寫今年自行收生的信

ruby2004

想請問中學自行收生的申請信會要求小朋友自己寫嗎 ?
家長寫得唔得 ?
(我開始要搵料 :cry: )

小彬彬

好少要求小朋友自己寫, 但有人會自己寫一封, 叫小朋友寫一封...............

ruby2004

小彬彬 寫道:
好少要求小朋友自己寫, 但有人會自己寫一封, 叫小朋友寫一封...............

我都有這樣想過 . 現在我自己的在起稿中 .往後再向你請教.
謝謝你回應

(以前閣下也在教城留言嗎? 可以唔答 , 亦唔會做呈堂證供

小彬彬

好耐以前有在教城留言........

ruby2004

小彬彬 寫道:
好耐以前有在教城留言........

對 , 很久了 , 今年初我才轉到這兒逛 , 這兒熱鬧得多  

cwingc

乜要自己同小朋友寫, 咁有冇人有SAMPLE可以參考呀!!謝   

3kids媽咪

我個仔將升中一,去年中學自行收生時,我們(父,母)各自寫了一封信(1中1英)給校長(內容不能重覆)另外再叫仔寫封信講他自己為何要申請此間中學(當然不是話因為父母話好就好啦),他是用普通信紙手寫的. (當然要做埋profile啦)
每封信只可(一定)一頁,因校長/教師沒有那麼多時間全部的profile看晒

ps最好不要用sample來搬字過紙,因為他們看得出是抄的.參考下格式就可以.

raccoon_dog

我想問吓,自行收生申請中學時,係未都一定要做profile和寫自行收生的信?Thanks!!
我見朋友囡囡自行收生去沙呂,只係填份from和交幾張獎狀copy,之後通知面試,收咗.

小彬彬

以我所知十個人有九個人都會做profile和寫自行收生的信...........

yammyma

我諗好睇學校既情形,以我上年既經驗,有一間最好愈早交表愈好,大部份早交既都有面試機會,有1 間就講明每1位申請學生都有面試機會,似乎唔著重 profile既質數,重學生面試既表現,反正個個都會做profile,咪整份簡潔整齊交也無妨.

3kids媽咪

其實profile是將中學的申請表內列明學生交form時要同時附上的副本,以我仔中學的要求是:1)P.5 & P.6的成績表副本,
2)P.6中,英,數的功課副本.另外因課外活動表現計20%,所以就算他無要求你附上有關之証書,獎狀等副本(但表格內須填上,但通常不夠位的)當然是隨表附上.
(因我仔中學已講明不是每個入表格的學生都有機會面試,所以真的要好比心機做好份profile,有面試才能有入場卷嘛)

因要很整齊清楚地列出所有的文件,PROFILE是必然的.
我可給一些BK父母一些心得(希望有些可幫忙補充)
PROFILE內容如下:
1.總目錄
2.校長推薦信(如有)
3.孩子手寫自薦信
4.父母supporting letter
5.個人簡介resume(個人資料,學業成績服務,課外活動等)
6.附件(裡面是最多影印文件)
-申請表
-p5,6(上學期)成績表副本
-校內獎狀的copy
-學校服務獎狀copy
-p.6中英數功課copy(如要求)
-校外比賽獎狀的copy
-課外活動的証書copy
-親子/校外活動的照片(我就將A4紙SHOW2張照片,註明年份及活動)
總之你認為想他們知道都放埋落去(我就連一家人去慈善百萬行的照片都放埋落去,好似無什麼關係,但我希望看profile的老師知道父母都很重視及參與親子活動)

ruby2004

yammyma 寫道:
有1 間就講明每1位申請學生都有面試機會,似乎唔著重 profile既質數,重學生面試既表現,反正個個都會做profile,咪整份簡潔整齊交也無妨.

請問是哪間中學 ?

多謝3kids媽咪 & other 媽咪提供經驗.

(現代媽咪真辛苦 , 我有我著急 , 亞囡就推都唔郁 , 暑期作業都未做好 , 叫佢做就話我煩 , 解釋比佢聽 , 就話明 , 講就天下無敵 , 做就無能為力 , 我有時真是很想放棄...........唉 !升小六啦 ! 唔通而家至放棄咩 ?)

yammyma

ruby2004 ,

沙田蘇浙

ruby2004

yammyma 寫道:
ruby2004 ,

沙田蘇浙

THX

BB200200

ruby2004,

唉!! 我都明白你既心情, 我都試過放棄, 但到最係都係繼續, 好彩我地兩公婆有默契, 會企響一齊, 所以個女都唔會唔聽  

ruby2004

BB200200 寫道:
ruby2004,

唉!! 我都明白你既心情, 我都試過放棄, 但到最係都係繼續, 好彩我地兩公婆有默契, 會企響一齊, 所以個女都唔會唔聽  

同道中人(BB200200) :
我都是想一想 , 最後都要繼續 , 好想囡養成自律 , 但這關鍵時刻 , 無父母想佢地衰 ................教養兒童是父母的責任.
你有咩好方法 ? 賜教吓   

BB200200

ruby2004,

你唔好話賜教, 只不過大家交換心得。
可能個女一出世我個角色係衰人, 好多時打/罰話/傾計都係我,由佢小一開始都係我接放學(返學老公送), 所以好多時決定權響我手上, 所以我個女好清楚媽咪同爸爸角色, 今年未放暑假我已經要佢做晒本暑期作業, 仲要唔準亂填答案如果到最後限期未完成就買多一本比佢做, 佢係一個懶人實好快做晒, 因為7月中開始我按排佢去補習社補中/英/數, 點知上個禮拜尾,打電話問補習社一些選地區意見(因住沙田, 返學九龍城), 個導師話比我知個女有D英文還番比佢,   仲有係佢而家3個BAND都有佢份 所以而家諗左一個方法:每個月月尾左右問補習社佢有無勤力, 如果無勤力到就跟著個個月無得補習, 無補習期間唔準問唔準要我教, 如果錯左一題打10下,唔知呢個方法得唔得   因為我試過用軟功唔得  

ruby2004

同道中人(BB200200)
我是個實話實說的人, 我扮演的角色也和你一樣 , 在我很激氣的時候也曾想過不給她補習 , 不過小六了, 始終放不下 , 如果三四年級我都會試 , 想令她知道幸福不是必然的 , 看看山區的學童那種求學的熱忱 , 無論在山洞內 , 簡陋的課室內 ,沒有電腦、空調...........
在我的角度來說 , 覺得打罵不是好辦法 , 會令他們更討厭學習 , 或只是為了應酬你 , 設法培養孩子們主動學習才是上策 , 所謂終身學習 , 漫漫長路 , 而每個孩子成長需時不同,我和你可能都要付出更大的努力和耐心.
理論講完 , 實踐才難 ,只有講聲 :同志 , 我們一同努力吧 !

BB200200

ruby2004,

我都知道打罵唔係甘好, 但係軟功對佢呢講係無野, 仲會越來越過份, 迫於無奈才用打, 但每次打之前我會警告多次, 打完會同佢講點解你會比我打, 等佢有個警惕, 你估打佢唔心痛   (唔可以比個女知   ) 不過我都會接受你既理論, 我地大家今年努力 !!

P.S.　你係選中學邊區？？

ruby2004

BB200200 寫道:
ruby2004,

我都知道打罵唔係甘好, 但係軟功對佢呢講係無野, 仲會越來越過份, 迫於無奈才用打, 但每次打之前我會警告多次, 打完會同佢講點解你會比我打, 等佢有個警惕, 你估打佢唔心痛   (唔可以比個女知   ) 不過我都會接受你既理論, 我地大家今年努力 !!
P.S.　你係選中學邊區？？

同道中人(BB200200) :
我囡都是軟硬兼施都無用 , 我清楚佢性格 , 打佢只會將我們的距離拉遠 , 升中後又踏入青少年階段 , 更多料要套佢 ,
所以盡量保持好關係 , 令佢願意同我傾心事 , 成績就盡量輔導佢 , 希望大大吓,佢會慢慢養成自動溫習的習慣吧 , 最少在德育方面都可以KEEP住 , 唔好學壞和容易受人引誘 (好像有些駝鳥  :cry: )
我係選中學油尖旺區 , 有無心得 ? 你選邊區呢 ? 你囡幾年級?