95網(西貢)統一選校意願,結果及叩門 (相關論題#125, 1220）

mic.mo

原帖由 lauywa 於 16-09-14 發表
請問基德對SEN的學生支援多嗎？

我仔一年班，可能都唔太了解，以我知言語治療同社交小組係有嘅。再仔細d, 始終SEN的支援都好多種，我就唔太清楚。但可以分享下大路嘢。

一，小班，一班21人左右，分4班，一至三年班無精英班，一年級廣教中加普通話。就咁睇小班始終老師容易照顧個別同學，也相對能夠包容同學個別差異，加上整體感覺老師都好有愛心。成間學校細細間咁，每朝都見到校長、主任、副校、老師，其實有乜都好方便了解

二，功課，每日有功課或導修堂，由中英數老師輪流上，所以佢小班無行雙班主任制，但實際上中英數老師經常見到同學，應該都好了解小朋友的需要。而功課量，我仔唔算專心同定，但暫時每日做到一半功課返黎，功課抄寫唔多，反而多作業、補充。

三，班主任，每日第一節、最後一節都係班主任課，所以開學初，手冊、通告都跟得足。而且，好似幼稚園咁，每日放學由班主任帶隊，有咩都可以同老師了解返。而小一開學前（八月尾）、十月、同第一次測驗後（約十一月）都會有家長日見班主任，好多機會同老師溝通，了解情況。

四，時間表，近期好多學校講下午唔上課，其實基德下午上課，但只上術科，常識、視藝，最多都係上英閱，即係外藉老師講故事、活動性質多。逢星期五上綜合體藝課，每星期上唔同的體驗活動，到高年級就可以呢個時段參加制服團隊或樂團。其實，個人覺得這個安排比下午學校搞活動更好，因為對於某類小朋友，佢地太掛住下午玩（個人意見）。因為我仔係呢類，太精彩，反而佢全日只掛住玩，仲唔專心，同埋有少少分唔到返學係玩定點。（呢個都係治療師俾我意見，叫我唔好揀太多活動、太好玩嘅學校俾我仔，我仔適宜界線清晰d, 放左學先玩。）逢星期三午膳後放1:30，可以自費參加樂團。for SEN如果自己有training做，其實都可以用呢段時間

五，課後活動，基德呢樣幾好，每日放學都有課後活動，成疊活動簡介派返黎㨂。部分收費有平有貴，平嘅，280/8堂英文班。留校一小時，有校車（每程額外俾多少少錢）

apple~y

回覆 lauywa 的帖子

sen支援一定係黃藻深

好似黃藻深處理自閉學生經驗十足
課室會多圖卡提示協助呢類學生
會將較弱班sen學生group約十個鬆d一班
有教學助理跟班,協助坐唔定學生

黃藻深校長強調如果唔係智力有問題(因智力天生,改變唔到)
行為,情緒問題,學校盡量協助
無邊間小學支援可以做到甘
仲有跟不上學校唔會叫走,完全睇家長意願去或留
如果你小朋友有sen須要呢間值得考慮

HK-MAN

apple~y 發表於 16-9-14 11:58
回覆 lauywa 的帖子

要sen支援一定係黃藻深

有啲sen家長又怕宗教不同唔相入讀...,其實佢地係咪一心為小朋友好架呢???

apple~y

回覆 HK-MAN 的帖子

如果要sen支援.宗教唔係盡點
係要搵有支援和經驗足,包容性高學校
但始終有人執著宗教問題
個盡點諗錯晒

chun703

回覆 HK-MAN 的帖子

謝謝!

apple~y

回覆 lauywa 的帖子

同埋填自行如果係sen有個位可填特殊須要編號
填左政府要比錢間學校支援學生
黃藻深校長講明d錢用來請教學助理,做教具,仲有主流小學小有ot小組都有
全部一定用番晒學生身上

rainlamrainlam

apple~y 發表於 16-9-12 16:59
梁潔華上年有人中乙2
唔知今年乙2仲有無

填乙2梁潔華都中，咁是否填梁潔華在甲一會即入？

BSCYL

rainlamrainlam 發表於 16-9-18 07:33
填乙2梁潔華都中，咁是否填梁潔華在甲一會即入？

舊年確實是甲一, 或乙一都一定派到.但今年不能絕對保証, 機會率依然十分高

BSCYL

apple~y 發表於 16-9-14 12:19
回覆 lauywa 的帖子

同埋填自行如果係sen有個位可填特殊須要編號

正如所述, 有特殊需要的不妨在填表時註明, 以便小學取得額外資源, 受益的都是小朋友自己.不用擔心理會學校帶有色眼鏡.  自行及統一, 學校是無選擇權.  
如果去到叩門階段, 即使不說明, 有經驗的面試老師都可識別到.  
除特殊需要外, 小朋友各方面表現出色, 亦不愁學校不收.  此階段完全講實力.

BSCYL

HK-MAN 發表於 16-9-14 12:07
有啲sen家長又怕宗教不同唔相入讀...,其實佢地係咪一心為小朋友好架呢???

我個人意見認為, 為小朋友的利益為大前提, 犧牲宗教的歧視, 接納融合.  亦可以當作神的安排, 歷練意志

BSCYL

家長要切記最好的學校, 對絕大部份學生有效益, 但對自己小朋友不一定有效, 反而可能是催命符.  要選合適的學校, 不是最好的學校

rainlamrainlam

BSCYL 發表於 16-9-18 13:39
舊年確實是甲一, 或乙一都一定派到.但今年不能絕對保証, 機會率依然十分高
...

咁如果我15分自行梁潔華機會大嗎？

BSCYL

rainlamrainlam 發表於 16-9-18 16:46
咁如果我15分自行梁潔華機會大嗎？

成功機會很高

pcdogjoe

我想問問如果“自行”連20分嗰D都收唔晒，咁會唔會用埋“統一”嗰D位收??到“統一”時D位咪少咗?

amyami

原帖由 pcdogjoe 於 16-09-19 發表
我想問問如果“自行”連20分嗰D都收唔晒，咁會唔會用埋“統一”嗰D位收??到“統一”時D位咪少咗? ...

唔會，必收生係自行唔夠位就會用埋統一d位

pcdogjoe

即係照有6X個統一大抽獎？

HK-MAN

pcdogjoe 發表於 16-9-19 13:37
即係照有6X個統一大抽獎？

如果必收生(世襲生/父母在該校工作)多過38人...到大抽獎時就有可能少過62個.

Lilian_lee

錯過咗宣基對上一次嘅開放日，有冇家長可以分享下感覺如何？或有子女讀緊宣基嘅家長覺得點樣？每日功課大概有幾樣？有冇功課導修堂？

Pekklesum

請問得15分，第一選信義會，第二梁潔華，第三官小安全嗎？

rainlamrainlam

15分自行王余家傑機會率係咪好低？