仔仔有自閉症傾向, 唔知點做

luncylee

請問你0地最初知道仔仔有自閉症,
會點樣幫佢(係屋企)﹖OR會參加D乜野會呀﹖

我今年7月知道仔仔有自閉症傾向(仔仔22個月),
係經母嬰健康院轉介去做評估測試,
先知道有自閉症傾向...智力得1歲半左右...
語言更加係可能1歲都無.....完全唔識講野.....
當時除左社工幫我0地排 i位及 早期訓練外,
都唔知道應該做D乜及可以做D乜.

直到而家(5個月後), 我一家人先慢慢接受到事實,
及知道應該盡快開始搵方法幫仔仔,
但係見到一堆資料都好亂, 唔知如何選擇.
是否應該首先搵D訓練比仔仔呢﹖
有無乜野好介紹﹖
但我無返工, 得我老公一個返,
經濟唔係咁好, 唔可以參加D太貴既課程....
我手上有香港明愛, 協康會等資料,
但係好似都幾貴.......

仲有最近我仔仔開始返半天的預備班,
但發現佢完全係上唔到堂, 同人0地差得好遠、好遠...
媽媽係身邊都不停泣, 唔想上堂........
又有好多好多基本野都唔識做....
不禁係度唸, 是否浪費左仔仔的時間.....?

有時仲要好困難地同我老爺奶奶解釋,
但係老爺到而家都仲好唔想接受(仔仔有自閉症傾向),
話仔仔只係發展比人地差0者......
唉.....真係唔知點做好!!
有無人可以比D意見我呀.......??!!

hinhinmummy

社交溝通訓練小組

A)        聽從指示
        步驟
        1)        先取得孩子注意力, 例如 : 叫他的名字, 與他有眼神接觸
        2)        然後叫他, 聽從一些簡直指示
                例如 : 給孩子一些東西, 然後叫他”俾媽咪” 爸爸、哥哥、姐姐等
        3)        回應聲音
                先找一至兩件發聲玩具。如孩子對發聲玩具的聲音作出適當反應, 家長便應給孩及那發聲玩具作鼓勵。
        4)        「一、二、三、開始」
                準備玩具汽車或波一個。家長與孩子相對而坐。孩子需要聽到「一、二、三、開始」後才把汽車或波推向家長。
        5)        其他簡單的指示
                a)        開始、開電視
                b)        舉手
                c)        入房睡覺
                d)        收埋玩具
                e)        起身
                f)        坐低
                g)        抹咀
                h)        擺拖鞋
                i)        閂門
                如果孩子不明白, 家長可以示範數次, 然後看他祇否明白, 如果仍有困難時, 家長可拿著孩子的手一起做出指示, 一面說出指示。

hinhinmummy

B)        言語理解

        1)        理解自己及家人的名字。當別人叫喚孩子的名字時, 孩子應作出適當的回應。例如 : 向聲音來源回望或注視, 叫喚他的人。
        2)        明白日常生活的物件名稱
                例 : - 玩具 – 車、波、公仔
                        - 食具 – 杯、碗、匙羹

C)        目光接觸
        1)        每次叫兒童時, 要求他眼晴望自己眼睛
        2)        若兒童要求東西時, 要求他眼晴望著自己眼晴

hinhinmummy

D)        增強專注力
        步驟
        1.        - 先要吸引兒童的注意力
        2.        - 慢慢地示範給兒童簡單的動作或遊戲方式
                a)        模仿使用物件
                        如 : 怎樣運用梳, 毛巾, 牙刷
                b)        示範怎樣玩玩具
                        例如煮飯仔遊戲, 式推或拋波遊戲
                c)        模仿動作
                        (i)        吸引兒童的注意, 手拿著一個波或其他玩具在兒註眼前揮動, 吸引他的注意。然後, 將波推向兒童, 看看兒童能否跟你推波給你。
                        (ii)        要求兒童揮手听”bye-bye”。
                        (iii)        鼓勵兒童觀察電話響, 鼓勵他作出適當的反應。

社交技巧

1.        目光接觸, 與他一起玩時, 或叫他/她名字時有和你有目光接觸: 稱讚仔如果孩子與你有目光接觸
2.        能用咀吻成人的臉
3.        能與你來回推動玩具車或波
4.        能按要求, 將廢紙放入垃圾箱內或收拾玩具或積木

hinhinmummy

模仿技巧

步驟
1.        先要給兒童的注意力
2.        慢慢地示範給兒童簡單的動作或遊戲方式

a)        模仿使用物件
        如 : 怎樣運用梳, 毛巾, 牙刷, 玩玩具

        模仿單一動作
        如 : 按玩具上的按鈕, 推車, 推波

b)        模仿動作
        i)        首先吸引兒童的注意, 手拿著一個波或其他玩具在兒童眼前揮動, 吸引他的注意, 然後, 將沒推向兒童, 看看兒童能否跟你推波給你。
        ii)        模仿用同一物件做2 種不同的動作
                如 : 把膠泥搓成條狀或壓成塊狀
        iii)        模仿用一堆相同的物件以不同的方法排列起來
                如 : 把8塊積木疊成不同的形狀, 像疊高、砌火車、砌四方形
        iv)        模仿大動作至小動作
                如 : 拍手、舉手、踏腳至開手、合手
        v)        模仿觸模臉上不同的部位, 從看到的動作至看不到的
                如 : 自己自到的動作(拍手)至看不到的(摸眼晴、摸鼻子)
                有需要可讓兒童對著鏡子模仿動作
        vi)        同時模仿2個或以上的動作(如 : 摸耳2及摸鼻)
       
3)        模仿聲音練習
        讓孩子留意和聽四週的聲音, 家長可模仿一些有趣、突出、常聽的聲詢來跟孩子玩耍。注意 : 玩發聲遊戲時, 要儘量減低環境的噪音, 如收音機聲、電視機聲。

hinhinmummy

模仿 : -

1.        動作聲 :         狗吠        “woo woo”
                                貓叫        “miao miao”
                                雞叫        “咯咯”
                                青蛙叫        “哇哇”

2.        車聲 :                汽車        “砵砵”
                                消防車        “bee boo bee boo”
                                單車/電車        “叮叮”
                       
3.        日常東西:         門鐘                “叮叮”
                                電話                “鈴鈴…..鈴鈴”
                                東西掉下        “彭”

4.        一些簡單有趣的兒歌

(題外話: stepping stone 有d 積木, 兩舊的, 不同種類的動物/車, 兩舊積木併埋一齊的時侯,會發出該動物/車的聲音, 軒軒依家併到牛, 就會’wu”,  貓就會”miao”)

hinhinmummy

手眼協調

A.        增強抓捱或放下物件、手指力的運用及靈活使用手指
        1)        a.        指起或放下不同大小, 重量及質地的物件
                b.        砌疊、積木
        2)        使用個別手指技巧
如 : a)        用前二指拎起小物件 b) 用食指指著物件並算出物件的數目 c) 用食指按膠泥等
        3)        使用力度
                如 : a) 用手指打開衣夾 b) 持著小膠刀切東西

B.        增強手指抓握的能力, 轉動及運用手腕的技巧 :
        1.        擰開瓶蓋
        2.        鬆開及上緊玩具螺栓及螺絲帽
        3.        擰開門鎖
        4.        轉動拼塊使宅們拼狂板闊上

C.        增強雙手協調運用的技巧
        1.        雙手串珠
        2.        撕紙條
        3.        摺紙
        4.        一手固定物件; 另一手操物件
                如 : a: 一手穩回拿著紙張, 一手操作剪刀
                        b: 一手穩定紙張, 另一手持顏色筆塗畫

hinhinmummy

(I)        非語言表達

        1.        目光接觸
                孩子應用眼晴回望與他說話的人

        2.        點頭或搖頭
                當發問時, 要求孩子作出回答
                例 : 點頭表不 「是/要/對」
                        搖頭表示 「不/錯/沒有」

        3.        用手摯表示 「我」/「俾」
                若孩子要求某些東西, 請他用手摯表示 :
                「我」 - 即我想要 (用搿放於胸前)
                「俾」- 即請俾我(把手伸出, 手掌平放()

(II)        語言表示
        1.        鼓勵孩子用聲來表示自己所需
        2.        模仿聲音
                如孩子推動小汽車, 鼓勵仔重覆「砵砵」聲音
                其他可模仿的聲音
                「ZZZZZ」嬰兒睡覺
                「嘩」玩捉迷藏時被發現
                「V-WOO-V-WOO」消防車
        3.        說出日常生字
                「飽」「餅」「奶」「水杯」「車」「爸」「媽」「哥」「姐」「拜拜」

hinhinmummy

呢d係我仔做完評估後, 係醫院做的st training的功課紙, 係未有training之前, 見議你係屋企同佢做多d

如果許可的話, 呢段時間比d st training佢, 痙攣協會的st, 印象中比協康平

另外, 如果要比野小朋友前, 一定要佢講要/比, 先比物件佢.

眼神接觸, 去搵d 黑色圓型的label, 係屋企, 任何佢高度會望到的地方, 貼一對上去, 類似眼晴的物體, 等佢望多d

同埋, 你係背後叫佢名, 跟住搵daddy捉佢擰轉身, 你比d佢鍾意食既野比佢, 等佢知道, 原來有人叫佢'名', 佢係要應人而有野食, 從而訓練佢應人

62/99/姑9, 呢d物體, 我當佢穩形好耐, 如果吾是, c左好多年

JoLau

Dear Luncylee,

You can't "唔知點做好", and "worry" cannot help you!

My son also have "自閉症傾向" (AF), so I understand you!  But I see such "自閉症傾向" is his "特徵", 好似有點痣 or 戴眼鏡.  As we have such special kid, we must accept him and help him.  No need to care about other people, because he is your son, not their son.

The kids crying in the class are normal, no matter they have "AF" or not, they always cry in the school.  However, it may not be the appropriate to send your son to the school in this moment.  I suggest that you may give him some training at home or you can tell him more about the school no matter he understand or not.  If it is possible, let him play with other kids.

經濟唔係咁好, 唔可以參加D太貴既課程 - you may buy some home training materials / books (in  協康會) for your son.  You are a full-time mum, you can help your son at home.  No matter what kind of trainings held by 香港明愛, 協康會, "home training" is the most important.  

You can visit the "web-site" about the "自閉症", it is very helpful.

You must have "positive thinking -正面思想", it can help you and all mum have such "special kids".  Please don't compare your son with other kids, each kid is unique - 每一個小孩子都係獨特"

加油   

YRaymond

Hi Luncylee,

You can try to call STEP to buy a DVD for austism kids character and the relvant training. This DVD were free at their last seminar but needed HK$60 if the parent could not show a relvant letter. I'm not sure if this DVD can be bought or not right now.

Please note that hinhinmummy has given lots of valuable information. This DVD doesn't cover information as lots as hinhinmummy mentioned. But, it can show you the training environment and the teaching technique. It will help you to 'play' with your son while the service are not available.

luncylee

好多謝你, 呢D真係好有用, 我會努力幫個仔仔係屋企做訓練, THANKS!!!

我仲會叫我老公一齊做, 希望仔仔會慢慢進步~

其實我奶奶、老爺都唔係咁差, 只係溝通要慢慢講多幾次先明, 希望我同老公做多D呢D練習, 佢0地會跟住我0地方法啦!
如果佢0地唔係一齊合作, 始終住係同一個屋企, 仔仔吸收可能會有影響.

PoParents

除o左一D訓練的實用資料, 你都可以看一些自閉人士的自傳或札記, 好讓你了解孩子的世界和可能性, 明白他們也可以有光明的未來, 有盼望才能助你以積極的態度面對此事.

你加入了協康, 痙攣協會等的家長資源中心沒有? 很多的書和訓練玩具都可以在資源中心借到.

加油

piggy-bank

luncylee,

你好... 我係一個言語治療師, 都好明白你徬徨的感覺...不過, 要振作呀! 你越快可以把握時間, 越快可以幫到小朋友. 最緊要一家人同心! 同接受小朋友! 加油!

hinhinmummy俾了好多好有用的意見, 你可以先睇一睇, 選一些有信心同多d機會可以俾小朋友在日常生活練到的技巧開始. 同埋留意下小朋友的喜好 (例如食物/ 某些物件/ 玩具/ 聲音...), 從這方面入手會比較容易啊!

另外推介一本書俾你, 係一位家長寫的, 易明易懂: "衝破障礙: 努 力 試 訓 練 課 程" 及 "衝破障礙2". 希望幫到你啦!
都可以去它們的website看看: www.lp.org.hk

luncylee

最近我仔仔返左幾日學(普通幼兒園n1),
每日返到屋企都非常無安全感,
要奶奶抱住佢, (因之前我有屋工, 都是奶奶湊佢)
好似一隻樹熊咁連隻腳都抱實,
唔肯落地, 又非常無原無固地發皮氣....
(日日都發多左好多次皮氣, 仲要好難

babytszkin

luncylee
我可以同您分享下我的經驗,我個仔而加幾乎3y但一個字都未識講,係2y4m的時後被評估為自閉傾向 ,上2個月被精神科e生評估為自閉兒,係我個仔2y半的時後我比他開始返普通n1初初他一去到學校門口便會喊住要離開,放學返屋企又會係甘發皮氣,但後來可能學校的老師同姐姐都好細心咁照顧他,他過了1-2個月到便無事了~去到學校門外重自己行進校門連老師都話他好鍾意返學~所以您唔冼太擔心~他們係需要時間適應的~

noxi

唔好意思呀!我想請問聲個小朋友
1.佢有冇兄弟姊妹
2.簡單單字讀音有冇問題
3.每日睡覺節數.時間.及時段
4.需唔需要坐車返校
5.多唔多望電視同你屋企部電視幾多吋
6.佢睡覺間房什麼顏色
佢而家太細,千其唔好咁快默認左佢有自閉症
您唔需要咁擔心住!
其實您應該學下 babytszkin 所講!

luncylee

babytszkinm
你仔仔讀既學校是否普通學校﹖咁你有無同學校講你仔仔既情況呢﹖我都唔知同唔同個校長講好, 其實我覺得佢地都應該會估到...
我亦都考慮緊可能幫佢轉校, 去一間有收開兼收學生的學校, 希望學校會接納d....
其實我仔仔有d基本既野都未識, 如聽指令, 去廁所, 自行進食等等, 都唔知而家比佢返學是否正確﹖但這間學校是未知仔仔有自閉症傾向前就報左, 所以就比佢返住.而我屋企人, 99, 老爺等等都好想仔仔返學....
但如果返學又好難安排佢去讀其他課程, 又驚佢返學學唔到野又唔開心, 而家都唔知點好..!
好迷茫....

luncylee

noxi
1. 未有兄弟姊妹, 不過我12月預產期...
2. 乜都唔識講, 連單字都未識
3. 每日8點起床, 下午2點訓到5點度
4. 唔需要坐車返學, 但係返下午班 (下午1:30)同要行10幾分鐘路左右.
5. 好鍾意睇電視...屋企部電視有28吋左右.
6. 間房是白,肉色咁.
其實都已經做左評估, 以前都一直都覺得仔仔有d怪...再加上而家清楚左乜叫自閉症, 都差唔多9成9肯定仔仔係有.....
只係希望程度上唔好太嚴重, 同佢可以努力進步.....
不過我都會同自己講, 就算有又好無又好, 我都會盡力幫助佢, 因為點講都係我仔仔, 希望佢健健康康地成長...

noxi

其實我自己睇到你的回答後我到唔知點講
我係一個懦夫,我以前都係做呢方便工作,
當每一次去判斷一個小朋友的時候我都好驚,
因為我深信細路仔只係一張白紙,冇話分什麼嘜Q同智商,
但每一次去答d父母,我都有好多時講大話,但其實我好清楚當我講哂真話的時候家長就一定會過分緊呢個小朋友同寵愛佢,不但唔會係佢成長路上幫到佢,返而有一定影響,而且有兄弟姊妹正負面影響,.