老師這樣做有問題嗎?

努力媽

昨天小一女兒派中默結果, 成績不合格, 我心裏有點失望但仍然支持她, 因為知道她溫習時和改正都識, 慢慢來啦, 今次失手, 在書包裏 找到同學100分的影印本, 字体端正, 我越見越興, 便勁鬧亞女, 點解同學100分, 字体端正, 妳呢..............老師用意何在?是告訢我人家如何高分?就算做模擬答案也不適合, 應由老師寫, 同學高分可貼壁佈版, 家人問老師咩意思呀?
咁挑釁     切底地破壞母女感情.

verygood

maybe the teacher save the time, just copy the full mark paper to all student who are not full marks, she no need to rewrite the different mistake by hand, relax......, don't let your daughter with hard feeling, try not to thinks bad. :wink:

莎莎

努力媽

我都收過老師把高分同學習作的COPY
給仔仔.  但我又冇勁鬧亞仔, 相反, 給亞仔
看看人家取高分的原因.  叫佢學習下人家,
使自己可進步.

又,  同學高分可貼壁佈版這種做法, 在我讀書的
年代是十分普遍的, 想只要表揚下讀書努力的同學.
究竟有何不妥?

我想老師絕無意破壞你們母女感情,
別再為此事勁鬧亞女了.

麟媽媽

老師同你個女都無錯，錯既係你呀！
你將女兒跟別人比較，
火遮眼便發惡鬧個女了。
每班都有叻學生拎100分的，
點解你為左一張紙而失控呢？
老師影印目的只是提供正確答案。
我仔老師都不時影印同學的作文，
比大家返屋企睇，從中我可知道，
大家既程度，仲可以睇多D 偷吓師。
有時要睇吓自己從咩角度睇每一件事，
小朋友大意出錯好平常的，
今次唔識出錯，下次多留意便好了。

TIMA

我想老師只不過把全對的copy給你女兒照抄改正而已, 因為默書的內容未別跟書本一模一樣.

不用太敏感, 老師的用意不是你所想的.

G-Ma

學習係需要過程既, 唔好要求一步登天.  小朋友只係小一, 剛剛開始默書, 一定有唔小心既情況, 慢慢教lor.  我諗老師影印份卷一來係提供正確答案, 二來可以代替左貼堂,讓家長同小朋友都有機會睇到, 從中互相學習.  你可以同囡囡講, 你想唔想你張卷都有機會派比所有同學? 咁你就要努力d啦.

凡事向正面睇, 大家都開心d.

littlefaith

努力媽：

別為此生氣嘛，老師出發點是好的，為了讓學生藉欣賞高分同學的作品，而學到如何練好字體和寫字。

就如學習寫毛筆字，我們不也是常拿名書法家如陶淵明、柳公權、顏真卿等等的字來臨摹嗎？

ohnono

陶淵明佢地係名家嗎！陶淵明個仔個的都無人臨喇。最好搵劉德華個的比佢地臨填埋歌詞就最正。到時唱住黎臨，阿媽又臨，阿女又臨。

努力媽

錯在沒有經驗, 亞女只話老師給妳, 妳話c唔c, 即時火遮眼, 現在cool down了, 點解EQ無哂, 一張紙另自己 "SHORT"左!

麟媽媽

努力媽,

我地做亞媽既成日都係咁架喇，
我好多時發左癲之後都極後悔，
我老公話有時係門外已聽到我把聲！
而家亞仔3 年班，我都學精了，
有咩火上起，我即刻入去飲杯水，
尤其是教佢時，千萬忍住唔好鬧到佢喊，
咁佢只會失晒魂，愈鬧愈喊愈唔識，
不如唔好鬧，留番D 時間快D 教識佢仲好。

id00288

Dear 努力媽
大家都要重錯誤中學習,
加油   

Bambi

如果如妳囡所講張紙係俾妳既話, 我認為老師唔arm, 一來唔環保, 二來改薄係佢責任, 而且o甘做即係話佢費事同妳講o甘多, 自己睇, 將責任放晒妳身上.
計我話, 低EQ既係老師. 所以唔使嬲, 妳本來都無嬲, 係張紙撩起妳即.

eviepa

教仔三大害：打、鬧、哦。

在任何情況下勁打、勁鬧、勁哦都是大錯。將勁鬧的責任推卸給別人更是大大錯，肯定是語言暴力的擁護者。

見過大量個案，生活在勁鬧之下小朋友通常行為都會有某程度的偏差、讀書成績一般都會較為低落。長大後一般都和父母關係疏離，問題嚴重。

其實，教仔是完全可以不打、不鬧、不哦。而且，在三不政策教導出來的孩子一般都會非常乖、學業成績較好，一輩子都會是爸媽的好寶寶。

Eviepa

lovebbb

努力媽 寫道:
昨天小一女兒派中默結果, 成績不合格, 我心裏有點失望但仍然支持她, 因為知道她溫習時和改正都識, 慢慢來啦, 今次失手, 在書包裏 找到同學100分的影印本, 字体端正, 我越見越興, 便勁鬧亞女, 點解同學100分, 字体端正, 妳呢..............老師用意何在?是告訢我人家如何高分?就算做模擬答案也不適合, 應由老師寫, 同學高分可貼壁佈版, 家人問老師咩意思呀?
咁挑釁     切底地破壞母女感情.

我覺得老師沒有做錯,而你也未免太衝動,老師copy一份學生作品給你,也是希望你女兒/你了解某些特別的內容(可能是書寫要求,默書格式等......)讓你們能了解及學習,我也經常會將學生作品copy給學生,讓他們從中學習別人的長處,其實這只是小事情,不必動肝火!

ohnono

高年班就可以貼壁報板，因佢地識得自己去欣賞好的文章。低年班的同學只好交給佢帶回家與媽媽一起欣賞和研究。不要太緊張，可能下一次到你呢，不要灰心。

littlefaith

其實家陣做老師真係難做，動不動就會激怒家長，如履薄冰。

如果係我，大可以慳番唔印「優異」作品俾你個女，咁做少樣嘢，又可以避免令家長們「脆弱」心靈受傷害。

不過，好明白火遮眼時，情緒會好易失控，我自己前兩日先至因為個女無理大發脾氣，自己都攪到大發脾氣，最後愈搞愈喎。而家想番起，好後悔俾咗負面情緒個女睇，如果當時冷靜啲處理，咁會好好多。

家長時常勁鬧小朋友，對小朋友健康成長會有負面影響，切記﹗

natnatma

麟媽媽，

你講得無錯，我都試過同P.1嘅囡囡温默書温極都唔識，一時失控鬧喊左佢，跟住就梗係無法再温落去。
下次想發火時，都要學你咁飲杯水冷靜吓先。

tingwong

我覺得老師唔係想俾你/家長睇，而係俾小朋友睇囉！

努力媽

lovebb,


我非常同意你的說法, 當時很衝動, 但如果老師在卷上加兩三句說話作交代, 可減少誤會, 因為看到100分時, 我即時覺得"老師像說人家也可100分, 你點教女呀?" 我之前看見亞女唔及格, 都唔嬲, 知道人家必定叻過亞女, 希望今次是誤解多於一切!