V-Tech V.Smile Pocket

傻妹

請問有無家長可以講下呢部機好唔好?d遊戲帶內容如何?邊度買機及帶最平?唔該晒.

emiluihk

emiluihk

emiluihk

emiluihk

呢部機都幾好,個設計同d games 都幾吸引
我個女次次去親toyrus 排好耐隊都照等,就算
而家買咗比佢都係要排嚟玩 ...
我個人就認為呢部機好就好在佢又可以帶出街,
又可以駁落電視,d games 都好啱細個既小朋友
玩,好過玩埋晒嗰d 打打殺殺 既games.
不過唔好指望會學到好多英文。第一,佢以英文
生字居多;第二, 小朋友玩多兩次就會知道大約
個答案,佢地會靠記憶去玩,而未必真係學到嗰個
生字,不過都有d games係考計數。
至於好唔好真係見仁見智

p.s. 我都係係toyrus買咋,所以唔知邊道有平 ...
   

傻妹

emiluihk,

唔該晒.
你女女幾歲?你覺得是否適合7歲細路玩呢?我見佢有d遊戲係for大個d細路.
另外,你意思係咪考同一個字既時候次次條問題都一樣所以佢地可以靠記憶去答問題?d遊戲會唔會考咩串字呢?遊戲種類cover範圍夠唔夠呢?
最後, 如果駁去大電視畫面會否唔夠清? thank you!

emiluihk

傻妹,

       我個女5歳,佢除機附送嗰盒games 就啱你個仔仔玩,
因要計數同d 生字會深d,但有character嗰種games就似乎細個d好d同埋佢個模式係一樣,所以佢地通常會用記憶去玩 ,至於再大d既games我又未去研究呀...

      駁咗落電視效果唔錯喎,不過真係幾貴,我都係等我個女排咗兩年隊先買比佢咋,我建議唔差在買出得街嗰部,反正佢d games 係共用既,好過佢地帶games boy 丫 ...

傻妹

emiluihk,

我就係覺得game boy既遊戲無學術性所以唔考慮.我個都係女,就黎7歲啦.
市面有無跟機果盒game既同級選擇呢?係咩名?我想search一下先.
咁你女女有無沈迷呢?

emiluihk

咁我又唔記得個games 名喎,沈迷與否你吓你有無控制佢啫
我個女唔多迷,因我平時收起,weekend先比佢玩,一來怕佢沈迷,二來唔係成日玩可以保持新鮮感丫麻...

傻妹

係,如果我買都係咁做.
要買幾多配件先可以駁上tv?定係跟機有咩?你有無買火牛唔使成日換電.

emiluihk

咦~~咁我又無研究有無火牛喎,因我地rechargeable battery,佢根機已經有cable 駁tv 好方便,不過只得單打,
唔可以另駁手掣,tv本身嗰種唔知有無雙打,無研究 ...

傻妹

emiluihk,

係呀,有個火牛ga,咁唔使成日買電芯.而座抬果部就可以駁多個joystick雙打添.

xellos

因之前有現開playstation,所以不用買線.
我有再加火牛,因不用煩

傻妹 寫道:
係,如果我買都係咁做.
要買幾多配件先可以駁上tv?定係跟機有咩?你有無買火牛唔使成日換電.

傻妹

xellos,

可否分享下你覺得部機如何?

xellos

我對這部機在各方面都滿意,當然不能與那些優質的遊戲機相比(eg. Game Boy).

在遊戲上，我很滿意，因一張game card不只是一種玩法，它是以多方面的方向去吸引小朋友，如我個仔他喜歡現那隻賽車Game，它的遊戲包括有：Number Sequence, Math, Road Safety Rules, Vocabulary, Spatial Skills, Social Studes，不是一味死板去開車。

不知它的成效有幾多，只因男仔都是喜歡一機在手，加上我個人認為是健康遊戲，便買給他。

如以吸收知識方向來看，這只是部用來引發他興趣的機器，也可以說是給我倆各自可以有自己時間的好東西（他玩機時，我才有得安靜）。不能太依賴它去教育我們的小孩，因它是死物。在玩具的各度來看，它是滿分。

以上只是我個人的見解，希望可以幫到你。

傻妹 寫道:
xellos,

可否分享下你覺得部機如何?

傻妹

xellos,

你既評價及見解都好清晰了,我亦去了解過部機,噚日去左反斗城,咁岩手提果部壞左佢地就開新機俾我地試;同你感覺一樣唔係一味打機,係要諗過先可以過關囉.而所諗既野係巳學知識,可以當溫習.
我女重話好鐘意重組句子添!不過由於唔想阻人太耐,試唔到最深既程度會出咩字/題目.normal個level似乎都淺左啲.
你仔玩邊個series?4-6歲 or 6-8歲呢?看看是否可以知道個程度.唔該你.

xellos

hi 傻妹,

我個仔５歲半，他是玩4-6歲的series，我覺得可以。始終是玩具，如果連去玩都被打沉信心，那還有什麼開心呢！而且深淺是因人而異，而這部機的game現時最多是support到九歲的小朋友。

你可以先買一個合年齡的game給她，如果她是位可以挑戰高難度的小朋友，才考慮再買高些level的game給她也不太過。

For your ref:
VTech V. Smile Pocket website

傻妹

xellos,

唔該你.  我係反斗城俾佢玩過6-8歲既normal級遊戲,係淺左d,如果可以試埋hard程度就好.不過費事阻住個staff無試到.手提部機唔平ga, 買左後先發覺d遊戲太淺就嘥晒啦.

onion-head

leapfrog 有部 leapster 都幾好，我見而家反斗城都有得賣，d games 都是以學習為主，全英文，games是針對不同歲數的小朋友設計，而且分level，初級game一點也不難玩。games 的人物都是大家熟悉的卡通人物，如迪士尼公主、nemo 等，ok架，可以睇下。

xellos

hi onion-head,

看了它在website裡介紹的demo，它的Parent Guide也有子細介紹。很吸引，有空我會去看看，多謝介紹。

onion-head 寫道:
leapfrog 有部 leapster 都幾好，我見而家反斗城都有得賣，d games 都是以學習為主，全英文，games是針對不同歲數的小朋友設計，而且分level，初級game一點也不難玩。games 的人物都是大家熟悉的卡通人物，如迪士尼公主、nemo 等，ok架，可以睇下。