一呂現家長 / potential 家長會

alicetong

homama,
※記得要帶同要求的影印本及規格,在那裡影要$2@ 而領新証時如不帶同小朋友領取,記得留意代理人文件副本的規格呀!我上星期去領新証時,排前面的很多人帶了影印本但規格不同又要撲去影印呀!!※
多謝妳的資料 和提點

※我哋就入了去差不多廿多分鐘,家姐啲文法又沒有大錯,尚算流利,還想怎樣喎....※

我覺得家姐贏面真係好大,其實係陌生人面前面試就算大人都會膽怯啦,佢已經做得好好了.兩位家長入埋去仲可以表示到對女兒0既支持同對學校0既重視添.....

※其中六-七分鐘係我老公面試完的補充,表達自己幾想學校收佢個囡   佢真係好厲害,原來佢一早有預備.....※

你老公真係好野    交足功課亦都比學校睇到家長0既誠意。

※始終係小六生來答位教英國文學副校長的英文問題※

看過問題用英文答一D都唔容易..??唔係一般花風說月的問題啊？

※又話見佢五年級英文科都係B+,為何到六年級有咁大的躍進到A呢??※

呢樣係家姐最優秀0既地方...所以佢都好想知道小朋友如何努力爭取到好成績,家長有否從旁協助等....

※妹妹同我講,英文GE卷係9頁紙※

我同仔仔講..佢話佢份GE卷都一樣有9頁紙喎...
    

※妹妹今早發燒但不肯放假,要回校測驗喎!比佢激死,都話唔扣分   ※

妹妹好番D未...天氣唔好？大人同小朋友都要好好保重呀？
如果我係佢都一定會堅持到底架！   

candytl

佢哋看下個細路已知佢甚麼料子.....連小朋友都識分高下>>>>>對呀, 有時見有家長質疑某某名校憑什么係短短三,五分鐘就可以判斷是否收唔收小朋友, 我覺得校長有足够眼光+經驗判斷啦, 當然唔否認睇漏眼, 但升中仲有成績作參考, 錯嘅機會真係少之又少啊.

今次p5英文好多頁紙涡, p3唔知係咪有家長反應上次中文考試太多題目, 今次少咗, 得6張紙.

alicetong

Homama,
※面試完的我信心不大,就不敢奢望......   我老公就話我杞人憂天※

我覺得妳老公講得好0岩,係家長同小朋友方面已經盡了力,控制唔到0既..擔心都無用？而且我同candy都認為情況睇0黎對家姐都好有利架。

※為何小學面試時已咁深,好似我以前會考咁..... ※

未係囉..大家都知道其實能力已經超越左小學生0既範圍...講真,我地細個又邊有佢地依家同齡咁醒目呀？呢個就係所謂香港失敗0既教育制度0拿？

alicetong

claudia,
星期六中作0個度妳照舊4點半得唔得呀？...如果可以的話我打去firm實老師啦！

claudiaho

〝聯校評估〞..妳地大家有無報到呀.....????
>>阿女會考英同數

Alice
>>confirm 星期六(31/3)係中作0個度照舊冇問題, 照舊4:10 p.m.一號閘等啦!

原來佢一早有預備......
>>其實d男人口就話我地使mug o甘著緊, 佢地心入面又何嘗唔係好緊張呢, 只不過我地d阿媽就做埋出面而已

所以我會keep住學,因我覺得佢比淨學普通話更深層次.
>>同意, 其實如果小朋友有能力聽講普通話再加識拼音已足夠, 再多都沒有太大用途

佢話暑假後才考慮教不教我兩個女書法......
>>我都想呀, 上次我已經問

candytl

claudiaho ,

〝聯校評估〞..>>>>>頭先打翻去問咗我女, 佢話佢個班揀咗兩個男仔, 兩人數學都好叻, 你囡囡也被揀中, 佢都好叻叻呀!!   

claudiaho

頭先打翻去問

candytl

哦, 我女收錯料,     (咁八都會錯

   )

我可能睇漏通告, 唔知有黎個評估, 你老公講得啱, 唔使准備, 當去玩, 又可以摸下囡囡嘅底. 唔錯.

Homama2004

〝聯校評估〞..妳地大家有無報到呀.....????
>> 沒有報. 見到考試係我都驚囉......   亦好彩無報. 真係"累"到想死咁濟呀.....

6號整日ok上午我可以, 時間又如何 ?
>>咁我會放工打電話問其餘那位女同學問問.暫定6號上午10-12.如佢都可以我會打比中作老師,明天同你們作實......

妹妹仲有冇事呀 ?
>>多謝關心.佢個頭仍然熱,但個樣就無嘢....唔通又長高,佢就快高過家姐......

剛才同事報喜,佢仔仔在奧數六年級中得到金獎(那位考全級13連SPCC及皇仁都無得見的那位) - http://www.hkmos.org/comhk/comhk14th/p6list.html    再細看,我哋學校得一位勁人得金獎而己(去年拿白金獎),這位勁人係由Candy囡囡以前小學四年級時插班入來....真係每況愈下.妹妹下月會去參賽五年組,我想佢哋那班只有一位男同學有機拿獎,其餘都係陪跑......平均一個月都唔知有沒有上兩堂,我又沒有特別谷佢做奧數,攪掂學校成績都已好好囉!!!

alicetong

Homama,
※咁我會放工打電話問其餘那位女同學問問.暫定6號上午10-12.如佢都可以我會打比中作老師,明天同你們作實......※

我都無問題呀..一於妳咁話啦！ 又要勞煩妳就真？

※沒有報. 見到考試係我都驚囉......  亦好彩無報. 真係"累"到想死咁濟呀.....※

有時間好好休息0下？妳地同兩個女女已經好叻架0拿..所有任務超額完成。

  

Homama2004

昨天五年級的作文題目幾難:課程統整後記>>希望妹妹有75分以上,因聽落佢作錯....
六年級的作文題目就比較容易:假如你是特首

我昨晚放工後忘了問同學    一返屋企就顧住煮晚飯.....一陣吃午飯時會問.真係年紀大無記性囉
  

佢哋剛回家,報告今日數出了些奧數題目......家姐就一定錯......        希望仍可保持科科B+咁上下,張成績可以見下人........

alicetong

4年級作文題目看似很容易發揮〝遊戲機的自述〞但都要睇仔仔臨場發揮呀？ 就好似老公尋晚同佢溫數學一樣,識列式步驟但計算錯.eg,3+3=9..如何教？周界佢識搵但有時睇少1/2條邊..烏龍百出？    真係好睇佢頭做人架？     

英文作文寫左一截先記得要用遼草..要擦過從做...幸好唔係做完晒先知咋..真係還得神落...哈哈哈！

今次考試預左唔合格..我就會好過d呢？         

今晚會一家人出去happy下..仔仔喜歡食三文魚壽司..出師有名..我都要透透氣..     

candytl

今晚會一家人出去happy下..仔仔喜歡食三文魚壽司..出師有名..我都要透透氣..    >>>>>>ALICE, 我都係呀, 温書真係怕怕.

今次考試預左唔合格..我就會好過d呢？>>>>> 你仔仔又未至於唔合格呀, 我女每科考完翻黎都講錯黎度錯過度, 我預咗派卷實有"騖嚇", 只求唔係"大騖嚇"我都頂得住.

candytl

昨天五年級的作文題目幾難:課程統整後記>>>>>好難寫呀!!有冇限什麼体裁?

P3係"我和媽媽去超級市場". 問阿女點寫, 答我: 唔記得    唔慌好得去邊囉.

Homama2004

我預咗派卷實有"騖嚇", 只求唔係"大騖嚇"我都頂得住.
>> 我都係咁話    總之希望係抹一把汗啦!!

有冇限什麼体裁?
>>無! 係老師在黑板上寫題目及字數....that's all  

問阿女點寫, 答我: 唔記得
>>這個是佢哋的model answer     

Homama2004

Claudia & alice,
已confirm中作老師 4月6日10-12 點.呀!我又唔記問$50 1小時/2小時.......另請你們聯絡佢,佢話你們的手機聯絡不上呀!!

這節主要係訓練表達能力....佢話家姐同初去時已大有進步(我都認為係),但妹妹就  還有很多進步空間 .....佢話"滴水穿石"希望她們學有所成......話佢哋喜歡"聽"人講,但到自己講就個個都麻麻地......

alice
〝遊戲機的自述〞>>> 阿囡個月上中作堂都係作xxx的自述(書包/橡皮膠),用第一身寫....

alicetong

homama,
請指教升中程分試,各科目計分比例是如何呢？

※另請你們聯絡佢,佢話你們的手機聯絡不上呀!!※

我平時返工沒有開手機的？連Claudia都找不到嗎？唔該晒妳..我地會搵佢架0拿...因為佢話打去要晚黑9點後...所以比較難就呀？

※這節主要係訓練表達能力....※

咁我個仔一定最弱...

   佢話"滴水穿石"希望她們學有所成←我同老師願望都一樣呀？

※話佢哋喜歡"聽"人講,但到自己講就個個都麻麻地......※

我一話有呢節課佢知道有咁多叻姐姐已經有壓力0拿？

:  :

※阿囡個月上中作堂都係作xxx的自述(書包/橡皮膠),用第一身寫....※

派回來先知龍與鳳呀

Homama2004

Alice, 我想你可以試下現在打比佢呀!!

我一話有呢節課佢知道有咁多叻姐姐已經有壓力0拿？
>>傻啦! 講嘢方面,我兩個囡囡一點也不叻....

請指教升中程分試,各科目計分比例是如何呢？
>> 係如下  
中9(語文60%,中作20%,默聆10%,口試10%)
英9(語文50%,作文30%,默(<-有呈分試時便有考默,只計那一次,囡囡後天考)聆10%,口試10%)
數9(只報一個分   )
常6
藝3 (<<聽啲家長講,一城有人專補這項目的呈分試   )
音2 聖2

另順帶一提,係0,5為報分標準,即拿80同84分都係報80分,而拿85同89分都係報85分.

alicetong

Homama,(請CHECK PM )
好在有妳提點.. 剛同老師通過電話也找過Claudia已搞掂了   


※請指教升中程分試,各科目計分比例是如何呢？※

真詳盡..明白晒！
   非常之感謝妳..   

Homama2004

我同事話佢仔仔(四年級)的中文真係笑死人, 老師要佢用"垂涎三尺"作句, 佢就寫:

"小明看見一個美女, 立即垂涎三尺"       

同事同佢仔仔話"垂涎三尺"唔係咁解ka, 仔仔話"我知點解,即是流晒口水ㄚ馬, 我係本書到學摡", 隨即到書櫃到拿了一本"老夫子"給同事看. 同事話死未...     

真係笑死我........我想佢老師改簿時都笑到唔識出聲...但同事話佢老師就睇唔到la, 因為同事睇功課時己經要佢改左

希望我們一陣知道仔仔囡囡今次測驗成績後仍然笑得出啦!!!