點先算對學琴有興趣?

Honeymum

最初比呀仔學琴, 係想知佢有無興趣, 比多D野佢試下, 現在佢都學左琴一年多, 佢無咩唔妥, 不過都想知佢想唔想繼續落去.  佢每星期學琴, 練琴都無野, 好似交功課咁. 但平時就一定唔會去彈琴,見到比佢叻O既人, 佢就有D羨慕....總之就係唔冷唔熱咁, 叫佢學又得, 唔學又得, 咁係唔係佢跟本無興趣? 定係太短時間, 未係知道佢有無興趣?  我就覺得佢好似唔係太有興趣, 但又好想好似 D 人咁彈得好好聽. 如果可以不勞而獲就最好啦...  你地D小朋友係點架???  可唔可以比D意見...多謝!!!

tinmama

我個仔又係咁,可有可無,老師話佢識架,但絕對唔係叻果隻,叫佢練琴就草草了事,攪到我都唔知比唔比佢繼續學好但我聽個朋友講話最少睇三年先知小朋友有無興趣  

Hei1204

我個仔都學左五堂啦,佢冇咩所謂,不過我會成日鼓勵佢,讚佢,希望佢會欣賞和堅持,將來長大後,都多門手藝......

cathy_piano

講真o既，依D都係人o既本性
想不勞而獲，想唔練琴就彈到好似李雲廸呀郎朗咁，
我都係教琴o既，有potential的小朋友可以好快睇得出，
但係，當然好小la :wink:
只不過，我認為家長們應該同小朋友傾下計，問下佢地想點，有無興趣繼續挑戰落去。
但我唔讚成俾小朋友咩都試，試試下覺得唔岩佢，唔好就停。浪費時間，到頭黎，又係半桶水，甘樣，各位家長，你地覺得好嗎?
我見過好多家長，好學生。好多都係甘o既，只係，而家D小朋友好似好叻，樣樣都識，不過無張刀利。再唔係就小小唔好就轉老師，個老師一話升級，學費貴小小又轉，咁樣更加對小朋友唔好。
最緊要係小朋友有興趣，唔係大人想點，小朋友就要跟住做，而家係你個仔你個女學，有無興趣，佢地自己先知。得閒多D溝通，唔好估估下。thx

YanYan0116

cathy_piano

我想請教如何可提高小朋友練琴的興趣?

我個女6歲學了一年, 起初練琴時, 她每一本(約3-4本)書都是由第一頁開始彈, 彈到新歌仔, 另新歌仔會再彈多幾次.

但近2個月, 已不願意從第一頁開始彈, 有時我只吩咐她每天彈新歌仔3次, 她都不太願意, 她說很悶呀, 她喜歡學琴, 但不想練琴.

我以試過類似如每天都練琴, 一星期便獎勵她, 只在開始時是有效.

Honeymum

我都同意要同小朋友溝通, 問佢究竟鍾唔鍾意, 但唔知佢係唔係連自己都唔知鍾唔鍾意..  做家長, 究竟要教佢有始有終, 定係唔好迫佢做D唔鍾意O既野??   
或者真係要多D時間先知   咁呢家繼續與否, 即係點?
咩先對小朋友最好.  而家做父母, 真有難度   

莎莎

我個仔都係咁, 斷斷續續學了piano 3 年,
又話喜歡學琴, 但唔喜歡練琴.
最近老師建議佢試下考琴,俾個目標佢.
咁佢就好有心機彈考試歌, 其他歌仔就練得好"求其",
不過佢自己能每日自動自覺練琴都算安慰.
試過年紀小時, 要捉佢先肯練.

希望今次考得好d, 能令佢再比多d心機學琴.

adventure

我個仔話好鐘意彈琴，在grade1 & grade2時，我都覺佢鐘意，仲好勤力練，每日練個半鐘。  但到左grade3 就吾同哂，只係話好鐘意彈琴，但又吾願意練，吾迫都吾練，每日最多只係練30mins, 叫佢吾好學，又喺度喊，話一定要學，我都吾知佢其實有無興趣學琴？

cathy_piano

YanYan0116
你好，想請問你女女現在學緊甚麼琴書?

YanYan0116

cathy_piano 寫道:
YanYan0116
你好，想請問你女女現在學緊甚麼琴書?

cathy_piano

John Thompson Grade 1
Everybody likes piano Book 2
Micheal Aaron (好似串錯, 見諒) Book 1
我愛樂理

THANKS A LOT.

cathy_piano

Dear各位媽媽,
辛苦了你們
的確，每一位小朋友學琴時都會有唔練琴的煩惱，其實我細個時都係甘，我有曾經想過放棄(都係Grade2,3時，所以這在個階段的小朋友的媽媽要特別留意)，但我媽話叫我唔好放棄，就甘就上左去仲教埋琴tim~~
首先，我想問問大家有無講過俾仔女知點解要佢地練琴?
其次，可以帶佢地去聽concert無論係咩樂器都好，香港小交就成日舉辦一D好岩小朋友去o既concert，我成日都介紹我的學生去，甘樣，你帶佢地去o既時候，可以甘講：「呀!仔仔/女女，佢地好叻bor~~你想唔想好似佢地甘呢?」之後就去引導佢地講出點樣先可以好似D表演者甘，甘樣佢地可能返到屋企就自自然然甘練琴。
又或者，你可以逢過時過節，生日咁請一大班親戚朋友返黎，同佢攪返個mini concert，著得靚靚的，成個concert都係佢o既，甘係準備依個mini concert之前，就一定要準備歌仔，甘就靠平時練琴o既時候la~~最近依個月o既節日係端午節，你未請人返黎lor~~甘就要開始籌備la~~要叫佢努力練琴a~~演奏者要背歌仔a，因為依D叫尊重(背唔到都唔緊要)，練完歌仔，佢又要揀歌仔la~~甘樣佢地可能會比心機D~~thx講住甘多先，打到手軟~~

cathy_piano

YanYan0116:
hihi，想問你John Thompson grade 1係咪紅色a?
因為" John Thompson's
lee三本書都有歌詞，你可以試下:
「媽咪而家想唱歌bor，你幫我伴奏，好無?」
如果仲係唔得，我地再研究，好嗎?

Honeymum

cathy_piano
好多謝你o既意見. 照咁睇, 小朋友可能都係未清楚自己的興趣, 又或者話, 如果佢唔係太抗拒, 都可以鼓勵多d,
請問你認為到grade 幾先知佢真有興趣? 或者話, 小朋友知到自己有興趣?
我識一個朋友, 佢o既故事係.... 家裹只有佢一個女, 父母叫佢學琴, 佢都學得好好, 佢老師都係猛人, 佢每次考琴都攞distinction, 仲學到演奏級, 會考期間, 亦用三個鐘練琴. 手皮都脫埋.  讀書時, 亦教琴賺外快...學校成績都好好.....
一個咁勁o既人, 話比我知..其實他不喜歡彈琴...
現在他都無再彈琴, 家中亦沒有琴...不過佢無後悔學琴....
你話奇唔奇怪??
聽到呢個故事, 另我怕自己強迫呀仔去學琴.....
浪費時間金錢..

Martin媽咪

cathy_piano
香港小交就成日舉辦一D好岩小朋友去o既concert，你成日都介紹你的學生去, 那裡有資料, 我想帶囝囝聽下, 提高他秩興趣

YanYan0116

cathy_piano 寫道:
YanYan0116:
hihi，想問你John Thompson grade 1係咪紅色a?
因為" John Thompson's
lee三本書都有歌詞，你可以試下:
「媽咪而家想唱歌bor，你幫我伴奏，好無?」
如果仲係唔得，我地再研究，好嗎?

係呀, 紅色個本呀.

去年, 囡囡學琴的琴行舉行了演奏會, 我有帶囡囡去觀看, 她看得入神, 還在我旁邊細細力地鼓掌, 我都相信多看concert有幫助.

我希望囡囡有興趣學琴, 繼續學上去, 一來是為了圓我兒時的夢想, 二來是培養她對音樂的興趣, 希望她有平和的性情.  

我現在時常對她說, 媽咪細個時屋企好窮, 又細, 無機會學. 叫她珍惜機會, 但對於這一代社會的小朋友, 可能他們未嘗過想學而無機會學的滋味, 或者不太理解 .

tinmama

Honeymum 寫道:
我都同意要同小朋友溝通, 問佢究竟鍾唔鍾意, 但唔知佢係唔係連自己都唔知鍾唔鍾意..  做家長, 究竟要教佢有始有終, 定係唔好迫佢做D唔鍾意O既野??   
或者真係要多D時間先知   咁呢家繼續與否, 即係點?
咩先對小朋友最好.  而家做父母, 真有難度   

其實自己都唔知點好,"究竟要教佢有始有終, 定係唔好迫佢做D唔鍾意O既野?? "尤其比小朋友知道話放棄就可以隨時放棄好似有點兒那個!!但強迫他又並非心想,初初個仔係話想學小提琴的,但聽朋友話最好學鋼琴先,所以才揀

samer

cathy_piano,

想請教一個有potential 的小朋友會在學琴或練琴時有什麽表現?  係唔係pick up 得時別快，一點即明?

莎莎

"究竟要教佢有始有終, 定係唔好迫佢做D唔鍾意O既野?? "

我都有想過呢個問題, 有經驗的朋友教我, 要同小朋友一齊訂下目標, 如pass 了grade 5 便可不用再學.
如我亞仔再話唔想學琴時, 我便同佢傾傾.

又, 同一朋友經驗, 佢個女小時都有學琴, 但唔喜歡, 冇再學下去, 點知佢上到中學, 自己話要學古箏, 仲好有興趣添,
所以就算而家中斷學器唔學, 猜不到日後可再重拾學樂器的興趣.

cathy_piano

Honeymum:
其實你這個事情，一D都唔出奇~~
我聽講(但我唔知係咪真)其實郎朗都唔鐘意彈琴，只不過係都係佢屋企人關係。
如果你話驚浪費時間金錢，我認為唔係lor~~只要你同小朋友堅持學到幾多得幾多，因為學左o既野都係佢自己，要換依o的野返黎o既代價就係金錢&時間。就好似返學甘，If你小朋友(例子，唔好見怪)F.5後考唔上大學，甘叫唔叫浪費時間金錢?又如果你個小朋友係大學讀完醫，but佢出黎唔做醫生，返而做第二樣野(同醫學無關)，甘又算浪費嗎?
其實只要學左野，肯堅持，就唔會浪費。
回應返你第一個question先:
我想問下你，係你叫你小朋友學，定係佢話佢自己想學?

cathy_piano

我自己去大會堂a~~Tom Lee攞a~
你得閒去see see a~~
If有，我得閒post上黎俾大家睇a~~