喇沙家教會手法

kidsdaddy

朋友呻如果要一百元一位（大小同價-包括入場費、六十元遊戲卷及餐盒一個連紙包飲品）一家五口便要五百大元去參加學校嘉年華是否貴咗小小？！ 當然答既然係自己小朋友間學校，咪支持下囉！  佢話經濟其實都麻麻地.....唉！！
今日佢話而家要去啦，原來家教會再通知話有學生現場表演（賣飛嗰陣都冇提過），家吓個仔有份表演，噤冇理由放低個仔係學校門口而唔入去睇架。佢咦咦哦哦話成班細佬玩緊攤位遊戲，得鬼閒睇人表演咩，往年都冇表演

siuchun88

做名校家長只能委曲求任；但換轉是其他學校，唔反檯就怪了！忍無可忍，還須再忍，是做名校家長的第一課啊！

Dr.Cool

津校來說,一百元一位,不能接受! 雖然好多喇沙家庭都冇問題,但要願及所有家庭。

heiheikeikei

HKD100.00一位見仁見至
我只係覺得包"六十元遊戲卷"有問題
點解有錢有得玩
無錢就無
多錢可以玩多D??

楷級佐D  
小朋友在學校, 始終要人人平等~~~

回唔到本,咪叫家長贊助下禮物囉,實有有錢D ge 父母很樂意~~~
無謂要有券先玩得......可能真係有少部份家廳能力有限

owenmami

Just curious.
雖說喇沙是津校，但喇沙學生有多少會來自中下家庭呢?

Dr.Cool 寫道:
津校來說,一百元一位,不能接受! 雖然好多喇沙家庭都冇問題,但要願及所有家庭。

AgnesTM

我小朋友學校 open day，免入場費，但 $100 一份十個 token，可以用黎買野食，或玩遊戲。我地四個人，通常都真係會用四五百蚊。

唔好話我大口氣，我都好慳好孤寒，
不過如果係比學校，我覺得 ok，
open day 係半日至大半日的節目，
係學生同家長去玩下，聯誼下的機會，
而且我小朋友的學校講明係慈善用途。
學校唔會個個星期搞一次卦？
我自己就覺得，當出街食少一餐飯囉，
我唔知喇沙點處理 d 錢，不過就算唔係話捐去慈善機構，
我相信都會用番學校內。

況且，都係睇自己能力囉，
比著係我，如果覺得貴，就真係唔去喇，
又或者唔好五個人去。
我覺得可以承機教孩子 "經濟能力" 這個觀念，
就算唔去，都唔駛自己覺得冇面，
其實講真，好多時都係當事人自己諗得太多，
同學仔根本未必會理，亦未必知你有冇去。
人地邊得閒理你，唔駛自己 "打腫面頰扮胖子"，
搞到唔開心，又唔順氣。

點都好，希望喇沙唔會因為哩件事成為新一輪被批鬥的目標啦。
因為唔知點解，講到某些名校，好多人都會特別肉緊。

TingTing

一百元一位,ok la .
acceptable.  
go or not go , up to you.
  

麟媽媽

要學生表演為求家長購票入場？
點解諗得咁陰謀論架？
一般名校學生行出黎，都滿有自信，
都係學校比學生空間同機會發揮，
唔好理有無人睇，只要踏上台，
便要有信心表演得好，亦要受得批評，
呢D 係對佢地將來好有用架！
如果個仔係校內表演，父母唔一定要睇架，
我細個時，有表演父母都唔一定睇，
唔好講到學校諗計迫你地入場先得架。

我唔係LS 家長，只係覺得家長應對學校支持，
你地既仔將來會好Proud to be a 喇唦仔架，
佢地亦會對學校好有歸屬感，如果為慈善，
無咩所謂啦！將來你個仔都會好樂意回饋母校架。

mamaboy

    

同意!

真是各人有各意見,有些人用$200.去玩冒險樂園都肯,是因為小朋友開心,如果自己學校open day都話貴,就唔合理。如果家境比較貧困,可向班式主任詢問可唔以幫忙,或唔玩攤位遊戲可否平些,相信有教會背景的學校是會體諒的。

:idea:

AgnesTM 寫道:
我小朋友學校 open day，免入場費，但 $100 一份十個 token，可以用黎買野食，或玩遊戲。我地四個人，通常都真係會用四五百蚊。

唔好話我大口氣，我都好慳好孤寒，
不過如果係比學校，我覺得 ok，
open day 係半日至大半日的節目，
係學生同家長去玩下，聯誼下的機會，
而且我小朋友的學校講明係慈善用途。
學校唔會個個星期搞一次卦？
我自己就覺得，當出街食少一餐飯囉，
我唔知喇沙點處理 d 錢，不過就算唔係話捐去慈善機構，
我相信都會用番學校內。

況且，都係個句，
睇自己能力囉，
如果真係覺得貴，我就真係唔去喇，
又或者唔好五個人去。
我覺得可以承機教孩子 "經濟能力" 這個觀念，
冇錢就唔好去，唔駛自己覺得冇面，
唔駛 "打腫面頰扮胖子"。

點都好，希望喇沙唔會因為哩件事成為新一輪被批鬥的目標啦。
因為唔知點解，講到某些名校，大家就特別肉緊。

zz

這樣都可作文章
嘉年華會套票：港幣100元，大小同價   (包括入場券1張，遊戲券12 張，午餐飯盒一個及飲品一包)
家長可自由選擇參不參與
如小朋友有表演,而經濟真的很困難,可跟老師商量,相信學校不會那麼無情,其他家庭成員當然不能要求免費,自己取捨吧!

Bambi

點做都有人講唔好架啦!
去過玩既人又好多都話$100算係o甘啦! 都幾好玩啦. 正所謂有玩, 食, 獎. 唔去咪唔去, 無人話你架. 好似去海洋公園o甘, 唔係個個都要去架.
好似d課外活動都係要收你$至有得玩啦, 又真係中下家庭都有問題喎, o甘又話唔顧及喎, o點先?
好多其他直資老校一收左你入小一就寄信叫係損$俾校友會, 都未入學就叫你校友, 損左就俾返張單你咋, 毛都無條果d case又無人撻出黎講既?

hkttm

"名校家長內部矛盾!"

Dr.Cool

//一百蚊包飲包食, 加60蚊遊戲卷; 攤位遊戲估都應有禮物, 獎品之類, 如果咁都話貴, 無野好講了.

何不食肉糜!

Bluestar

好多其他直資老校一收左你入小一就寄信叫係損$俾校友會, 都未入學就叫你校友, 損左就俾返張單你咋, 毛都無條果d case又無人撻出黎講既?  

何況就算係呢d情形，都可以選擇捐/不捐喇。

AgnesTM

hkttm 寫道:
"名校家長內部矛盾!"

有需要將事件本身標籤為 "名校" 甚麼甚麼嗎？

我唔信 "非名校" 全部風平浪靜。

只是，旁人有著對 "名校" 的那種 "愛恨交纏" 的複雜心情，
令一眾 "名校" 無論將事件如何處理，都會成為箭靶。

現在，難得有一則名校的 "醜聞" ( 在我看，根本無 "醜" 可言 )，
眾人都出來興高采列地一齊聲討，真的大快人心囉。

  

mamaboy

有些學校唔係你話想捐錢就收.
如果我囝囝可以在喇沙讀書真是開心都來不及.
至於捐多少隨心啦!唔好介意學校點睇你,之後又唔滿意,
真是雞蛋裹找骨頭.
我就想囝囝長大後可以有能力貢獻學校與社會,