港島真光？聖嘉勒小學？基灣？嘉諾撤聖心？

yuanli

全部是傳統學校，但除基灣外，其餘都有連繫/直屬中學。

我會選:
1.聖心
2.聖嘉勒
3.港真
4.基灣

豬仔兔

我都係住東區,基灣就一定係深,傳統教學,功課量唔少,好處係津校唔使交學費。

聖嘉勒一年返上午班,一年返下午班,比較麻煩,尤其係小朋友平日(一至五)學開既課外活動班,每年都要因為返學時間改變而要轉時間,我有個朋友既女兒今年升小四,由聖嘉勒轉左去聖心上午(私校),佢話都係一d高年級既家長建議佢幫亞女轉校,但詳情我就唔知,佢個女話去到聖心都見到好幾個以前既同學仔喎??

如果聖心下午校就唔好考慮啦,一來住東區,夜晚放學好鬼夜,返下午班時間方面唔係好好用(因為我個女去年轉左學校,由上午班轉為返下午班,自始之後就發覺時間唔見用,平時下午放學後參加開既課外活動又唔可以再繼續,上午未返學前又冇乜班會開,放學後人地都已經上完啦!)

真光聽講好似幾好(我同事個仔響呢間小學畢業,而家中三),功課量唔係太多,學生都幾開心,返全日,校舍又大,如果係女仔就更好,可以揀返自己中學(雖然唔知幾年後中學仲會唔會keep到個band1名),起碼有返d親切感囉!

一號

My girl is studying in 聖嘉勒小學, it's a good primary school but it's very traditional and emphasize a lot on the displine.  

Agree with 豬仔兔 that 一年返上午班,一年返下午班 is very troublesome.

Sindy

豬仔兔 寫道:
如果聖心下午校就唔好考慮啦,一來住東區,夜晚放學好鬼夜,返下午班時間方面唔係好好用(因為我個女去年轉左學校,由上午班轉為返下午班,自始之後就發覺時間唔見用,平時下午放學後參加開既課外活動又唔可以再繼續,上午未返學前又冇乜班會開,放學後人地都已經上完啦!)

聖心校車約十一點九返學.....六點五分放學...同東區既半日學校差唔多,仲放得早過嘉諾撒同北角,咁全日就無得好講....但講學校就真係水準高d既,好多東區既聖心學生都一樣有課外活動,睇下你點安排啫,其實咁仲好,我女學野都唔駛同人逼,如果為左學課外活動而放棄一間咁好既學校就真係唔值啦

5354

聖嘉勒小學change to whole day this year la~~

alienova

我有排到未到同個女揀小學，不過對個topic 都好有興。好奇怪係東區，既然會考慮跨區揀聖心，點解唔考慮嘉諾撒?

我細個係讀基灣隔鄰的小學，唔係好醒的細佬讀基灣，但記得那裏的老師好差，有恰學生, 功課又多又深. 後來他轉校, 但間中，我都有問下傾下呢間學校而家點 (反而我都冇聽過我間小校變成點添)，sofar 咁耐聽返，都冇咩變過 (我有中學同學講明唔鐘意呢間母校)，所以個人覺得基灣係唔好的.

Sindy

alienova 寫道:
我有排到未到同個女揀小學，不過對個topic 都好有興。好奇怪係東區，既然會考慮跨區揀聖心，點解唔考慮嘉諾撒?

佢地修會..港島區龍頭係聖心...九龍龍頭係聖瑪利

Marymama88

明年9月在St Clare's入讀小一的都會是全日制, 全年學費是HKD25,000.00

fredericayang7701 寫道:
般含道個間St Clare's真是在05-06學年開始轉做全日制？

Charlotte_mom

no喇, st clare今年入小一既已經係全日, 黎梗既亦會係全日
聖心上午係私小下午津校, 考入去既方式都唔同...好難比較, 多數人話上晝程度深d, 又有媽咪話唔係, 上晝只係英文好d, overall下晝較深wor 不過好肯定, 上下晝都會幾大功課壓力lor
前排有媽咪post左明報既"入學指南"(類似咁野), 話基灣有成91%係band one學生, 好勁, 不過都聽過人講話功課好大壓力, 仲有, 佢都係津校, 個人覺得無把握入既, 恨都無用
至於真光, 我自己就放棄左喇, attach一份視學報告俾大家作reference, d專家話, 通常呢d report都唔會太唔俾面, 想睇"戲肉", 主要睇d "however"之後既野, 同埋最後一part對學校既建議, 大家得閒就睇下啦
http://www.ed.gov.hk/FileManager/TC/Content_4327/es22-hktruel_emi.pdf

15分

Charlotte_mom,

你係唔係善於寫這Report, 好清楚佢D format.  "However"之後正是它們應改的地方 (Conclusion).

點解你好似好不滿意真光, 分享吓?

Ms.ChanChan

其實唔同地區小學的banding不能互相比較，因為banding係以同區小學學生劃分。
所以東區某校同西區某校是不能夠用banding來比較的。

Charlotte_mom，

真光份報告係中學o窩，唔係小學。

好，我又post下聖心中學個report先。
http://www.emb.gov.hk/FileManager/TC/Content_4327/es09-heartcan_emi.pdf

莫講話我真係唔覺得聖心小學壓力好大，即使係上到直屬中學我都覺得回報係成正比的。

Charlotte_mom

15分
好唔滿意真光? 唔至於....不過我驚佢英文唔夠好就係喇
正如視學報告所講, d學生係好乖好有禮貌, 家校聯絡十足, 對學生亦好關心, 好多人同我講真光好, 又band one etc, 我唔知d家長從咩途徑得到呢d資料呢? 我就有d擔心所以決定轉校, 之前我唔寫咁多, 就係想各位睇教統局既comment, 好過聽我亂up....

聖心學生叻, 我都知, 我驚我個女跟唔上, 到時又要轉校我就頭暈....
另外, 我都想搵真光小學份report, 不過無, 唯有睇中學啦!

Ms.ChanChan 寫道:
Charlotte_mom，
真光份報告係中學o窩，唔係小學。
莫講話我真係唔覺得聖心小學壓力好大，即使係上到直屬中學我都覺得回報係成正比的。

Ms.ChanChan

Charlotte_mom，

我估真光小學，聖嘉勒小學同聖心私立部小學都唔會有視學報告o，因為係私校。

15分

Charlotte_mom,

難度你唔同意她們所講,但意見全都是好正面,而你卻話"我就有d擔心所以決定轉校".   

其實有咩唔好,發表多些你的見解.Mr.ChanChan都說得對,份報告係中學喎 !!

Charlotte_mom

15分
我唔知點解釋, 可以咁講, 因為我個女讀緊k3, 所以我更加清楚佢既英文程度, 可能真係上到小學/中學至黎"發奮"啦, 我唔知, 我個女未讀過, 但的確有真光舊生同我講過, 中學程度係好(in terms of校風&hkcee results), 但英文真係比出面學校差, 亦有做HR既朋友講過真光畢業生既英文.....
由於我細妹細個就係讀左間"各方面都好, 就係英文唔夠好"既小學, 讀到上去, 想追返好d英文都唔得, 我好怕我個女就係咁樣
如果有小學既報告, 我都想睇下, 可惜無, 所以睇中學, 我會覺得既然讀得佢間小學, 都係為左上返同校中學姐, 所以assess埋中學部, 都好應該
(我唔想o係度話間學校點樣點樣, 話晒d老師都教左我個女幾年, 教識佢好多野, 我識入面好多老師家長同學, 有份感情o係度, 應知既資料我都post左, 讀唔讀得過, 請各位自己唸下喇 )

15分

現在有冇帮你個女補習英文?

Charlotte_mom

由k2開學已經開始有....

alienova

Sindy 寫道:
[quote]
alienova 寫道:
我有排到未到同個女揀小學，不過對個topic 都好有興。好奇怪係東區，既然會考慮跨區揀聖心，點解唔考慮嘉諾撒?

佢地修會..港島區龍頭係聖心...九龍龍頭係聖瑪利

[/quote]
sindy

呢個都知道的…因為我中學都係讀呢個集團啦…
不其實上文我有手快快，打漏左d：我本來奇怪這媽咪，既有跨區揀聖心，聖嘉勒etc 的想法，但同時有考慮同區的教會學校基灣，點解都唔諗下揀埋亦是教會學校的嘉諾撒學校?

嗯…不過我之後有個新的想法：一定係屋企住得近基灣吧…   


我想問一下，除了明報的入學指南外，一間小學，出幾多xx%的學生係band 1 的資料，仲可以在哪裏找參考?