有關和小兒在學習和打機及電子媒體使用上的時間爭議

MrBeast

Yanamami 發表於 19-10-20 09:49
係你離地啫……宅男－詞有左好多年啦~周不時有新聞話有人打机猝死。唔係話啱同正常，但呢个族群又確係存在 ...

樓主有一習慣，當阿仔提出一些論點，他都會尋根究底，是否好事，我覺得都要看情況。過有次小朋友投訴我令佢冇得參加學校一個活動，被我舉三反一，再（半講笑地）話：人心不足蛇吞象，要佢知道唔識感恩耳朵必定受罪

October.

[size={"x":65,"y":23,"w":211,"h":14,"abs_x":471,"abs_y":509}][size={"x":65,"y":23,"w":194,"h":14,"abs_x":471,"abs_y":509}][size={"x":338,"y":19,"w":209,"h":16,"abs_x":744,"abs_y":515}][size={"x":346,"y":36,"w":209,"h":16,"abs_x":752,"abs_y":532}]stanleypyk 發表於 19-10-19 11:31
如果是30年前相處沒有這麼多電子産品吸引，和睦相處很容易，但現今青少年對電子産品這麼渴求，已不再重視 ...

唔係個個孩子都係咁.

如果孩子唔夠自律,父母自細就更加要花多啲心思去教導, 安排多啲家庭活動, 一齊玩一齊傾, 我覺得呢招最有用.

你仔已成年，再糾纏打機時間都冇用，佢又唔會改，你依家一係叫佢走，一係你接受。

Yanamami

MrBeast 發表於 19-10-20 13:22
樓主有一習慣，當阿仔提出一些論點，他都會尋根究底，是否好事，我覺得都要看情況。過有次小朋友投訴我令佢 ...

尋根究底其实無问題，过程可以令自己瞭解对方諗法同心态以至社会進展(不論自己認同与否)，然後產生对策(改变对方定自己)｡问題在於有無貼地去諗，用心去望｡就楼主对上－條问題，唔知点解令我觉得佢唔係現代人……

成日話，小朋友係張白紙，nature vs nurture 除天性果部份我地改变唔到外，有好多野係播咩种結咩野果｡楼主話佢再公婆－生盡責勤勞，整潔收拾，就唔知个仔做乜－d都学唔到｡ 禁真要重新rewind睇下由出世到今日，教養上边步出左问題｡我两个女，两个性格外表兴趣能力都相反，亦唔係两个都似我(同－个阿媽、同－个教法)，所以父母係点，唔代表子女就－定会点，有好多你認為值得承傳野係要下苦功去reinforce, 唔一定乜都唔做就自然遺存到｡

Jane1983

回覆 MrBeast 的帖子

歪理其實真係唔使深究。唔通至廢的宅男着尿片打機，唔返工，食住父母，佢好過佢就無問題？
如果有女人唔返工，唔做家務、唔湊小朋友，日日打麻將和shopping。佢仲大言不慚，話自己無借落周身街數，無勾三搭四，好過好多人.....無人會同佢仔細研究有無道理！

MrBeast

Yanamami 發表於 19-10-20 14:22
尋根究底其实無问題，过程可以令自己瞭解对方諗法同心态以至社会進展(不論自己認同与否)，然後產生对策(改 ...

might be, just might be 樓主兩公婆做哂所以阿仔冇做過⋯只是身教未夠，若父母叫小朋友幫手一起做，小朋友大多都樂意同時唔會有bad feeling.
anyway, 之前去講座社工講者提到一些家規好似微不足道但其實有助建立價值觀。

MrBeast

Jane1983 發表於 19-10-20 15:37
回覆 MrBeast 的帖子

歪理其實真係唔使深究。唔通至廢的宅男着尿片打機，唔返工，食住父母，佢好過佢就無 ...

最討厭d只會指指點點投訴又冇建設性的說話，好多時遠近親有什麼爭執我都會事後和小朋友分享和討論，從別人的錯誤中學習

stanleypyk

Jane1983 發表於 19-10-20 15:37
回覆 MrBeast 的帖子

歪理其實真係唔使深究。唔通至廢的宅男着尿片打機，唔返工，食住父母，佢好過佢就無 ...

剛和我太太又爭論一個問題, 本來他今年只剩下返三天每天四小時的地產中介兼職, 已沒有返便利店, 明天考試他向中介老板請假說要溫書, 但最終留在家打機也沒有溫書, 我給他打了四小時後便沒有得打, 接著又出去網吧打, 我太太說控制他時間打, 到最後又是出去打, 浪費他金錢, 出去又學壞, 不如不再限時間, 我回應如任他打機, 他除了經濟有問題才出去兼職, 其餘時間只會留在家狂打, 即是寧願他做宅男也不想他出外學壞, 咁唔通他出外兼職去便利店工作, 學識食煙飲酒又是父母的錯, 如果怕他學壞而保護他在家不外出, 最終又變為全宅男了。

Yanamami

MrBeast 發表於 19-10-20 18:10
might be, just might be 樓主兩公婆做哂所以阿仔冇做過⋯只是身教未夠，最好父母和小朋友一起做，小朋友唔 ...

我就係禁既意思……自己勤勞整潔，如果想子女都係一样，唔可以大安旨意以為自己係佢就自然係，要从好細个train. 因為you can't teach old dog new tricks. 不过，亦可能教而不善，我細女就成个男仔禁呢啡，刷完牙一枱水，由細教到大都唔肯改，唯有放棄

MrBeast

Yanamami 發表於 19-10-20 18:24
我就係禁既意思……自己勤勞整潔，如果想子女都係一样，唔可以大安旨意以為自己係佢就自然係，要从好細个t ...

我自己都好le fair, 好聽d叫不拘小節 ，好自然唔會介意

MrBeast

stanleypyk 發表於 19-10-20 18:22
剛和我太太又爭論一個問題, 本來他今年只剩下返三天每天四小時的地產中介兼職, 已沒有返便利店, 明天考試他 ...

都咁大個人我就唔會控制時間但會收番電費

Yanamami

stanleypyk 發表於 19-10-20 18:22
剛和我太太又爭論一個問題, 本來他今年只剩下返三天每天四小時的地產中介兼職, 已沒有返便利店, 明天考試他 ...

你講已係成年人做事，梗唔係父母錯，成年人染上陋习识坏人，有乜後果要自己負責｡你錯在那裡？或者要回带睇下自己由佢出生後十年点教養佢｡点解人地仔女細細个曉自己玩完玩具会收拾、番屋企除鞋会放番入櫃、用到最尾幾格厠紙会換卷新、自动自觉做好功課收拾好書包、食完零食唔会垃圾周圍放……？天生？人地从小就花好多心机訓練呀~好多野要長时间薰陶，尤其正確价值觀既建立｡小三、四之前唔植入，升中後成功率近乎0. 你成日再講佢升中後点点点，根本米已成炊｡不如问下自己，佢幼稚園同升小時，係点教佢？

Jane1983

回覆 stanleypyk 的帖子

唔使再限制佢打機時間，根本無用。佢請假唔溫書，考得好唔好，亦唔係你控制範圍。佢已屆成年，簁唔簁錢，學唔學壞，係佢自己的選擇。佢離開出來做嘢，就只有一年。父母唔係身邊，佢更需對自己負責。
你退休會國內後，佢自力更生，肯定有一番衝擊和艱辛。大家保持良好關係，到時再提點佢。

Jane1983

回覆 stanleypyk 的帖子

即是寧願他做宅男也不想他出外學壞, 咁唔通他出外兼職去便利店工作, 學識食煙飲酒又是父母的錯, 如果怕他學壞而保護他在家不外出, 最終又變為全宅男了。

@@@


唔知你的思路，但一定要鼓勵、勸勉、引導、逼迫，乜都好，都要讓你仔明白佢畢業後，一定要出來工作。千萬唔可以養埋佢。如果一時心軟，你分分鐘養佢一世。

stanleypyk

MrBeast 發表於 19-10-20 18:34
都咁大個人我就唔會控制時間但會收番電費

只收電費肯定由早打到晚，因為電腦用電多極有限，仲便宜過去網吧！

MrBeast

stanleypyk 發表於 19-10-20 20:28
只收電費肯定由早打到晚，因為電腦用電多極有限，仲便宜過去網吧！

probably.  the pt is 用者自付，你中意可以計埋冷氣、1/3 寬频（印象中你不是收他打機費嗎？），如些類推，其實勁的vga card 百幾火電，不過比起煙，還是小數目，但一個仙都冇時，又可能唔同諗法

stanleypyk

MrBeast 發表於 19-10-20 20:37
probably.  the pt is 用者自付，你中意可以計埋冷氣、1/3 寬频（印象中你不是收他打機費嗎？），如些類推 ...

如果計算得太多便好似租客多個家人, 唔通收埋房租, 饍費, 洗衣費, 電費, 水費等等! 打機費只是前兩年考DSE作為阻嚇作用, 現在無用了, 基本是用到晚上7點半不能再用, 通常他早上10點半後才起床, 如果不用上學及兼職, 可用超過8小時打機!

stanleypyk

洋蔥頭媽咪 發表於 19-10-19 17:38
若樓主兒子HD以玩時GPA成績，相信已經與八大無緣，除非樓主比錢佢讀自資/OU或者出國，但佢兒子呢個情況比 ...

佢去年成績是GPA2.9, 但真係唔見佢溫書, 這成績算是好定差?

stanleypyk

Jane1983 發表於 19-10-20 18:52
回覆 stanleypyk 的帖子

即是寧願他做宅男也不想他出外學壞, 咁唔通他出外兼職去便利店工作, 學識食煙飲酒 ...

佢應該知, 已重提幾次, 前幾天佢返學因為遲起床, 因為頭髮長要整理, 時間遲了發脾氣說不返學了, 說出席率唔夠便讀多年, 我太太即刻同佢講, 如果因這情況要重讀, 我們不再負責其學費, 他說知道了, 相信是一時意氣用事說了出來。

Jane1983

回覆 stanleypyk 的帖子

2.9，應該算係比較差的。

stanleypyk

Yanamami 發表於 19-10-20 14:22
尋根究底其实無问題，过程可以令自己瞭解对方諗法同心态以至社会進展(不論自己認同与否)，然後產生对策(改 ...

這點也承認我有不足之處, 想起我父母那代, 我們做子女全是自動波, 父母也從沒有操心去如何管教我們, 所以我也相信下一代也是如此, 小兒年少時確實平日溝通不多, 只是每週日天倫樂便約埋我外母一起去行山, 在小學他也沒什麼投訴, 只是去到中學便開始沉迷電玩!