直私失意圍爐區

老人家生仔

回覆 wyfion 的帖子

點講呢 我明嘅！加油啦，去到呢個moment 都冇咩可以做。

平常心啦！
呢一刻係寫信再寫信✉️ ，加油

happyschooling

dw241404 發表於 21-10-28 16:17
其實考過K應該已明白一切只係緣份遊戲，老師或校長有冇可能喺短短幾次面試睇到所有potentials？我覺得只係 ...

要相信自己小朋友呀！幼稚園成績表就算攞晒100分面試都可以衰，我唔覺得小一面試係真正揀到最好嘅小朋友！

happyschooling

2015papa 發表於 21-10-27 22:17
去年有個經驗，某直資龍係用 profolio揀人黎interview再派offer，我係叫仔仔自己寫d BB字簡介下自己寫下我 ...

講真其實都唔係測試緊個小朋友。只不過係睇吓個阿爸阿媽搞幾多大龍鳳，呢啲學校係咪真係好呢

超能爸爸

我個超能仔仔收到第一個result啦，rejected.
冇乜嘢吖，佢唔收我個仔係佢損失啫。

11月，我報嗰啲應該有好多result出，reject咪讀津校囉。

我從無懷疑過超能仔仔能力。

2015papa

happyschooling 發表於 21-10-30 00:24
講真其實都唔係測試緊個小朋友。只不過係睇吓個阿爸阿媽搞幾多大龍鳳，呢啲學校係咪真係好呢
...

如果讀直私…家長都好難唔Involve，或多或少都要搞下大龍鳳，我覺得學校正正係透過呢d task去screen out suitable candidate and family..，無話好唔好，似睇夾唔夾多d

2015papa

超能爸爸 發表於 21-10-30 01:20
我個超能仔仔收到第一個result啦，rejected.
冇乜嘢吖，佢唔收我個仔係佢損失啫。

心態好好，比個讚你。要頂住呢道壓力，長路漫漫

老人家生仔

完全同意！就係靠呢啲去fail一班粗心大意嘅家長！字又唔睇、咩都唔理個啲家長死硬
大龍鳳係唔想要啲準備咩都比晒學校搞嘅家長


其實被reject扮堅強我明，但我覺得搵出原因緊要啲
首先，人地見足咁多年、年年成千個小朋友，咁係「求其揀」定「有標準」？
如果你深信「求其揀」學生嘅，咁嘅學校你咁都幫佢報？
咁人地有標準，只係未達標準…

講咩「輸唔緊要、唔收係佢損失」嘅家長們，咁唔緊要當初又做乜報呢？報嚟就係想讀？
定測試自己內心可以有幾強大呢？

輸比賽真係唔緊要，但一日唔搵輸嘅原因，一日都唔會進步㗎？
港同原來計錯數學題、高主完全聽唔明啲listening ，咁咪要操佢囉，下次可能做到囉

扮冇嘢先大鑊，係人都覺得自己小朋友滿分，唔通即使答錯都可愛到極致，都應該有分囉，咁啊？
咁人地應該收錄啲答啱晒嘅？定係…呢？

真係想讀私小嘅，趁仲有得In，勤力吓啦！
真係咁冇所謂，津校is ok? 直程咪報怪翻四兜嘢同亞仔去抽卡好過啦

講到咁，仲係信佢能力100分、唔收冇所謂？
定係「呢間考唔到冇所謂，齊齊努力下間再嚟過！」？

超能爸爸

老人家生仔 發表於 21-10-30 04:38
完全同意！就係靠呢啲去fail一班粗心大意嘅家長！字又唔睇、咩都唔理個啲家長死硬
大龍鳳係唔想要啲準備 ...

我絕對相信學校適揀學生，我從來冇懷疑，但我唔報我點知學校覺得我個仔適唔適？
有啲家長報只係想買個安心，有一兩間私校收就作保險線就ok。

我記得培道校長講過，佢都會走漏眼，in嗰15分鐘都要夾到個老師，唔同老師亦有唔同喜好，佢講得好詳細，你可以自己搵下。

至於檢討，得嗰5嵗人仔in完出嚟，你覺得佢講嘅嘢有幾準確？佢話答啱晒你信？

大部分小朋友都有強弱項，比賽也有狀態運氣等因素，世界第一也有試過比賽first round被淘汰。

最重要係呢個世界各人也有各人諗法，每個家長都有自己教法，唔會一式一樣。

我對我個仔係咪過份有信心唔使你擔心，我個仔嘅優缺點，我應該清楚多過你，多謝關心。

超能爸爸

回覆 2015papa 的帖子

謝謝你，大家也要加油呀

蘇飛飛

考小真係好難，間間都係超多人競爭，其實都有準備，這幾個月媽媽晚晚溫習，不過其他人真係好厲害，還有最後三間，不過都沒有什麼希望了，都係熱門。

超能爸爸

蘇飛飛 發表於 21-10-30 08:23
考小真係好難，間間都係超多人競爭，其實都有準備，這幾個月媽媽晚晚溫習，不過其他人真係好厲害，還有最後 ...

唔緊要啦，啲人參加奧運都好努力咁準備咗4年，可能結果都係未如人意。
千祈唔好否定自己同小朋友嘅努力，你教嘅嘢佢將來一定用得返。

我個超能仔仔都未有offer呀，考直私不是人生全部，一起努力吧。

Jean1769

老人家生仔 發表於 21-10-30 04:38
完全同意！就係靠呢啲去fail一班粗心大意嘅家長！字又唔睇、咩都唔理個啲家長死硬
大龍鳳係唔想要啲準備 ...

算啦 自己個仔一定係最醒，係d學校明明有好醒既學生唔揀特登揀個無咁醒

lemonstar28

一個5歲人仔， 讀緊K3要識晒小一嘅嘢先好去考
點解直資考啲嘢咁深， 重組句子， 讀短句等 ， 真的是他們能力做得到嗎？
收到第一個reject好傷心，問自己教得係咪有問題， 果間學校嘅老師明明話佢表現好好， 希望有機會收之類嘅說話，但最後連waiting都無，真係好灰。
面試班， 補習，trinity, gapsk 等全部都做齊，小朋友次次面試都好開心，有自信， 都唔明點解

老人家生仔

回覆 超能爸爸 的帖子

有人校長會走漏眼，所以相信一間兩間三間走漏眼，亦考慮搵點解走漏眼嘅原因，呢個係父母解決問題嘅態度。


報直私求安心、求保險，但考唔到又係唔擔心？當然冇問題啦，但都係嗰句，搵出問題進步，總好過坐喺度。

大部分小朋友都有強弱項，係真嘅！比賽也有狀態運氣等因素，都係真嘅！
但到底係世界真係咁邪第一圈就冇得玩？第二次？第三次？
定真係世界冠軍？


機會留比有準備嘅人，佢準備充足，佢話佢識做咩唔信？
但問題係世界冠軍係咪有練先？


每人教仔方法都唔同，更係真嘅！
但收生標準應該揀單好多，真係一次兩次三次都遇到個極品老師，專揀啲識答又叻嘅世界冠軍淘汰？


其實世界冠軍第一圈淘汰，係有試過。
但每場比場都有好多選手係唔夠人地嚟而被人淘汰。


既然都係求安心、求保險，何不仲有一兩間in檢討做準備？
丙朗做球王贏咗都要檢討，都要日日做Gym操嘅


如果五歲人仔操覺得太辛苦，何必要佢落場？

老人家生仔

回覆 Jean1769 的帖子

係囉 自己個仔咪世界冠軍，揸GTR咪冇事囉！
係人地喜好唔揀又叻又識嘅仔仔囡囡，仲要一間兩間三間都係咁！

仲有未見嘅，練吓囉！

考直私求安心，但未有offer唔擔心？

Jean1769

老人家生仔 發表於 21-10-30 10:13
回覆 Jean1769 的帖子

係囉 自己個仔咪世界冠軍，揸GTR咪冇事囉！

我覺得考唔到真係無問題，覺得自己果個其實好叻仔都無問題（唔否定呢個可能）但就無需話學校面試揀到的都唔會係最好。

學你講，一間兩間可能個別事件，但如果好多間學校都收，證明個小孩有點特質係in general受學校歡迎（可以係學術、性格、表達能力、特異功能、同老師校長能夠流暢自然交流等）。

一山還有一山高，讀名幼有上面試班亦唔代表必勝、學校成績表100分亦唔代表學校就會收。要知道一間幼稚園已經有N個細路成績表100分，咁你話考直私班細路會有幾多個

蘇飛飛

lemonstar28 發表於 21-10-30 09:57
一個5歲人仔， 讀緊K3要識晒小一嘅嘢先好去考  
點解直資考啲嘢咁深， 重組句子， 讀短句等 ， 真 ...

我都係一樣,都做了好多，仔面試都話會答題目

Hea底爸爸

超能爸爸 發表於 21-10-30 08:35
唔緊要啦，啲人參加奧運都好努力咁準備咗4年，可能結果都係未如人意。
千祈唔好否定自己同小朋友嘅努力，你 ...

繼續努力呀各位家長！我都深信走漏眼一定有嘅，唔好太灰心呀。試諗下，其實同一年考直私嘅都係同一班家長同一班學生，佢哋只係喺唔同賽道不停重覆對賽，如果間間學校都能準確辨別叻仔叻女，豈不是全港直私都係收哂同一堆人囉。但事實又唔係咁嘅，畢竟都會有人夾人緣嘅配對成份，呢樣同小朋友能力應該無關㗎。喺佢哋呢個年紀，我哋係小朋友嘅全部，我哋唔好氣餒，佢哋會get錯自己做得差無用㗎，我相信佢哋係feel到父母嗰種焦慮。

yin0101

老人家生仔 發表於 21-10-30 04:38
完全同意！就係靠呢啲去fail一班粗心大意嘅家長！字又唔睇、咩都唔理個啲家長死硬
大龍鳳係唔想要啲準備 ...

我同意你呀， 考小呢個過程 會更了解小朋友， 更清楚佢既強項弱項 （唔係淨係對住自己，而係當出去面對其他人既時間），知道小朋友弱係邊度，例如我知道佢聆聽方面唔夠留心，我會著手希望改善佢呢樣野，除左為面試外，對佢日後學習都有用
我地家長應該係面試過程中有所得著， 否則就真是浪費好多時間，有時聽到家長話都知道自己小朋友唔得，去面試當參觀.. 明知陪跑等等，何必咁氣餒自負 ？

daijuju

直私喜歡揀唔怕醜，表達能力高，邏輯轉數快，自理好有禮貌的小朋友...... 的確有些小朋友性格/天生表達問題是好難玩直私面試遊戲的。不過只要入到小學讀得好，也可以憑學術插班的，各人走各路吧..... 也不用覺得對小朋友冇晒信心之類，考直私真的看性格居多，而家入唔到也不代表將來入唔到。學術好，將來插班不難的。