請問"荃灣區"有邊間小學好？

iristse190

  因為遲些可能搬去荃灣，想請問"荃灣區"有邊間小學好？

任何仁

荃灣區都有幾間好學校既~
不過唔知你想點樣叫做好喎，e.g.師資、課外活動、地點
天佑小學、伍季明、海壩官小都幾好

jcctiu

以下是荃灣區比較受歡迎的小學，每年都可以收足學生:
A.        浸聯會小學        
B.          基慧小學
C.        基慧小學（馬灣）
D.        靈光小學
E.        荃灣官小
F.        海壩街官小
G.        柴天上、下午校
H.        伍季明上、下午校
I.        天佑小學
J.        荃灣天主教
K.        天主教石鐘山

這些學校好唔好就幾難講，每人的心水都可能唔同，不過若單以成績來睇，浸聯會小學、基慧小學、靈光小學和天佑小學會比較突出一些。

summer_66

我想問下基慧小學 (荃景) &  基慧小學（馬灣）有什麼分別, 除新舊之外, 課程 & 師資 ????? 多數媽咪都推介基慧小學 (馬灣）why ?????

thanks.

jcctiu

summer_66 寫道:
我想問下基慧小學 (荃景) &  基慧小學（馬灣）有什麼分別, 除新舊之外, 課程 & 師資 ????? 多數媽咪都推介基慧小學 (馬灣）why ?????

thanks.

未去過馬灣的家長多數會認為馬灣基慧隔涉，但若你去看過學校之後，你就會被學校的校舍和設施所吸引，校舍寬敞而光線充足，特別室比一般學校大至少1/3，天台有溫室和校園電視台等，真不愧為新鴻基的精心出品。學校很注重培養學生的責任感和對學校的歸屬感，因此多數學生都會參與 「一人一職」計劃去服務學校和同學，高年班的學生更會被委派作膳長或親善大使等岡位。我識得一個朋友的女女在馬灣基慧讀p1，她說女女都讀得乖咗和開心咗。至於成績方面學校一向都沒有公佈，不過以基慧的往績來看，我唸應該不會太差。

舊基慧的成績一直都很好，在荃灣僅次於浸聯，有>50%的band one學生，這和學校校長著重學術成績很有關係。至於學生大多是循規守禮的，校風相當之不俗。不過舊校相比起新校的環境當然是相去遠已，而且更重要的是學校的資源似乎並不十分充足，學校有些須要改善的地方也很難望在短期內做得到。

其實我覺得兩間學校在荃灣都是很好的學校，只不過人總是會貪新忘舊，這從今年的自行收生人數也可反映一二。馬灣基慧對比去年收多了超過兩成的申請，繼浸聯之後在荃灣成為收生的大贏家，剛好相反舊基慧今年就比去年收少了兩成的申請了。

rclamlam

summer_66 寫道:
我想問下基慧小學 (荃景) &  基慧小學（馬灣）有什麼分別, 除新舊之外, 課程 & 師資 ????? 多數媽咪都推介基慧小學 (馬灣）why ?????

thanks.

我大女宜家係基慧(馬灣)讀緊小六, 出年就升中啦, 聽見家教會媽咪講, 去年升中既成績都幾好, 比之前更好, 我覺得呢間學校除左校舍/設施新之外, 同學都會讀得比較開心, 功課唔會太多, 通常係5-6樣, 比起外面既少左, 但係成績又唔會因為少左功課而下跌, 老師同學生既關係好好, 兩間基慧既成績大致差唔多, 只係家長希望小朋友近屋企定係要坐校車番學啦.

sixcats

有冇家長讀緊荃灣區的天主教小學?   邊間好d?  係唔係20分必入?  謝謝.

rclamlam

sixcats,

柴灣角天主教小學(上/下午)考到既中學都唔錯, 20分入唔入到就唔知喎, 你可以去佢學校個網度看下.

Connie_lun

請問伍季明上午校考到既中學好唔好？

peggy

我囝囝今年小一自行收生, 15分入了柴灣角天主教小學(上午校),

sixcats

謝謝大家的回應, 柴灣角天主教小學上午抑或下午好d呢?

Ho_Ho_ma

睇中學派位就是柴灣角天主教小學的上午校好的，但下午校就讀得比較興輕鬆．不過上午校的時間好用的及上下午校０７年都會轉全日制．但是而家上下午校都有幫小一及小二做功課及補習班．上午校就在放學後，而下午校就在上午．我都想知效果好唔好．因為我個仔派了柴灣角天主教小學的上午校．不過我知道上午校雖然是活動教學但每教完一課就會有評估（即測驗），每日有四至五樣功課．及校內有每級都有成績流行榜．妳要睇下妳的小朋友受唔受到．而且在第二輪的大抽籤都有好多人會選柴灣角天主教小學，上午校在第一輪就已派了６３個位，不過唔知有無人無去報到．小一就有四班總共有１４３個位．但下午校就派了３６個位．　希望這些資料會幫到妳．

sixcats

Ho_Ho_

  原來你仔仔派了柴灣角天主教小學的上午校, 07年將搬入深井, 學校有冇confirm果年一定會搬架? anyway, thanks for your prompt reply.

peggy

新校將於07年底落成,  學校會08-09年新學期搬.
照我所知校內的成績流行榜, 只公佈頭4位.

summer_66

hi jcctiu

多謝你資料, 其他媽咪d資料我都有睇過, 真係好"岩"用.

many thank.

Ho_Ho_ma

妳有無佢地的補習及功課班的消息,的補習老師是否幫到手.因為補習老師唔是校內老師. 謝!謝!

peggy

小一及小二做功課(導修堂)及補習班是這一.兩年才開(不用收$), 從前的補習班要收$300per month, 因我老公同事的囝囝正讀p.5(補習斑 要收$), 不知是否同一個補習老師 , 所以我也不知效果如何.

Ho_Ho_ma

謝謝妳的資料,因為要找柴灣角天主教小學上午校的家長交流意見唔容易.

peggy

不用客氣, 我囝囝和你囝囝同校, 得閒可以一起交流下呢.
你囝囝有上柴天上午校的星期六英文斑嗎?

Fchim

請問有冇靈光及浸聯會小學的家長可以分享一下?