女兒的鋼琴老師唔肯用數碼鋼琴教!

aifa2115

鋼琴老師上門教女兒一課初級鋼琴之後,幾日後話唔想用數碼鋼琴教彈琴,她理由是數碼鋼琴的琴鍵比真正鋼琴較輕,怕小孩子彈壞手勢,音色沒有鋼琴的真實表現性,可能影響小孩子對學彈琴興趣
解決方法:1.轉買一部真正鋼琴回家,但現在剛買進不到一個月價值萬二元的數碼鋼琴怎算呢?
              2.鋼琴老師話可以到她家中上課,但要同囡囡坐車約20分鐘仲要行15分鐘先去到!
              3.換鋼琴老師,但係唔知其他老師是否都是不肯使用數碼鋼琴教授?
              4.請大家比點意見好嗎,因我真的不了解鋼琴老師心理?數碼鋼琴保養容易,功能多多,更具備伴奏學習功能,究竟有何唔點?
                 


            

bebebe12345

你的鋼琴老師並沒有錯,只是你對鋼琴的認識有問題而已。
解決方法:1.與你買琴的琴行商量看能否補錢換琴。
2.如果有鋼琴老師肯這樣教,你也要仔細考慮。
3.換鋼琴老師,ok,不過要考慮一個教數碼鋼琴的老師,改學數碼鋼琴。
4.這並非鋼琴老師心理有問題，是你對鋼琴的認識有問題。既然你覺得數碼鋼琴的好處這麼多,改學數碼鋼琴,雞蛋同鴨蛋都是蛋,有何唔同?

bebebe12345

咁都得,真係眼界大開!
玩吓無所謂,真係學嘅話,將來點改,可以改到點.......
改係最痛苦嘅事。一切從小時候開始。
琴唔係最貴,學費先至貴。

bebebe12345

絕對不同
http://www.baby-kingdom.com/modules/newbb/viewtopic.php?topic_id=507252&forum=5

ariel_li

萬二蚊買部數碼鋼琴? 點解唔買部cheap D 0既鋼琴呢?!
鋼琴再cheap都好過數碼鋼琴丫, 彈壞手嫁!

VivianMa

Hi !!

其實現在買部鋼琴真係好平，我15年前家母買琴又係1-2萬，現在平平地都係2萬，鋼琴可以話冇乜升值過......
而且數碼鋼琴唔洗點用力彈，當要彈木鋼琴時就會力不從心了...

aifa2115

ming2 寫道:
aifa

無錯,無論係幾貴價0既數碼琴,係聲音同touching上始終同真鋼琴係有唔同0既地方,不過數碼琴0既touching又未至於好似電子琴咁輕,所以如果真係要講,用電子琴練就真係會練壞手啦...用數碼琴都還好少少,我相信又未至於真係話會輕到練壞手咁嚴重0既....最起碼我自己都有學生係用數碼琴練習,因為屋企真係放唔到鋼琴(不論係高度/長度,再加上練習時間會嘈到其他人休息0既原故),但都一樣宜家學到七級...當然佢都覺得d touching同聲音同真鋼琴係好唔同,所以宜家都考慮睇下有冇辦法搵個鋼琴練....(may be換琴換屋,may be去琴行練琴)

小朋友會唔會因為用數碼琴練而影響對學琴0既興趣....呢個有所保留...我覺得唔一定0既..有d小朋友只會當佢係琴一樣咁練,亦可能有d小朋友會俾數碼琴0既function影響鐘意左彈數碼琴都唔定,呢個我相信要睇番家長係屋企係點樣俾個小朋友去用個數碼琴有關...

我個人覺得,如果你真係覺得個老師好0既,你想繼續跟佢學,咁你唯有係照佢意思去做,否則,你都可以考慮轉老師lor...你大可以係搵老師時,同老師講明你個處境,再睇下新老師係咪接受呢樣野,係咪試下轉lor...

無錯,數碼琴係易打理,又多function玩,不過如果小朋友係學鋼琴,學到一定程度後,對琴音/touching有要求時,佢就會覺得數碼琴係唔好聽/彈架啦...數碼琴對初學者黎講都重還可以用0既...

我最覺得你講得十分有見地!非常多謝回應!

其實大家要清楚現在數碼琴巳發展得很成熟,就好像菲林相機都給數碼相機取代了喇,點解要這麼堅持使用傳統機械鋼琴呢!如果係咁完全否定數碼琴,通利和柏斯琴行放出陳列貴價萬幾至幾萬既數碼琴搵唯買呀?
仲有,要生產制造一座機械鋼琴,要消耗很多木材和鋼鐵,是非常不環保的!無可否認數碼琴存在某方面的缺點,但未至於不可接受和完全不想到其擁有既好處嗎!               

aifa2115

其實個老師一上到我家時,見到個數碼鋼琴就彈三彈4,
當時我都不以為然,向她解釋買數碼琴之原因是練習時可以使用耳筒,唔會嘈到其他人休息,保養極之方便,touching都好似傳統機械鋼琴喇,待女兒往後學到一定程度後,約學到4級時對琴音/touching有要求時才轉換........

誰不知會,始料未及鋼琴老師會唔肯用數碼鋼琴,攪到我好似係個蠢蛋咁,是是但但貪便宜買錯琴 (其實巳考慮和搜尋了2個多月了)  :tongue:

aifa2115

VivianMa 寫道:
Hi !!

其實現在買部鋼琴真係好平，我15年前家母買琴又係1-2萬，現在平平地都係2萬，鋼琴可以話冇乜升值過......
而且數碼鋼琴唔洗點用力彈，當要彈木鋼琴時就會力不從心了...

數碼鋼琴唔洗點用力彈,你可能誤會了是電子琴,請有時間去大琴行見識一下才說吧!通利有很多YAMAHA數碼鋼琴比起機械鋼琴仲貴,售價二三萬都有,你可能無留意!

wnwong

i bought a Yahama 數碼鋼琴 for my daughter 2 years ago, she practiced at home. then i bought a Yamaha U3 last year when she has grade 4 standard (her piano said so) - i bought the 數碼鋼琴 instead of piano because i want to make sure my daughter has interest to learn piano first......, then upto certain 'grade' i then bought her a 'real' one. so far no problem....

bebebe12345

U3----好!
孩子真幸福，父母苦心,足夠用許多年了。
待她覺得這琴己不足夠時,應該
己走上音樂這條路,屆時外面許多許多
三角琴在等她彈了。
將來如果覺得琴鍵反應不夠快,試試
問調琴師傅可否加鉛。

NM

bebebe12345 寫道:
將來如果覺得琴鍵反應不夠快,試試
問調琴師傅可否加鉛。

加鉛是不會另到琴鍵反應快的. 如果力度不變, 但重量增加, 速度只會減慢. 有些人以為加鉛可以練力 - 正確與否暫不討論 - 但係加鉛既原意只係希望改善個別琴鍵既touch不平均既一種方法. 加鉛好易會另到個琴既touch變得唔自然, 影響學習.

VivianMa

首先，我屋企人開琴行的，我對鋼琴或其他樂器的認知一定都比你清楚，你一定不太認識鋼琴喇，我諗你又可能誤會了，數碼鋼琴的鍵的確比木鍵鋼琴輕，我諗你要自己學下鋼琴才說吧!唔識可以問老師..........

其次，其實就算2-3萬的鋼琴都真係唔算貴，如果你覺得貴，你可以賣左你家中的琴俾琴行，改學小提琴囉!!!

如果你真係換琴的話，你要知道鋼琴的木是什麼木及組件是否日本做的，唔一定YAMAHA就一定好野，當然YAMAHA有佢的保證喇，唔識可以買番大牌子o既.....!!

aifa2115

ming2 寫道:
aifa2115

你客氣啦...   


不過話時話呀...你搵老師先,你冇同老師講過你屋企個隻係數碼琴黎架咩??如果有,佢當時有冇咩即時反應呀??要上到屋企見到先有咁大反應0既 ??

老師先前完全冇問過我屋企係邊隻琴,一上到屋企見到先問我點解買數碼琴,但未話唔想教,仲教完琴就走人