3歲小孩不很在陌生人前說話

heiheibbchu

我的女兒3歲4個月, 已讀了1年幼兒班, 今年讀k1. 但老師上星期同我講, 她在學校不很說話. 差不多一年也不說話. 老師問她, 她最多指出答案. 但她在家中,是正常, 會說話, 對答(雖然不太醒)和喜歡唱歌, 亦會在公園和其他小朋友玩. 但面對陌生人(包括多次見面親朋好友)也不說話. 但人地走了, 她便叫她們. 老師叫我幫她到雅蘭街做測試.
我是全職媽咪, 平日工人照顧.
請問有經驗的媽咪, 我女兒是不是有自閉, 或是極度細胆.

小肥肥晴晴

Dear heiheibbchu:
我唔係專業人士,但我小朋友有言語障礙,我只係加插少少意見.你囡囡可能對自己唔夠信心,所以唔敢開口講,同學校一同合作,鼓勵多Ｄ可能會有改善!      

heiheibbchu

多謝您的意見. 我準備預約做語言測試.
學校方面, 不能依靠, 因為他們也很老實說, 在學校只有三小時. 唯有自己多些跟她說話. 但她仍然害怕和其他人說話.

kakilau

heiheibbchu : 放心啦, 你小朋友一定不會係自閉, 佢會跟其他小朋友玩跟你又有對話, 而且老師問佢野又有反應只不過不出口說出來, 我諗小朋友係膽小者, 不要太迫小朋友, 嚇怕就會反效果.

heiheibbchu

kakilau,
我之前都係咁想, 怕羞小小. 但當老師告訴我她在學校一年多也不說話, 我開始覺得嚴重. 可能有自閉傾向或語言能力低, 令她不敢說話.

winsonma

heiheibbchu,

應該唔係有自閉傾向或語言能力低, 因為佢係屋企都有說話, 反而我想知道佢細個時(0-6個月), 佢喊時你係咪聽啲老人家講唔好抱佢, 怕會縱壞佢, 有啲書話如果bb喊你唔回應佢, 第時佢會對人無安全感同自信心, 我有個同事佢就係唔想個女太痴身同想佢independent啲,所以唔多抱佢, 結果佢個女同你情況一樣, 三歲幾都好拍同陌生人講嘢, 返咗一年nusery都唔鍾意同同學玩, 只係鍾意同媽媽玩!

heiheibbchu

Winsonma,

在初生時, 試過1次晚上哭,我沒有抱她, 因為害怕一哭就抱. 但此後我改變想法, 若她哭, 我們便抱她.
但我是全職工作, 在大約2月後便由賓賓照顧. 但我發覺這工人沒有愛心, 試過掛住講電話令我女兒撞損額頭, 所以在女兒14月大時,換了新工人.
我亦懷疑舊工人沒有跟女兒講話,因她愛講電話,可能女兒哭她也不理.
我女兒是嚴重欠缺自信心.

winsonma

heiheibbchu,

請工人就係咁, 雖然我工人對我個仔都幾好, 但我始終覺得好內疚, 所以我決定出年做全職媽媽, 一心一意湊大我兩個仔!
你都唔好咁担心, 不如你試吓多啲鼓勵同讚你個女, 做咩事,去咩地方, 見咩人都事先同你個女講清楚, 俾個心理準備佢, 咁可能會好啲!

heiheibbchu

Winsonma,

多謝您的意見.  現在放工後, 便會和她不停說話, 希望令她習慣多說話.

winsonma

heiheibbchu ：
隋咗和她不停說話，睡前同佢 telling stories都幾好（增加親子，又可學嘢），不防試吓！

heiheibbchu 寫道:
Winsonma,

多謝您的意見.  現在放工後, 便會和她不停說話, 希望令她習慣多說話.

nanshanlu

這是她的特點,不是缺點, 人人生來不同,她是觀察型,能回答老師問題, 智商定沒問題, 怕甚麼! 越叫她說她便越有壓力不肯或不敢說, 父母又經常在她面前提的話, 她更標籤了自己不愛說話的{特點}

heiheibbchu

Nanshanlu,

我想您是較樂觀的人.  但我是較悲觀的人, 所以我多從問題角度去想. 而且因為她不會說出原因, 只有靠估.
如果正如您說這是她的特點, 但對一個3歲多小孩, 應該愛和朋友玩, 愛說話. 但她在學校不說話, 不和同學玩. 老師問她問題, 她懂但只用手指出來.我担心她很少說話, 語言能力和技巧會愈大愈差, 問題愈來愈大.
我亦同意您說 "越叫她說她便越有壓力不肯或不敢說", 她好像有此問題.

webjen

heiheibbchu
我囡囡 2歲,佢都係唔多係陌生人面前講野o既,係屋企好多野都識講,出到街就唔出聲,就算係 99 度,個個星期都去,佢講o既野都比係屋企少好多,99 成日以為佢唔識講!!番學都係唔係好講,有時係街叫佢叫人,佢都好少叫,就算叫都係好細聲!!
我覺得佢係無信心 & 怕醜,初初學講野,佢出到去完全唔講tim,依家好少少!!
你囡囡可能都係咁...無信心 & 怕醜!! or 會唔會有咩心理障礙 eg 比人笑過之類!!

heiheibbchu

webjen,

她在剛剛讀N1時, 對熟悉的人, 都會說話. 但之後愈來愈少, 到不很開口. 讀N1時, 曾經轉過班主任, 吾知有冇影響.
如果她吾出聲, 到做綜合測試, 怎樣知道有什麼問題?

halusan

這在心理上可能會有影響。
她可能亦缺乏與陌生人溝通的實際經驗，所以亦有影響。
而她只與自己親近的人交談，當離開這個熟識的環境後便不能發揮其應有表現，這亦是在治療室內會出現的情況，因為小孩子未能把經驗和技巧類化至其他環境。

作為言語治療師，我會建議可以從日常打招呼做起，先與老師、鄰居、其他較親近的Auntie, Uncle等打招呼，然後再進一步請小孩子完成一些簡單的說話。

看看效果如何？

heiheibbchu

halusan,

可能是我引導方法不好, 令她害怕不敢打招呼. 反而見她在玩樂中, 和一些不認識大小小朋友, 便夠膽開口說話. 可能是在沒有壓力和愉快環境下她才說話.  

halusan

若你能給她多些正面經驗，這也有助建立自信心

heiheibbchu

halusan,

謝謝您的意見!

halusan

welcome  

Tami

My baby is 18 months old, she has the same problem with yours. She is totally different when she go to playgroup. What's the problem?