喇沙 VS 皇仁

Soundervolt

Sing13 發表於 24-5-10 02:25
同啲連校友都冇幾屆既學校，點打都贏

直資有資源嘛，應該更快衝過終點

Soundervolt

Sing13 發表於 24-5-10 02:31
本帖最後由 Sing13 於 24-5-10 02:32 編輯

直資家長每月拿咗兩三千上交俾學校，名校家長呈分排名，每月 ...

直資學校就冇人去補習？老實講我仔真係冇補習，亦有其他同學都冇，當然唔係所有人都咁做。

CR400AF

Soundervolt 發表於 24-5-10 02:06
本帖最後由 Soundervolt 於 24-5-10 02:14 編輯

每位學生收$24000，（跟據校網資訊）每級6班，每班34人 ...

教育局唔肯整？  

Soundervolt

CR400AF 發表於 24-5-10 09:16
教育局唔肯整？

政府對津校撥款係續班計，一級開七班就俾七班嘅錢，如果校舍係政府物業（例如標準型校舍）萬一學校有結構性問題可向政府申請維修撥款，喇沙由用地同建築都係自費，所以呢類資助非常有限，而且足球場、泳池、空調室內運動場呢啲都唔會係一般津校基本設施，更加唔會有政府撥款，呢啲錢都係從學校捐款基金等等去支持，若果政府對喇沙有特別厚待，其他津校一定嘈到拆天。

Soundervolt

Sing13 發表於 24-5-10 08:55
黄仁龍講緊既私立直資可能是指 spcc, dgs.
如果唔是就是用誇張手法：自己武力都已經是世界前幾位，然後宣 ...

恕我讀咗幾次都睇唔明閣下什麼「星際戰爭能力」乜嘢意思，sorry!

至於補習已經係香港學生嘅常態，成績好又去補，成績唔好又去補，你同我都冇可能知到自己學校有幾多人補習，就當大家都去補習，但直資收學費係事實，除咗港同、聖瑪加利比較好之外，未見一啲非直資傳統名校特別標青。

而且學校對補底支援咁好，成績唔理想又使乜去補習？

cufehx

Soundervolt 發表於 24-5-10 13:13
政府對津校撥款係續班計，一級開七班就俾七班嘅錢，如果校舍係政府物業（例如標準型校舍）萬一學校有結構 ...

家長知道咁多

Soundervolt

cufehx 發表於 24-5-11 10:15
家長知道咁多

若果家長同學生關心學校，學校亦從來毫不掩飾，喺學校不同活動，尤其家長會都會得到呢類資訊，身為津貼同埋咁有規模嘅學校真係好需要家長同舊生喺人力物力上嘅支援。

喇沙由小學開始已經對學生募捐，並非強制，隨緣樂助，一百幾十都冇所謂，希望帶出奉獻同埋上下一心LaSallian嘅思維。

behappypapa

liverpool2023 發表於 24-5-11 14:10
見到FB有人都埋怨學校唔教，你駛唔駛過去幫下手？

本帖最後由 behappypapa 於 24-5-11 17:48 編輯

學校有冇教都好睇個別老師，其實這個情況不會只係發生係某間學校，同一間學校都會有D老師真係好有heart

cufehx

behappypapa 發表於 24-5-11 17:46
本帖最後由 behappypapa 於 24-5-11 17:50 編輯

本帖最後由 behappypapa 於 24-5-11 17:48 編輯

昵啲個別老師多嘅話係就麻煩啲

Soundervolt

liverpool2023 發表於 24-5-11 14:10
見到FB有人都埋怨學校唔教，你駛唔駛過去幫下手？

首先喺FB講呢番說話係乜嘢人根本無從稽考，閣下唔似會咁容易去相信喺公海社交網絡嘅說話喎…. 其次，要一字一句去教書嘅學生叻極有限，之前有講過喇沙係教學生唔只書本上嘅嘢。喺喇沙教書其實都幾有壓力，因為備課不足或有些少差錯都好易俾學生笑到面黃。唔好話我要幫手，連校長都話入得嚟喇沙點會唔識讀書呀？！（每年迎新會真係不可錯過校長說話）

PTL_L

Soundervolt 發表於 24-5-11 21:56
首先喺FB講呢番說話係乜嘢人根本無從稽考，閣下唔似會咁容易去相信喺公海社交網絡嘅說話喎…. 其次，要一 ...

其實近年老師既質素確可圈可點（學生質素都係）每間學校都會有好用心、好盡責既老師，亦有heahea 嘅老師，學生係識分，由其高年班，教唔掂既，班學生真係唔會同你客氣，投訴到暈，唔洗家長出馬，係學生自己都會識點做教呢啲名校，真係有啲壓力。我大女今年有一投訴對象，但老師確實好年輕，經驗不足，教佢果班真係俾班女…（自己代入)我同個女講，俾啲時間老師儲經驗，個個都有呢啲階段，到時自己出嚟做嘢時，都會經歷！

PTL_L

Soundervolt 發表於 24-5-11 21:56
首先喺FB講呢番說話係乜嘢人根本無從稽考，閣下唔似會咁容易去相信喺公海社交網絡嘅說話喎…. 其次，要一 ...

至於見唔同學校都會有家長指出對學校不滿，特別係名校，呢啲就係錯誤既配對，入得lsc dbs wyhk wy sjc等呢類學校，有自主學習既態度係非常重要，同個人性格要主動，如果性格比較怕羞，學習慣咗被餵食，唔太通合或者需要更長時間融入。
如果發現學校好多問題或不滿既家長，好多其實係直升機家長，如果唔係，根本係唔會知道得咁細緻，而家進化到，有家長覺得自己小朋友唔適合返學，考慮自修dse!咁第時個小朋友同你講，工作嘅文化唔適合我，咁係咪可以唔做呢？做啃老族？

PTL_L

蛋白超人 發表於 24-5-10 00:07
港華3322得74.7%，老實講，我有少少被震驚到

唔洗覺得震驚喎，當一間男直資既3322都去到唔公布或幾年都係7x%時，同一type既學校，仲要係津校output係咁，係咪算合理？食得鹹魚抵得渴，你小朋友有本事唔做果3x%未得囉！近來另一所男直由舊時band 2>band 1c>band 1A咪一樣有可能？主收一半街外讀書叻仔，轉直資，主力學術上，就好大機會成績愈變愈好，但間間男校都變成咁，對小朋友、家長係好事咩？以上既學校，係值得尊重！

Soundervolt

PTL_L 發表於 24-5-11 22:21
至於見唔同學校都會有家長指出對學校不滿，特別係名校，呢啲就係錯誤既配對，入得lsc dbs wyhk wy sjc等呢 ...

討論要講普遍性，學校出三個狀元嗰屆唔代表全校成績都係狀元或特別好，冇狀元嘅學年又唔覺整體成績特別差，學校有過家賊，又唔代表全校都係賊，老師教學方法唔適合某學生又唔代表佢唔識教其他人，總之人言人殊，整體結果先至最重要，所以討論單一或甚至乎以訛傳訛嘅情況冇乜意思。至於有幾多3322畢業生未必最重要，最重要係3322畢業生成為一個乜嘢嘅人先至係對呢啲學校最重要。

PTL_L

Soundervolt 發表於 24-5-11 23:02
本帖最後由 Soundervolt 於 24-5-11 23:08 編輯

討論要講普片性，學校出三過狀元嗰屆唔代全校成績都係 ...

人最鍾意以偏概全，睇自己想睇，知自己想知，圍自己想圍既爐！常言道，睇結果，睇數據最實在，但正確講，係睇對自己有利既數據先最實在，近幾年成績好咪打鑼打鼓驚死人唔知，但有啲學校有幾十年，甚至有啲學校有過百年成績，畢業生既成就做參考，呢啲就唔應該係考慮之列，奇怪！

mermaidmama

Vana 發表於 24-4-29 22:51
唔駛印象，係真係好多都好曳，初小已經好多講粗口.....中英都有，去到小四五再多d   

學校其實好 ...

請問另一間 出名活潑、但出到來好有禮貌嘅男校，係指邊間? 好想知道，謝謝!