港人, 港地, 讀IS?

康晴比比

原帖由 何B仔Adrian 於 16-05-04 發表
回覆 Sandrawcr 的帖子

係, 係, 話題唔好拉咁遠住先, 講番點樣先可以讓幼兒學好英文入到IS, 而又不失母語. ...

其實家里一人負責同BB講一種語言，例如爸爸全說粵語，媽媽全講英語，就已經可以識講英語又保留到廣東話了。只是最忌中英夾雜咁教。

bellarie

原帖由 AJW2010 於 16-05-04 發表
我當年做法係，accept PM, 再寫信要求AM.  不過佢地有講過，好多人想要AM, 所以要睇reasons



  ...

Thx for ur kind reply.

I just thought they should at least have a no for me so I will know the chance ...

bellarie

原帖由 康晴比比 於 16-05-04 發表
其實家里一人負責同BB講一種語言，例如爸爸全說粵語，媽媽全講英語，就已經可以識講英語又保留到廣東話了。 ...

講返保留母語。
其實我都曾經諗過爸媽各講中and 英。
但我覺得始終英文亦吾系我母語。
咁樣亦會影響我同小朋友既溝通。。
（好似文章所提，冇咁真誠咁。。)

所以呢個亦是我考慮因素之一...
所以我都吾知岩吾岩。。
我吾敢同佢全英文對話

Sandrawcr

見過唔少美國國際，澳洲國際D學生，以個人經驗來講都比esf學生有禮貌，我屋苑有幾個小朋友讀esf中學，都係出曬名粗魯無禮貌，行路裝到人無反應，搭lift又會對其他人指指點點，呢個係我親身體會，唔代表普遍現象，個人感覺唔好。我小朋友宜家係耀中，每日都會見到好多耀中小學同幼稚園D學生，感覺都比esf學生有禮貌，個人意見，不喜勿噴

Sandrawcr

見過唔少美國國際，澳洲國際D學生，以個人經驗來講都比esf學生有禮貌，我屋苑有幾個小朋友讀esf中學，都係出曬名粗魯無禮貌，行路裝到人無反應，搭lift又會對其他人指指點點，呢個係我親身體會，唔代表普遍現象，個人感覺唔好。我小朋友宜家係耀中，每日都會見到好多耀中小學同幼稚園D學生，感覺都比esf學生有禮貌，個人意見，不喜勿噴

Sandrawcr

同意，可能我高估左esf，的確esf本地家長會多D，學校好，學費係國際學校裡面都唔算貴，更加多人選擇，只不過我覺得無論年紀幾大，小朋友自細都要懂得基本尊重同禮貌，如果唔係可能就係家長未留意引導。都同意人數多自然多話題，同埋esf有唔少分校，間間都有D區別

Sandrawcr

同意，可能我高估左esf，的確esf本地家長會多D，學校好，學費係國際學校裡面都唔算貴，更加多人選擇，只不過我覺得無論年紀幾大，小朋友自細都要懂得基本尊重同禮貌，如果唔係可能就係家長未留意引導。都同意人數多自然多話題，同埋esf有唔少分校，間間都有D區別

Mighty

講開耀中、我有一次係火車頭等、有幾個YC　STUDENTS,嘈到阿媽都吾認得　但我自己都覚得ESF学生不是特別有礼貌、但又不是特別差。　BUT礼貌這東西、学校同家庭培養同様重要。　可能現今大家都只是着重了ACADEMIC方面、怱略了人格培養也不一定。　LOCAL可能做得好D.　　

bebemuimui

原帖由 Sandrawcr 於 16-05-04 發表
同意，可能我高估左esf，的確esf本地家長會多D，學校好，學費係國際學校裡面都唔算貴，更加多人選擇，只不 ...

剛成為英基家長時，我其實很愉快告訴其他人內裏的情況。但幾年後，我已經不願提及。好多我覺得ESF點點點的post充斥，好老實ESF人多，無論老師同學生都有很大的差異，外人根本不甚了了。
如果係esf家長，早就係圍內交流訊息。對校外人來說，各校都有年報供查閲...

bellarie

講真，公平d咁講，
我們吾應該去以一部份的人來評價間學校。

因為我覺得咁樣做似乎有點兒不尊重該校家長。
既然有時間去批評人地吾好，不如花多點時間去好好栽培自己小朋友，令佢地成為社會人才！

HH_HH

原帖由 jk121299 於 16-04-28 發表
我個仔就係剛剛考入了IS K1, 平時我地會教佢英文生字同久唔久講d英文，不是全個是conversation, 而是一兩句 ...

你小朋友的情況有啲似我囡，我囡讀lS的k1，我家只有看英文書時先會同呀囡講英文，其餘時間都是粵語及普通話，日常生活唔同呀囡講英文原因係，我唔係net所以唔想教壞呀囡發音。家長日時老師說過呀囡同其他小朋友無乜交流，問題出現左，老師都留意到呀囡可能英文唔好，所以唔同其他小朋友玩，我都煩惱左好耐呢個問題，也曾找過私人補習英文(美國，加拿大老師都有]，亦試過補習社英文小組，我留意到其實呀囡係完全明白老師的說話，但就唔識講。上左一個月左右，我發現成效不太好，反而令呀囡好反感，每次上堂前都喊，所以停曬，以家我都仲諗緊點令呀囡學好英文，而又愉快的方法。

康晴比比

原帖由 bellarie 於 16-05-04 發表
講返保留母語。
其實我都曾經諗過爸媽各講中and 英。
但我覺得始終英文亦吾系我母語。

其實我早在BB一出世，我請了個菲傭，目的是制造環境等我開始會在家講英文。跟著就自學一啲同BB生活有関的英文呀，注意發音，句子，語調咁呀。一有機會就係咁講，初初都可能唔太流暢，對住個啱啱出世的未錯咗又講多次練到啱為止。當時唔緊要麻，BB都唔知我講乜。慢慢我越學越多字，又一路陪佢睇書呀自己睇下YouTube 兒童英語節目，針對學多D同佢有関的英文，再籍著同佢講而練習。可以話佢同我一齊學！結果佢三歳前都是講英文(係發開口夢都講英文）。當時比人見到我對個BB講英文有人好不屑咁望住我。



三歳後去公園玩多咗，意識到香港大氣候是講中文，佢才開始講返中文。最記得那時在公園有小朋友阻止住佢，想叫人借借。一開始佢講excuse me.個小朋友冇反應，跟著佢就轉台話唔該借借。佢識講中文是因為除了我外，其他家人是講中文的，雖然佢有九成時間是對住我的。現在她yr1，中英也流利，當然英文會好些。而我就今年開始同她多咗時間說中文和看中文書。因為英文可以正式交給學校了。


這是我的例子，所以我認為這個方法是work

康晴比比

香港教育敎的英文最失敗是只敎用來考試的英文，學啲字好深，但生活上好簡單如臣鼻涕呀打C益呢D就唔識。那時為了學返呢D生活上的英文都下過苦功。好彩現在上網找已經容易很多了。

aidan08

bellarie 發表於 16-5-4 22:37
講真，公平d咁講，
我們吾應該去以一部份的人來評價間學校。

你講得好啱。不過，見到呢D言論，一笑置之算了，老實講，大家身邊都可能會或多或少認識到esf小朋友或家長，又或者朋友個朋友等等，感覺係點好個人，我亦相信就如每一間學校一樣，一定有好學生有壞學生，咁多人揀唔會只係學費平嘅，而且，亦不乏好有錢嘅人送仔女去讀，一間學校嘅聲譽同受歡迎程度唔係靠一兩句流言可以影響到。呢D評論，影響唔到大眾對學校嘅睇法，反而反映評論者嘅個人觀點同素質啫。

chumiguan

原帖由 HH_HH 於 16-05-04 發表
你小朋友的情況有啲似我囡，我囡讀lS的k1，我家只有看英文書時先會同呀囡講英文，其餘時間都是粵語及普通話 ...

想幼兒入IS, 在家講英文是有必要。自問發音都帶香港accent, 阿女返學後就帶咗teacher's British accent.

其實accent無問題㗎。Singaporeans 有Singapore accent, Philippino 有Philippines accent. Aussie, American 又有自己accent. 最緊要多機會講同聽。

aidan08

樓主，我明白你嘅苦惱。想當年，我都為此而煩惱。加上現今好多人都好鍾意批評人，網絡世界人人都可以對其他人的育兒方式大肆批評，我曾經都好迷失，尤其見到有些人對港人父母對子女說英語好反感，恥笑辱罵都有。

不過，仔女係自己嘅，條路係點我哋作為父母係有責任幫佢哋舖好個前段，等佢哋好行D。我同老公對本地學校有點反感，我哋兩個都出身本地所謂的'名校'，但完全唔認同本地教育嗰套方法，所以我哋一早都決定幫兒子入國際學校。問題係我地係徹頭徹尾本地家庭，雖然有去外國讀書，但母語都係廣東話，我仔細個時，我都有掙扎過應該教佢講咩語言先。起初，我叫老公同佢講英文，我自己就同佢講中文，不過，由於要同菲傭溝通，所以，我少不免日常會用英文，久而久之，我對住個仔就中英夾雜。而我仔好遲先開口講嘢，到佢差不多兩歲時，我擔心佢太遲講嘢會有咩問題，所以帶佢睇醫生。醫生建議我全家選擇一種語言同佢溝通，佢話多種語言的環境唔係適合每一個小朋友，有D小朋友會好confused。於是從那時起，我就決定只同我仔講英文，因為我知道好多國際學校的prep係大約三歲左右就面試，而我仔只有一年準備，那時佢仲未肯開口講嘢，所以決定全力只講英語，唔理其他人點睇了。
我記得大約實行兩個月左右，我仔就肯開口講第一句說話。我又幫佢報咗個班，係準備國際學校面試的，同本地嗰D面試班不同，佢係比較著重全人發展的，又會針對佢不足的地方加強訓媡吓。自佢三歲起，佢參加過大約5間學校的面試，除咗一間外其他全部passed，不過有D無位放了在waiting list，最後有三間收咗。
我仔係外向型，多說話，唔怕醜，所以可能面試有點優勢。不過總括我經驗，如果有心入國際學校，操好小朋友的英語係必須，起碼小朋友要夠膽講。我自己就在兒子確定有小學收前係全英語，我有比佢上中文班，比佢認識吓中文，但我自己教佢就全部用英文。確定有小學收之後，我先全力同佢催谷中文，六歲前仍是吸收語言的最好階段，而我仔係四歲半未夠五歲確定有小學收的，所以自四歲半開始，我同佢講廣東話，初時當然佢會好多嘢唔明，做阿媽的一定知佢有咩詞語係聽唔明，我就用英文翻譯佢知，再重複多幾次。最初兩年，其實只有我不停雞同鴨講，佢係半句都唔會用中文答我，我講中文佢就答我英文，我曾經都以為佢係唔會開口講中文的，都有沮喪的時候。但到佢六歲，我發現佢已經明白大部分我講嘅嘢，有時開始會用中文答我，大人講廣東話時，佢有時會搭嘴，直至現在佢七歲，佢係可以同我用廣東話溝通﹐雖然佢d音有少少怪，但佢係溝通到，而且愈嚟愈多。
所以樓主，唔洗太擔心，我仔個case算遲接觸廣東話，但小朋友其實相對上係好易學懂一種語言，只要堅持同佢多講，一般嚟講佢哋係可以掌握得好快。
如果你問我，有多一個小朋友會不會行返同一條路，其實我會選擇比佢讀local幼稚園，等佢接觸多D中文先，打好基礎，無疑學中文會易d，而我自己就同佢喺屋企講英文。那是因為跟住大嗰個一定會有小學學位，一定入到IS，但如果係第一個小朋友，根本要同人爭，唔知入唔入到的話，我都會揀返條舊路的。

何B仔Adrian

多謝康晴比比及aidan08提供和分享經驗, 我又多一支強心針, 繼續努力. 我一直以為女仔多數咀jel jel, 但原來唔一定, 我女較我仔遲講野, 所以阿女更令我擔心, 不過好在佢接近3歲後, 見佢進步不少了.

在香港, 這一代小朋友既幸福又辛苦. 我女目前讀緊的國際幼稚園N班, 兩三歲人仔要懂三文兩語, 家長同小朋友都辛苦. 當年阿仔也是讀這間, 佢順利過度, 以為阿女都適合這學校, 可是, 現在這學校的都師們好像沒有耐性給我女兒, 由於我女是12年12月出生, 其他同學多數於14年8月開學, 我女15年1月足兩歲先開學, 比人遲幾個月, 是細B, 又不是特別smart, 一定追不上其他同學進度, 我以為老師會理解, 卻不是, 老師常打電話來, 感覺像是說我女兒是智障, 又或者要train好小朋友先好番學. 很沮喪.

Moonlight819

原帖由 aidan08 於 16-05-05 發表
你講得好啱。不過，見到呢D言論，一笑置之算了，老實講，大家身邊都可能會或多或少認識到esf小朋友或家長， ...

'反而反映評論者嘅個人觀點同素質啫。'説得太好！

lui

原帖由 Sandrawcr 於 16-05-04 發表
見過唔少美國國際，澳洲國際D學生，以個人經驗來講都比esf學生有禮貌，我屋苑有幾個小朋友讀esf中學，都係 ...

我見過耀中d學生，包括我識的，或是屋苑的鄰居。粗口冇禮貌，不是以偏概全，不過感覺唔好。同你對esf的感覺差不多。

Jane1983

回覆 lui 的帖子

哈哈，係吾可以以偏概全。點可以因為見到幾個學生無禮貌，就話學校呢，呢d係家庭教育。