新生面試日~九龍靈糧堂幼稚園

omoberry

我囡囡今日去咗九龍靈糧堂幼稚園新生面試日, 我覺得唔錯, 幾有系統, 又有時間比baby們warm up, 我豬豬(我囡囡呀 )表現都唔錯,不過好可惜佢唔識指花花呀 , 算喇, 豬豬已經好唔錯喇, 而且又好多小朋友同佢玩呀 好開心呀, 好鬼熱鬧~~

坦白講, 因為我好鬼緊張呀, 要11號先至知道結果喎,我開個主題只不過想有份去interview嘅媽媽們傾吓計, 分享吓, 我仲想問吓大家, 您哋除了九龍靈糧堂之外, 仲有冇報其他學校呀^^, 我就報多兩間囉, 大家聊閒吓喇.............歡迎歡迎歡迎   

mirandasuper

佢會點in架，家長係咪同小朋友一齊in架？

SmartYL

我也是今日in的.我個仔很頑皮, 人家的小朋友好像乖很多,所以凶多吉小了...嗚嗚..

同時,我也會報培正,金巴倫,st.catherine,宣道.你呢?你的是女, 那有沒有報協恩呢? 不錯呀.

omoberry

Re: mirandasuper媽媽^^

係呀係呀, 我哋係同baby見老師
首先, 學校會同我證記仲比咗張寫咗我囡囡全名嘅label我貼係佢背部(我都唔知道有咩用??), 還有學校校慶紀念刊同校刊, 我個囡囡就同我工人係到玩玩具(當然仲有其他小朋友喇)之後就同囡囡玩住等叫名去令外一層樓見老師, 叫名喇^.< 我哋又係再等叫名, 所以我哋又玩住等喇!!(當然有各種不同類型玩具玩喇~~)再叫名啦, 真正見老師喇, 老師問咗囡囡幾條簡單問題, 又問吓我有咩期望, 跟住比咗包餅餅同小玩具我囡囡, the end of interview ~~~我哋就同其他家長同baby又去令一層見校長等, 聽吓校長present吓學校, 最重要個point係校長話有400個apply, 但得大約120個位上,下,全日總和, 嘩.....我聽到之後呆咗, 不過, 算喇, 就算唔得都係唔夠學位啫(學校長講),聽完present睇完5分鐘mv, 我囡囡攞咗個ballroon之後就完畢, 返屋企喇~~~~


Re: SmartYL媽媽

我都驚驚哋呀, 我囡囡唔識指花花呀

其實我仲報咗香港創價同荃灣迦南國際囉, 其實我未聽過協恩ga, 係咪好好ga?? 等我去搵吓info先, 如果SmartYL媽媽
您有可否比我呀??thx a lot    

charlotteling

個日我都有去呀, 我個係仔來架,
我覺得個日安排得好好, 有足夠時間俾小朋友WARMUP,
但阿仔都係好慢熱, 入去INTERVIEW時老師想同拉拉手,佢又唔肯, 都是好怕醜, 表現都是一般.

但我想問下, 話去見園長同校長, 但都係去聽簡介, 咁即係有小朋友有無見過    

同埋個張LABEL, 是不是用來觀察小朋友的表現架?

來緊我都會INT. st catherin, KV, 協和, keemind

omoberry

Re: charlotteling媽媽

我剛剛睇過您仔仔個website, 我記得您呀, 我係一家四口, 我囡囡當時係著深藍色Polo有帽冷外套的, 我帶個紅色眼鏡大大個白啡色"姑肚臍"媽媽袋ga , 您記得嗎??

我諗學校意思係想我哋見園長同校長, 唔係小朋友囉~~而我到想知道張LABEL用嚟做咩?!

嘩....您都見咁多呀, 其實我驚緊我會唔會報小咗學校, 我怕如果全部都唔收咁點算呀???? 咁就慘喇~~~

fat

Hello,

我亞仔4/11 in 架！佢答問題o既表現都ok！但後來等見園長/校長時，好多小朋友玩果兩個爬梯上去敲o既鐘....大件事喇！亞仔對呢類剌耳o既聲音好敏感，佢掩住對耳勁喊，嗌住要走.....好彩見完老師咋

charlotteling

omoberry,

嘩你都好好眼, 又好認得人喎, 你一行四人都好"虛 hem"喎, 個日得我同呀仔, 所以咩都留意唔到   , 淨係盯住呀仔

咪就係驚唔收呀仔, 所以咪報多幾間囉, 希望chance 會好的.

你個女幾大呀, 是大B嗎 ? 仲會報邊幾間呀 ?

carlychung

我就3号in，我都觉得他们的安排晤错，个仔表现就普通，老师问问题，他答得超细声，我问他中晤中意呢间学校，他就话中意，希望快d知结果啦

POTATOYUNG

我是"過來人" , 去年都有和我女兒面試, LABEL是給附近各老師清楚知道小朋友的名字, 我估她們在觀察小朋友和家長而給分數, 外面有很多學校都是這樣的, 你們要小心, 小心
至於能否答對問題是不重要的, 我女兒都有答對,但沒有取錄她, 可能當初我只選讀上午班, 而上午型一向比較熱門的. 但至今都令我心心不憤是, 朋友的女兒一絛問題都沒有答, 全個面試過程只說了'BYE BYE"兩個字, 學校都有收她讀上午班, 我估是宗教信仰的問題, 因為父母都是已受浸的基督徒,
希望你們成功, 成功與否亦要在此分享.
還有, 你們為何會選讀這間學校的 ?  :wink:

omoberry

charlotteling媽媽,

我囡囡係2004年4月25日, 我諗算中B卦~~~

我仲報咗創價同迦南國際囉, 分別都係今個月in, 唉.....我都驚會唔會報得太小呀. 如果冇學校收都唔知點算好喇

我囡囡呢兩日先病完, 不過, 仲有D咳, 佢個日in完之後就發燒燒到39.8 呀, 嚇死我呀   

omoberry

POTATOYUNG ,

嘩~~~~聽您咁講咪好唔公平, no good no good

luluchu

我個仔係3號in，我只係報

POTATOYUNG

OMOBERRY,
亦不可說不公平的, 上小學計分數都有包括宗教信仰的.
其實此間學校與其他幼稚園,無論在學校面積, 設備都會感覺遜色一點, 但各老師,嬸嬸, 就連校車司機都很有愛心的, 你就會感覺到校長辨學的宗旨是真的如金句一樣, 教孩童走向應走的路.
還未說完, 收到信後幾週, 我好有誠意地打電話到學校, 說如果上午班冇位, 希望能轉到下午班,等了幾天, 終打回電話給我說取錄了我女兒讀下午班, 開心不得了.
至今返了兩個月多了, 女兒十分喜歡這間學校.
在此希望你們都成功, 有結果記得通知我.   

carlychung

很想快点到明天，明天有结果喇，我只报了全日，机会可能比较微

luluchu

我都好想快d到明天。

Mimichuchu

anyone rec'd the offer letter already?

omoberry

POTATOYUNG,

您都講得幾啱

我都想我囡囡可以入到靈糧堂or創價, 我好緊張呀, 聽日就係11號喇~~~我一知道結果, 一定立即通知您

gloriayip

對不起, omoberry, 因我不是經常check message, 所以沒有看到你問協恩的資料, 這是一間不錯的學校, 校風很好.
我沒有資料, 因為我個是仔仔,對不起了.

gloriayip

什麼, 報全日會機會低一點嗎? 但依我看計就不是了, 因為大部份家長都選上午班. 我聽到老師問其他媽媽, 若上午班沒有位, 下午班你考慮嗎? 媽媽們說, 也可以, 那全日班呢? 媽媽們說不. 而我選全日班, 沒有人問我若滿了,上午/下午班要不要...哈哈. 可能我們機會最大...哈哈