有關和小兒在學習和打機及電子媒體使用上的時間爭議

MrBeast

Yanamami 發表於 19-10-24 08:01
阿仔都可能知，不过到窮途末路会唔理得禁多，死就死，解燃眉之急，將來事將來再算，係佢地心态｡ ...

好難講ga, 身邊有些朋友真是只還min payment同visa 打工

洋蔥頭媽咪

stanleypyk 發表於 19-10-23 22:17
剛剛新聞透視播過借錢的問題, 雖然當時佢打緊機, 但應該都聽到少少, 所以我覺得多是戲言, 不過現在唔儲蓄多 ...

早2年都有提過怕你囝囝一夠18歲就會申請信用卡，因他從小沒理財經驗，又沒儲蓄習慣，信用卡先洗未來錢誘感太大，沒理財能力嘅年青人最容易衰響信用卡手。

HD及大學生申請信用卡非常容易，我仔當年一遞申請就批。你兒子須然好似講下，但我相信絕對有借貸嘅可能，不過佢已是成年人，好應該明白有咩後果，父母亦只能提點下佢。

little_yolky

stanleypyk 發表於 19-10-23 22:17
剛剛新聞透視播過借錢的問題, 雖然當時佢打緊機, 但應該都聽到少少, 所以我覺得多是戲言, 不過現在唔儲蓄多 ...

你面對現實啦，佢唔係戲言，好多年青人都係咁做。因為可以還min paid，唔覺唔覺，越滾越大。

stanleypyk

little_yolky 發表於 19-10-24 09:21
你面對現實啦，佢唔係戲言，好多年青人都係咁做。因為可以還min paid，唔覺唔覺，越滾越大。
...

做父母已早提醒他仍一意孤行，便不可推卸所有責任，最少不能說父母沒有教過！

little_yolky

stanleypyk 發表於 19-10-24 12:57
做父母已早提醒他仍一意孤行，便不可推卸所有責任，最少不能說父母沒有教過！
...

我只係提醒你佢唔係戲言。

S-Kwok

想喺度借個位問大家意見：

我仔最近自己偷偷地攞咗$1000叫同學幫佢買google play card, 然後諗住貨金喺game內買character.
事件發生前，仔有經常講想貨金買character, 我已多番言明 如果佢偷偷地買卡，我一定會剪爛張卡，兼且會扣佢零用，金額等同佢買卡嘅金額 （即買一千，實際係要比二千）+delete game, 唔好諗住罰完可以照玩 （假如喺我發現前已買character)。

啱啱嗰星期日，事件被我踢爆。

依家，咁啱同學因為要去西班牙比賽而未幫佢買，佢亦已言明返港後會退款。

仔想我哋唔好罰得咁重，唔好delete game.  但我話點解我言明結果，你都堅持要做，佢解釋因為我唔比。

依家佢仍然死心不息，問我可唔可以幫佢買character.

我已明言遊戲係for fun, 唔可以貨金，喺虛擬世界購買任何物品。 要貨金，就唔可以打機。

S-Kwok

我明白喺小朋友角度睇，當然唔希望父母罰得重，希望比次機會佢。

在我立場，我希望堅持一貫做法，講嘅=做嘅。 我講咗罰則，犯錯就要為自己行為負責任，我同仔講，我應承咗會獎你嘅，我亦唔會食言。

我依家唔知應該點處理。放寬罰則，唔delete game, 讓佢覺得屋企人會企佢立場，比機會佢。  還是要堅持罰則，要佢負上責任。

我擔心今次嘅處理方法對日後嘅影響。  所以希望各位給予意見，謝謝。

gracelam

S-Kwok 發表於 19-10-25 08:54
想喺度借個位問大家意見：

我仔最近自己偷偷地攞咗$1000叫同學幫佢買google play card, 然後諗住貨金喺gam ...

呢個情況我會delete game 加扣零用，因為大家之前約法三章，宜家係佢破壞規條，無商榷餘地。況且佢仲死心不息，即未知道自己錯。

再發爛咋手機就no data plan, wifi only.

Jane1983

回覆 S-Kwok 的帖子

而家大家咩關係？喊晒、反晒臉，唔講嘢，佢而家有怨父母唔明白佢？定係親子關係仲係良好？
佢仍然死心不息，仍然想買貨金、character係問題所在。你要把握呢次去講明佢知，現實生活中父母辛苦賺回來的錢，買虛擬世界的物品係無價值。呢樣會難，因為好多佢的朋友都有，但你一定要幫佢睇穿呢種嘢至得。

Jane1983

罰幾重，要睇你覺得你仔的承受程度。

罰係教育的手段之一。罰小朋友係希望教好佢，如果令佢好miserable，又會憎恨父母，或者對家庭有離心，就用不得其所。

popochiny

S-Kwok 發表於 19-10-25 08:59
我明白喺小朋友角度睇，當然唔希望父母罰得重，希望比次機會佢。

在我立場，我希望堅持一貫做法，講嘅=做 ...

即最後都冇買到character？咁唔delete game 你都唔算自打嘴巴。孩子到青春期，我會傾向用懷柔政策，令佢心底明白你苦心，好過高壓手段。

今次當然要罰的，但唔好罰到咁盡。

Yanamami

S-Kwok 發表於 19-10-25 08:54
想喺度借個位問大家意見：

我仔最近自己偷偷地攞咗$1000叫同學幫佢買google play card, 然後諗住貨金喺gam ...

“仔想我哋唔好罰得咁重，唔好delete game.  但我話點解我言明結果，你都堅持要做，佢解釋因為我唔比。

依家佢仍然死心不息，問我可唔可以幫佢買character.”

我想知其实佢有無真心明你点解“唔俾”……我相信佢唔明，否則唔会“死心不息”｡ d女細時我每件要佢地做或唔俾佢地做既事会向佢地解釋原因，唔係因為我想我锺意佢地做，係有理由，佢地要接受我理由，如不接受，睇佢有乜理由令我讓步｡


你既明言，好有道理，但佢明唔明？叫佢每日食完飯洗哂全家碗，每日$5, 儲夠自己錢去買……佢去玩樂無理由要你俾錢啫｡你d錢要用係衣食住行上｡既然講左就要算，呢个係合約精神嘛，快d delete game啦~

little_yolky

S-Kwok 發表於 19-10-25 08:59
我明白喺小朋友角度睇，當然唔希望父母罰得重，希望比次機會佢。

在我立場，我希望堅持一貫做法，講嘅=做 ...

我阿細都係咁，不過唔係買貨金咁大膽，係統測期間仍然偷偷打機！因為之前講咗，所以我delete晒所有games+換咗恐龍機俾佢。

不過佢好搞笑，第一次用nokia，覺得好新鮮，好好玩。佢真係EQ爆棚

S-Kwok

佢覺得同學可以自由打機，可以貨金，我地對佢係限制佢，只有星期六、日可以打30鐘機，又限制佢唔可以貨金，對佢唔好。
佢比同學笑佢打機癈，所以佢會想買勁嘅character，又話唔會再買其他character, 又話呢隻game會玩五年。 我已經分析過、講過無數次，呢啲係遊戲公司嘅經營生意嘅手段，會不斷出新嘅character, 越來越勁嘅角色，人亦會隨年紀而改變喜好，佢切身嘅例子我亦舉過。 我亦有同佢計，如果以最底工資計算，唔飲唔食要做幾耐先可以賺到$1000。

佢本身有ASD, 係固執到不得了嗰隻，心理醫生有解釋過對呢類人士嚟講，要放開偏執係好難，對佢嚟講係好辛苦，但我覺得唔能夠因為咁，就由得佢，咁樣其實係害咗佢。

佢仍然會同我講嘢，關係仍然係ok嘅，但我怕處理不當，會令佢憎恨我地，有離心，因為佢經常講我第時大個就會自己買，第時大個就會點點點。

little_yolky

S-Kwok 發表於 19-10-25 08:59
我明白喺小朋友角度睇，當然唔希望父母罰得重，希望比次機會佢。

在我立場，我希望堅持一貫做法，講嘅=做 ...

BTW，要叫另一半統一口徑，唔係好難教。

S-Kwok

Yanamami 發表於 19-10-25 10:21
“仔想我哋唔好罰得咁重，唔好delete game.  但我話點解我言明結果，你都堅持要做，佢解釋因為我唔比。

依 ...

一直以來，我要佢做/唔可以做嘅每一件事都會解釋原因，而佢做嘢嘅推動力就只係想。 你話佢可能唔明我嘅解釋，如果係，我反而唔明佢唔明啲咩。如果每日洗完碗，自己賺自己儲夠就可以買，咪好似話比佢知，你有賺錢能力就咩都可以買囉？ 變咗嗰point唔係喺值唔值得買虛擬物品，而且錢要用得其所囉？

S-Kwok

little_yolky 發表於 19-10-25 10:33
BTW，要叫另一半統一口徑，唔係好難教。

我嘅另一半嘅教育理念
基本上係一致嘅。 佢都係認為要delete game, 只係我怕處理得唔好啫。

little_yolky

S-Kwok 發表於 19-10-25 10:41
一直以來，我要佢做/唔可以做嘅每一件事都會解釋原因，而佢做嘢嘅推動力就只係想。 你話佢可能唔明我嘅解 ...

但係依家明顯地佢係唔明。

同埋，我奇怪點解咁細個小朋友可以隨便動用1000蚊。阿妹買零食都係攞辛苦儲埋既coins，過年利市大數都係入銀行。小朋友未識理財，俾佢keep咁多錢係好易出問題。

S-Kwok

little_yolky 發表於 19-10-25 10:58
但係依家明顯地佢係唔明。

同埋，我奇怪點解咁細個小朋友可以隨便動用1000蚊。阿妹買零食都係攞辛苦儲埋 ...

我依家每個星期比$320, 以佢每日最貴嘅飯餐+車錢+$20剪髮 （儲足一個月土，月頭剪髮）+ $30零用。
仔就每日食最平嘅飯，然後儲起，儲咗2個月左右。 加上以前有比開零用，每星期$30, 所以儲埋就有千二蚊左右。

S-Kwok

little_yolky 發表於 19-10-25 10:58
但係依家明顯地佢係唔明。

同埋，我奇怪點解咁細個小朋友可以隨便動用1000蚊。阿妹買零食都係攞辛苦儲埋 ...

過年、生日利是係我會幫佢入銀行嘅