比華利幼兒園.

IRON

littleeva,

今日又係喊呀, 我陪佢玩左一陣, 何主任抱左佢我地就出去, 仲聽到喊到鬼死咁大聲, 我仔仔都有30磅, 真係難為何主任囉. 接佢果陣有番少少表情, 無尋日咁傻下傻下, 何主任話今日抱少左, 因為發現到佢好鍾意做野......比d"垃圾"佢放入垃圾桶, 哎. ^_&
佢尋日著冷衫熱到成頭成身汗, 今日比件短袖衫打底唔著冷衫就好少少, 我聽妳地傾話d冷氣好勁既??

IRON

hktt,

今日我聽到miss話紫晴好叻喎.......回轉頭睇到個得意妹, 係咪妳女女呀, 坐第一張台. *_*
何主任教要成日讚bb叻, 要不停咁讚, 做乜都讚, 哈哈哈.

hktt

IRON,

佢地果班有二個女仔都叫紫晴嫁，不過我個囡好易認，特徵就係似呀媽 "肥" ，咁你認倒啦。小朋友緊係要讚啦，從而建立佢地D自信心呀嗎。

我地三個得閑可以約出來 TEA 吓嫁，橫店都係將軍澳之友，係呢你住邊度嫁?

IRON

hktt,

個個得意小朋友都係肥嘟嘟好可愛架啦, 哈哈哈, 做左媽咪又多數肥肥地架喎, 我直頭係黑眼圈大灰熊, 呵呵呵. ^0^ 今日仔仔放學返黎到訓教我都係咁讚佢叻叻叻, 講到我自己都好煩啦, oh.....
我住係魷魚灣, 好近新都城. 不過我仔都唔知幾時先搞得掂返三個鐘, 唔係就可以等放學見下妳地先. 妳地會唔會送bb返學架?? 我多數同老公一齊送仔返放學既.

IRON

~~~~~~尋人~~~~~~

邊位係彤彤媽咪呀?? 尋日有個靚妹妹自己行埋黎同我個仔仔玩喎, 講野又叻, 對眼又圓又大......

hktt

IRON,

你就好啦可以接返放學，重要同埋老公tim，真幸福。慢慢黎啦，遲d會適應嫁啦，我個囡都成個幾二個月先適應 (係唔係好遲鈍呢)。

我地就無咁好啦，都係工人接返放學咋，有時老公得閑咪會車吓佢返學 law。如果可以蛇出去接放學，到時call定你，一齊tea吓啦。

我住將軍澳村嫁，你果度多唔多蚊呀?

littleeva

ｉｒｏｎ　＆　ｈｋｔｔ

ｉｒｏｎ　您咁好，　可以兩公婆一齊放學．可而家好耐冇接放學ｌｕ．其實都幾辛苦．來來回回．
ｉｒｏｎ　＆　ｈｋｔｔ搵日一齊接放學，跟住去ｔｅａ一　ｔｅａ．　︿ｏ︿

ｈｋｔｔ　您囡好番未，我仔完全好番啦．ｄ藥食晒都冇咳冇流鼻水．
天氣開始涼，　大家要保重身體，　大人細路個都要．　係啦您自己好番未呀！
　　

hktt

littleeva,

真係好啦，我地囝囡都好番哂。

星期五終於去左睇醫生，食左藥，很早就上床，星期六重足足訓左一整天，囡囡都無理，因食了藥好眼訓，依家好番羅。係啦大家真係要保重身體，如果唔係大人細路都辛苦。

IRON

hi hktt & littleeva,

哎, 我老公專登放假陪仔仔開學架, 仲要日日早d落樓洗好架車開定冷氣, 以前追我果時都無咁緊張呀, 我估學校d miss都會諗點解呢對父母咁鬼得閒既, 呵呵呵. 不過佢返一日放兩日, 以後都有好多機會接仔既, 不如妳地約定邊日一齊可接放學, 再一齊去tea丫.

hktt, 我住大廈係半山十幾樓無乜蚊, 樓下就有蚊, 所以落去散步前就會同bb噴定野, 妳果度好多蚊呀?? 好唔好住呀??天熱時係咪好焗?? 祝快d好返.

願大家同仔仔女女健健康康!! =^0^=

hktt

IRON,

你老公是否消防人員呢?果度係唔係公務員宿舍呀?

我都係搬左入去幾個月咋，以前住新都城的。依家果度係三樓，所以夏天果時好熱 ，我個囡就可憐啦，下就係屋企永遠都係大汗疊細汗，午睡有時都比蛟咬嫁。不過依家轉天氣好d啦。

IRON

hktt,

係呀, 所以佢好多假期. 我地都係舊年12月搬入黎既, 先前聽朋友講將軍澳成只鑊咁(地型), 所以一d風都無, 又熱又焗, 但經過呢個夏天我地又唔多覺喎, 可能係半山無屋阻住卦. 係喎點解妳唔住新都城?? 將軍澳村好似舊d, 妳唔開冷氣比bb?? 我仔家下仲開緊冷氣訓.

ruby

Littleeva,

我今日放假, 同軒軒去左比華利參觀呀!

我想問問果個介紹學校.. 帶家長參觀果個... 戴眼鏡.. 斯斯文文既係何主任嗎?

軒軒18/10去interview 呀! 我想問問interview 考d 咩架? thank you.

littleeva

hi ruby

我諗果個就是何主任啦. 她是負責幼兒園的 另外有另一位主任負責幼稚園. 何主任睇上來好似好COOL (第一個印象),不過傾落原來佢好NICE 嫁. 對小朋友又好,又有經驗.

您可以去埋德寶的OPEN DAY (今個星期六), E 度好多媽咪都鐘意德寶.

您仔幾多個月.打算幾時讀N1??  

littleeva

hi iron

您仔開始返 3 個鐘未呀? 佢還有沒有哭呀?

ＨＩ　ＨＫＴＴ　＆　ＩＲＯＮ　
我一同仔仔講幼稚園可能轉校，佢就話子軒驚驚嫁，唔轉啦．要比華利．　

我問過Ｄ朋友，就算小學在ＴＫＯ讀，　好多都派到觀塘的英中．

我都好矛盾，是否一定要出去讀幼稚園呢？

唔知您地又點睇呢？子軒真係好鐘意比華利．我都唔忍心佢要轉校．

ruby

littleeva,

軒軒就黎16個月, 如果番都會係出年9 月份..

佢18/10 interview 呀.... 我想問下 in d 咩? 如果pass左, 係咪即刻交學費架?

德寶係咪o向富康架?

littleeva

ruby

一般幼兒園面試都唔會考Ｄ咩．應該都係好簡單.

我記得當時面試：　比Ｄ繆積木小朋友踏高高．比Ｄ玩具問下小朋友是什麼：ｅｇ　面包，雞脾．　問下小朋友這個是誰（媽咪）
另外比ｄ玩具小朋友玩玩．目的是睇下小朋友小肌肉是否正常．　

我果時是要等信ｉｎｆｏｒｍ　ｒｅｓｕｌｔ．
不用即時比學費．　有信　ｉｎｆｏｒｍ  先交留位費.($550) 而學費好似是在開學前3個月咁上下交.

您放心，好易嫁咋，您諗下咁細個考得佢ｄ咩．　

德寶有２間．　１間在富康，１間在寶盈．

hktt

littleeva,

紫晴開始好鍾意返 "比華利"啦。好似今日咁，我問工人佢返學時情況，佢話紫晴已識得自已入學校，重好開心TIM。

諗番初返學時，真係好想同佢轉校，以為D老師唔識教，原來D老師係好有耐性及愛心嫁。

eva, 我同你諗法一樣，都唔知好唔好同佢轉出去讀k1。

hktt

IRON,

其實新都城真係好好住及各樣好方便嫁，依嫁住村屋都有d都慣。之前間屋因太細了，而老公一向都好鍾意住村屋的所以咪租左依家果度羅。

有嫁係佢訓覺時，但我個囡一向都好大汗的，好似晚上訓覺開冷氣佢都一樣會流汗的，唔知點解呢?

IRON

hi littleeva,

星期一開始返兩個鐘, 不過入學校果野都係喊, 何主任一抱過手就見佢喊得好淒厲, 唉...... 不過中午同何主任通電話佢又話仔仔入到課室就無喊, 妳問下妳仔仔係咪無人喊.
我唔係好認同香港既教育方式, 計劃中希望仔仔讀完小學就去外國讀, 所以搵間近近地既幼稚園, 而小學本來諗住去優才, 不過又有媽咪報料話果間唔係好掂, 而家都1516, 哎.
妳仔仔幾時開始講野好叻架?? 今日我同何主任講起仔仔係咪唔多講野, 佢話仔仔都算慢, 不過男仔通常遲d, 睇多兩個月先, 唔好心急.

IRON

hi hktt,

我老公都係好鍾意住村屋, 又有花園泊車又近, 仲可以養狗,  以前兩個人都時不時去睇下d新村屋示範單位, 不過有左bb之後就無得諗囉, 呵.

妳女女返學就叻啦, 我仔仔都唔知仲要喊多幾多日...... 佢如果無冷氣5分鐘就成頭成身濕晒, 所以唔訓時個廳都要開冷氣; 沖完涼開始訓著時就會成頭濕一次, 不過好奇怪喎, 有一次佢無濕, 原來下半夜就發燒, 都幾邪架.