兆麟聖彼得堂 06 k1入來傾下丫

hviy

june_june,

小朋友如果有小小病都俾佢返學,就一定要同班主任講聲或寫張紙仔貼响通告袋上,咁就會多d留意佢架啦    如果小朋友有小小發燒又俾佢地發現到,都會通知家長,亦會俾多d水佢飲....頂住先嘅. 畢竟都三十個人一班,小朋友好多時都會玩到面仔紅卞卞,靠眼睇真唔易發現架    小朋友出出入入都搭膊頭排隊,老師都未必拖到佢架...如打電話給班主任只要留底電話號碼和小朋友姓名,就一定會覆你的,又或者直接找主任或留言給書記亦可. 仔仔一定會好快好返架啦...唔好咁担心啦...

嵐嵐d鼻水都係成日唔清    呢d天氣真係                 

hviy

celia_ip,

秋季親子旅行無限幾多個家長陪同架...一家7口去都得
     俾錢就得架啦     
囝囝無端端係度扮king kong連其他同學仔跟住佢扮???咁咪好好笑囉      你囝囝都好cute喎      咁不如下次叫佢份一隻坐响度嘅青蛙咪得囉       

hviy

beautymother & junejune,

我以前咪又係好似你地咁要返工,乜都唔知,又未識上bk揾料,儍吓儍吓咁...結果...有綱要又唔睇,阿女有功課要做又唔知,要帶野返去做美勞又唔知,攪到阿女欠交功課,又無得做美勞      你話幾瘀呀      e+幫得到咪幫囉      唔洗咁客氣喎     

beautymother 寫道:
hviy
有你係度真你最好啦，幫o左我地好多忙呀。


[quote]
hviy 寫道:
差d唔記得提吓你地...今fri係生日會,唔洗帶書包,只帶杯袋同着運動衫, Thr會開始有綱要,留意吓內容有無要帶野返學校,有時會要厠紙筒,有時要紙包飲品盒....     

[/quote]

luluma

hviy, beautymother, june june

真係有人提醒係好架, 若果唔係hviy講生日會穿運動衫, 我真係會照時間表叫女女穿裙返學架

係呢, 咁如果收到綱要後, 家長要唔要, 跟綱要內的內容同小朋友溫習呀....

仲有呢. 有份放在家的親子手冊, 天父世界, 英文, 係咪要家長一齊做架, 那階段做呀?

還有日前派的工作紙, 係咪要做晒佢呀, 定係有時間才做呀?

  
嘩, 我忙呀

luluma

shirley

係鰂魚涌返工, 咪要好早起身囉.....真係幾辛苦架播....

要轉幾次車喎

beautymother

我又係呀，有時唔記得睇通告袋呀。早幾日又係，無填到手冊入面要家長報告小朋友平時的o野，所以要在學校門口填返呀。

luluma，你是指早幾日有一張填色的那一份嗎﹖要不要交回，好像是比賽的填色吧﹖唉，我又係烏噹噹的

hviy

親子手冊, 天父世界, 英文, 係要家長响屋企當課外書咁同佢親子閱讀,無話幾時讀,唔讀都得,老師會教,但如果有同佢讀過咁學習表現咪會叻d囉    綱要亦是同樣道理...我大女K1-K3我都無跟綱要同佢備課,所以佢返嚟都會同我講xx同學&xx同學好叻架mami    咁我問佢點解人地會叻d呢??佢話係同學mami教佢地,仲問我點解唔教佢        日前派的工作紙,係咪電腦課嗰份???呢個我以前都未見道 應該係學校嘅教材入面包含的,但唔使帶返學校,俾佢地响屋企練吓填色,而另外有份填色比賽係自由參加的...p.s.所有比賽都是親子的(即mami做)     

其實你地只係未習慣小朋友返學後的協調啫    你會隨着小朋友對你們的要求,慢慢就會投入架啦    我响過去3年在學校所學的是點樣做一個合格的媽媽    所學到的....絕對不小於阿女,生佢出嚟都唔洗一年,教佢就係一生一世     

你地現在的感受,我面對過,亦正面對着,因學校每年都grown緊,我只係對學校一般的運作上比你們熟識而己...大女上P1咪又係做緊一個傻吓傻吓嘅mami??都係要靠d學姐mami照住,又同幾個同學mami交流吓,一人問d先攪得掂咋 :-|  :-| 其他家長又成日投訴學校政策混亂,我入過其他小學討論區睇過....咪一樣~~~           

hviy

今日終於都揾番大女3年前嘅兒歌樂同來說普通話VCD出嚟    細女睇得好開心,仲一齊讀    但我就                 

dolphin

hello all,
幾日無入來傾偈呀, 唔知點解今日老師又再重覆給之前張通告給我簽, 你哋有無係咁呀? 點解呢?      
仲有想問問hivy, 本學生手冊係唔係好多時都keep係學校度呀? 還有想請教吓"每天的興趣堂"及"自選活動堂"是做甚麼的?        

hviy

dolphin,

通告重覆應該係唔見咗,所以要重簽,呢樣就經常會有...可能由老師交校工再交書記的過程中遺失,學生手冊係keep响班主任處,每2wk會派一次填學習評估,有需要用時可向班主任借 平日遲到,早退,請假都會記緣响手冊上,亦會寫在上,下學期的評估表上,興趣應該是唱兒歌或自選入角玩,自選活動應該是可以玩户外嘅設施,如單車,滑梯等,有時會一齊做壁佈

dolphin

hviy,
唔該哂你o既資料呀, 等我更加了解熙熙係學校o既學習情況

hviy 寫道:
dolphin,

通告重覆應該係唔見咗,所以要重簽,呢樣就經常會有...可能由老師交校工再交書記的過程中遺失,學生手冊係keep响班主任處,每2wk會派一次填學習評估,有需要用時可向班主任借 平日遲到,早退,請假都會記緣响手冊上,亦會寫在上,下學期的評估表上,興趣應該是唱兒歌或自選入角玩,自選活動應該是可以玩户外嘅設施,如單車,滑梯等,有時會一齊做壁佈

hviy

dolphin,

今朝送女返學又企响度睇咗一陣,原來小朋友要自己從通告袋取出通告放入枱上的膠籃內的,咁就係最大可能性遺失通告    未必係自己個小朋友嘅問題,其他小朋友亦有可能會整唔見你嗰張通告架   

我以前同你地一樣都係要返工,係暑假前失業,所以e+先有時間去了解佢地嘅細節    你地嘅問題以前都無人答到我,只係覺得無傷大雅便算,全靠你地嘅提醒,我先至會有留意到呢d細節上嘅野架詐      Thanks   

luluma

一言驚醒, 我未交訂閱表添, 你地話我明天交會否太遲呢....


係呀, 我星期1印左每周菜單, 同課堂時間表, 貼在女女出未的地方, 等佢可以在家常常睇到, 希望令佢對學校會發生的事投入多些, 佢真係常常問我明日食乜, 邊係午餐肉包, 邊到係維他奶,....等有綱要時, 我又貼,等佢行過就問下睇下.....幾好咁....

hviy

luluma,

照交先啦~~如果過咗cut off time班主任會call你架啦   

dolphin

luluma,
你諗住訂閱甚麼呀?

catnapper

各位,

因同事快要出trip, 所以我比較忙, 無上幾日差d追唔切d留言.

我上校網唔見有阿仔的貼圖

另我都未有時間訂vcd/書等.

我平時問阿仔上堂學d咩, 佢次次都話唔知, 所以我完全唔知佢識d咩野.

我都好想可以去學校睇下佢上堂o既情況, 好可惜要返工丫, 唯有等觀課啦.

我也期待親子旅行, 到時大家一定要相認呀.

luluma

我會訂 "創意學習夽" 光碟, 兒歌樂, 同"來說普通話",

另外對那本100元 noddy 字典, 那夽26picture book + 5 cd 的Alphabets 都有興....你地話值唔值得買呀, 你地有無人買呀...

dolphin 寫道:
luluma,
你諗住訂閱甚麼呀?

luluma

catnapper

卓琳都係咁架, 問親都話唔知架,比佢激死, 我地唯有等佢自已重播先有得睇架咋.....

luluma

hviy

嘩, 如果樣樣都係要我出手, 咁我令願唔比佢參加比賽呀...

hviy

luma,

我以前都好以你咁諗    但佢會好享受同你一齊做嘅過程,完成作品後佢會引以為榮,自己同家長做嘅嗰pet作品,永遠是最靚嘅...以前大女K1時,老師會叫小朋友向自己嗰組分享創作過程,不過因我無做,俾阿女投訴 :-|  :-| 到K2,3有做又無分享    可能各老師嘅做法都唔同啦     

luluma 寫道:
hviy

嘩, 如果樣樣都係要我出手, 咁我令願唔比佢參加比賽呀...