年你用什麼方法了解這間學校,可否分享你的經驗?
謝謝

penpen 寫道:
renren,
禮賢幼稚園部沒有開放日呀!!  :cry: