番禺會所華仁小學

easiness

ms99,

因為今朝阿仔要返學, 太早起身, 所以約十時已經瞓左啦! 正如睡公主所講, 衹有入夜才有自己既時間!

easiness

ms99,

唔係呀! 阿仔之前係九龍塘返幼稚園!

睡公主

easiness：

係呀！初時我聽到都好驚訝，雖然話間間學校都有精英同埋害群之馬（唔驚得咁多），不過始終校風都好大影響，所以慶幸個仔入咗間校風純樸的學校，可以驚少一樣（佢唔知識啲乜嘢人，如果佢有樣學樣咁就幣）。

ms99

哈!  我部機頭先無 show 你哋在線中，以為你哋咁快收工tim。

我未玩過ICQ的，但現在很有趣，有機會練打字快啲。

仔仔好喜歡創作的，佢唔會俾我哋加意見落佢啲作品度。不過佢係獨子，被婆婆寵慣，好怕寂寞，凡事都要我哋企係隔離。So,啲功課日日要我放工返屋企先開始做，晏晝嘅任務就係食同瞓，無計!!

easiness

睡公主,

我都覺認同你既講法, 朋輩影響最大!

sweetsweetmom

easiness,
我個仔瞓咗, 問唔到佢, 但佢講過話老師只叫他們寫手冊, 無解釋默边到。另外我上網對功課, 發現他整個月內有4次不依足老師指示寫手冊, 你個仔又点呢?

ms99

easiness：

係喎! 今日B晝要返學，咁今朝咪好唔慣?

仔仔幼稚園同學叫臻臻，係咪你話同令公子一齊返學個位呢? 你見到佢媽咪的話幫我問句好啦。 謝謝!

easiness

ms99,

你同我一樣, 返到屋企就係睇住個仔做功課, 不過現在我訓練阿仔係自己間房一個人做, 就算唔識都要試o下做! 唔可以有得依賴!

ms99

sweetsweetmom：

你個寶貝好叻喎，只是有4次寫唔好家課冊。  相信10月開始無網上服務都對你影響不大。

但我就好擔心，事關亞仔幾乎日日都唔齊，我每日都要隔空同佢對手冊。 但呢兩日開始，只叫佢讀俾我聽佢寫咗嘜，知道有出入都無話佢知，再者叫佢打開書包續本話我知有嘜，佢又竟然數得齊啲功課，奇怪!  

現在發現，寫手冊雖然重要，但帶得齊返屋企先更緊要，事關佢紀錄麻麻，唔知點解咁大懵，可能家族遺傳吧 (爸爸一樣慢半拍)。

睡公主

ms99 寫道:
哈!  我部機頭先無 show 你哋在線中，以為你哋咁快收工tim。

我未玩過ICQ的，但現在很有趣，有機會練打字快啲。

仔仔好喜歡創作的，佢唔會俾我哋加意見落佢啲作品度。不過佢係獨子，被婆婆寵慣，好怕寂寞，凡事都要我哋企係隔離。So,啲功課日日要我放工返屋企先開始做，晏晝嘅任務就係食同瞓，無計!!

我嗰個都係獨仔，而喺我同我老公的家族裏面都沒有同佢年紀相若而又住喺附近的小朋友同佢相處，起初佢都好自我（佢幼稚園啲老師都話每次如果我或者我老公在場，佢都只係跟住我哋，唔多合群），好在佢之前讀嗰間幼稚園啲同學仔好多都住喺附近（因為唔係名校），所以好多時都相約出嚟俾啲小朋友一齊玩而我哋啲大人又溝通吓（佢哋每次都會好興奮，同喺學校唔同）。而逢星期日又同幾個同學仔一齊學畫。雖然依家佢都未係好識同人相處之道，但已經好咗好多，希望佢可以有朝一日改變。

至於婆婆、公公寵孫好似係定律，連我老公都寵埋一份（你話死唔死），好在我態度强硬（賞罰分明），所以我個仔淨係驚我一個，我講的就係聖旨（佢唔叛變嗰陣），同埋有時佢都好識生性，只要我規定咗唔準佢做乜（大部份時間佢都聽），邊個都冇情講。

easiness

sweetsweetmom,

阿仔昨天一回家, 我就問佢係咪星期五要默書, 佢話係, 跟住拿本PLE同我講默P.1-P.4! 其實我都覺得老師無理由唔講清楚俾佢地知, 有時寫係家課冊度, 老師都無覆! 阿仔初初寫家課冊時都有寫留, 後來我同佢講, 若果佢一個星期內無寫錯就獎份禮物俾佢, 到左第二日我上網CHECK功課, 佢竟然寫    O岩晒, 而且老師仲蓋左個印俾佢! 之後都無乜點寫錯! 但是有試過帶野而俾老師寫家課冊!


ms99,

阿仔個同學仔唔係叫臻臻, 因為第一日我帶阿仔返學時識左呢位媽咪, 佢第一件事就問我係咪住TKO, 所以o個日我已經知道o個位同學仔叫咩名啦!

easiness

ms99,

唔好太擔心, 就算抄唔齊家課冊, 最緊要佢記得做乜功課, 而且唔好帶漏野!

easiness

Dear all,

時間都唔早啦! 明天再傾啦! Goodnight!

ms99

easiness：

你比我還好呢? 令公子讀 B晝，放學同你放工時間相差不大，第2朝仲可以溫習。 幣在本家少爺仔日日虛度整個下午，食、玩、瞓足6個鐘，到我返屋企先開始同佢併過，完事先大家有飯食，咪講話要溫習，連親子時間都好緊張。所以呢排家中各人都好燥，本人已經出哂暗瘡都無時間理，唯有每朝 7點落街送完大少上車，再返上床急差多一粒鐘先可以返工搏殺。 活該!

ms99

睡公主：

我同你一樣，仔仔嘅朋友就係幼稚園啲同學仔，我哋基本上已有個班底，周時計劃不同活動聯誼吓的。 但唯一問題係得我個係仔，其他女仔思想較為成熟，所以成班出嚟玩時就會好易排斥男仔，有時做亞媽見到都唔知點幫，唔通同佢出頭咩，好裙腳仔嗻。好彩唔係常有發生，但家長朋友已經預料好快亞仔同啲女仔玩唔埋，事關女仔開始性格轉變，唔會鍾意同男仔玩，而亞仔又會好快覺得佢哋嘈同善變。不過一切隨緣吧，亞仔心志仲好幼嫩，成日同啲女仔攬埋都只係表示友好，絕無不良動機。
細佬仔事，大人無得管，回想自己細個都唔想亞媽理，唯有將心比己啦。

wlk168win

S:
Would you mind to tell that if your son also study at Wah Yan? or other schools?

wlk168win

sweetsweetmom:
good question!!
I have also asked my self the same question when I just noted that they were still on net soooo late last night....   

lamnephi

easiness & 睡公主

謝謝您們的意見

wlk168win

早晨, 個書包我都見過, 但唔會考慮lor, 因為宜家都用spi, 出年應該都可以用, 一個可以用兩年.
百佳個好似真係細d, 好似唔夠硬淨.

ms99

早晨! wlk168win:

尋晚真係好好玩，不過我想只有星期六晚先可以咁fever。下次你都一齊加入啦。 你怕唔怕夜瞓呀?