九龍禮賢幼稚園K3家長請進！

littleeva

朱古力

個人意見: 我覺得您比較緊張. 算啦 花 $490買個安心.
先登記先. 等有著落再第一時間通知學校.
我唔想您忐忑不安. 我都有朋友 20分派位唔成功. 佢話統一派位萬一都唔成功. 等叩門. 都唔得就佢會先讀禮賢, 再等插班.

如果親戚果間不是太遠咁都係一個唔錯的選擇.

朱古力

littleeva,
我真係緊張大師黎架，所以好煩呀！

littleeva 寫道:
朱古力

個人意見: 我覺得您比較緊張. 算啦 花 $490買個安心.
先登記先. 等有著落再第一時間通知學校.
我唔想您忐忑不安. 我都有朋友 20分派位唔成功. 佢話統一派位萬一都唔成功. 等叩門. 都唔得就佢會先讀禮賢, 再等插班.

如果親戚果間不是太遠咁都係一個唔錯的選擇.

littleeva

所以您都係明天先去登記啦. 無謂諗咁多. $490 另您安心 . 是值得比嫁.

朱古力

bosze,

係呀∼其實步行都可以到呀∼不過飲完都好夜啦∼
搭的士就放便好多．

Icycream

all moms,

請問你們唔要既舊k1/k2書本可送給我嗎? such as 線條練習, 英文, 數學etc.

請pm我.   thx.

LucasMama

朱古力
林老師話齋 ”天父會為你預備一間適合你嘅學校”
我唔係教徒, 不過我覺得好多時會做左d唔係我計劃嘅野, 有條路令我要跟住去行, 我覺得係天意.
Lucas 哥哥 出生時住天水圍, 我和daddy想比佢出市區讀幼稚園, 但一直放唔到層樓, 到小一第一輪派位失敗, 就好似你而家嘅心情, 好唔開心, 驚唔知派mud學校 , 後來有一日, 有個女仔黎睇樓, 一睇就好鍾意, 但還左好低價, 我話唔賣, 決定唔搬, 個地產話等我收埋訂先收工, 結果心軟果晚 11點幾收左訂, 然後傍徨, 住邊呢? 後來睇樓, 睇到無心機, 好後悔賣左樓, 唔想再睇之際, 竟然遇到呢間, 我地一睇就好鍾意, 業主好好人, 肯提早交樓;  又咁啱重有幾日dead line, 趕到轉校綱o
所以,朱古力, 唔好擔心, 塱塱咁乖咁得人鍾意, 個天會對佢好, 會比個好嘅安排佢架, 真架o

LucasMama

Littleeva
你誤會啦, lucas 唔係同子軒一班, 只係同校, lucas 係高勇, 我無同lucas 報任何直資或私校,  lucas去過基顯好多次, 好想同哥哥一齊返學.
Lucas 中文名梁國鏗, 唔知小一會否同班

LucasMama

呢幾日lucas 時時纏住哥哥, 有個要求, 佢話好想同哥哥一組, (佢以為小學同幼稚園一様), 佢要哥哥話比老師聽唔升班住, 等埋細佬一齊, 哥哥梗係唔肯, 就係咁, 佢地糾纏左幾日啦

Penpen
我問lucas 點解又唔叫妹豬呀, 佢話 ”我驚佢嬲左我, 以後都唔啋我” “我想以後都可以同佢玩” 哈哈, 原來男仔都係怕女仔嬲, 小男孩都唔例外.

smmama

朱古力

擔心是很自然的。但要小心在無形中給了小朋友壓力。小朋友很聰明，在我們一舉手一投足，他們都知道發生了什麼事。有時候我們為他們的擔心，真是會給他們帶來壓力。

所以，我好應同LucasMama的講法: 個天會比個好嘅安排你，從網上都感覺到你好緊張你的孩子，你要知道你已經做得好好，唔好再給自己太大壓力啦!

我都有為小朋友去考幾間私校，自己以為沒有給小孩子壓力，但她也會問我如果考到這間就好、那間就好!她又常常提到那個那個會讀禮賢小學，那個那個又不會，其實他們面對升小一，和幼稚園同學的分離.....問題，都感覺到他們的壓力和緊張。   

LucasMama

Thank you!
bosze:
收到浩然比國鏗的相片,多謝晒!
penpen:
也收到你的光碟, 謝謝你的心意! :wink:

朱古力

smmama & LucasMama,

多謝你地支持呀∼壓力真係好大，尤其是等收信既時候，
真係

penpen

各位老友記!! 我返來喇~~ 昨天放學同今朝都有入樂園, 今日多過昨日好多人呀!! 不過影都好多相同簽名, 有micky, minnie, goofy, pluto,snow white, chip & dale ,巴斯...,妹豬仲收到好多貼紙添呀!!  
但仲未見到妹豬最鍾意既史迪仔, 會再努力!!

LucasMama,
Lucas要同哥哥一班, 令我想起喇只事件~~  
Lucas識咁諗都幾體貼喎!!  好男仔!!
妳家陣先話收到隻碟,好似遲左d喎!! 不過都係唔洗客氣啦~  大家好朋友仔嘛~  燒碟俾你地係諗住d相可以大d, 晒番相都會靚d架!!   

bosze,
朗媽話冇理由喎! 大四喜做果行成日都要諗野!!  

朱古力,
深深祝福妳如妳所願塱生可以中到間好學校!!  

朱古力

penpen,

真出奇呀見到你，點解咁早走呀！唔玩耐ｄ．

penpen

昨天放學13:30入到去,玩到散場, 今日10:00入到去, 較多人, 玩到15:30, 夠皮喇~  抖下先啦~~   佢就有車坐, 我就做咕喱!!   

penpen

LucasMama,
智謙媽咪好似有d緊要事搵妳咁!!  我冇妳電話, 妳打返俾佢啦~
check pm pls!  

mattjon

Littleeva,
24號個日我估到係子軒,見到您們一家四口先估到, 富富兩兄弟第一輪落空,所以交了禮贀留位,我一直唔知同埋唔得閒上來chat.

littleeva

mattjon

我真係胡裡胡塗, 我唔知邊個係 富富喎 !! (您又唔同我相認傾兩句.) 我估我地太易認.  1 家 4 口.

我地最後冇去留位. 其實我已經袋住封信. 不過老公一聽到我又問去唔去註冊. 佢就回應 "您又來" (意思係還是拿不定主意)

我真係好唔捨得.         

這兩天個心都係 戚戚下...我不停安慰自己, 已經選左啦. 唔好諗咁多. (女人都係煩. 不夠果斷, 唉...都唔關女人事,係我自己問題 )

LucasMama

朱古力:

你可在12月1日至1月19日親往辦理:
教育統籌局學位分配組 (小一入學)
查詢電話：28327700 / 28327740
地址：香港灣仔皇后大道東269號呂祺教育服務中心二字樓
要帶: 黃色申請表副本 及 住址證明 (水/電/煤etc單)

*若更改監護人(申請表簽名人)就好似2個都要去,但唔肯定,可打電話問,

係咪好勁呀記得咁清楚,       
嘻嘻,其實我頭先打電話去問架, 我驚記錯會誤左你,
anyway希望答到你嘅問題
祝福塱塱

LucasMama

Penpen,
多謝你通知我, 智謙媽咪搵左我啦,星期六佢地黎我屋企探我地,希望下次有機會約到你地聚一聚