仁立紀念小學家長區 (1)

lucy

cookie,

亞女轉述唐老師話今次中文卷(一)只有幾個同學係9x分, 大部份都係7x分, 有幾個唔合格tim.  可能真係深左少少.

sandy816

Heart&Moon:
好耐冇同你傾過計喇.你又咁夜都未訓呀.見到你講話學校要提早15分鐘上堂.我即時想到佢地要早15分鐘起身...頭赤頭赤@.@

黃巴士

Heart&Moon,

時間雖然趕d, 但係可以俾小朋友多d自由度, 有多d空間消化下學過d野, 我覺得都ok.
如果放早d我想果仔實開心.  不過家長就辛苦d.

黃巴士

黃巴士

heart &　moon,

我小朋友都有同樣問題, 英文默書成績高分(如果有溫嘅話), 但係英卷一,二就唔得啦!!!!
好似卷一有圖有字撰, 有2個女仔佢地一齊舉起手好似玩緊火車捐山洞咁, 佢填are playing, 但係卷都無playing, 只有dancing.

好似佢見到we, I 就唔理就填are, am. 我有同佢講過好似my brother and I係兩個人要用are, 但係佢都好似唔入腦咁, 問佢明唔明佢右話明, 但係總係轉唔到弯咁.
問佢單獨WHERE, WHO, WHAT, HOW MANY..佢全部都識解, 但係就成日用錯..

長期問佢WHAT IS YOUR NAME??? HOW ARE YOU??佢就識.
到左題目WHERE IS YOUR PENCILCASE咁??佢右唔識填WHERE.

朋友指住個BOX問佢 WHERE IS THE BOX?? 佢就識答ON THE TABLE, 係米即係話佢明呢????

朋友話佢怯場, 最緊要趕快做完份卷, 我問佢佢話驚唔夠時間做卷, 好似配對咁, 有A-H填上去, 佢就填J, 有D就填細楷b,c,題目都唔係咁填, 何來搵個J黎填呢???佢話都唔知題目要佢答麥.

好似中文咁, 佢睇左圖書后成績真係好左好多, 卷一都識轉下弯理解答題, 但英文就... 有時話買下得意D嘅英文VIDEO睇下,佢都話唔好.

我覺得仔仔對英文有挫敗感, 所以提唔到興趣.
其實點先可以令到佢對英文有返D自信呢????
請大家指教下...

黃巴士[quote]





Heart&Moon 寫道:
[好多時聽高年級家長講，d小朋友默書成績好高分，但係卷一二就唔能夠手到拿來，大概就係同樣道理．

sys888

今日in左，主要問簡單英語同看圖講故事

ccpig

Hello,咁多位，呢 2日真係好熱鬧喎

今次中卷一，呀囡有好多條都做唔切，所以今次亦係佢一年級以嚟考得最低分的一份卷    

但我都冇怪佢，雖然第一日己預知佢中一唔會考得好，但都送咗個 Kitty 公仔比佢，因為佢都覺得好唔開心 & 唔抵，因為佢話佢係識做嘅，只係老師讀得好趕吓(同埋我地 2公婆成日都叫佢寫清楚d字，唔好寫錯)，所以可能比咗 d 冇形壓力佢寫字慢咗，但佢話其實老師自己都好似怕讀唔哂份卷咁，係咁講唔識就下一題 or 一陣再諗啦，雖然最後都有時間剩，但始終一返轉頭就要由頭諗過個問題再答，最後就好似呀囡咁好多只答咗大半，到交卷就好多人都未做完，所以都形成大多數都 7字頭，其實今次真係可以比個經驗佢，原來考試除咗做得啱、唔好寫錯字之外，仲要留意時間，真係要 "快而準" ！！！

始终 60分鐘要做 7頁紙，其中仲有 3篇閱讀理解，不過，呀囡話其實佢自已覺得唔讀卷仲好，可以自己預時間，我就覺得各有名好啦，大家知唔知二年級有冇讀卷架??

Mrssslui

Heart&Moon,

嘩!你今朝好早

ccpig

Heart & Moon,

乜你會比 $$ 佢地去買嘢咩??  我都係諗住比張八達通 & 比$50佢擇吓袋，冇特別事唔比用架，Lunch 會 比 d輕便 d ，總之唔會餓親佢就算啦，有冇咩 idea 呀??

另外，九形人格本書我仲要架!!

[quote]
Heart&Moon 寫道:

至於暑期活動．．．我舊年因為冇乜危機意識，同阿囡報晒d佢鍾意嘅活動，苦果在開學時即現，所以今年都唔敢放到咁盡．．．
雖然都係玩嘅多，但一星期都有兩個鐘升小二預習坊之類．仲有個上午學技巧，下午出外去搵鬼佬介紹香港嘅3日半活動（ccpig，到時要請妳個醒目女幫手睇住我囡，唔好俾佢買埋d零食，唔食正餐）、中英文話劇活動、例牌嘅跳舞、游水、同參觀活動等等．
quote]

ccpig

Hi, Mrssslui ,

我都覺成你咁講，真好，慳番唔使打咁多字    

我見，仁紀 小息 同 lunch 都好似有好多唔同活動架，仲有校長講故事等...........



[quote]
Mrssslui 寫道:
Heart&Moon,

嘩!你今朝好早

Mrssslui

ccpig,

好耐冇見啦!
咩原來係佢地做唔切呀!
係呀!我有時都問女女點解唔去做卷既某部份先,佢就話老師會讀卷,所以要跟住做.我話,咁可唔可以唔聽老師讀,你有你做架?因為女女有一定既閱讀能力,又識解題目,跟老師一面讀,一面做,其實仲唔係咁好,識做既,可以做快d,唔識做,要諗既,又可以用多少少時間諗,跟住老師做,係就唔到全班既進度個喎!

仲記得上學期既數學卷,老師有少少暗示,點知女女就諗多

Mrssslui

ccpig,

OIC.

可能我唔係好知啦!
我個小記又冇咩題喎!反而我聽到你地1E就有題幫手淋花,聽校長講故事.

ccpig

Mrssslui,

係呀，因為平時係屋企做練習都唔會讀架啦，就算遇到唔識嘅字，我都要佢睇埋前文後理，自已估吓果句點解，事後再同佢解釋，而且經過呢一年，卷上面嘅字都識得 八八九九啦，其他就等佢地自已理解會好啲！

仲有讀卷果位老師，通常都唔係平時教開過果，咁有時對佢地寫嘢嘅進度都可能有分別呢！

ccpig

Mrssslui,

我個囡有時都會去聽校長講故事，唔知2-3個月前校長仲送咗 d 菜種子比佢，我奶奶話真係種咗 d 唔知咩菜出嚟， 食埋囉！！(我唔記得咩菜，因為我冇得食)    

Mrssslui 寫道:
ccpig,

OIC.

可能我唔係好知啦!
我個小記又冇咩題喎!反而我聽到你地1E就有題幫手淋花,聽校長講故事.

Mrssslui

ccpig,

你會唔會去星期五個遊戲日呀?

cookie

終於睇番中一同常識卷, 真係有0的.........囡囡其實係識答哂0甘滯, 但就衰在唔識寫, 抄錯哂0的字, 又懶醒以為自己答0岩哂, 有時間又唔睇多次,反而去油顏色(幫0的插圖填色) 又懶醒老師讀題佢唔聽走去做佢識個0的, 到返轉頭就唔記得左問題問0麥, 純粹自己估, 好似中一, 佢想寫[指示], 篇文係有既但佢唔識認呢兩個字就寫[子事]
常識就因為懶醒白白無左十幾分, 好似排長幼佢無聽老師講題之後自己又唔識解咪掉轉排, 會爬樹既動物佢竟然睇漏左個[樹]字, 就油哂會爬既動物返黎仲要問我點解唔0岩      現代化佢就睇錯係古代. 真係俾佢吹到..........
不過我想問下呢條既正確答案係乜:
如果家中有人暈倒,又沒有成年人, 只有您一個人, 您會怎樣辦?
我會打_______報警或找______求助.


唉, 而家俾佢錯下都好既, 佢而家知道我點解要佢抄字, 唔抄字唔認字就會0甘架喇.....同埋唔肯溫書既惡果, 因為而家距離佢心目中既名次真係遙不可及(班12), 佢真係知死喇.
唉, 不過佢話其他卷都唔知會唔會0甘喎  佢數學仲得閒到用張紙抄番哂0的答案返黎俾我地睇!!!