有關和小兒在學習和打機及電子媒體使用上的時間爭議

little_yolky

S-Kwok 發表於 19-10-25 11:10
我依家每個星期比$320, 以佢每日最貴嘅飯餐+車錢+$20剪髮 （儲足一個月土，月頭剪髮）+ $30零用。
仔就每 ...

首先，你有俾零用，飯錢可以用中位數。即係阿大如果一個禮拜都出街食飯，就平均一日40蚊，如果剩係一日出去食，就50。車錢你直接入八達通。儲咁多，明顯地，佢錢太多。

另外，佢辛苦儲既錢，道理係可以買任何合法既嘢，所以你講佢唔通，點佢無偷無搶，解唔可以買貨金。阿細偷偷攞我八達通18蚊放學買三文治，就俾我打手板了。

little_yolky

S-Kwok 發表於 19-10-25 11:10
我依家每個星期比$320, 以佢每日最貴嘅飯餐+車錢+$20剪髮 （儲足一個月土，月頭剪髮）+ $30零用。
仔就每 ...

點解每個禮拜要有20蚊剪髮錢

Jane1983

回覆 S-Kwok 的帖子

你要試吓引領佢擴闊興趣，如果打機係唯一興趣，群的朋友又深好此道，個個有貨金比佢打得好，又笑佢弱雞。長期日日返學咁搞法，佢好想買亦係人之常情。我能夠relate到佢的渴望。
搵d佢會有興趣，你覺得比較益智，和打機無關的嘢，比佢玩或者同佢玩。佢要離開虛擬世界，先明白果d消費係無意思。佢身處其中，開機就有得享受，唔會明係簁錢。

Yanamami

S-Kwok 發表於 19-10-25 10:41
一直以來，我要佢做/唔可以做嘅每一件事都會解釋原因，而佢做嘢嘅推動力就只係想。 你話佢可能唔明我嘅解 ...

問題就係呢度……我朋友大力反對個女花千幾二千蚊去韓星演唱會，觉得無聊及佢以前禁既年紀亦唔會禁花錢法……大家疆了~

个女觉得，我用自己悭番黎既錢去自己觉得享受既事上並無不妥｡佢平日又無乜其他消費，唔乱用錢｡

起碼佢女無話要阿媽買演唱会票先吖~值与唔值，各人定義唔同｡你覺得不值，佢觉得值，沒完沒了~

Yanamami

Jane1983 發表於 19-10-25 11:28
回覆 S-Kwok 的帖子

你要試吓引領佢擴闊興趣，如果打機係唯一興趣，群的朋友又深好此道，個個有貨金比佢打 ...

同意啊~

S-Kwok

little_yolky 發表於 19-10-25 11:26
點解每個禮拜要有20蚊剪髮錢

因為佢每個月剪一次髮，每次$60, 所以我每個星期比$20， 一個月就夠去剪一次髮 （round up）。

S-Kwok

Jane1983 發表於 19-10-25 11:28
回覆 S-Kwok 的帖子

你要試吓引領佢擴闊興趣，如果打機係唯一興趣，群的朋友又深好此道，個個有貨金比佢打 ...

佢另一興趣係睇書、寫手機app.
我有同佢去打藍球，但總有時間喺屋企，喺屋企就睇書、同佢睇戲、佢有時寫app。

S-Kwok

little_yolky 發表於 19-10-25 11:25
首先，你有俾零用，飯錢可以用中位數。即係阿大如果一個禮拜都出街食飯，就平均一日40蚊，如果剩係一日出 ...

係 角度問題。
佢有問我佢儲到，點解唔買得。
而我嘅觀點就係虛擬世界嘅物品，唔值。

S-Kwok

Yanamami 發表於 19-10-25 11:34
問題就係呢度……我朋友大力反對個女花千幾二千蚊去韓星演唱會，觉得無聊及佢以前禁既年紀亦唔會禁花錢法 ...

呢樣我又覺得有啲唔同，呢個係興趣。 但仔買嘅係虛擬世界嘅物品。

S-Kwok

Yanamami 發表於 19-10-25 11:34
問題就係呢度……我朋友大力反對個女花千幾二千蚊去韓星演唱會，觉得無聊及佢以前禁既年紀亦唔會禁花錢法 ...

你朋友覺得關係如此，值嗎？
重新再撰，佢會點做？

little_yolky

S-Kwok 發表於 19-10-25 11:51
係 角度問題。
佢有問我佢儲到，點解唔買得。
而我嘅觀點就係虛擬世界嘅物品，唔值。

但係，你覺得唔值，佢覺得值呀。而且係佢既錢。佢今次係衰犯規，當定規則是無清楚表達自己既意見。

你要說服佢點解唔可以買虛擬世界既嘢，要早D等佢搞清。我睇佢對於金錢既概念重唔係掌握得咁好，剪頭髮、車錢等等非必要既都唔好咁早俾佢處理住，雖然果D唔係佢既零用，但有額外既錢過佢手，佢會習慣大額錢係正常，所以1000蚊買貨金都唔會肉痛。

Yanamami

S-Kwok 發表於 19-10-25 11:53
呢樣我又覺得有啲唔同，呢個係興趣。 但仔買嘅係虛擬世界嘅物品。

其实我唔打机所以唔知值唔值，果d虚擬物品用黎打机定係点？用黎打机咪都係佢地口中所謂兴趣……


朋友自然同女关係差，因為大家講唔埋欄｡但佢自己亦係性格係禁有“原則”，唔会理解到後生人心态｡

我觉得正如楼上提議，除非可以开導到你仔去其他興趣，否則佢身边朋輩都係打机之人，－齐圍埋都係果个topic, 又点会觉得唔值呢？

little_yolky

S-Kwok 發表於 19-10-25 11:53
呢樣我又覺得有啲唔同，呢個係興趣。 但仔買嘅係虛擬世界嘅物品。

打機都係你阿仔既興趣喔！你仲話佢寫手機apps，唔買character，點識自己開發呢又！

Diversifyedu

S-Kwok 發表於 19-10-25 11:53
呢樣我又覺得有啲唔同，呢個係興趣。 但仔買嘅係虛擬世界嘅物品。

你個仔幾大?呢個單純價值觀問題, 好難一概而論值同唔值, 可係你父母眼中你都有多餘消費一樣.

在我角度, 錢係佢慳, 佢可以隨喜好去消費, 但當然會提醒$1000係好多錢, 可以有其他有價值用途, 襯後果還在可控制同承受範圍, 唔會禁止佢.

少年成長係需要空間同過程, 去明白 (例如課金升呢買裝結果係好虛無, 因為遊戲公司會不停出新角新裝, 最後都係唔夠勁), 從而領悟不同後果同建構價值觀.

S-Kwok

Diversifyedu 發表於 19-10-25 12:17
你個仔幾大?呢個單純價值觀問題, 好難一概而論值同唔值, 可係你父母眼中你都有多餘消費一樣.

在我角度, 錢 ...

阿仔已經六年級，嗰啲課金升LV不停出新裝呢啲道理我都已經提過，你意思係等佢買，買咗知道、感受過公司不停出新角色... 然後又會後悔早知唔買住喇.....呢個心理感受，從而建構價值觀？

S-Kwok

little_yolky 發表於 19-10-25 12:08
打機都係你阿仔既興趣喔！你仲話佢寫手機apps，唔買character，點識自己開發呢又！
...

我唔明添，買character 同寫手機app有咩關係？

dlam141231

S-Kwok 發表於 19-10-25 11:53
呢樣我又覺得有啲唔同，呢個係興趣。 但仔買嘅係虛擬世界嘅物品。

我可以接受個子買虛擬世界既物品.

我仔自幼品學兼優, 親子關係一直很好, 他最近拍拖才一個多月, 笑眯眯跟我說他交了女朋友.  佢都好鍾意打機, 我記得他細時我地限制每天打機時間, 仲有只能玩不付費的網上遊戲.  到後來當然不能滿足, 他要求買online game.  當其時他寫了張合約給他父親, 內列他的要求, 然後列明他會遵守那些規制, 違規會被罰減少打機時間等等, 合約似模似樣, 甲方是他, 乙方是爸爸, 媽媽是witness.  
我覺得這個方法可行, 我有家規, 但相互尊重, 合理的可以商議, 後來就變成習慣, 他有额外打機要求, 都會跟父親make deal, 譬如考試要拿多少分, 同樣違規也會被罰.

這次事件, 你們各有立場, 不如再一次大家坐低說出想法, 最終各讓一步, 父母讓步可以做些甚麼? 又問問孩子他可以做些甚麼?

little_yolky

S-Kwok 發表於 19-10-25 13:25
我唔明添，買character 同寫手機app有咩關係？

了解下D game點運作丫嘛

little_yolky

Yanamami 發表於 19-10-25 12:07
其实我唔打机所以唔知值唔值，果d虚擬物品用黎打机定係点？用黎打机咪都係佢地口中所謂兴趣……

老實講，我覺得幾萬蚊買個手袋都好唔值

S-Kwok

dlam141231 發表於 19-10-25 13:27
我可以接受個子買虛擬世界既物品.

我仔自幼品學兼優, 親子關係一直很好, 他最近拍拖才一個多月, 笑眯眯 ...

我地都有類似啲規則，會寫喺紙或whiteboard上，試過唔同方法，最終調整到要額外打機時間，就要做運動/考試要有9成分數額外儲。 偷打機就會罰停打機。

阿仔話可以罰停打機，但唔想delete game, 而且想幫佢貨金買character, 因為佢想買嘅character係有購買限期。

講真，我打從心裡認為這是非常唔合理。 但我亦明白對仔嚟講呢個罰則係重。但我明言結果佢仍然選擇課金，我唔按守則處理係咪真係對佢好？  我仍然矛盾。