有冇讀康盛花園比華利國際幼稚園的媽咪?

PRESTONMOM

garytai,

今日趕住帶柏希去街，所以無時間同你講兩句添.
以你所講我估謙謙可能上次被魚骨哽親有d陰影，所以嘴裏面有要咬既餸粒..就會推番出來囉。你試吓煮d稀粥(無渣)，等佢吞慣左...有番信心先再加多d餸料入d粥裏面。柏希有一排都係咁...食左幾日稀粥仔...後尾好番。我起初都唔知架  ..以為佢玩嘢...於是就餓耐d佢...但食粥時佢都係一樣..點知有日我真係無晒計...唔煮粥..去洒樓叫左碗好稀既白粥被佢，佢搶住個碗呢食呀，唔晒5分鐘食晒。我個刻真係赤到想喊.    因為個仔唔識講嘢..而我又唔知道...累到佢餓咗幾日，又被我&爸爸鬧足幾日。希望你試吓呢個方法..睇吓得唔得
唉!柏希呢排真係勁玩我..   扭眼瞓/唔高興就大叫，又狂要食奶咀(以前衹係瞓前啜幾吓)。有時佢連平時見慣d人都唔彩唔被人抱，包括亞爺，婆婆等。以前佢都未試過扭計成咁。當然我哋d媽咪會體諒/明白d小朋友既情緒起伏，亦需要被佢哋發洩吓...而我哋亦可以上嚟呢到互相support 吓...
祝我哋d小朋友快d平伏情緒...做返乖仔!!   

PRESTONMOM

Ivyho,

"超級保姆"係星期日上午播架...我睇過2,3次only因為要倍柏希玩...所以無睇啊...不過我朋友借咗"supernanny"本書被我。我而家睇緊...試過2次用黎對付仔仔都幾work!        
柏希返左學之後先至識主動返房    而且唔洗抱住氹佢瞓...祇係佢係床..我就啪吓佢背脊..大約10:00就一定瞓着，以前抱到手軟都末瞓着。可能返學burn咗好多energy...下午佢午睡后我/姐姐都會帶佢去行吓商場/平台玩吓再burn 吓 energy   。

ivyho

Hi Prestonmom,

好, 等我都借番本 "supernanny" 了解下先, 然後再交流交流     .

柏希都係呀? 加彥都係返左學之後先唔洗抱住瞓, 不過要 "碌黎碌去", 而家爸爸陪瞓都ok (唔駛困住我). 我覺得佢地返左學真係進步左好多呢 !
係呀, 你陪多d柏希玩, burn energy 外, 亦等佢build up番安全感&親子關係, 解釋比佢聽, 讓佢地知道我地係屋企等緊佢, 放學就可以見面.
我之前用利誘 (餅餅&貼紙) 氹加彥上車, 次次都唔work , 宜家用道理解釋, 反而佢受wor    , 今朝都冇喊, 仲(好勉強咁) 同我揮手添 . 唯一係我好少時間陪佢(唔開心 :cry:  ), 回家吃飯沖涼後加彥都差唔多要瞓啦.
咦, 學校開始train 小便la , 要帶底褲&短褲仔. 希望快d成功    .

ivyho

garytai,
多謝! 張相既加彥只有4日大咋   !

對! 放學後, 陪佢地多d應該可以令佢地快d適應.   
星期三送番學時見到謙謙玩緊, 要講一句, 謙謙真係有大哥風範 , 完全唔似bb, 係一個小大人呢!

Wa,   原來要咁早瞓既, 怪唔得知仔仔唔夠瞓啦, 不過無計, 佢再早d瞓就真係見唔到我架啦  :cry: !

加彥都試過用條舌頂番出黎, 如果持續幾啖都係咁, 我就會放棄架la, 費時大家辛苦 ! 之後比奶佢飲番lor, 如果都唔飲, 可能真係冇胃口或作病 . 謙謙喜歡食麵或粉嗎? 如果喜歡, 可以試下.

garytai

PRESTONMOM,

你今日唔講唔覺, 我留意到佢食d軟綿綿的野會好d, 食d大舊少少及硬少少的野就會吐番出黎, 所以可能我要有煲d稀粥佢食, 睇下情況點先, 唔該哂你

ivyho,

謙謙又係今日介片, 原來一齊介呀? 不過我都擔心唔識幫謙謙介, 不過學校開始, 我都要配合既, 希望謙謙可以成功介片, 到時我就慳番d啦

大哥風範 我未見過喎, 點叫大哥風範? 我淨係知佢呢排脾氣勁臭, 一有少少唔順意就勁發脾氣, 唔知會唔會係吽呀, 總之就煩死人

PRESTONMOM

ivyho & garytai,
柏希今日放學發燒38.6度呀,依家食咗藥水,瞓咗....如果瞓醒唔退就要去睇醫生    
你哋就好啦...我柏希仲未可以學戒片片呀   
不過,佢而家學講多咗嘢..我問佢叫嘜嘢名,佢答BeBe(雖然我教佢講柏希,佢仍堅持叫bebe。真係被佢激死:  ,如果食飽佢會講飽飽....尋晚就指住我個鼻講鼻鼻,我教佢講nose架,所以可能係學校教啦...

garytai

柏希好d味呀? 今日我摸佢頭仔又真係有d慶, 我估都係帶佢睇醫生穩陣d...

柏希咁叻仔呀, 謙謙雖然識多左野, 不過我問佢野佢都唔肯答我, 淨係用手指指, 而且唔係樣樣都識指, 叫佢錫媽媽時佢一定唔會錫...希望謙謙可以快d錫我就好啦

ivyho

garytai,

星期三果日謙謙入課室時，我已經係入面la, 謙謙一入課室就自己除書包比老師, 跟住就番埋自己個位到坐&玩玩具, 但隻眼就望住其他同學仔bor (有少少大佬feel), 而其他同學仔(包括我個仔)都坐或站在Ms Chong身邊黏實Ms Chong . 謙謙冇過去 until Ms Chong 叫佢.  果一刻, 比我既感覺係謙謙好大個, 似大哥哥, 而其他同學仔好似好BB咁.

加彥昨天將2條短褲都尿濕咗! 佢自己尿尿既能力仲未得架, 在家是不願尿尿的, 但我都要努力配合學校才可 : !


Hi Prestonmom,

柏希發燒38.6度, 屬微燒, keep住check下佢溫度同觀察, 如果無特別唔妥(其他病徵) &活動正常就不用擔心(除非一直唔退燒, touch wood)!

佢答BeBe呀? 都幾醒wor ? 係未有時你地會叫佢做BeBe呀? 柏希係未屬於硬頸果類 ? 加彥有少少硬頸 ! 另外我之前問加彥你叫咩名呀? 佢剩係望住我,   我就知佢唔明!

garytai

ivyho,

你唔講我估我唔知謙謙在學校是這樣, 但佢一見到我就好扭計, 我都聽過好多人話小朋友在學校好懂事, 好守規矩, 原來係真嫁...如果佢在家都係咁就好啦

今日在家開始幫謙謙介片, 頭果一兩次都肯企起樹, 我係每隔15分鐘就去同佢尿尿, 但第三次扭計唔肯, 我就捉實佢, 佢仲扭得勁, 而且次次都唔肯疴, 賴到周地都係, 我有少少忟, 打電話問老師應唔應該迫佢企起度定係一扭就放人唔好迫, 何主任話可以將個盆放起佢面前, 唔使次次帶去疴, 呢個技巧都ok, 之後果兩次我將個盆放起佢面前佢又肯企企定, 不過我估要好漫長的時間先可以介到片, 何主任仲話彥彥今日好叻, 冇賴濕衭仔, 不過佢話人人唔同, 唔好俾壓力謙謙喎....尋日接放學見到彥彥上校車冇哭, 仲望住我, 個樣好可愛, 我問何主任車內有冇安全帶, 佢都好老實答我有d有, 有d冇, 我見彥彥都可以搭校車, 我又心郁郁想安排謙謙搭校車, 咁樣我就唔使咁辛苦啦...

PRESTONMOM

hi garytai & ivyho,
柏希下午燒到39.4度呀....去咗診所睇醫生。塞咗d退燒藥入pat pat到,退左半粒鐘, 又燒到39.8度,40度。夜晚再去法國醫院,又再塞咗d退燒藥入pat pat到。而家退咗dd燒。不過醫生話小朋友發燒係好反複,佢剩係發燒,check左無其他病徵,應該無問題。我都放心d!!!多謝關心!!    
不過我聽講出玫瑰疹都係甘架..    ..連續高燒幾日,退燒後會出紅疹...希望柏希唔係中呢隻箘啦....不過今晚我預咗無得  
柏希都屬於有d硬頸架,有時被佢激到死   佢受軟唔受硬..所以我成日要諗計至吓佢,supernanny 話要小朋友知道話事個位係你唔係佢.... 同埋要堅持自己既底線....柏希成日會test我個底線架   
不過照情形睇...佢哋呢班馬騮仔...係學校真係好乖喎...    剩係返屋企"蝦"我哋 :tongue:

ivyho

Hi prestonmom & garytai,

我都覺得佢地係屋企一個樣, 係學校又另一個樣, 加彥仲係爺爺家再另一個樣添 (簡直放肆 )!

係屋企介片, 我會比佢著紙尿褲(懶去抹 ), 等我都試下將個盆放起佢面前先, 不過有時佢激烈反抗, 我都有得佢, 費時佢驚左唔去未c!

我諗加彥應該適應左搭校車la, 已無再喊 (放心 ), 不過未enjoy. 我諗只要忍心一段時間佢地遲早會適應 (問題係有時會唔忍心所以放棄lor, 我都差d架la ) 如果我地企硬, 有時佢地仲會快d適應添. 我諗都係同佢鬥玩心理, 似玩show hands?

Um, 聽你咁講柏希都似出玫瑰疹, 比多d水來佢飲la, 洗唔洗煲d稀粥等佢容易d消化?

PRESTONMOM

hi all,
柏希似係出大牙...因為今日除咗有d燒之外,佢連稀粥同奶都唔肯食呀!!點算好?    佢d牙肉好腫...流好多口水呀...餵佢食藥水好似打仗咁,仲嘔到成身。夜晚仲癲.. ..攪到香港多咗幾隻國寶.....熊貓   。如果各位有方法....麻煩話我知      唔該晒!!

garytai

PRESTONMOM ,

會唔會係生非滋 or 喉龍發炎呀? 因為謙謙出哂d牙(除四隻大牙)都未試過發燒, 而且佢出牙時係唔想食d硬野, 淨係想飲奶...柏希退左燒未呀? 如果佢一路都唔肯飲奶同食粥唔得嫁, 如果佢再係唔食野就要入院嫁啦, 因為佢係咁發燒唔肯食野會有脫水的可能, 俾多d水佢飲, 試下開奶唔好開咁熱, d粥都係盡量稀及涼少少睇下會唔會好d....發燒訓得唔好係會忟憎d, 你同工人輪流休息下啦....希望柏希早日康復 :wink:

PRESTONMOM

hi garytai,

我琴日睇咗2個醫生...不過佢哋話個口同喉嚨無事..不過我都覺得佢個口腔有d唔舒服..起碼d牙肉今日真係腫咗..佢今朝開始就低燒...中午就唔肯食粥...下晏就飲咗好多水...不過唔飲奶...但今晚就嘜嘢都冇食...剩要奶咀。頭先...好似劏豬甘...餵咗藥(天一半,地一半), 趁佢瞓着左..餵咗5oz奶(用米水開),唉!佢今日無食過粥仔呀!如果明天都係咁....都係帶佢去醫院。  :cry:  :cry:

PRESTONMOM

Hi garytai,

真係生非滋啊!個喉嚨生咗十幾粒啊..佢連吞口水都痛到喊....係坑口睇開個個Dr.今日放完假...今朝晨早就去睇...原來柏希遇到隻箘叫庖疹1形病毒...係經口水傳染架！先發高燒...退燒后d病毒就會發出來..通常係口腔內膜...佢下晏好d啦...我用匙慢慢逐匙餵冰水/凍奶/凍稀粥佢都飲..不過都係好少....佢吞完都會大喊...但起碼佢肯飲...希望佢快d打低d病毒 。.我諗要幫佢請多幾日假...等佢完全康復後至返學,安全d...因為小朋友好容易互相傳染.....不過我諗小朋友返咗學之後真係好難避免.... 家吓我同姐姐輪班制都好攰.... 如果我自己一定攰死   

davina1213

Hello ! PRESTONMOM,

我一路都有留意你們的對話，因為我見到標題又想阿囡入"比華利"所以有留意。 見你個小朋友生病了，有冇醫生可以幫到手呀 ? 我個囡之前6個月大時都係感染左玫瑰診，都係呢個醫生醫好，如有需要我可以比資料你，不過佢係銅鑼灣應診。  希望你個小朋友早日康復。

PRESTONMOM

hi davina1213 ,
柏希今朝肯食嘢&飲奶啦,好咗好多   多謝晒你!
間中都會喊叫吓。 本來睇來坑口盈健個何成輝,佢d藥幾夾我個仔,同埋好細心,不過早2日佢放咗假,琴日至返來。唔該你pm你個醫生d資料被我....如果下次Dr.何成輝放假...我都有個choice.. thank u!!
你囡囡幾時返學呀...睇吓有冇機會做同學仔    

garytai

PRESTONMOM,

喉嚨仔生左十幾粒非滋? 好恐怖呀, 實痛死佢啦....不過知道佢咩事都好d.....其實幼稚園等公眾地方係多菌d, 不過有時又好難避免...如果平時可以多d帶小朋友落公園跑下, 跳下, 多d俾生果及有營養的食物佢地食, 同埋平時唔需要太乾淨, 有人教如果太乾淨佢地好易病, 希望佢地可以少d病啦....

ivyho

Hi prestonmom,

加彥今天無返學, 星期日零晨開始發燒, 高高(102F)低低, 反反覆覆, 要keep住4小時食一次退燒藥, 因為無其他病徵, 而佢除了黏身d外, 都不是太‘牛豆’, 所以無特別理會, 以為是玫瑰疹.

但剛聽你咁講, 有d擔心, 如果你得閒時, 可否打比我傾下, thanks.

PRESTONMOM

Hi ivyho,

聽你咁講加彥好有機會都染到喎!!!希望加彥無柏希咁辛苦啦...我估柏希係因為星期三個日,同婆婆去食m記時,佢食左好多french fries...好熱氣所以出左勁多痱滋囉....佢爸爸話以後唔准佢食.....   
我諗你試吓boil定d米水放雪櫃用黎冲奶可以清熱氣又可以飽肚d。希望加彥快d好番!