有冇小朋友讀緊"公文式"入黎分享下啦

fanny_wong

Aries媽咪,

早晨呀! 你囡囡果D相係邊到影架?貴唔貴架?我都想同囡囡影呀  

你囡囡鍾意睇邊套卡通片呀?你會買邊種DVD/VCD比囡囡睇?我近排買左隻係普通話唐詩都幾好連我自己都可以學埋

Aries媽咪

fanny,  


囡囡d相係佐敦影的, 好平$380包36張相及相底, 詳細資料send咗比妳

我囡囡好奇怪唔係好鐘意睇卡通, 所以唔使成日開電視比佢, 之前學校開生日會比咗套白雪公主佢睇, 攪到佢係學校喊, d老師都覺得奇怪, 囡囡好怕d驚嚇片段及大聲d都唔得

其實睇電視都學到好多嘢, 只要選d有益節目就得

妳囡囡依家幾高及幾多磅呀?
我囡囡生得細粒, 得34磅, 103cm, 一d都唔似我兩公婆 :

bb2001

Hi Aries媽咪,

Could you also advise where to take the photos? Thx!

Aries媽咪

bb2001 寫道:
Hi Aries媽咪,

Could you also advise where to take the photos? Thx!

check pm

Aries媽咪

fanny,

早晨呀

食咗早餐未呀?

fanny_wong

Aries媽咪,

早晨, 我食左早餐啦, 你囡囡今日使唔使番暑期班呀?

我囡囡幾重同幾高?我唔係好記得要返 99 到睇下本手冊先知, 平時好少同佢磅重只係學校同佢每隔幾個就磅重度高

Aries媽咪

fanny,

妳都幾大頭蝦喎 囡囡幾高幾鎊都唔知
不過返工媽咪係咁, 一日做嘢都辛苦到死, 仲邊有好似我咁無聊 :
有時都想返工, 搵工人湊囡囡, 但自己又捨得, 囡囡返咗學, 都會掛住佢做咩, 食咗茶點未, 睇嚟我都係途唔出我囡魔掌     

fanny_wong

Aries媽咪,

係呀!我有要時都覺得自已"拾下拾下"

人就係咁奇怪好似我咁有得返工就想湊女, 但到湊女既時候又覺得好辛苦, 因為要24小時昅到實, 最好又唔使返工又有工人幫下手湊女咁就好啦, 我係好似發緊夢     

Aries媽咪

fanny,

妳做咩講咗我多年願望,[size=x-large]最好又唔使返工又有工人幫下手湊女咁就好啦     

marieyuen

原本去完書展聽完公文式後，都心旭旭想比個女學。因為剛去完泰國旅行，同上次去星加坡都真係見到幾多地方有公文式教室。
不過一落到去我樓下個center，個呀婆就即刻話我個女細，學公文中會唔會好辛苦呀？都唔止問o左一次，o甘係唔係即係唔想佢讀？
我同佢講，我在書展都話個女唔細o刺o咼！都四歲半，佢就話，都得不過要辛苦o的，都要認好多字，我同佢講，我唔係想佢學左後好叻，只係想比多個方法佢學多少少中文。問佢係唔係有pre-test，佢又唔肯定，但又話『不過佢多數都唔識o架啦。』   真係比佢激親，即時唔想報！  
其實我覺得佢只係比一o的漸進式的教材小朋友同家長在家讀，讀得多，自然識得多過人，這都係好正常的事。但係每個月只係得4堂，每次半個鐘，都唔係指意佢教到o的o羊，都係睇下進度o甘，我o念o念下，我自己買o的好教材自己教都得啦，橫掂都係要自己跟！ 我重見到教緊o個個係個細路女o乍。
佢重好在意同我講，唔係一定個個月4堂o架，我o地規定，如果上課日當日係公眾假期，係無得補，如果個月有5日係你上堂的o個一個星期，就有5堂。
我再同佢講話係唔係有半價，佢即刻話『完o左啦！』而家都8月啦，我話『唔係o咼！唔係7月o羊？』佢話，而家報 都係報8月啦，而且只係報數學先有半價o乍！
公文式好唔好我就唔知，但係請著o的o甘o既呀婆，真係倒米！！！

fanny_wong

Aries媽咪,

早晨, 我打左去影樓啦, 佢地話最快要9月尾先有位平時一至五會快D, 但我只可選星期六 要等多個幾月先影得好心急呀 你仲會唔會再影呀?

Aries媽咪

fanny,

妳同我之前一樣, 好心急同囡囡影的, 跟住又好心急睇相, 真係好好玩, 因囡囡勁鐘意影相, 所以我每年都會同佢影的.

妳有無同囡囡去海洋公園呀? 依家有個夏水禮, 好好玩呀
我囡囡玩到同身泡, 又玩電船仔, 不過噚日落雨, 所以無帶泳衣, 唔係就比佢玩埋水鎗戰, 下次都會帶埋比佢再玩過

fanny_wong

Aries媽咪,

早晨!

原來宜家多左咁多野玩架, 自從生完個女都冇去過又驚唔岩佢玩, 等我地搵日都去海洋公園下先  

你會唔會幫囡囡編一個時間表比佢要黎做工課或溫習等等, 因為我囡囡放暑假99都唔識安排囡囡幾時要做d mud, 成日都好似亂晒大籠咁, 有時又唔記得做公文工課, 請問你會點安排d時間呢?

Aries媽咪

fanny,


早晨呀

今日真係倦c我呀 8點送完囡囡上車, 跟住就行去新都城食個早餐, 買d生果, 重要拎十幾本書去還, 還完又借10幾本, 妳知啦, 係嗰邊行又唔係,搭車又唔係, 最後都行番返屋企, 最後仲要撞難d香蕉及芒果呀

我同囡囡都無咩叫時間表, 不過佢返嚟食咗嘢之後, 會做公文跟住練琴, 我會比d時間佢玩, 如果嗰日無咩嘢做, 咪會帶佢落樓下跳繩玩呼拉圈, 噚日就同佢去會所游水, 跟住返屋企睇吓芝麻街, 食飯, 之後就比佢玩吓電腦講吓故仔, 咁就一日啦     

fanny_wong

Aries媽咪,

係啦, 個圖書館位置真係唔方便, 我都仲未還書,我會今個星期六去還,不過想起要行咁遠又晒到死真係想喊

我個女都好鍾意睇芝麻街架, 好似係大新銀行開兒童戶口有芝麻街文具送呀 , 其實我都想同囡囡開個銀行戶口都唔知邊間好呢? 你有冇好提意呀?

Aries媽咪

fanny,

morning

我同囡囡都有問戶口, 星展同恆生,  之前就鐘意星展可放相係本存摺面, 跟住又開多d恆生智多kids, 不過諗諗吓都係近近地, 或者去中銀開多個

好悶呀, 妳返工就好, 又可以搵錢, 又可以消磨時間, 我依家除咗煲吓韓劇, 都無咩好做     

fanny_wong

Aries媽咪,

早晨,

今日天氣好熱呀! 我未番到公司都留晒汗, 我公司冷氣壞左今日肯定熱都暈, 其實我而家番工都好慘, 公司就執笠所以冷氣都唔會再整, d同事都走到八八九九而家又唔準時出糧好慘呀

你係咪好鍾意睇韓劇架?我宜家都有d韓劇未睇, 想著留番冇工做果時睇消磨時間

Aries媽咪

fanny,


早晨!

今日係我清潔日, 好到c c 吓

嘩 妳公司咁, 妳有無搵定工呀?
會唔做全職媽媽呀?

妳都鐘意睇韓劇架, 有咩存貨呀?
我依家番睇"巴黎戀人" ,  d歌真係好好聽, 韓劇大多d配樂都好好聽, 所以我每睇一部, 都會搵埋佢d歌聽架

fanny_wong

Aries媽咪,

早晨呀!
我公司會做多兩三個月左右啦, 我都唔會咁快搵工, 呢份工做左八九年都冇mud放過大假, 我會休息下先再搵工, 至於做全職媽媽我都想呀, 不過囡囡就讀小學會有更多開支, 所以暫時都唔會考慮做全職媽媽

"巴黎戀人"我都有wor, 仲greenrose及沐浴陽光