將軍澳富康德寶(DEBORAH)

fifi

hinhinmom,

睇到你答wing530的問題﹐你寫得好詳盡﹐好多都係我想知o既﹐多謝﹗

唔知德寶使唔使自己帶茶點﹐飯盒﹐叉等﹖

wing530

>>hinhinmom,

唔該哂呀! 校車方面我都係唸唸先啦~ 或者明年搭都未定, 因為我可能轉做全職媽咪呀! 嘩~ 你份工咁好既, 可以返咁晏呀!      我唔得呀, 我趕唔到呀!

我仔仔7點幾都係飲8安奶, 但係佢到9點幾又再食早餐, 我驚返學後, 佢叫肚餓呀!

>>fifi 個問題, 我都好想知呀! 其實我地包左茶點費未架? 因為我朋友個仔仔讀啟思, 茶點費要另外每個月比, 唔知我地d雜費包d乜既呢? 洗唔洗帶茶杯呀?

hinhinmom

fifi,
我地半年比一之o既書簿雜費,
已經包埋茶點費, 另外, 小朋友會自己有一set
杯及毛巾盒, 日日返學都要帶~

wing530,
ha ha~我唔係返得好晏呀, 我o係中環返工, 返9:30,
所以都趕到~
其實, 我仔仔都幾大食架,
不過, 我返學前都只會比佢飲8oz milk,
最多放學返到屋企即刻食飯law,
小朋友要佢起身後立即食固體食物都幾辛苦架~~

HALAHA

各位媽媽,
是不是己經幫囝囝,囡囡買咗皮鞋,ball鞋?我今晚都要百忙之中抽空去買啦,如果不是我驚囡囡9/8冇鞋著返學.
睇咗hinhinmom的意見之後,我都會考慮給囡囡搭校車,但囡囡又昏車浪,所以都要開始train下佢.但第一個月就一定不會.
hinhinmom:我也是在中環返工,不過我返9:00,所以都送不到囡囡返學啦,你就好啦.

hinhinmom

halaha,
你囡囡升k1呀?
你無經學校幫你訂鞋仔o羊??
我見o係學校訂價錢都幾合理~

另外, 我仔仔讀pre-nur時,
學校都唔suggest小朋友頭一個月就搭校車,
因為怕唔適應, but, 如果你真係想安排小朋友搭校車,
就要早d同學校講, 等佢地arrange呀~~

HALAHA

各位媽咪,
7/8的家長會我去不到,希望你們到時報料給我啦!

wing530

>>hinhinmom,

我都無經學校訂鞋仔呀, 價錢都幾合理架, 不過, d先生話訂左, 都趕唔到開學用喎, 所以, 都係叫我出面買囉~

>>HALAHA ,

你去唔到家長會呀, 到時我地報料比你啦~     

嘩~ 你地有無睇到另一個topic講天主教聖德肋x幼稚園呀, 係坑口新開(南豐側邊果間)呀, 原來學費都唔平喎, 差不多要2000蚊個月, 比佢當初講既學費差好遠喎~       

HALAHA

wing530,
天主教聖安德肋幼稚園,當初我都有幫我囡囡報名,而學校都收咗佢,但最後放棄咗,因為佢不會有考試,測驗,評估,寫字都是一些好簡單的線條練習,完全在一個無壓力環境中返學.我老公非常欣賞,但校長都講到明,升小學之後,就一定有一段的時間的適應期,初初不一定跟得上.所以最後我決定選德寶,雖然貴啲,但好多bk媽媽話好,雖然話課程深啲,但小朋友始終都要適應.但天主教聖安德肋幼稚園都不失為一間好的幼稚園,因為佢始終有天主敎背景,和值得一讚的是,佢的老師真是好nice,但我覺得如果無外籍老師,收$2000.00好似貴咗啲.就算校舍幾靚都好.

fifi

wing530, HALAHA,

你D都買o左小朋友的返學鞋啦﹖我係Dr. Kong 訂左皮鞋仔﹐ball鞋就仲沒定到﹐你D有冇麼好介紹啊﹖

我返學校換左校服同交多左$100 6號換4號﹐但運動服都用返6號﹐因為4號膊頭位OK﹐但短左﹐6號長度ok, 膊頭位又闊左﹐好麻煩。不過學校的人好nice, 好耐心咁幫我度又比D意見﹐見到的人都好好笑容。

天主教聖德肋x幼稚園我都見到﹐不過$2000真係唔平又無外籍老師。

HALAHA

我噚晚去咗Dr.Kong買咗皮鞋仔和ball鞋啦,因為睇咗好多間,始終都係覺得Dr.Kong的鞋仔靚啲.
fifi,
你囡囡著幾多號?因為我見新都城那間,噚晚入咗好多貨.

fifi

HALAHA,

我囡囡係著25號﹐我又係新都城千色店果間Dr. Kong買皮鞋仔。ball鞋唔知買唔買佢好。

HALAHA

fifi,
如果你囡囡皮鞋仔著25號,那麼ball鞋就要買26號,因為ball鞋的內籠細啲.這是我去康怡吉之鳥試鞋的時候,那個sales告訴我的.而新都城那間就叫我兩對都買同一size,到我出聲的時候,佢先話係.

fifi

HALAHA,
我囡囡而家著緊24號﹐買皮鞋仔時話最好買25號﹐咁ball鞋係唔係應該買26號啊﹖我都覺得ball鞋的內籠細D﹐因為個鞋圍墊得好厚。

HALAHA

fifi,
應該都係要大皮鞋仔1碼.
總有不記得話給你知,買皮鞋仔+ball鞋有3對襪仔送,啲襪仔仲靚過我在kingcow買嗰隻.

wing530

>>HALAHA

天主教聖安德肋幼稚園, 我都有想過架, 不過, 覺得"夾"唔到時間, 咪無唸囉, 而家又唸K2會唔會轉呢, 所以咪入去果個topic睇睇, 睇下有咩評價囉, 原來加左價, 又貴又無外籍老師喎, 咁我又未必轉lu~      我都覺得程度深d會好d架, 早d"谷"佢, 等佢早d適應, 咁上小學時咪無咁辛苦囉~     

>>fifi,

我都買哂鞋仔啦, 全部都係新都城間"Dr. Kong"度買, 順便入埋會, 有3對襪仔送, 如一次過買2對鞋仔, 仲有1份禮物, 我選擇左除臭Shoe Spray, 仲加40蚊換波鞋油&皮鞋油~  

係呀, 新都城果間shop, 有個sales唔係好掂架, 我問幾款白鞋有咩唔同, 佢話一樣, 只是多幾條線既分別, 好彩有個sales好d, 話比我聽,  有d款個鞋頭會寬闊d, 果d先o岩阿仔著, 好彩問清楚咋~

阿仔著24號皮鞋, 25號波鞋, 個sales都話波鞋要大一個碼架~

  

fifi

HALAHA﹐ wing530,
多謝你D﹐我買o左啦。 好似你D一樣﹐都係新都城Dr. Kong 買。不過皮鞋仔仲要過多幾日先有得羅。ball鞋都有買大一號﹐如果唔係你D講﹐果D sales真係唔講﹐仲話唔晒添。我自己話事要大一號 D ball 鞋都有試其他牌子﹐有的款好又唔係白色﹐有D又話遲D會有白色﹐驚等唔到新貨﹐所以覺得佢OK﹐買來著住先啦。

天主教聖安德肋幼稚園﹐唯一的好處係‘近’。

你D主流班係唔係9號就開學啦﹐我D要等到12號﹐會係兩日1個鐘﹐三日2個鐘﹐之後正常﹐你D呢。返左學記得上來傾下

fifi

加多句﹐今日去Sanrio買左D防水名貼﹐係我朋友話我知出邊賣得仲貴﹐仲唔係時時買到。可以用係D杯﹐飯盒﹐文具度。

wing530

>>fifi,

唔洗客氣啦, 大家亙相幫忙麻~     

係呀, 我地主流班下星期一開學啦, 今日去左"新生家長日"呀, 原來第1日唔洗帶毛巾仔喎, 但要帶一套平時著開既"3"褲放係學校, 以防"不時之須"呀!

仲有呀, 原來唔洗買label啦, d茶杯, 毛巾盒, 先生已寫好小朋友既名落去架啦~

>> hinhinmom,

yeah~ 我地同班呀! 阿仔都係"NCB", 班主任Ms. Suen呀, 今日你坐邊張"table"呀, 我坐係最後(黃組), 坐住阿仔個位呀!   

題外話....., 有個外籍男老師, 佢好靚仔呀~       

fifi

wing530,

你D使唔使交學生相啊﹖我D要交5張﹐哩兩日要湊佢落去影啦。話係貼係D台度﹐櫃度等。

個miss 講鞋仔度要qi 個label, 因為有時要除鞋玩。

你一定仲緊張過我﹐星期一就開學啦

hinhinmom

wing530,
我同你仔仔真係一班呀?~
仔仔讀pre-nur時都無普通話班架,
anyway, 我今日坐近放書包個櫃o個邊,
我搵唔到仔仔張相呀~

仲有, agreed with you,
o個個外籍男老師真你幾靚仔,
實引死班女老師呀~he he~~

原來都有好多外籍老師架, 我都唔知tim~
教我地仔仔o個班英文個miss 都幾靚女架~~