IB & DSE

ANChan59

poonseelai 發表於 23-5-5 15:27
我暫時未見到樓主對ib睇法的論據, 似憑感覺或聽其他人講多D, 正如TOK有講, perception is one of the ways ...

我都要經常處理客戶對新產品的錯誤perception，見怪不怪！你是否part time IB coordinator，連TOK的notes都記得！

樓主需要鼓勵，需要知道多啲fact and hearsay 的分別，他今次沒有太多堅持己見，已經是在學習吸收，我相信以後他的帖，留言，評論及分析更有營養。

poonseelai

ANChan59 發表於 23-5-5 15:35
我都要經常處理客戶對新產品的錯誤perception，見怪不怪！你是否part time IB coordinator，連TOK的notes ...

係以前上coffee mornings for parents 聽過老師講TOK, 聽完就知好彩唔係我讀

ANChan59

poonseelai 發表於 23-5-5 15:39
係以前上coffee mornings for parents 聽過老師講TOK, 聽完就知好彩唔係我讀
...

這句說話有道理呀，經你提點，我又執到啦！

天外之人

回覆 ANChan59 的帖子

上來看到超多留言.
-
謝謝鼓勵,我已年過半百家庭主婦,小時候家庭不太著緊中間孩子,知識方面衹達初中程度,但都沒忘學習初心,唔強迫自己孩子學習.

-
IB 或 DSE 都已經唔關我事,所以我都唔太著緊,亦可能因此冇強逼心態,孩子鐘意什樣學入邊間隨她意,享受學習先係最重要,且孩子都已經喺高中DSE,基本上都唔接觸到學校既IB學習模式,但絕唔會係死板去學,起碼手寫Notes及書本營光筆HighLight重點多多的是,應該都涉及所謂IB學習範疇, 衹係重點講出,孩子真心學習,那一種模式都可以Cover到,唔會衹係單方面某一教學模式方向才可成功.當然讀書好唔代表做人好,都見太多高學歷有前途既人人品出問題,因貪念或走捷徑而出事.

-
不過我都係堅持己見學習初心原動力係"開心去學".

ANChan59

天外之人 發表於 23-5-5 16:55
回覆 ANChan59 的帖子

上來看到超多留言.

唉！

開心去學不是這樣的！不同階段，不同學習模式係有不同方法嘅！有些較成熟孩子的推動力係挑戰，不認輸，不放棄，而不是你所講嘅靠開心！

出來社會做事，之前的幾種推動力比開心更現實，更重要。有多少人返工日日開心㗎，這樣只會產生玻璃心的孩子。

ABC-DAD

ANChan59 發表於 23-5-5 17:02
唉！

開心去學不是這樣的！不同階段，不同學習模式係有不方法嘅！有些較成熟孩子的推動力係挑戰，不認輸 ...

唉、唉、唉！再X2
近六七年，某類有要求嘅家長真係唔再睇咩學制易唔易入，而將着眼點放係優質教育理念同學校嘅執行力，到底學生有無得到合適嘅栽培，各方潛力同能力有無發揮到，有，可愁落於人後？

Jupas 定係NJ 入都唔係咁大意義。

個趨勢只係反映左頂個浸點選擇學制，唔代表義務學制就不值一哂。

家長要增值自己，睇遠啲睇闊啲。

Radiomama

retriever 發表於 23-5-5 11:10
我說數理科的”原理”簡單是它們的表述, 不是它們背後的智慧累積... 正如, 牛頓果3條定律... 但在不同SCEN ...

IBDP 一樣有past paper資料，不少學生去補習，其實亦係為咗有補習老師幫大家搵多啲exercise/past paper去做。

考公開試之前，大家都會做好多試題練習，呢方面IBDP/A-level/DSE都是一致的。

ANChan59

ABC-DAD 發表於 23-5-5 19:04
唉、唉、唉！再X2
近六七年，某類有要求嘅家長真係唔再睇咩學制易唔易入，而將着眼點放係優質教育理念同學 ...

我唔知你講邊一班家長。

我就在兒子二歲到七歲，大致已經定左個方向，我由最低要求諗到最高要求，然後選擇較適合自己兒子的路及方法。

現在最深體會在箴言的教育孩童的方法及原則。

poonseelai

ABC-DAD 發表於 23-5-5 19:04
唉、唉、唉！再X2
近六七年，某類有要求嘅家長真係唔再睇咩學制易唔易入，而將着眼點放係優質教育理念同學 ...

其實你想表達什麼？

ABC-DAD

給上邊兩位說一說….

「我也不知道」

Radiomama

Starrynite 發表於 23-5-5 15:15
謝謝你的分享！原來 RCHK 由 MYP 開始數學是根據學生的程度而分班，怪不得。我女兒的學校沒有根據程度分班 ...

其實我仔學校到MYP及DP時，願意留在chin A 的學生是每年遞減。

十年八年前，修中文A的可能有40%，七年前是37%，後來是25%；到我仔DP 那cohort, 是25人。（學校不提百分比了）

大家看穿了bilingual diploma無市場，何必辛苦經營；就算讀咗都係徒然，我相信我仔肯讀係因為他懶，費事再搞另一種語言。

在Y8時曾記錄：

「開學第三星期，星期四晩回校出席Back to School Night, 今次重點聽中文分班和數學評核，其他screen time control, sports program & overseas trip皆錯過了。

中文分班問題吸引了好幾十位家長擠在一個小課室內，中文科主任劈頭講出重點：小學時每位家長都希望孩子中文基礎打好一點，個個渴望子女進入pathway 3 (成績最好的兩班），到中學之後個個都想轉到Chinese B, 越近IBDP渴求越大。

中文老師説，這不是學生家長的選擇，是屬於老師專業判斷的範圍，IB就是要準備學生面對挑戰而不是捨難取易；因此學校不會讓有能力的學生考Chinese B。這一節討論好激烈，學校也很重視，所以全程派出中學校長來壓場，也由她表明RC的原則和立場，不會如其他學校般放水給香港人學生去考Chinese B。

如此這般，阿仔是沒有機會讀Chinese B的了，一就是疊埋心水考超級bilingual diploma、一就是到Y12 & 13時改報Spanish ab initio, 這真不知是好是壞，看來要多問問過來人意見了。

當然學校也盡力派定心丸，去年37.3%考Chinese A, 全部合格，中文成績是5-7分；但我也相信同學們是付出了最大努力才能獲得佳績，得來不易。」

Radiomama

升上Y10, 我曾記錄：

「最近學校舉辦了一個有關中文科政策和發展的茶聚（coffee break), 出席的家長當然是極為重視這問題的父母。討論有多個重點，最吸睛的是：中學MYP階段已讀Chinese A的學生在DP時不能選Chinese B; 而Chinese B的學生則可以自由選擇HL 或SL, 學校不會再強迫Chinese B的學生選HL而最後令學生修讀4科HL這麼無奈。

政策如此，相信也是IBO的規範；學校答允對Chinese A的學生會有更多支援，作為家長真的拭目以待。那麼，過去又如何？

由小學以來，中文科老師均是自成一格；他們都是好好先生、好好小姐，沒有抄寫的功課，上課時會運用不同媒體，因此看卡通/影片是常事。遇上嚴厲一點的老師，會有詞語默寫和作句，至於閲讀報告則每年五至六份，但在量與質均沒有要求。

升中之後，Chinese A的教學範文以五四後的作品為主，魯迅、朱自清、聞一多、冰心、豐子愷、老舍均有涵蓋，近代的則有鄭愁予、余光中和龍應台；至於一些當代中國大陸作家的作品，由於寫得比較一般，連我都沒有把名字記下來。另外古詩古文也讀過兩三篇，桃花源記算是最上心的了。範文選裁得當，教學也用心，但學生卻少有上心；觀乎阿仔，似乎與普通話教學有關。中文包含文化，要用普通話來理解文化底蘊是難上加難。可是越來越高班的他，卻越來越不希望我去協助他，甚或與他一起備課；所以成績往往都是勉勉強強。

有時候見他做作文功課，均是中英夾雜，再以google translate 代勞英轉中的部分，寫出來的句子就變得狗屁不通。有見及此，家中有一本幾年前買下的閲讀理解補充練習，由Y6做到Y10均未做完；除了練習部份，於是我利用這本補充做文章抄寫，抄寫一下别人的文章，對J掌握中文語感或會有幫助。

十年班下學期，老師每人派一本《駱駝祥子》，著大家在聖誕假期讀畢；阿仔的方法是上網下載英譯本，先英後中，中文部份純粹是查考名字、地方之用，對於整個故事，他是靠英譯本故事去理解。我沒時間跟他細讀，唯有由得他。有些家長甚至買一本中英對照版本來讀，省卻麻煩。當然老師上課會節錄一個篇章作教學，他們最後能掌握多少，天曉得。

IB課程的中文教學一點不沈悶、不艱深，若遇上香港的本地學生，其實應該會好喜歡中文。」

retriever

Starrynite 發表於 23-5-5 11:37
唔好意思，想借個位講幾句。孩子對自己的要求和期望，不是很大程度取決於家庭教育嗎？如果父母從小就要求孩 ...

謝謝你的回應。除了學制，也有興趣參與家教的討論。
在我成長年代以後，社會普遍富裕起來，育兒方式也漸漸受「自由主義」影響。可能當年我也是支持者之一，只因生育較晚，隨著時間推移，慢慢見到朋輩育兒的「成果」。

種種問題，歸因大概是兩方面：其一是父母怕子女吃虧；其二是「想在前面」為孩子怕辛苦。


透過名人分享，媒體渲染，現已發展到「成功靠父幹」、「為孩子完夢」這些概念。不出現「啃老族」才怪呢！

Radiomama

MYP 時的中文A班，其實學的是中國語文運用加中國文學賞析，再加入全球問題的反思。我個人絕對欣賞，也深深佩服學校中文老師的筆記、文章的剪裁。

考評也絕對是大路題目，要求學生運用語文分析文本及世界。

阿仔勉力讀中文A, 他的竅門是中文跟英文的答題框架是一樣的：文章技巧比較和分析、舉例說明、主題演繹。

一直讀來，他的閱讀理解能力不錯，唯獨手寫中文最弱。我曾「兇」他要多寫、寫靚啲啲字，不過他說「潦草」啲，唔識寫嘅字就可蒙混過關。（旁門左道，勿學）

IBDP 中文的IO佔一定百分比，寫好這篇文章分析、再練習好演講部份，是再可以賺到一定分數。

retriever

ANChan59 發表於 23-5-5 17:02
本帖最後由 ANChan59 於 23-5-5 21:22 編輯

唉！

有興趣/開心學習，是「事半功倍」是Bonus, 但概念發展到，像「開心」「興趣」是學習的先決條件，這個我真不能同意。

這年代年輕人，更需要是「責任感」、「承擔」。現實中，有太多任務是必須完成，不為興趣的。

在育兒上，職場上，聽過太多「不喜歡就不幹」的例子。

Radiomama

retriever 發表於 23-5-6 09:22
有興趣/開心學習，是「事半功倍」是Bonus, 但概念發展到，像「開心」「興趣」是學習的先決條件，這個我真 ...

我的觀察是-
不是「有興趣」才去做，而是因為「有興趣」所以做得好。

我都會同個仔講，「讀書」是學生的責任/duty, 所以佢要好好完成。要俾我睇到佢盡力做，結果如何，我不會「問責」，因為我係佢阿媽，我哋嘅關係是愛。

因此佢唔喜歡嘅科目，有語文、音樂、藝術，但中學小學階段都要去做，盡咗力就可以啦。

但數學、物理是他好喜歡的，由細到大當遊戲玩，興趣推動進深學習、挑戰難度，也許當中也有一份驕傲和不服輸，所以越戰越勇。最近在大學考final exam, 其中一科取97分，我問佢average係幾多，佢話70左右；同宿舍有同學拿88分走嚟問佢，一下被打沉。

在大學見太多人因為父母要求而讀神科（我仔學校是電腦），但因學生沒有興趣，真係越讀越差。

planetearth

barque 發表於 23-5-4 22:03
本帖最後由 barque 於 23-5-4 22:12 編輯

女兒讀IBDP時會自己做notes, 我曾經聴她講過她會把notes的資 ...

我明你女兒做的notes.
我仔好早初中就問我要部高效ipad, 佢話要做notes. 我又好open minded比佢買多件電玩 (己有幾件). 他好早就用Ipad整理所有學習的notes, 包括自學programming的notes. 我見過佢整理D notes 幾prof. take notes 又好快, 反屋企整理下D notes 就好像已經溫多次書. 我覺得他的學習方法算高效,
佢成日好大方成份學校的學習notes飛比同學, 不過notes要自己做先有用. 這些 study notes 全部放在cloud. 要用時好輕易搵返. 就算佢自學好多比較深的未較的知識(因為好奇自己延伸去學. 他都會記錄好落自己D study notes

planetearth

retriever 發表於 23-5-5 11:10
我說數理科的”原理”簡單是它們的表述, 不是它們背後的智慧累積... 正如, 牛頓果3條定律... 但在不同SCEN ...

傳統drill的方式是做題目 (好像我地以前讀書時),我就覺得自已有problem solving skills, 但唔夠創意. 以前有教科書, 知道邊D野要學,加上多做多些練習drill 下. 大學都有教科書, 會自已睇, 因為上堂唔系全部明, 要本書來溫返. 有時notes寫得唔夠快. 以前無電腦…

IB drill的理念透過做project, 自己探索,主動找知識, 做research, 主動學習, 有好奇心, 鼓勵創意…從探索過程中solidify knowledge. 我見我仔的功課,對我來說是一流的專業報告. 理想是suppose個個學生都好主動探索. 好睇個人自己思考得幾深入. 齊search knowledge如果唔深入思考其實會有 illusionof competence. 我仔話, 有些同學做project, 好多野唔明都可以寫得一手好report. 但知識如果比較紮實個效果就更理想. (每種學制的優點都有用得唔好的情況). 之前提講, 無大考的壓力, 但做project也不是輕鬆的功課.

我覺得兩者可以拿個平衡..

IBDP有公開試, 有past papers. 我估同傳統考試差唔多.

sorry我未必表達得好好.

因為我仔有額外enrichment, 報讀網上頗為完整的數學課程, (因為無教科書,我唔系好清楚學校教了什麼) 他數學基礎唔錯. 大個D讀科大個課程需有挑戰, 但無struggle,肯自己drill深野.

因為佢基礎好, 佢做過比較technical 的project出面有拿過獎, 而家做緊另一個research 都幾深, 學校好support, 好多老師好認真同佢傾. 我就覺得如果佢知識膚淺就做唔到個比較深的research. 又如果無學校的training, 又唔識做research…所以好多野相輔相成…

planetearth

Radiomama 發表於 23-5-6 09:06
MYP 時的中文A班，其實學的是中國語文運用加中國文學賞析，再加入全球問題的反思。我個人絕對欣賞，也深深 ...

你仔仔雙語A, 且是理工男, 真系好難得. 理工男語文都是弱點, 還要雙語.

Starrynite

Radiomama 發表於 23-5-6 09:06
MYP 時的中文A班，其實學的是中國語文運用加中國文學賞析，再加入全球問題的反思。我個人絕對欣賞，也深深 ...

謝謝你的分享。你仔仔雙語A，還可以考到如此佳績，真係好叻！更難得的是，就算是不喜歡的科目，他仍然盡力而為。