屯門區選校問題

hfso

各位好, 我是一個爸爸, 小女下年要升小一了, 要幫佢選小學真係難諗, 我就屬意 "鄭任安夫人千禧小學", 但係我老婆就鐘意 "何日東", 我地依家重係反反覆覆咁討論緊.

各位經驗豐富o既爹o地媽咪可否討論一下邊間好D呢, 同埋如果比你地會點揀呢?

先多謝所有回覆o既朋友先.

melody0814

這2間都係band 1 小學, 都唔錯, 鄭任安係全日, 何日東是半日, 看你的需要而定, 如給我選, 我會選何日東, 因有聯繫中學, 希望能夠幫到你!

babyjerry

我無經驗........但大家可以加以討論.........因小兒亦係07入小一........原先係小兒揀選幼稚園時已想定入讀何日東.........但基於何日東現時無法轉全日制小學........半日制小學進度會比較緊迫.........同上重功課及我係在職媽媽.........無咁多時間同小朋友跟進功課........最終放棄.

上星期六參觀完2間鄭任安..........比我地既感覺有如天堂與地獄的差別.

我同先生及小兒都揀千禧........睇得出千禧好認真地辦學.......即使係open day........都好認真地辦得好好........老師們親切,熱誠........小朋友會願意接近老師........新校舍.........上上下下有好朝氣.........亦認同校長所講的理念:

1.  如家長都唔能夠尊重老師.........又點叫小朋友要尊重佢地架老師.
2.  小朋友需要某程度上的自由........但唔代表可以放縱.......回到學校有學校的規則要尊守
3.  教小朋友要身教而非口教.
4.  不要強行小朋友實現自己未能實現的夢想.......應造就孩子們自己的興趣與專長.

而市中心的鄭任安open day........無人招待(可能我遲到).........老師好冷漠.........無人帶領往參觀各層及加以解答........企係每層既老師木無表情.........猶如紙板公仔........這樣既老師........有誰敢接近及主動發問題........即使幾活潑好動既小朋友入讀........相信都會變阿呆.

以上只係本人的感覺.........未必與實際的情形相同.

hfso

melody0814, 好多謝妳的回應, 咦... 妳個英文名係咪 "Melody"? 咁啱o既, 我個大女都係叫 "Melody" 喎?!

我同老婆都係諗過聯繫中學個問題, 的確係何日東好D, 不過又驚個小朋友第時要重新適應全日班課程, 唔知有冇問題呢?

hfso

Hi, Babyjerry, 好多謝妳的回覆呀, 妳寫得好詳細呀, 真係唔該晒.

妳所提的觀點都好好, 好有用呀. 我就有D驚何日東功課多, 同埋可能都迫得個小朋友幾緊下, 因為睇佢地校長講話都好緊學校個成績表現. 我都想小朋友可以比較輕鬆同快樂咁開展佢o既小學生活, 所以我都幾鐘意鄭任安千禧. 但係我太太就比較鐘意何日東, 因為將來升中學可以肯定有較好的選擇, 查過資料, 最少有5成幾以上可以上返梁銶鋸或者譚伯羽... 但係鄭任安千禧我又查唔到佢D學生升中的資料, 真係唔知好唔好? 同埋有D家長話好少中學會銜接"活動教學", 唔知係咪真呢?
重係心大心細緊.

tszyau2000

hi   

我都好認同babyjerry kei 講法...如果選何日東而父母要返工kei lai 講...真的幾吃力.. ...但亦正如melody0814所講...何日東有聯繫中學!

而我囡囡今年都係鄭任安千禧kei 小一新仔...大致上都ok ..囡囡亦好開心..d 功課同進度暫時都吾係甘多同緊逼...可能今日至開始正式返全日la...遲d應該會多番d功課kei..據我所知..e 間學校好注重閱讀方面...好鼓勵d小朋友係e方面睇多d做多d!

hfso

Hi, tszyau2000, 恭喜晒喎, 妳個囡囡入左鄭任安千禧呀. 祝佢返學開心, 同埋學業進步啦.

唔知妳知唔知鄭任安千禧D同學仔多數會上到邊間中學呢, 上到BAND 1的比率大唔大, 我查唔到呢方面的資料呀, 驚阿女唔知第時可以揀邊D中學. 如妳所講... 何日東的聯繫中學的確好吸引, 咁請問可唔可以分享下妳地點解揀鄭任安千禧都唔揀何日東呢? 妳地考慮o既重點係乜野呢?

同埋好多謝妳地的回應呀!
  

babyjerry

hfso,

唔使客氣.........大家討論........比下意見姐.

我仔仔讀緊何日東聯系幼稚園.........因為要銜接何日東日後的課程........所以即使係幼稚園都係一味抄寫功課........好局限小朋友的心身發展........而且小朋友的學習生涯唔應該只係一味識課本上的知識.........我記得上次睇一個節目.........講到成績優異(好多個A果隻)的學生.........原來大部只係係書本有A級........對周遭的常識及時事係0級........有位校長表示曾經有位取我10A的老師黎interview.........發覺佢既書課知識非常好.........但常識及時事非常差.........最終校長無取錄佢.........因為校長認為呢位老師未能帶給學生一個全面的發展.

我亦擔心何日東只著重功課........成績好的學生故而受重視.........甚至被安排入精英班(如有,壓力更大)........相反........成績平平的學生會否被忽略?

千禧........升中.........band 1會係陳瑞枝係譚伯羽隔離及屯官.

不過........最終都係要以小朋友性格及能力為大前題.........否則幾好的學校都無用.

hfso

Hi, babyjerry,

我尋日搵到教統局比何日東個校外評核報告, 其中都有提到要佢地改善個教學方針, 要兼顧到不同程度o既學生. 照咁睇, 佢地真係可能會專注果批好成績的學生, 而忽略其它成績比較跟不上的學生啊, (我重聽過好似話佢地會勸成績差的學生轉校呢, 不過不知道是真是假.) 上星期何日東個校長來幼稚園promote, 佢都有提過佢地會減少功課和測驗考試, 又話會用"拔尖保底"方法教小朋友, 證明佢地都知道外間人對佢地的教學方法有微言, 想話比人知佢地都改善緊, 咁都算係好事.... 不過, 我驚阿女入讀之後, 唔知佢地改到幾多呢?!

而千禧個校長promote時, 就好著重話佢地係一間開心o既學校, 而且比我個感覺佢都好玩得下, 但係就唔似得何日東咁, 猛咁SELL佢地的學生成績羅.

上到屯官都唔錯丫, 陳瑞枝我就唔知喎, 等我都去查返D資料先.

咁妳會幫妳仔仔選邊間呢?

adad

HI ,tszyau2000

請問鄭任安千禧在交通上方便嗎 ? 除了校車外還可搭什麼 ?

babyjerry

hfso,

陳瑞枝都係好野黎嫁........係band1學校.

我已揀定千禧........唔知你有無去個"保圓"聽講座........我覺得千禧既教學概念有d似"保圓".........主張"開心學習"........唯獨是係"保圓"主要用英文及國語教學.........但佢要比$$.

我聽過幾個何日東既real case係讀到果d跟唔上既學生最終自暴自棄........家長唯有幫佢地轉校........亦有在職父母........將子女一放學就送去補習社........每月多支付hk$1,700補習費囉.

adad,

千禧有校車接送..........如要參加課外活動.........亦有校車.........另有K53到學校門口.........但只限早上9:30前..........下午3:30後.

MOOYY

而市中心的鄭任安open day........無人招待(可能我遲到).........老師好冷漠.........無人帶領往參觀各層及加以解答........企係每層既老師木無表情.........猶如紙板公仔........這樣既老師........有誰敢接近及主動發問題........即使幾活潑好動既小朋友入讀........相信都會變阿呆.

==>看到你外人都感覺到這個情況,我這個當事人便作一下回應,我仔仔在市中心的鄭任安讀了兩年,這兩年來完全感受唔到這間學校有什麼人情味或許我只感到現實兩個字,事原我仔仔在幼稚園時所接受的是活動教學,到升上小學之後可能還
沒完全知道什麼是傳統教學,所以常常都有過位或多問題發
問,得到的結果當然是不守規則的頑皮學生下場,見家長時
當然同你講要你好好管教一下,但當我仔仔考試時考第四之
後,所有問題便不存在(不過我仔仔上課時是沒有什麼樣的
改善,充其量呆的時候多了 )很現實吧.
最令我氣憤是有一次我仔仔上課頭痛,居然D老師無人知道
不特止還罰他抄書,理由是他無心機上課 :evil: ,一直到放
學婆婆看見他回來時面青青,才知他病了,唉...我都不知甚麼
說好了...
不過這所是區內數一數二的學校,無論在派位及中學課程含接
方面都無可否認是很好的,而校內的學生品行也不差,當然這些都是選校的考慮因素之一.

hfso

我重有一樣野想同大家分享架, 就係果日我聽何日東個校長介紹佢學校啦, 佢講左一樣野, 原文唔係好記得, 不過大意係話:

個小朋友o既能力應該係唔止我們要求咁少o既, 所以要PUSH佢地, 定一個比佢地能力睇黎去得到的LEVEL高少少o既目標, 佢地一樣去得到, 咁就可以令到個小朋友進步...

唔知各位認唔認同, 我就有D疑惑...
我記得黃子華o係"無炭用"裡面提到一個觀點, 佢話D女仕對"瘦"o既標準係: "瘦 = 瘦 - 10磅", 咁就變左妳永遠都達唔到呢個目標啦.
同一道理, 當妳個小朋友成績好o既標準變成: "成績好 = 成績好 + 10分"時, 佢永遠都唔會係成績好格, 呢一個係死循環, 我覺得對個小朋友係好大o既壓力黎.

所以我唔係好BUY佢個理論, 亦係我唔鐘意何日東o既原因之一.
各位又有冇不同諗法呢?

tszyau2000

基本上d 學生係坐校車ka...除左校車...仲有架接駁巴士kei..不過我吾記得咩no ar...但吾知d班次密吾密...所以答校車係最穩陣ka!

adad 寫道:
HI ,tszyau2000

請問鄭任安千禧在交通上方便嗎 ? 除了校車外還可搭什麼 ?

hfso

Hi, MOOYY,

多謝你分享你仔仔的經驗, 寄予無限同情...
看過你的個案, 讓我們這些家長明白到選一間好學校的重要性, 我也見到很多學校校長來介紹時, 都很著重提到"家校聯繫".
不過, 我想知道當遇到這種情況時, 能否安排小朋友轉校呢? 因為我覺得當小朋友和家長都對學校感覺失望時, 會對小朋友的學習有很大影响呢! (還好, 你的小朋友考到第四, 他應該也是很聰明的吧?) 如果有其他原本學習就不是很好的小朋友, 可能就此沉下去也說不定呢!

babyjerry

MOOYY,

原來我的感覺係無錯.........其後有鄰居話我知........呢間學校係好著重操行.........有學生係上堂時因頭痕........"r"頭都要捱罰........真係不可思議   

日羲

Hello!各位,咁其他小學呢?蒙恩OK嗎?

babyjerry

tszyau2000,

好高興係呢度認識你........你將會成為我們07入讀小學家長的明燈........請多多指教     

tszyau2000

hfso ~~

其實我選千禧kei 原因一lai 有表姐讀緊..二lai 我亦都親身參觀過e間學校...設施地方都好好...校長真的好親切..d 學生亦好喜歡佢...我記得新生日果日...有個女主任好落力好細心甘去解答我kei 問題...而我上過佢地個web..認識更多...覺得e間學校好多采多姿...至於你話中學問題...講真ar..可能我無諗得太長遠la ..何日東聯繫kei中學間間都係band 1...係好吸引..但我會考慮埋個小朋友先law...係我心目中...首要係小朋友讀書返學kei 日子係開心...想佢係一個愉快環境底下成長同學習...如果佢讀得吾開心kei話...6年流流長kei 小學生涯點過ar..我地做父母kei 一樣慘ka 咋...而我所諗kei 係甘多咋!

雖然我囡囡都係小一新仔...之後kei 野未知如何..但以上原因足以令我選e間學校kei 理由la......純粹個人意見...都係同大家分享一下!   

babyjerry

hfso,

傳統學校就是這樣地"重重壓迫".........我仔讀k2........考試周時..........老師會係上堂前話比小朋友知.........今日要考試喇........唔可以玩玩具........要拎書出黎溫........聽見都覺得好可笑