富安威寶的家長, 入黎交流吓啦

晞琳

giann728 寫道:
未上堂呀，下個月先開始，Ian排到啦??

係呀！今個月尾開班，今日要回覆tom lee啦！我仲心大心細添。

giann728

馬鞍山定沙田呀??

晞琳 寫道:
[quote]
giann728 寫道:
未上堂呀，下個月先開始，Ian排到啦??

係呀！今個月尾開班，今日要回覆tom lee啦！我仲心大心細添。[/quote]

晞琳

giann728 寫道:
馬鞍山定沙田呀??

沙田呀！我都唔知馬鞍山有tom lee。

ktmama

Hi, Giann728
喺老師用口話喺咩燈 gar.

我覺得仔仔都讀得好開心, 所以唔會同仔仔轉校 lu.  我諗學校始終都有佢既吸引力, 而且那些非牟利的幼稚園始終都喺學額有限, 無可能可以做到額外開班去容納更多的小朋友.  不過, 可能都仲有變數, 因為 d 家長嘈得好緊要, 睇吓政府跟住會唔會有改變.

21號開放日要睇吓仔仔想唔想返去玩 lu, 如果佢想返去, 咁我就同佢返去玩吓 d 攤位遊戲.  

giann728

你係唔係排平日呀??  我上個月已經要交錢，下個月先有得讀﹗  你仲未決定咁快就有得讀既??

你唔係報左柏詩咩??  會唔會一樣架d野??

晞琳 寫道:
[quote]
giann728 寫道:
馬鞍山定沙田呀??

沙田呀！我都唔知馬鞍山有tom lee。[/quote]

giann728

ktmama,
我同個女玩左啦，佢初初一舊雲咁，玩耐左先知我同佢玩咩﹗   

我同我老公都係咁諗呀，女女讀得開心唔想轉校，不過我地都會搵定後路，我唔想個女下年無書讀又或者因為無學位而要讀d唔係幾好既學校。

我21號會返去學校，順便問吓校長有咩對策先，其實都唔係我多心，報紙有好多報導都話呢個政策想私校執粒，威寶唔係咩九龍塘名私校，我覺得好多家長會同小朋友轉校﹗

ktmama

Hi, Giann728
點呀, 你同女女玩得開心嗎?

同女女搵到後路都好既, 我今日同朋友傾過, 都決定會同仔仔搵定後路, 報幾間做後備, 真喺頭痛. 喺呢, 你會揀邊幾間呀?

你有無問過女女如果老師問 : what is your name? 佢哋應該點答呀?

我今日睇新聞報導, 都有講幼稚園的學卷問題, 見到葉主任呀, 講真上境都幾靚女喎   , 不過政府的態求好似好堅決, 唔會改. 仲話牟利的幼稚園, 5 間有 4 間唔好喎  

giann728

ktmama,
我後尾改良左個遊戲，佢玩得好開心呀，仲玩到唔肯停，我老公同佢一齊玩，叫晒救命﹗   

唉，我都覺得好頭痛，如果係，我會簡翻沙田區，唔考慮馬鞍山架啦﹗  聖心我又驚太嚴，讀得唔開心，碧濤我又嚴個廁所臭，不過都會報定先，或者會去考保良局吳多泰，呢間校舍都幾大，好似d老師都幾好架，另外想試吓根德園，雖然都係私校，但我覺得佢唔會執粒，因為話晒都係名校﹗ 你呢，有咩心水呀??

我問過，佢唔會full sentence答我，不過佢識答我Giann Lam﹗  我都問過佢"are you a boy or a girl??"，佢都係答我girl就算，永無full sentence。

我今日無睇新聞呀，葉主任上鏡講咩呀??  我又唔覺得牟利唔好喎，起碼可以夠資源日日有普通話同埋外藉老師先丫，大部份非牟利都係一星期得一日外藉老師架咋﹗

ktmama

HI, GIANN728
我首選會儘量揀返馬鞍山區既幼稚園, 不過都會幫仔仔報埋吳多泰同聖心.  不過最好都喺唔駛轉, 一路讀上去就最好啦.  請喺慘, 無啦啦攪單咁既嘢.

聽講根德園唔收插班生 GAR, 不過你 CHECK 清楚先啦.

我次次問仔仔 WHAT IS YOUR NAME? 佢永遠都喺答我 I AM A CHEUNG KWAN TING, 連英文別名都無講喎 , 但我覺得好奇怪, 嘜唔喺應該用 MY NAME IS XXXXX 咩.

琴日電視台影到葉主任, 但葉主任無講嘢呀. 今日城市論壇又影到佢啦, 睇黎學校都好重視呢次事件.

giann728

ktmama,
咁你知唔知插班的話，d學校會幾時派表呀??  我尋日原本想去睇吓吳多泰既校舍，不過我老公真係唔想個女轉，死都唔肯去，其實我夠唔想轉啦，嫌唔夠煩咩，不過唔通真係等到無書讀先作打算咩，所以我唔鬼理佢啦，自己攪﹗ 當然，威寶一日有得讀，我一日都唔會轉既﹗

原來根德園無得插班架??  即係K2轉過去都唔得呀??

你仔仔都好叻啦，識full sentence，我尋日問過女，佢叫我唔好講添呀，激死我﹗

今日考中文，你有無問仔仔識唔識呀??  唔知我女女做成點呢??

ktmama

Hi, Giann728
吳多泰已經可以開始報名啦, 一樣都要經過面試, 但只喺得番下午班咋. 講真, 我都喺唔想轉, 真喺好煩, 大部份既幼稚園都喺得番下午班有位, 時間真喺唔喺幾啱用. 唉..........  希 望最終都唔駛轉, 開開心心繼續喺威寶度讀就好啦.

我問過啦, 佢話等出年學期尾先再打去問吓喎. 咁咪即喺幾會好微囉. 而聖心都喺一樣, 話要等明年學期尾先再打去問吓喎.


今日考中文, 我問仔仔識唔識做, 佢話識做喎, 都唔知真定假.

giann728

ktmama,
你真係快手，咁快就問左幾間幼稚園﹗ 原來得翻下午班，真係好full喎﹗我又同朋友傾完，佢女女上年讀果間幼兒園，因為經營唔到要執粒，佢見到d K2 學生好慘呀，因為下年要升K3，要簡小學，突然無得讀喎，真係好徬徨吓﹗  我地兩個小朋友下年K2，我都有少少驚，學校今年話唔執者，咁K2、K3又點呢??  所以今個星期六既開放日，點都要捉住校長問吓佢有咩對策﹗

你仔仔好叻呀﹗ 我要今晚先問到我女女識唔識，仲要希望我翻到去佢未訓，因為一訓就會訓到天光同唔到佢傾計﹗   

giann728

ktmama,
我同女女約左今個星期六去吳多泰interview啦﹗ 另外，我會報九龍塘一間幼稚園，朋友個仔讀緊，幾吸引，可以用視像睇住個仔上堂﹗

ktmama

Hi, Giann728
嘩, 你咪仲快, 咁快就約咗星期六去 interview 啦.

可以用視像睇住個小朋友上堂又幾好喎.  起碼做家長既都放心 d.

晞琳

giann728 寫道:
你係唔係排平日呀??  我上個月已經要交錢，下個月先有得讀﹗  你仲未決定咁快就有得讀既??

你唔係報左柏詩咩??  會唔會一樣架d野??

星期日終於都去咗tom lee交費啦！下星期二學始上堂。

柏斯仲有5堂就完啦！兩個課程完全唔一樣架。

其實完咗柏斯都有其它班可以上，不過，我唔鐘意佢一次過交十幾堂費用，仲要完全無假期，大時大節想休息吓都唔得。

希希幾時開始上呀？

giann728

11月唔記得係4號定11號啦，我要返去睇吓張receipt﹗  其實tom lee4個月之前都已經收左希希，不過係星期一，所以我無讀到囉，呢個係親子課程，我唔想交比工人同佢去上呀﹗

晞琳 寫道:
[quote]
giann728 寫道:
你係唔係排平日呀??  我上個月已經要交錢，下個月先有得讀﹗  你仲未決定咁快就有得讀既??

你唔係報左柏詩咩??  會唔會一樣架d野??

星期日終於都去咗tom lee交費啦！下星期二學始上堂。

柏斯仲有5堂就完啦！兩個課程完全唔一樣架。

其實完咗柏斯都有其它班可以上，不過，我唔鐘意佢一次過交十幾堂費用，仲要完全無假期，大時大節想休息吓都唔得。

希希幾時開始上呀？[/quote]

ktmama

Hi, Giann728
今日評估英文呀, 你女女識唔識呀? 唔知聽日又點呢?

今日聽電台, 有個人講得好啱, 教育好緊要, 唔可以做錯決定, 佢唔同你平時買衫或出街食飯, 著得唔好睇好唔著, 唔好食唔食. 無可能當個小朋友讀完幼稚園後發覺選錯咗學校而要個小朋友再返去讀過幼稚園.

宣傳片成日都話求學不是求分數, 但小學又配合唔到, 程度差少少, 都會追得好辛苦, 你話叫我哋班家長可以點樣.  

giann728

ktmama,
我都唔敢問女女識唔識，我前日問佢中文，佢點吓頭就算，問多句就走埋佬﹗      咁你仔仔呢??  佢識唔識呀??

我尋晚都有聽電台呀，佢個topic唔係講學卷，不過咁啱有個家長fax左封信去以表對學券制不滿，咁節目主持人就讀左出黎﹗  個家長簡直講得好到肉，咁個節目主持人話過兩日收集多d資料就會講吓呢個學卷制既topic，我都打算今日寫封信fax過去﹗ 講真，政府不滿私校無理由都要私校既家長同學生去承擔，稅我地又交足，福利又享受唔到，有無咁唔公平既社會呀﹗ 果位家長都講話佢仔仔唔係未試過去考非牟利幼稚園，只係幼稚園唔收，先迫住讀私校，咁你政府又可唔可以擔保夠學位比每一個適齡兒童入到心宜既非牟利幼稚園丫，我估真係未必﹗

星期五我同我老公都放假，我地打算去學校裝吓女女上堂順便同校長傾吓，我地驚星期六人多，校長都唔得閒同我地講咁多﹗

ktmama

Hi, Giann728
呀仔話佢中文錯咗一題, 因為多手成行圈晒喎 , 所以老師俾咗個 X 佢囉   , 咁琴日英文佢就話無亂黎, 所以無錯.

星期五都喺評估緊喎, 得唔得 GAR?   不過最緊要唔好俾女女見到喎, 咁你會唔會接佢放學呀?  你同校長傾完記得話我知喎 .  不過我諗學校都好緊張, 睇吓佢哋會點做都好.

giann728

Ktmama,
你仔仔已經好叻啦，自己知道多手所以錯﹗  我都唔知我個女做成點添呀??  係唔係會星期五派翻翻黎架??

係呀，星期五仲做緊評估，所以我地靜靜去唔比佢知架﹗  應該會接佢放學，因為一場去到﹗  好呀，我同校長傾完再同你報料丫﹗