sjc chatroom

新幹線

悠悠媽咪,

你囡囡真係好叻喎!

ThePooh

嘩，實在太好啦，我地有福啦。有個悠悠媽咪跟我地分享經驗。
悠悠媽咪，向你致敬！

BBChu

講起sport day, 我囡囡間pre-nursery五月都有得玩, 佢地得兩歲半, 除左識跑步之外, 真係吾知仲識玩咩運動.  到時一定好攪笑.

悠悠媽咪

HI, THE POOH & 各媽咪 :
你地唔好咁客氣啦 !  大家一齊交流下意見吧 !

BBChu

悠悠媽咪
妳囡囡係坐校車or保母車?  

ThePooh

原來有分校車同保母車架？

悠悠媽咪

TO : BBCHU
我女女係坐校車,  由葵涌上車, 在旺角落車 .
每月 HK$830 .00

TO : THE POOH
基本上校車有好多地方都可以去到, 以我所知,  西貢及屯門黃金岸係校車冇去到, 要自己找保母車之外, 一般地方校車都有接送. 到今年八月一號係註冊日, 到時會有-- 校車, 校服 集中在學校,  你可即場查詢.   

BBChu

悠悠媽咪
八月中已經開學, 而八月一號註冊日先攪校車和校服, 會吾會太遲呢?  我以為五月一交學費果日就可以有校車和校服既information.

悠悠媽咪

HI, DEAR BBCHU
為何五月一日要返去交學費呀 ?  我地以前, 成功考到, 便交雜費先 , 到八月一日, 就是註冊日, 當日才交學費, 而且會有校服, 校車, 書包等公司在學校. 一次過買晒.

會否由今年開始改變行政呢 ?  其實最大問題係 "校車" . 如你擔心沒有校車到你屋企 ,  你可以預先致電 "校車部 -- 林太 (TEL:27788700) 查詢. 她都好 NICE 的 !

littleeva

悠悠媽咪

我想問下學校會否有家長日, 有冇親子旅行
唔知手冊有冇老師會寫野比家長/ or 小朋友學習進度.

謝謝您.

lv

悠悠媽咪，

多謝妳之前的回覆!
請問家長會否需要毎星期或定時要在手冊上寫下和小朋友的生活點滴 (像週記)? 因我知道某些幼稚園是需要的。唔知 sjc 有無呢?

唔該哂!

新幹線

Dear all,

我之前問過學校5月1日去只係交雜費, 而8月1日先至係正式的註冊日, 正如悠悠媽咪所講.

BBChu

咁即是話5月1日去只係交雜費hk$1700, 而學費就在8月1註冊日先至交.

新幹線

BBChu,

係呀! 我唔係好記得幾多錢, 係交半日或全日班的雜費用餘款, 因上次交留位己交一部份, 而5月就交其餘的.

悠悠媽咪

HI, DEAR lv
sjc 沒有此類的週記要家長做喎  !

悠悠媽咪

HI, littleeva :
1. 家長日
家長日好似一年只少有兩次的 . 第一次係每年的十一月中, 第二次係四月左右吧 ! 通常測驗完後便會有家長日 , 主要討論小朋友在校情況, 學習進度等 .

2. 親子旅行
這個也是一年起碼有兩次, 上星期六 (3/6) 剛剛去完, 今次地點去 "音樂農莊" , 有燒烤, 小朋友整面包, 編織草猛 等.
應該到秋季又有一次旅行.

另外, 手冊上有一欄係 "學校/家長通訊" . 一般老師好少把學生的進度寫在此欄, 如有問題, 她們喜歡致電給家長直接傾.
我自己認為 (真係個人意見) , 如果收到老師的電話, 一般都唔係好野. 記得女女 K1 時,講真, 真係幾頑皮 ,過份頑皮的, 班主任都有致電給我. 或者, 在校跌親, 女女在校流過鼻血, 老師都會在放學後致電給我的.
所以, 我不喜歡收到學校電話 lor! 如果你想問小朋友在學校進度, 每天 3:30pm 過後, 致電到學校, 老師都好樂意回答.

新幹線

BBChu,

你諗住比囡囡讀半日定全日呀???

BBChu

新幹線
K1會返半日.  妳呢?  

吾知最近有冇人問過黎緊k1幾錢學費呢?

新幹線

BBChu,

我會比佢返全日. 我剛才打過學校問, 佢話現在都未知, 有可能會調整, 但都試過冇調整, 佢話要遲D先至知, 而依家學費係半日2,500-全日3,600.-

littleeva

悠悠媽咪

好多謝您的詳盡解答.  使我對SJC 多一份了解. 真的謝謝您.