2007年8月開學宏福幻兒園既媽咪一齊入來傾下

candyhui77

不過我想問下有麥辦法令到仔仔唔好咁怕生同唔好咁痴身呢? 就連我地是但一個去廁所, 佢都企係廁所門度喊.  去playgroup兩個月幾月, 只有daddy陪個兩堂係唔會喊, 剩下的都喊下停下, 諗下又喊, miss叫佢又喊, 攪到我好唔好意思, 最後連playgroup都冇再返.

626mama

candyhui77,

聽落，妳小朋友真係好痴身。
我囝囝都好痴身，不過大大下，
佢自已走去玩，已經比以前好。

hongmimi

原文章由 candyhui77 於 07-7-10 14:02 發表
不過我想問下有麥辦法令到仔仔唔好咁怕生同唔好咁痴身呢? 就連我地是但一個去廁所, 佢都企係廁所門度喊.  去playgroup兩個月幾月, 只有daddy陪個兩堂係唔會喊, 剩下的都喊下停下, 諗下又喊, miss叫佢又喊, 攪到 ...

candyhui77,
可能妳囝囝比較細膽 ，我都有朋友囝囝係咁，多d出街或者大少少應該會好d!

我同兩位媽媽講interview內容有d唔同，果時我囝囝唔洗坐定砌圖同答問題，好簡單，全程淨係係禮堂玩車同積木，家長同老師係旁邊一齊玩，老師同小朋友傾下計、叫小朋友俾下d玩具咁(我個仔唔肯俾老師，仲"唔":tongue: 一聲拎轉面 )。我想可能我囝囝in時都仲係好細所以有d分別。如果到時真係咁in，叫爹地陪住妳囝囝玩應該無問題好易pass既，唔洗太

626mama

[quote]原文章由 hongmimi 於 07-7-10 14:41 發表
d字成日都出唔晒，
都唔知點計嫁????

candyhui77

頭先收到電話, 叫我呢個星期六去IN, 好緊張TIM...

candyhui77

頭先收到電話, 叫我呢個星期六去IN, 好緊張TIM...

pcdogxx

呢排買左部Wii, 掛住玩唔得閒上黎添..  哈哈..

Hongmimi,
點解d爸爸都咁得意既, 一話似佢地, 佢地就會好開心架喇..   其實就算d人話個女似我, 我都冇乜特別感覺既

星期六我會去城門谷游水呀, 我地果度行過去15分鐘到咋.. 好方便
果度有個sir滑梯岩我地d小朋友玩架, 上次去鈞渝玩得好開心, 你得閒都帶匡匡去吖.

鈞渝都好鍾意藍球, 佢呀, 成日經過大窩口村果個藍球場, 入左去就唔出返黎架啦..  好開心係裡面係咁走, 真係俾佢激死..

ElainAiolia,
唔知係咪影相問題, 你個囝囝個樣真係好大個, 就咁睇以為成三四歲喇..  其實如果爸爸靚仔, 似佢都好吖..   好彩阿女隻眼似爸爸咋.. 似我就變左檬豬眼咯..  

嘻嘻..  一齊玩都好呀..  平時都係婆婆帶佢落去玩架.. 我就多數星期六日落去一陣咁大把..  不過下面好多蚊, 我果日落去一陣咋. 俾蚊咬左幾粒喇..   我都發覺小朋友鍾意同大過佢d哥哥姐姐玩架.. 細個果d, 好似唔識同佢地玩咁

天藍
我果套校裙係XS碼, 但係都好鬼大件呀..   我影左張相呀, 你地入去睇下, 個樣好似大過左好多
http://www.babyhome.com.tw/album.php?op=view3&mid=212686&page=3&folderid=1364791&fid=32473807&z=F
我之前interview都見過偉主任, 但係唔係佢直接in囉, 所以冇乜溝通過, 我都係靜靜雞玩架咋..  比人發現就屎火咯..  哈哈..

626mama,
水痘針好似有分咩日本針同唔知咩針, 可能你果d係日本針卦. 所以咁貴,  我果陣帶佢去美孚打, 400蚊咋..  肺鏈我都打晒喇..  都係$650, 超貴..  死人惠氏食水咁深..  仲要賣埋d嚇死人既廣告..  

哈哈..  你次次講親個故仔都係出得果句, 註定我地冇得聽喇..  

candyhui77
乜咁遲仲可以in架咩?  我仲以為已經收晒生唔再收添..  你又係11月返學呀?  如果收左入埋同一班就好喇..

我果陣好簡單架咋.. 成班細佬一齊入去玩, 跟住d老師問父母一d問題,  另外觀察下小朋友點玩咁咋..  好快就in完, 因為我果日係自己帶個女去, 所以之後老師幫我睇住, 我就入去聽miss wai 講解, 阿女完全唔理我既死活, 搵都唔搵下我呀..      你個囝又會驚成咁既, 真係要訓練下喇.. 唔係第時返學唔知點算..   我由佢好細個已經成日帶佢出街, 8個月到已經返playgroup, 所以佢唔係好驚人, 或者你都帶佢多d去公園同其他小朋友玩下啦.


唉..  淨係買鞋都要買三對...  最衰果個kids buster冇開倉啦, 100蚊3對真係好抵..    睇下jusco有冇減價先..

[ 本文章最後由 pcdogxx 於 07-7-10 18:57 編輯 ]

hongmimi

pcdogxx,
城門谷d水得唔得架? 我幾次都帶匡匡去我妹屋企個clubhouse游，貪可以上佢屋企沖涼，不過好貴$40大小同價。城門谷咁方便，又有sir滑梯，我下次都去試下。

鈞渝都唔驚水架? 匡匡玩到水泡都除埋要自己游，睇少眼都唔得。佢o米又一樣，成日企係側邊睇人打，不斷叫藍球呀、藍球呀、入左入左，好似做旁述咁。

我都覺得樓下好多蚊，特別係有瓦遮頭個兩part。另外，自從轉左管理公司我覺得好都野好唔點:evil: ，環境同保安員都係...... 永遠架lift都係有陣臭味既。

鈞渝件XS碼校裙真係好大，好似長裙咁，不過真係好新淨呀! 我幾個月前同匡匡試都係XS碼又係好大，等我同佢再試而家差幾多先，順便睇下要唔要買多套替換。

麻煩知道邊到d鞋平話過我知， thank you thank you

candyhui77

pcdogxx,
我都唔想咁遲報家, 不過....算啦.., 我依家in 定咋, 我同主住講報全日或上午都ok, 但佢就話下午就一定有位, 全日或上午要等waiting list先, 咁都好過冇既.....

翔仔都去過青衣游泳池同沙灘, 不過佢死都唔肯落水, 就連我地抱住佢行近水邊都叫....唉....好細膽.....真係救命...

天藍

candyhui77,

你又唔使太擔心, 小朋友個個性格都唔同,
以家痴身同細膽唔代表將來都係咁, 係小
朋友一路成長一路受到磨練, 膽量同各方
面到時都會增長, 加上家人同學校老師既
支持及訓練, 到時你仔仔返學後應該唔會
好似以家咁, 不過, 你已家首先多D帶仔仔
去公園, 同多D小朋友玩等佢習慣左, 到
時返學會好Ｄ, 慢慢來唔好急, 俾小小
心機, 自己既仔仔一定要支持佢, 我亦
精神上支持你, 加油~~加油~~
星期六In 比心機, 一定會成功, 支持你!!!

hongmimi,

咁岩我地以前都係住同一坐, 哈~~哈~~
你住幾樓??? 而我住24樓!!!
仲有好奇怪BK轉左之後, 我係公司部
電腦係見到你仔仔張舊相, 但晚上用
屋企部腦係見到你仔張新相, 奇怪奇
怪!!! 係我部腦有問題, 定係BK有問
題???
我見個張新相你仔仔梳個撻仔好得
意~~

[ 本文章最後由 天藍 於 07-7-11 11:07 編輯 ]

626mama

candyhui77,
祝妳星期六去IN，成勁!成勁!成勁!
我囝囝都好怕水，佢唔肯離開個水泡。
沙灘想去，不過都未去過。

pcdogxx,
妳果套校裙係XS碼, 真係都好鬼大件喎!
hongmimi咁講，好似長裙咁。
知道邊到d鞋平買，我都想知呀。THX Q

好家比D意見，
其實一對白波鞋，一對白皮鞋得唔得呢?
即每日返學都是穿白皮鞋。

626mama

pcdogxx,

我對妳部Wii都好有興趣，妳買了咩GAME呀，
我想玩保齡球。
都係想緊，買唔買好，因為如果買只會系房係玩，
係房玩好以唔係好夠地方玩。
因為廳個電視我99要睇電視。

原文章由 pcdogxx 於 07-7-10 18:47 發表
呢排買左部Wii, 掛住玩唔得閒上黎添..  哈哈..

candyhui77

多謝各位靚媽咪既支持!!   我會努力嫁啦!!

wii 既  煮飯仔都好好玩家, 不過玩完身第二朝隻手臂會好累....

626mama

candyhui77,

妳玩煮飯仔呀, 好以好好玩咁，
比d意見我丫，係房玩會唔會唔夠地玩呢。

原文章由 candyhui77 於 07-7-11 12:51 發表
多謝各位靚媽咪既支持!!   我會努力嫁啦!!

wii 既  煮飯仔都好好玩家, 不過玩完身第二朝隻手臂會好累....

[ 本文章最後由 626mama 於 08-1-23 14:22 編輯 ]

candyhui77

唔.....我本人覺得最好都係係廳玩, 雖然唔係點洗用腳, 不過如果你成身郁會好d, 尤其玩運動既games, 網球, 棒球, 保齡球, boxing....

pcdogxx

Candyhui77,
你星期六去in喇..  唔好咁緊張, 盡量俾小朋友發揮下佢得意既地方,  好似平時玩咁得喇..  同埋諗定點答老師既問題, 我記得佢果陣問 1) 你想小朋友係學校學到d咩? 2) 你會揀咩小學? 3)佢平時鍾意玩咩? 4) 你認為學校點配合家長教導小朋友..

Hongmimi,
城門谷d水都ok架, 唔會好污糟, 大人都係收$20之嘛.. 抵好多, 同埋果度有家庭更衣室架, 好方便!  就算唔係果度沖, 行返屋企先沖都得.  鈞渝之前都好驚水架..  掂到水都驚到屎..  跟住上個帶左佢去番禺果個水上樂園.. 訓練左佢成日, 佢終於唔驚喇.. 仲好開心添..   但係佢都唔可以放開個水泡, 個水泡一有少少傾斜, 都鬼殺咁嘈架.   

匡匡咁犀利識叫藍球, 入左呀咁..  鈞渝邊識呀..  淨係識哇哇哇係咁叫咋..   我都唔鍾意而家果間管理公司, 之前果d人又好, 又打理得好, 都會成日見到d人巡下咁, 而家果間除左果幾個崗位之外, 人影都唔多隻..  

626mama,
我老公又係咁講, 其實買二對得唔得呢? 反正返到學都要換鞋架啦, 佢地d腳咁快大, 買咁多咪好浪費囉.
部Wii好好玩, 我而家玩sports, 其實係房都得既..  不過我動作大, 要企係到玩, 我同老公玩, 佢就坐係度, 但佢會坐到萬丈遠, 佢話好驚我打到佢喎..   隻cooking 媽媽都好攪笑, 不過真係玩到手腕好攰架!  不過bowling 一定要企係度玩囉..  如果你係房玩, 一定要有返少少位企先玩到架

hongmimi

candyhui77,
祝妳好運 ，星期六成功，做埋上午班同學仔就最好啦!
我都想試下青衣泳池呀! 坐車經過見到個sir滑梯好高好鬼正。
翔仔張相都幾細個wow，幾時影架? 有無半歲? 宜家係咪都係頭仔大大咁呢:D ?

天藍,
咁我可以肯定我地一定有見過啦! 因為我住…..22樓!!!
21樓以上得大井，井字型門口咁開揚，出入一定有撞過面。你24樓頂層無lift既，一定有行落黎23/22樓搭lift啦!!
你住左幾耐呀? 我由4歲住到嫁….係呢到老鬼，而家差唔多日日都返去。

咁怪?! 就算公司電腦有問題都唔應該見到舊相架!! 肯定係BK有問題啦! 請問有無其他媽媽又係咁呀?!
蛋撻頭個張新相幾個月前影架啦! 佢爹地law，成日專登同佢濕水梳成咁，型仔dwow!

626mama,
BK宜家真係激死人 ，攪咁耐仲有問題。
如果我無記錯同get錯學校意思，好似星期一、三、五著運動衫、白波鞋；二、四就著禮儀服(校服)、白皮鞋。咁再多一對白波鞋/白布鞋就係返到學校時更換既，逢星期一帶返學校唔拎走住，到星期五就帶番屋企洗，下星期又帶過番去，所以total要三對鞋。(各位媽媽，如有錯請更正。) 我見好多幼稚園著咩都著白波鞋，咁咪可以慳番對law。唉! 真係買鞋都買到窮!

pcdogxx,
我直程見到d夜間未到12點就中眼訓 ，o華! 11點先開工! :time: 幾時訓到收工!?
聽講呢間管理公司d待遇好差，好既保安員走晒，請d唔多pro既….
其實宜家匡匡咩都識講架啦! 可能因為我地成屋人對住佢係咁講同佢成日睇電視學番黎，佢最鍾意睇新聞、天氣同廣告。宜家一做新聞、天氣，佢變左新聞主播。撞車新聞：撞、車、的士；火災：火、o華、消防車呀；天氣：太陽sun、落雨、

hongmimi

pcdogxx,
我直程見到d夜間未到12點就中眼訓 ，o華! 11點先開工! :time: 幾時訓到收工!?
聽講呢間管理公司d待遇好差，好既保安員走晒，請d唔多pro既….
其實宜家匡匡咩都識講架啦! 可能因為我地成屋人對住佢係咁講同佢成日睇電視學番黎，佢最鍾意睇新聞、天氣同廣告。宜家一做新聞、天氣，佢變左新聞主播。撞車新聞：撞、車、的士；火災：火、o華、消防車呀；天氣：太陽sun、落雨、

hongmimi

pcdogxx,
又出唔到.....





......................落雨、'膽'遮，總之全日把口同個人都無時停，第日返學實煩死老師。

candyhui77

hongmimi,
青衣游泳池除左大既滑梯之外, 仲有bb池既滑梯, 同城門谷一樣, 亦都有家庭更衣室, 收費, 冇記錯平日就17啦, 不過城門谷有室內池, 而佢就冇囉...