我好擔心同好唔開心我仔仔可能有自閉証呀

媽咪保保

我仔仔現在2歲返了健康院, 醫生要我去睇專科做評估, 佢話我仔仔眼神接觸好弱而且唔係太識同人表達自己, 我同我先生都好擔心, 下星期五去做評估, 而且我上網睇過有些自閉証特徵同我仔仔有少少相同, 不過我仔仔語言就冇問題佢英文可以講一句句子, 而且佢可以睇書讀比你聽, 但就唔係太聽指領, 而且有時叫佢唔采你, 佢好鍾意車look, 而且有時都會自轉, 如果真係自閉我都唔明白佢點解會有呢個病, 據資料1000個男仔只有1個會係自閉証, 點解遍遍選中我仔仔        好擔心佢隨住年齡長大會有很大問題, 我先生擔心都訓唔到覺       

414928

樓主唔好太擔心,也不要怨天尤人,這樣是解決不了問題的,自閉症也分好多程度,你兒子未必是最差的,現實生活中也有會計師/設計師是自閉人事,所以不要過份擔心,你現在應該上網/去圖書館等等找尋有關自閉症資料,當自己對此症有正確認識後,就不會太多負面思想,而且還是要等評估佈告出來再作打算吧,只要父母不放棄,對兒子的進步會有幫助的,你兒子還小,有時間給予適當的輔導對佢是有幫助的,請不要放棄啊,我兒子雖然不是自閉症,但就有語言遲緩及輕度弱智,教導他真係要別人吃力,但我相信只要不放棄,他還有進步的空間。

媽咪保保

414928,

好多謝你鼓勵, 我絕不會放棄

brenda0505

我睇完你篇文章覺得你同我初初知個仔有呢個傾向, 都好難接受, 成日都問點解會係我, 個人成日都唔開心, 但都係冇用, 唯有積極d, 同多d有關人仕及媽咪多d傾計, 人都開心d同會跟進到多d方法幫個仔.  大家一齊努力啦!

applenanas

唔好太灰心, 好多人同妳一樣架 !

其實我仔同妳仔情況差唔多, 去左評估中心佢話要過多幾個月再跟進, 姑娘話因為發展遲緩既特徵與自閉症狀好相似, 依家要做既係珍惜妳同仔仔相處既時間, 多d帶佢去公園玩接觸其他小朋友, 最好早d比佢返學, 學習群體生活, 多d 比指令佢, 要佢望人, 我仔之前同人無eye contact, 依家都進步左 !

媽咪保保

brenda0505 and applenanas,
好多謝你哋鼓勵, 我會積極面對
  

brenda0505

你住邊區? 我住香港區.有機會約出來同小朋友玩下, 我地大人都可以做朋友嘛.  

媽咪保保

brenda0505,

好呀, 不過我住沙田區哦, 而我對香港區就唔係太熟悉, 如果九龍區都可以

brenda0505

我有個老死都住沙田, 下次入黎試下call下你啦, 不過到時唔好驚有個陌生mum打俾你啊 .  我p.m.個mobile俾你啦

媽咪保保

brenda0505,

好呀, 你p.m.比我啦

路人(甲)

媽咪保保,

唔c 咁唔開心, 比你慘ga人仲有好多, 你個仔起碼講野
冇問題, 我個仔直頭講野一舊舊, 咁我未仲慘, 佢今年
6歲la....., 就黎要入小學, 我都唔知佢到時點同d同學
仔溝通....唉........積極面對la.......

媽咪保保

各位媽咪:
多謝你哋各位關心同鼓勵, 我現在已經好好多啦, 正如你哋所講有很多人比我仲慘,我會積極面對而且我絕不會放棄

siuhungw

我唸我個仔都似有自閉証, 佢下個月足兩歲,但唔識講嘢, 連單字都冇講, 剩係bb話囉.
同埋同人deye contact 好少, 怕人.
要好慢先睬人. 都好擔心. 下個月尾先見健康院d姑娘, 唔知依家可以都d咩幫到佢.
好down!   

軒軒媽

剛剛做完評估, 醫生話亞仔(自閉証) 踩界, 雖然有左心理準備, 但都好upset, 而家排左混合位, 我覺得如果你地都有懷疑, 不防去政府兒童評估中心check下, 好似我個case, 就算比多幾個course小朋友上都唔會有害, 當學多樣野, 早d拉番佢離開個邊緣!  

PEGGYP

首先, 不要太緊張, bb，尤其是男仔兩歲還未講嘢，不出奇，　但仔仔有否其他自閉症特徵．．．還有他有意識跟你說話嗎？

JoLau

siuhungw & 媽咪保保 :

Don't worry la! 做

siuhungw

PEGGYP,
好似有D, 例如見到陌生人都幾驚, 會好唔自然, 垂低頭唔望人. 就算我D朋友都要慢慢同佢玩先好番D. 有D反應.
有時見到D嘢或者聽到D兒歌佢會大叫(好開心).
佢會睬我同老公同埋D佢識D人, 問佢咩,佢有反應會笑.
見到小朋友會想一齊玩.但係就唔講嘢.  
所以我有D擔心.

siuhungw

軒軒媽:

我想問點樣可以係政府兒童評估中心CHECK 下?
你有冇資料提供?
THANKS

siuhungw

JoLau,

好多謝你! 唔知有少少自閉, 初期睇唔睇到?
係咪環境做成, 因為我要做嘢, BB 比99揍, 我假期先揍番,但每晚都番去同佢玩. 唔知時間唔足夠比佢?
如果佢有問題, 我會好內疚.