快考試了‥........ 想哭了

MrBeast

little_yolky 發表於 17-6-8 16:35
真係世界變了。

...阿細居然講：仲未, 因為未做完暑期作業

要好似做閱讀理解咁：為何主角會說這句話？當時心裏在想什麼？

S-Kwok

IloveJJ 發表於 17-6-8 18:02
我問咗我仔，佢話「經驗和感受」唔應該寫旅行喎(經歷就得)。佢話應該寫一啲需要「技術」既活動，例如:攀石 ...

我都有同仔講，咁寫變咗遊記。其實我都唔明點解佢會咁寫。
今次離題，一定唔合格。我要調節吓自己。

shadeslayer

Either the teacher is over thinking this or you guys are over thinking this.

經驗（experience）和感受可以大可以小。小經驗小感受不是經驗, 不是感受?

游記有經驗和感受
被老師罰有經驗和感受
工作有經驗和感受

有所得着的活動也有經驗和感受, 可以批評雞毛蒜皮, 可以批評沒有趣味性, 但點可以說離題？

正式寫游記當然唔得., 但寫游記做過那一些事從而有得着, 有學到的東西, 再加上個人感受, 便沒離題。

skkeung

santakit 發表於 17-5-26 10:03
我想問是咩壓力?
是因為要拿好好成績? 高名次?
要考另一學校?

父母面子

judy

我想問下大家：作文題目“記一次 （自己命題   ）的經驗和感受”，你地覺得
1）是否需要跟學校有關？
2）若寫一次“大澳旅程”的經過和感受，是否不符合題目？

1) 為何要和學校有關.
2) 符合！

little_yolky

shadeslayer 發表於 17-6-8 21:37
Either the teacher is over thinking this or you guys are over thinking this.

經驗（experience）和感 ...

所以要點題就得。

但對於一個小學生, 要用旅遊既經驗點到題, 實在唔容易。

judy

但對於一個小學生, 要用旅遊既經驗點到題, 實在唔容易。

寫大澳旅遊，不是一次經驗麼？再講小小感受，對題至極，有幾難呢？

little_yolky

S-Kwok 發表於 17-6-8 17:14
我想問下大家：作文題目“記一次 （自己命題   ）的經驗和感受”，你地覺得
1）是否需要跟學校有關？
2） ...

雖然係有可能寫到遊大澳的經驗和感受, 但我估阿仔好大可能都係寫咗遊大澳既經歷同感受, 寫咗遊記離咗題, 你都要有心理準備。

算啦, 舊年小三阿女考作全班九成人離題, 咁老師都好心, 文筆好果D同學都有俾緊緊合格既, 都唔一定肥既。

little_yolky

judy 發表於 17-6-9 10:18
寫大澳旅遊，不是一次經驗麼？再講小小感受，對題至極，有幾難呢？

...

因為小學生好容易會變咗寫遊記, 而沒有點題寫出其中既乜嘢經驗, 同埋對該經驗既感受, 會容易離題。

little_yolky

IloveJJ 發表於 17-6-9 11:16
咁好似我仔講咁樣(#179)，又啱唔啱呢？

你阿仔係穩陣派, 咁寫就十拿九穩, 無咁易離題。

S-Kwok

little_yolky 發表於 17-6-9 10:18
雖然係有可能寫到遊大澳的經驗和感受, 但我估阿仔好大可能都係寫咗遊大澳既經歷同感受, 寫咗遊記離咗題, 你 ...

我都估計阿仔係會以遊記形式寫咗遊大澳嘅經過同感受，所以我估係會肥。唉…我仲未接受到。

另外，我想問吓“經過”跟“經歷”有咩分別？  
特別喺呢個題目上。 即係“參加大澳旅程活動的經過和感受”跟“參加大澳旅程活動的經歷和感受”。

S-Kwok

little_yolky 發表於 17-6-9 10:18
雖然係有可能寫到遊大澳的經驗和感受, 但我估阿仔好大可能都係寫咗遊大澳既經歷同感受, 寫咗遊記離咗題, 你 ...

係咩題目令9成人離題？

little_yolky

S-Kwok 發表於 17-6-9 11:30
係咩題目令9成人離題？

老師要寫復活節「一天」的活動, 大家寫得好開心, 寫晒成個復活假。

little_yolky

S-Kwok 發表於 17-6-9 11:29
我都估計阿仔係會以遊記形式寫咗遊大澳嘅經過同感受，所以我估係會肥。唉…我仲未接受到。

另外，我想問 ...

其實中文詞語可以有幾種解釋, 經驗可以係經歷, 經歷又可以係事情既經過, 但係經驗(你原來話題目係講經驗), 一般最常用既意思就如同IloveJJ仔仔講, 係經過實踐得到既知識或技能, 例如煮飯既經驗。所以, 寫遊大澳唔係唔得, 但要寫透過遊大澳既過程, 獲得咩既經驗, 重點要放响該經驗既獲得上, 而唔係遊大澳上, 文章只係從遊大澳作為引子, 寫出該經驗既獲得, 對於一般小學生嚟講, 唔容易中題。

不過, 可能老師覺得自己無講清楚, 小朋友篇文又作得文筆秀麗, 合格呢。阿大上學期都試過了, 雖然唔係離題, 但文章要求以步移法寫遊記, 阿女篇文文字寫得好優美, 可惜步移法唔突出, 但都合格既。唔好太悲觀。

S-Kwok

little_yolky 發表於 17-6-9 11:52
其實中文詞語可以有幾種解釋, 經驗可以係經歷, 經歷又可以係事情既經過, 但係經驗(你原來話題目係講經驗),  ...

咁即係話如果題目係記一次活動的經過及感受，咪完全係2種寫法囉？
如果係一次活動嘅經過及感受，就好似遊記咁，感受可以係對今次遊大澳呢個活動依依不捨及刻骨銘心？

如果係一次活動嘅經驗及感受，就類似係我遊歷完大澳，感覺大澳的的生活跟我很不一樣、見到中華白海豚，覺得我們應該要保護環境，讓白海豚有一個可以生活的地方。就唔係寫依依不捨、刻骨銘心呢類感覺