考試了。你有壓力？我唔叻但我有盡力

BingoJoey

唉！好累，做家長為了子女考試真係 ，又要令小朋支多休息又要谷智識佢入腦，又怕佢哋粗心大意。我只識用一個方法：陪佢一齊讀，(我本身讀書唔叻，咁至慘！)就好似連自己都好似考試一樣，最好笑嘅係一星期都要日日吃外買唔駛煮飯。大家傾吓吖，有好方法可以教吓我！

andrewmummy

暫時我同囝囝都係蜜月期,但9月升小一就唔知情形點,我都擔心架,返全日都唔知點安排時間,功課、美勞、默書、專題研習、閱讀報告、練琴、珠心算、測驗、考試

我囝囝真係一隻雞,天一光就起身,天黑9點就一定要瞓.(8點半左右就烏眉)試過好多次;夜晚同佢默書,就遊魂太虛話唔識、唔記得.相反,一早起身牙未刷、面未洗,佢就同我背默晒出嚟,仲要係默對晒.

點算!我點運用時間!!有無人好似我咁呀?都教吓我丫!
:-|

24孝阿媽

Bingo joey

Hi, 你小朋友讀P. ?

我同你一樣考試期內全吃外賣, 好慘     

老公唔理, 得我教, 好在是housewife,

心心形形

hi,我個女啱啱考完試了(小一),   而且琴日已派回部份考試劵,都ok la,不過仲有三科未派。

我都同你地一樣,晚上餐餐都叫外買,{是我老公叫我唔好煮的},因為掛住同佢溫,仲邊有時間煮飯。

同佢溫,連我個頭都實晒,何況係小朋友? :-我仲要溫得熟練過佢先可以，因為又要出d試題比佢做,睇下佢識幾多.....  我覺得佢自己都有壓力，朝朝食早餐,都要同佢番溫一次，佢臨出門口，又話有d驚，又話肚痛(緊張)，真係    ，咪只有同佢講你唔洗緊張，小心d做，唔好唔識就發呆，繼續做下面，有時間先返睇。

可口可樂

我還大壓力、我個囝派左去旺角一間出名小學讀書現在讀小一、上學期英文總分得58分、班主任已經講定下學期如中、英、數、是但一科唔合格就無得升小二、要讀多年、如再重讀得係唔合格就要離校、我好大壓力、每月補習都個千元。
今次死啦！   

BingoJoey

Hello：24孝阿媽，我小朋友現在是P.1，我亦是housewife。我亦是老公唔理, 得我教，好慘 。恭喜妳女兒無side妳心機^ ^。我其實心裡都明白考試唔係附出幾多就有回報幾多，但係我要19號至考喎，所以依家個心同個腦都實咗。依家佢重有小小喉嚨發炎添，唔知係味比我考佢問題問得多攪到喉痛(連我都有小小痛)，明天都要同佢睇醫生囉。  

andrewmummy

Bingo Joey,

小心身體呀~加油呀~試吓冲d蜜糖飲啦~我都係家庭主婦呀.

BingoJoey

嘩！可口可樂乜咁呀，我聽到都登妳好驚喎！我小朋友都係每月補習加埋都個千元，學國語480元１對１，回家私補英文50一個鍾一星期5個鍾(不過我是一星期只補二天每次2至3小時)數學珠心算，因為自己教佢計數教到 都嚟，佢唔只用手指計重要用埋腳指添！我同妳差唔多(補習$)，咁你用咩方法補習呢 。其實係我知識唔多至要用咁多錢補，鬼叫自己唔叻咩。望都望自己下一代醒目些。自己為有慳些吧。

BingoJoey

andrewmummy；
我屋企無蜜糖呀 ，依家叫佢不停飲多D暖水。佢依家自習緊，我諗温到am2;00到啦，佢剛剛pm:9:30至睡醒，所以現在靜靜哋自習緊。乜妳又咁夜都未瞓........？

24孝阿媽

BingoJoey,

你地好努力溫wor ! 不過都要注意身體,  而家喉痛特別要注意飲食 !!! 遲D 吃飯盒時避免吃熱氣種類, 我在考試前一星期是麥當奴免問, 唔好凍親, 保持最佳狀態o架 !!! 答應她考完試任食 .


大家都努力呀 !!!     

祝你小朋友考到好好成績啊 !         

BingoJoey

希望成妳貴言 。

andrewmummy

Hi Bingo Joey,

請問妳有無比小朋友學英語拼音呀,我想知成效係點,因我囝囝學了差不多十個月 未知成效,

妳說回家私補英文50一個鍾一星期5個鍾,妳覺得導師好嗎,可否pm導師資料給我嗎,

我囝囝學珠心算亦差不多十個月,妳覺得有用嗎?我就只係覺得減小數手指腳指,有時佢就會撥隱形算盤,

希望妳和囝囝早些康復,加油呀~

我咪和妳一樣,自己唔叻,唔識教,要比$$人教,唯有慳自己啦,有位BK媽咪講得對,生小朋友=燒銀紙

但係見到佢乖乖,叫聲媽咪“我愛妳”就覺得為佢做任何事都值得.

littlecat

唉! 上星期囝囝先考完試, 明天又輪到囡囡考, 呢排我真係未呌過氣, 而家小朋友讀書, 好似自己讀咁, 真係好辛苦.  其實同佢一齊溫習, 我都覺得冇所謂, 但見到佢哋d學習態度就好勞氣, 我希望快d捱埋下星期, 我就可以放下心頭大石啦.



    

Bambi

你地唔好嚇我, p1生要溫到am2:00! 佢可以同你坐o甘耐都好乖啦!
我仔都係p1, 近來都係為左要同佢溫習而忙. 其實上學期初頭都覺得無從入手, 但後來溫得多都有d心得既.
1. 要知道考試範圍, 無講就唔好溫, 費事晒時間.
2. 睇返之前派返既測驗卷, 掌握老師出卷手法, 如中文閱讀會有續寫句子, 填充(多為文中新詞), 問答(小一多係課文後之問答), 閱讀理解等等. 同佢溫時照老師出卷手法出d題目俾佢做. 英文亦一樣.
3. 全部生字要識寫 - 最起碼. 最好早1個星期同佢默.
4. 溫數學就平日要多留意佢最弱係乜野, 如小一可能係換$問題, 就針對多d黎教佢.
我近日都係照以上方法溫, 覺得佢無o甘辛苦我又無o甘side時間, 成績未知, 不過我同仔都盡左力.
其實平日要多留意佢功課有無做好, 如平日跟貼d, 知道佢弱默係邊, 即時同佢跟進, 考試溫書無o甘慘.
我暫時覺得呢d方法都ok, 唔知有無高人重有d你地覺得work既方法呢? or有無老師可以教下我地點溫習可事半功倍?

Nymph_

我自己有兩個小朋友.大嘅p.6,細嘅p.3
大細都係自己温,佢倆個温完再過我呢關,過到我呢關,佢就會有8字頭或以上.
其實我初初都好似你地咁,同佢地温書,温到大家都有壓力,出黎成績都唔係咁好,大家都好唔開心,相反,依家我

Ben2003

應該如此.....

[quote]
Nymph_ 寫道:
我自己有兩個小朋友.大嘅p.6,細嘅p.3
大細都係自己温,佢倆個温完再過我呢關,過到我呢關,佢就會有8字頭或以上.
其實我初初都好似你地咁,同佢地温書,温到大家都有壓力,出黎成績都唔係咁好,大家都好唔開心,相反,依家我

可口可樂

因為我自已唔識教，當然要補習啦、死啦一年班就要補習、都唔知要補到機時？我補習都係一對一補！$65補一小時日日補一小時、有時補二小時啦！
每月開支都好大，因為現今社會真係好大壓力！
我老公常常話(求學不是求分數)、雖然係這樣講、但現在唔係講就得啦、會比社會Out出來呀！
所以選擇學校係好緊要！
凡做父母都想下一代好啦！
次次我都教到 問你死未。

alice44

明天就考試啦! 我早兩星期已經開始溫書, 雖然佢唔係好叻, 但佢肯溫, 兩星期內會做番考試範圍的作業, 之後就黙所有的生字, 考之前一晚我會同佢再看書講解一次, 第一期測驗就麻麻地, 但之後都ok, 不過真是很大壓力, 因為p.2要分精英班, 所以要加倍努力, 我亦已盡力幫助佢啦, 希望佢考試時唔好太緊張便可. 因為佢都是一個很小心看題目的人, 佢個英文補習老師都是這樣說, 不過做卷就慢d, 可能因為小心, 所以慢.

lingling815

十分同意, 要訓練小朋友自己溫書, 如果唔係, 點同佢溫到高小?中學? 我小朋友由p2開始放手俾佢自己溫, 因p5下學期才開始計分做呈分試, 中間仲有3年走"棧", 開始時成績有些波動,但keep住同班住任溝通, 解釋佢溫習的方法.而家已經p6, 算ok!

tongtracy

我都知道你們辛苦! 加油呀! 我覺得不只為了囝囡考試分數, 而係看到他們盡了力, 都已經很好. 現代媽咪真的很大壓力, 我在想生多個就不得了     
可口可樂囝囝派左去旺角那一間小學 , 真的是但一科唔合格就無得升小二 , 好都覺得你囝很大壓力.