天主教郭得勝中學

Timmylam

請問此校校風如何,成績如何,有冇小朋友讀緊呢間學校,可否分享吓!!

Timmylam

有冇人可以講吓呀!唔該!!

rprp

我試吓回應啦, 校風幾好, 不過成績就唔算好好, 公開試成績都係公佈合格率, 如果成績好好的學校會公佈公開試成績時係用優良率。

Timmylam 寫道:
請問此校校風如何,成績如何,有冇小朋友讀緊呢間學校,可否分享吓!!

dabbycheung

我都嘗試回應喇。
其實我朋友個仔響度讀緊F.5,但因為我朋友已經同佢老公離婚，而佢個仔唔係跟佢，所以唔係太方便幫你問。
不過舊年我響街度撞見佢個仔，曾經問過佢呢間學校既情況，佢話間學校其實各方面都一般，唔差，但如果同沙田區其他英中比，「郭」始終同佢地有一段距離，佢話佢同佢D同學成績比較好果D, 都比較鐘意「沙官」同「呂明才」，佢地好想入到呢兩間。佢仲話自從入到「郭」，呢幾年都有少少唔開心。(感覺上)
我諗呢間學校比較適合Band 1尾-Band 2頭既學生。

Timmylam

唔該晒rprp & dabbycheung呀!!

我都係幫朋友問,佢個小朋友今年5年級,讀書好好,屬band one 頭,佢聽人講話沙田有二間中學嘅通識做得好好,其中一間就係郭得勝,佢地呢兩年成績好似高左好多,入大學率都好高,係唔係呢?咁你地知唔知沙田邊間中學比較活動d,因我朋友唔想去d迫讀書嘅學校?

thks!!!!!

dabbycheung

Timmylam,

唔洗客氣，都幫唔到咩。
其實我對沙田區既中學唔係太認識，所以唔係太知道沙田邊D中學比較活動D,希望睇下其他媽咪幫唔幫到手。
不過我個人覺得既然你朋友個仔成績咁好，就緊係進取D,揀返Band 1頭既中學喇。我自己本人就比較鍾意“呂明才”同“沙官”，因呢兩間學校咁多年嚟響各方面既成績都非常特出，口碑又好，但唔知學校係唔係屬於死谷類，如果唔係就叫你朋友考慮下喇。

Timmylam

dabbycheung:

真係唔該晒你啲資料

我朋友都知沙官同呂明才係band one 中學,但佢聽聞沙官好谷成績而呂明才近年因注重課外活動令到成績下跌,今年嘅F1又再谷成績所以好多功課,做到啲學生CC吓.呢啲佢都係聽番嚟,所以佢想仔仔可以去間校風好,活動D嘅學校,唔想謮C書呀!!

HPChingchingma

Timmylam>>
你所聽到的也是我聽的一樣 .
而我聽到一些出自讀預科生口中, 亦指出在沙官自己校園亦早已養成競爭的學習精神 . 不是係 BAND ONE 學生都可以有這樣精神 , 亦要看小朋友性格是否有遇強越強的精神, 若配合得好就更理想.

而你所指 <<<所以佢想仔仔可以去間校風好,活動D嘅學校,唔想謮C書呀 >>>

唔知會不會是" 沙循 " 呢 ??
因為此校的通識教育早在10多年前 , 已在全校推行 , 是最早第一批推行通識教育的學校.

mos2468

我個細仔係天主教郭得勝中學今年讀F.2，佢係沙官小P.6係Band One頭學生，派位唔理想去咗郭得勝叩門收左佢。

細仔可能佢學業上無乜適應問題，讀得輕鬆， 好幾科成績仲係全級top ten，佢都讀得好開心，又做prefect, 紅十字會員，科學大使。我較為欣賞該校訓練學生獨立--參加軍訓，領袖訓練班，義工服務。所以讀得開唔開心，好視乎個人因素。

郭得勝F.1 - F.3 無分精英班，老師都好有心及多年教學經驗，老師資歷及質素不成問題。近兩年會考成績係高左，會考合格率維持九成以上，入大學率都有九成。辯論及體操係郭得勝嘅强項。細仔個班嘅外籍英文老師係full-time教佢果班英文，並唔似某些學校一星期得一課外籍英文老師堂。

我有問過讀緊沙官中嘅姪女(以前都係讀沙官小)，佢話F.2已開始分兩班精英班，同學們嘅成績都好參差。因為沙官中收咗好多沙官小band 2生(坐底佔2班)，全級叻嘅都係一兩班學生，學校主力谷精英班。讀緊精英班嘅姪女話精英班中叻嘅學生就好叻，好容易被比下去。相比郭得勝收band 2生反而少過沙官，佔5%-10%(20個以下)，band 2 生通常係跨區攪珠得番嚟，e.g.九龍城，油麻地。

姪女話校方公佈上年會考，沙官中全級英文科得1個A，其實自從由5個band轉做3個band後，好多以往嘅名校都有以上嘅情况，名大於實，正一"你睇我好，我睇你好"。

我個人覺得始終都要睇自己子女是否夠實力應付，否則好似細仔d舊同學入到沙官中適應唔到，e家又要担心F.3後會被趕出校。當然如果成績追唔上，有可能會讀得唔開心。

純粹個人分享，如有冒犯，多多包涵。

man-man媽咪

timmylam:

我仔仔今年都係5年級,佢成績都係band one 頭,佢係一間有聯繫嘅小學讀,佢自己好想去番自己中學,中學都係band one嘅英中,但我又好似你朋友咁嘅諗法,想搵一間活動啲嘅中學,因為我覺得中學對小朋友影響好大,自己中學好谷架,唔想佢剩係叻係讀書方面,希望佢可以多方面發展.睇左mos2468回應,又知多啲郭得勝呢間中學,因早前都有朋友同我講過此校嘅老師好有愛心,無論成績好唔好嘅學生,佢地同樣關心,師生關係好好,校風又好.令到我對呢間學校有好感,我會從各方面再收集吓資料,同埋會帶仔去學校觀察吓啲哥哥姐姐,希望仔仔留意吓其他中學,唔想佢揀錯呀!!

我仔仔間學校都好多師兄師姐過左沙官,學校好唔好真係好個人,有人話好又有人話唔好,但上F.4競爭真係好激烈!

LNK

其實到了中四學校必然谷成績, 要生存就要有成績是絕大部份學校的宗旨. 表面上看到學校又玩得又讀得, 味又係個別學生的個人專長所發揮的效果.好明白家長要抉擇的心情, 驚選擇錯誤累佢一世, 又驚佢的競爭力不夠人強, 又驚佢太大壓力......
如果有以上問題的父母, 我胆敢說一句其實你對自己的仔女的性格應該都瞭如指掌, 選校花多眼亂, 針對自己的仔女的性格, 選心目中的幾間目標, 多了解目標的資料, 應該選擇錯誤的機會會減低.

man-man媽咪

mos2468:

我想問吓學校有否開放日,如果有,可否通知,謝謝!!

mos2468

man-man媽咪,

二月份已舉行了開放日。可能要待下年二至四月。

昨日細仔剛參加完"AYP"(香港青年獎勵計畫)嘅考章活動，今日原是復活節學校假期，班主任卻約了全班去西貢燒烤，仲話邀請埋家長去，但我要上班，未能同行。

其實有一樁小事令我對該校增加好感。上年，細仔是F.1仔，忘記帶運動服因仲未習慣，便打電話叫我把運動服趕快送到學校。當我趕到學校時，細仔已入了班房，我只好將運動服交給校務處，待校務處轉交俾細仔。點知，小息時細仔被召見副校長，副校長對細仔講：『你已上到中學，大個仔la，要學習照顧自己，你知唔知今日你令媽媽咁辛苦趕嚟學校送運動服俾你，你回家後記得講多謝媽咪，同埋應承我唔好再忘記帶運動服，否則下次要留堂。』自次以後，細仔無再唔記帶運動服。當然有d學校懶理呢d事，費事教你做人，只要讀掂書就算。

呢一代温室長大的學生好多時都已被寵壞，所以學校無時無刻教學生學習長大，去軍訓自己洗衫、洗碗，男女生一律要上家政班，學針紙和烹飪。過年前，學校仲安排同學們放學後去探訪獨居老人家兼送米，雖然同學們是辛苦，但從中讓他們學習關懷。   

我個人覺得一個好學校，唔單止灌輸學生知識，亦需要教學生做有責任、愛心嘅好公民。

man-man媽咪

mos2468:

好多謝你嘅再次回應,我都好同意郭得勝係一間好學校,因我每次問唔同嘅人對呢間學校嘅睇法,好多都係正面嘅評價,唯一啲朋友係覺得學校名氣無咁大,我仔仔可以去啲更有名嘅名校.但我覺得唔緊要,我只想揀到一間適合仔仔嘅學校,讀得開心之餘係品格發展方面都好重要,你所講嘅小事,令我對此校更有好感.現在唯一是仔仔對此校不甚了解,我會將你提供嘅資料列印比佢睇,希望佢可以多一個選擇,唔好剩係一心諗住番自己中學,應該放遠眼光多留意其他中學.

skchan720

mos2468,
你仔仔而家讀緊郭得勝中學.....請問有以下問題可否告知............
1. 郭得勝中學自行收生人是否只收band one頭學生呢?
2. 統一派位band one尾學生簡郭得勝中學做第一自願是否正確?
3. 會不會有宗教活動呢?
4. 除中文之外,是否全英授課?
唔該哂.....

mos2468 寫道:
我個細仔係天主教郭得勝中學今年讀F.2，佢係沙官小P.6係Band One頭學生，派位唔理想去咗郭得勝叩門收左佢。

細仔可能佢學業上無乜適應問題，讀得輕鬆， 好幾科成績仲係全級top ten，佢都讀得好開心，又做prefect, 紅十字會員，科學大使。我較為欣賞該校訓練學生獨立--參加軍訓，領袖訓練班，義工服務。所以讀得開唔開心，好視乎個人因素。

郭得勝F.1 - F.3 無分精英班，老師都好有心及多年教學經驗，老師資歷及質素不成問題。近兩年會考成績係高左，會考合格率維持九成以上，入大學率都有九成。辯論及體操係郭得勝嘅强項。細仔個班嘅外籍英文老師係full-time教佢果班英文，並唔似某些學校一星期得一課外籍英文老師堂。

我有問過讀緊沙官中嘅姪女(以前都係讀沙官小)，佢話F.2已開始分兩班精英班，同學們嘅成績都好參差。因為沙官中收咗好多沙官小band 2生(坐底佔2班)，全級叻嘅都係一兩班學生，學校主力谷精英班。讀緊精英班嘅姪女話精英班中叻嘅學生就好叻，好容易被比下去。相比郭得勝收band 2生反而少過沙官，佔5%-10%(20個以下)，band 2 生通常係跨區攪珠得番嚟，e.g.九龍城，油麻地。

姪女話校方公佈上年會考，沙官中全級英文科得1個A，其實自從由5個band轉做3個band後，好多以往嘅名校都有以上嘅情况，名大於實，正一"你睇我好，我睇你好"。

我個人覺得始終都要睇自己子女是否夠實力應付，否則好似細仔d舊同學入到沙官中適應唔到，e家又要担心F.3後會被趕出校。當然如果成績追唔上，有可能會讀得唔開心。

純粹個人分享，如有冒犯，多多包涵。

kc2021

To : MOS 2468

小兒今年是小6生, 見到你在此討論選中學資料, 想請教一下在沙田選校心得, 小兒也是 Band 1 頭, 2次呈分試都是全級第2. 有沒有心得分享下. (在自行選校頭5個點選)
Many thanks.
ps. Are you live in Ma On Shan.  

mos2468

skchan720,  

1.  郭得勝中學自行收生亦有收band one尾學生或band 2頭學生(但band 2頭唔會多，好視乎面試表現--英語對答)。
2. 統一派位band one尾學生選郭得勝中學做第一自願--可行，但都要視乎隨機號碼。好似細仔全級考10幾，派唔番沙官中，反觀其他同學全級考30幾, 80幾甚至100都派到沙官，時也命也，不過依家睇番"塞翁失馬，焉知非福"，細仔嘅老師對佢痛愛有加，細仔又鍾意番學，最緊要佢讀得開心，仲有讀書嘅興趣，佢呢排仲睇緊F.4嘅chemistry同bio書或得閒向Science老師同husband(佢以前都係教中學理科)請教。
佢d同學有band one頭及尾學生來自，馬主、馬循、呂明才、聖華、跨區-油天、聖芳濟各、華德。
3. 學生每日都要英語念經祈禱，學校有團契班，可自由參加
4. 除中文、家政、中史、宗教外, 其餘科目全英授課。

題外話，據細仔講亦有band one同學升上F.1後成績一落千丈，類似同剛過去嘅星期日新城電台嘅"爸爸媽媽坐下來"(由梁天明博士主持)，有個媽媽打佢電台話佢女兒小學時名列前茅，考入band one英中唔適應，讀到F.3都年年包尾，女兒整天嚷着唔願上學，個媽媽話小學時女兒靠補習同媽媽幫佢讀書，女兒根本自己唔識讀書方法，呢個值得做家長反思。

[quote]
skchan720 寫道:
mos2468,
你仔仔而家讀緊郭得勝中學.....請問有以下問題可否告知............
1. 郭得勝中學自行收生人是否只收band one頭學生呢?
2. 統一派位band one尾學生簡郭得勝中學做第一自願是否正確?
3. 會不會有宗教活動呢?
4. 除中文之外,是否全英授課?
唔該哂.....

mos2468

man-man媽咪：

其實學校名氣大，仔女背負嘅壓力仲大。對我來講，係名氣不大嘅學校，如果讀得好，最後咪一樣可以入讀大學，殊途同歸，所以入大學絕不是名校生專利。

下面條link，包含學校近年校外及畢業生在(HKU, HKUST & HKBU)大學取得的獎學金及獎項，一d都唔失禮。

http://www.ktscss.edu.hk/05-06_Awards.asp

skchan720

mos2468,
多謝回應....十分詳盡...... .......我都希望亞仔搵到適合佢個間學校......可以讀得開心d !

mos2468 寫道:
skchan720,  

1.  郭得勝中學自行收生亦有收band one尾學生或band 2頭學生(但band 2頭唔會多，好視乎面試表現--英語對答)。
2. 統一派位band one尾學生選郭得勝中學做第一自願--可行，但都要視乎隨機號碼。好似細仔全級考10幾，派唔番沙官中，反觀其他同學全級考30幾, 80幾甚至100都派到沙官，時也命也，不過依家睇番"塞翁失馬，焉知非福"，細仔嘅老師對佢痛愛有加，細仔又鍾意番學，最緊要佢讀得開心，仲有讀書嘅興趣，佢呢排仲睇緊F.4嘅chemistry同bio書或得閒向Science老師同husband(佢以前都係教中學理科)請教。
佢d同學有band one頭及尾學生來自，馬主、馬循、呂明才、聖華、跨區-油天、聖芳濟各、華德。
3. 學生每日都要英語念經祈禱，學校有團契班，可自由參加
4. 除中文、家政、中史、宗教外, 其餘科目全英授課。

題外話，據細仔講亦有band one同學升上F.1後成績一落千丈，類似同剛過去嘅星期日新城電台嘅"爸爸媽媽坐下來"(由梁天明博士主持)，有個媽媽打佢電台話佢女兒小學時名列前茅，考入band one英中唔適應，讀到F.3都年年包尾，女兒整天嚷着唔願上學，個媽媽話小學時女兒靠補習同媽媽幫佢讀書，女兒根本自己唔識讀書方法，呢個值得做家長反思。

HPChingchingma

mos2468>>
其實郭得勝在沙田口碑唔錯的 .
去年你仔仔在統一選校時 , 是否頭 5 間是最TOP 的英中, 放在前面??去年我知道唔少 BAND ONE 組別學生多是這樣排位 , 但多是派得不甚理想.

據說是沙田英中多 , 故信心大增而有這樣排位, 不知對不對 ?