九龍禮賢幼稚園K3家長請進！

littleeva

bosze

我覺得小朋友一定記得老師講的東西. 只是他們會否講番比您知.  我係習慣了天天和仔仔講學校的事情. 說真的他只是習慣了而已.  

很簡單的一個例子: 以前仔仔同學的媽咪 (也是BK媽咪, 現在我們已是好朋友)  她成日話我仔叻. 記得老師教個的東西. 她話自己個囡唔專心,冇講學校的事情比她知...... 後來我地見面多了. 我仔仔唱學校的歌時 . 她囡囡都唔知幾叻. 一樣能唱, 有D是她囡囡能夠唱晒成首.而我仔仔沒有唱過比我聽.   您睇小朋友學習能力係好高嫁, 只是各人性格不同. 習慣不同.   不是我仔叻. 相信好多好多小朋友都係咁.  只是我地做父母能否捉到孩子的心理.

講起超人,我仔連超人係咩都唔知.  可能我和老公都唔鐘意睇, 仔仔完全唔知是什麼. 昨天買了隻船仔. ($25) 有個超人係度. 我仔問我E D 是什麼人 ? 有時D 衫有公仔, 人家見到會 講起 好得意呀 點點點......... 唉....可惜我仔唔識. 一舊飯咁 ! 連什麼<比加超>都唔識. (因為我和老公都唔識)  我地只識MICKEY MOUSE, HELLO KITY 其實我地真係唔多識. 我和您相反. 我想仔仔有正常社交, 怕有天同學講時. 他冇得答咀. (佢連叮噹都唔識) 看來我都係要多多學習.  

如果您覺得仔仔太著迷某一樣野時. 個人覺得您可以慢慢控制下. 雖然不能夠一下子減少, 但最少唔好再增加. 例如唔好再買(買少D) 此類玩具給他LOH

朱古力

我囝囝都會一段時間好迷一樣野,過一段時間又迷第二樣野,不過佢就好少睇超人怪獸,因為我無買,我會買D益智D既比佢,我唔多開電視,多數睇DVD/VCD,所以佢最鍾意THOMAS,之前有一段時間好迷叮噹,小魔女DO RE MI佢都好鍾意架.

朱古力

bosze,

唉!我咪一樣,囝囝比公公婆婆揍,咩都就晒佢,佢話咩就咩,淨係食飯同

GraceMami

penpen,
知道你囡囡病癒, 真好.  我覺得盈盈好叻, 又肯飲湯, 又肯飲中藥.  我囡囡飲湯要捉住佢 "tum" 佢, 飲中藥更難, 黑色的飲品一定不飲, 連可樂也不飲 (不過, 我都唔想佢飲), 飲猴棗散或川貝粉就無問題.  所以我覺得盈盈真的好叻女.


朱古力,
很同意 ---- "講極都係無用"
雖然我囡囡不是公公婆婆爺爺嫲嫲湊, 不過, 公公婆婆常一見她喜歡的或想買的, 就會買給她, 我已成日叫他們不要再買, 他們就硬不聽.  反而我老爺奶奶會有時叫囡囡問過我先買.

我囡囡全不知道超人是甚麼, 但前陣子, 她居然做超人手勢, 我相信是學同學的, 因為到目前為止, 她主動提到的同學都是男孩子.

GraceMami

littleeva,

其實, 無論大人或小朋友在發脾氣時, 都是無可能把道理聽得入耳的.  我想, 最重要是明白為什麼他會發脾氣, 對症下藥.  我並不贊成打他們, 因為打是解決不了問題的.  

我期望可以在家長班與你一起分享彼此的育兒苦與樂.  

tiger

我想問下各位有無參與課外活動, 學校要到K2才有.

我囡囡今個星期, 又係唔知點解, 識做超人變身.   

GraceMami

tiger,

我囡囡暫時只在星期六上午上英文班.  本來一向星期日上開畫班, 不過老師說她三歲可以升班, 而又開始開學, 所以打算11月才再上畫班.  

你囡囡又係咁呀!?  我囡囡仲提過 "超人", 仲問我 "超人係咩嚟架"....

penpen

littleeva,
係呀! 好番好多喇~ 我都可以舒服返d喇~ 過去幾日真係要我的命呀! :cry: 我妹豬自出世以來病得最嚴重係今次呀! 咳到好多痰, 唔咳有驚d痰唔出, 咳得太用力又驚佢整損喉嚨,好彩既係佢都好精神同埋食到嘢! 希望經過今次佢既抵抗力會再加強啦~
我妹豬都好鍾意睇百獸王同埋Doremi架! 仲有超人都係,但只會在睇到時先鍾意, 所以我就唔洗擔心, 其實我都好鍾意睇, 所以多數都會陪佢一齊睇, 仲可以睇到d唔係咁好既場面時解釋俾佢知點樣唔啱, 妳知啦~ 家陣d卡通片仲邊有我哋以前睇果d咁單純簡單喎! 真係睇卡通片都分分鐘會學壞呀! :-x

朱古力, bosze,
多謝你地讚妹豬肯飲中藥, 我都係用一啖旦糕仔, 一啖藥咁餸俾佢飲架咋 ~  係驚佢又反胃, 飲唔飲其實我同佢睇中醫之前都冇考慮過,可能係因為佢平時咩都食, 食西藥都唔洗煩啦~ 呢樣都算係佢既優點黎既!  
bosze, 我都非常同意妳所講食西藥食到弱晒呀! 妹豬食左3日西藥到第4日塊臉都白晒呀! 反而食中藥加湯水第2日就回復之前既紅潤喇~  好中醫我聽九龍城都有起馬兩個, 我以前病都會去睇, 但睇開果間個伯伯可能退左休, 換左個後生(我想會係佢徒弟)既, 需然仍然係同一間藥行, 仍然好多人睇, 但係就偏偏唔夾我, 我同我女係睇自己屋企樓下藥房既中醫, 聽講佢都唔錯, 但又係唔夾我, 反而我個女同佢幾夾, 我覺得好唔好真係好難講呀!!  

GraceMami,
妹豬好鍾意飲湯架!   下次Grace唔飲俾埋我妹豬飲啦~   其實妹豬咩都肯飲可能係因為由細到大, 我自己會食會飲既野都會俾佢試啦~ 佢就好在有小小都已經好滿足, 例如汽水, 有d人會選擇唔俾小朋友飲, 病梗係例外啦~ 但我就選擇可以既盡量都會俾佢試, 等佢知道係咩黎囉~ 妹豬啤酒都試過架!  
前晚妹豬放張咭響個電子琴上面彈琴話學李老師!  之前又試過貼貼紙俾我話我乖獎我貼紙, 我諗佢係學嚴老師

[size=medium]祝大家中秋節快樂!!

朱古力

[size=large]各位中秋節快樂呀!
昨晚帶左囝囝去公園踏單車玩燈籠,佢玩得好開心,估唔到已經十二點幾,但公園仍然好多細路仔在玩,我同囝囝玩到點幾先走,因為我好眼訓,囝囝返到屋企仲想睇電視,我當然唔比佢睇,一沖完涼佢唔洗兩分鐘就訓左喇.

penpen

朱古力,
我中秋果晚響奶奶屋企食完飯都係8點多d, 跟住就一齊落左樓下公園玩, 由於佢當日冇午睡又同唐細佬玩到癲晒, 所以已經好倦, 食緊飯果時已經因為眼瞓扭計, 初時落去玩都好精神番一陣, 但係到9點已經又扭過, 再過一陣仲問走未添~  
妳囝囝真係好精力! 係唔係男仔都係好精力d架呢?!  

朱古力

penpen,
可能係喇,男仔精力好d,我囝囝最鍾意一上車就訓或一去酒樓就訓,如果放假

GraceMami

中秋節晚, 去了黃金海岸, 沙灘上坐滿了人, 想行入去都有點困難, 所以只是到處走走, 玩玩燈籠.  我們在平台點爉燭時, 囡囡見有個弟弟在玩, 主動走過去叫人地爹地媽咪等埋我地, 我們到了樓下廣場, 去ok買東西, 她不等我們, 跟住個弟弟一直走, 還拖著他.     :-|  :-|  :-|


penpen,
你比妹豬試, 而佢又肯試, 真的好.  我囡囡呢, 叫她試新的東西, 她總是抗拒, 有時氹一輪都唔肯, 最經典是公公婆婆氹她吃芒果, 她試過一點點後說很喜歡.  如果佢主動要求試食試飲的, 我們也會給她試一點點, 可樂及餐酒也是她自己要求試, 不過說不好味, 我也會告訴她這些飲品不適合小朋友的, 也會告訴她汽水是化學合成品, 多喝對身體不好.


bosze,
我囡囡絕不是美女, 只是有時候蠻可愛的.  (不過, 哪個父母不覺自己的子女可愛?)       

其實, 女孩子多人追頭痛, 無人追就更頭痛, 順其自然啦.....講得很遠了......

penpen

上星期四去咗接阿囡放學, 轉左位置之後冇咁曬, 真係舒服好多!  
近呢個多星期我覺得阿囡扭計多左脾氣大左呀! 唔知係鬧情緒定係學左d同學仔呢?! 唯有俾多d耐性同心機佢啦~

朱古力,
若果我妹豬好似妳囝囝咁精力充沛, 我諗我真係支持唔住呀! 家陣都係勉強撐住架咋~ 昨日響藥房買野, 我女同果度D人已經好熟, 所以係咁響度玩, 唔識既地方佢都唔敢亂咁行架! 跟住有個入去買野既阿叔見到話我妹豬冇時定, 我未講小朋友唔紮紮跳唔通要佢'岸'居居咩~ 跟住佢又話我妹豬好牛禾! 頂丫~ 我未問番佢係唔係豬囉! 藥房D人見到都打個突, 因為可能未見過我咁惡啦~ 佢哋都好鍚我個囡架! 次次都請我個囡食維他命C糖, 有D咩奶粉尿片贈品都會送俾我妹豬,試過有次有個人入去買野行,路唔睇路差d撞到我妹豬, 藥房果個人居然有少少怒意咁話佢叫佢睇住唔好接到d細路呀!!

GraceMami,
我妹豬都唔會飲好多汽水架! 我自己本身都唔鍾意飲汽水,祇會我更中飲時俾佢黐幾啖,平時要飲都係飲果汁, 維他奶, 乳酪利賓納,佢就凡係知道到唔係辣食得既野都會放咗落口先, 唔好食先吐番出黎~ 前排佢喉嚨唔舒服, 俾喉糖佢都照放入口, 不過一食到薄菏味就吐番出黎喇~  

朱古力

penpen,

如果我囝囝好似你妹豬咩都食就好喇,我囝囝好鍾意含住D食物,仲可以含好耐好耐,軟功硬功都試過佢都係敢,我都無晒辦法喇,所以見你妹豬苦茶都飲,羨慕死我喇不過,除左食之外囝囝既品性真係好好,個個都贊佢,好多時都唔洗我粗心,(真醜,賣花贊花香

朱古力

唔知幾時先派冬季運動裝呢?今朝真係唔係好想比佢著短褲,露出兩條腿,好怕囝囝又凍到.

朱古力

bosze

你囝囝有提起我囝囝呀，好開心呀！我囝囝都有提過一些同學名，不過都係話人地曳．

tiger

唔知今日係咪派左 "小跳豆", 我個囡話老師俾左好多野佢, 有圖書, VCD, 仲話要立即返屋企睇.

你地有無訂呀?

penpen

今日睇番手冊9月份的評估, 老師話我妹豬上課留心(我估唔到),遵守秩序,是個好孩子! 我睇到好開心呀!!

朱古力,
我妹豬都會含住啖飯架! 不過就多數都係食飯食到差唔多尾聲果陣, 以前成日都會架! 後來我成日提佢快d咬快d吞, 提下提下家陣好好多喇~ 我果妹豬真係好為食架! 佢仲要就算未見過既野都識得分邊d食得邊d唔食得喎!
我覺得人對腳係最抵得冷既! 好多學校既冬季運動服都係短褲呀!  bosze話齋, 最緊要個身夠暖嘛!!  唔洗太擔心!

bosze,
我妹豬最成日做番關於學校既野就係唱歌呀! 唔記得晒成首歌, 不過就自己成日響度吟吟沉沉!!

tiger,
係派左小跳豆呀! 9月同10月份, 仲有遙控車(4舊2A電同埋1舊方型電), 阿囡玩得好開心, 不過果兩隻係CD唔係VCD黎~ 我幫我囡訂埋TALK TALK TALK, 條友仔玩完車之後就取些貼紙出來貼貼貼喇~~  

littleeva

大家好

開學成個月啦. 又要交車費.  現在仔仔已經成日唱歌. 唱了很多首歌. 有些是宗教歌.

佢重拿住個咪, 插埋TV. 扮老師講野. 好好笑. 要我扮學生. 又要小朋友說再見,又要小朋友X躬. 一陣佢又扮教小朋友唱歌 做動作. 真的很好笑.  不過他言詞中時常有個 "請您" 相信是老師這樣講野.

PENPEN 咁我今晚都要睇下手冊寫什麼先.
我都有訂小跳豆.

tiger

我仲慘呀, 我個囡扮老師之餘, 仲經常要我扮唔聽話同"樓"計的學生, 跟住佢就同我講道理, 我就要扮合作, 等佢可以讚我, 有時連我老公同婆婆都要一齊扮.
:cry:  :cry:  :cry:  :cry:  :cry:  :cry: