06-07準備入讀Kentville的家長請進~~

poonhui

HI, all mami,
我囝囝係k1d, 佢返了兩日學, 暫時都算順利, 無咩抗拒!  佢仲好鐘意自己拎住個書包返學, 無哭過, 暫時都算ok!

今日我要幫囝囝換校服, 所以10點幾到學校(kent road)office.  入到學校, 當然係8下d小朋友上堂情況, 當時有個女仔, 跟兩個老師在校園草地旁, 見老師好像是勸/哄果個女仔回課室.  個女仔係扎兩條辨, 少少肥, 估佢應該係最出課室果班的 (即slide隔離果課室), 不過個女仔都好叻, 識同老師bargain, 唔係大哭果種!   之後, 我入office換完校服, 出來時巳見佢地學排隊, 好守秩序!

其實我都想逗留耐d, 當係觀下課都好, 不過真係搵唔到藉口

mymavis,
果個女仔會唔會係mavis???   佢斑房係唔係近花園果個?   講真, 我都好耐無見mavis lu~  搵日要出來見下你喇!

poonhui

Felicia726,
我地搭褓母車要8:05am在屋企樓下等, 通常我會要囝囝夜晚9點就入房要佢睡, 聽下歌, 講下故事.....飲奶, 一般10點幾就一定睡了.   
不過, 好奇怪, 佢返了學兩日, 但午睡竟然可以睡兩個幾鐘, 唔知今日又可以睡幾耐?!!!

all,

kent road campus小朋友, 明天你地係唔係著pe uniform?

poonhui

alisonchueng,

thanks!
你有無發覺pe uniform 條褲仔係短d架?  我問過老師, 佢地話設計係咁!

poonhui

FungMm,
係呀, 我知kent road 學生係要坐校車去 dorset road 轉車, 因dorset road係集合點分線出各區域.  我上星期有視察環境, 無論校車抑或褓母車都係先去了 kent road接學生, 然後再去 dorset road.  

講開早餐, 我都頭痛, 通常我囝一起身都會飲樽奶, 然後就俾1塊果占/ 花生醬麵包佢食, 但多數食到半塊多d就唔食, 可能飲了奶關係.  所以, snack box就會放蛋糕仔/ cereal/ 餅仔, 一般佢都會食晒.  不過, 我都唔敢俾太多, 怕影響佢 lunch食量.

all,
有無Kent road K1D學生家長?  

poonhui

FungMm,
你意思係件校服在校車唔見了?   
老師同佢換了乾淨衫, 咁應該都會keep住套dirty校服架?!

如佢上星期都係慣了飲完奶先上校車的話, 未必關搭校車前飲奶事的.  其實, 呢兩日天氣涼了, 留意下囝囝身體, 你囝囝會唔會係唔舒服, 所以先嘔奶呢?   take care!

poonhui

我都好擔心, 返學同放學都咁大雨, 至弊係大雨都唔緊要, 加埋d風吹埋來, 真係橫風橫雨, 成個人一定濕.  

今早送囝囝上車, d雨同風係咁吹埋來, 我囝都話驚驚, 唯有一手抱起佢幫佢擋下雨.  送完佢上車, 我成身都濕要上樓換過套衫先可以返工.

唉, 咁細個沿路搭車唔擔心就假, 上車下車又怕佢地跌到, 做媽咪真係唔易架.  下次再有咁情況, 自己決定唔同佢返好過   天文台真係靠唔住!

poonhui

all,
昨日工人同我講囝囝個name tag扣針壞了, 於是我寫了個note俾班主任.  佢頭先call我, 通知我巳更換了, 以及講下囝囝上課情況.  
我個囝係細仔 (10月尾出世), 所以我問班主任佢在適應週內表現, Miss Mi 都講得出我囝囝性格特性及平時行為, 給了我幾好印象, 起碼佢真係有觀察.  所以, 我都好appreciate老師的表現.
係呢度睇下其他mami分享, 我對kent暫時都幾滿意.

仲有老師confirm了呢兩個星期係唔會教書, 主要係俾學生認識校園, 學下排隊, 講故事, 唱歌仔, 玩魔術, 看魚仔........, 等佢地熟習下學校環境.  待適應週過了, 下星期會派syllabus 先開始教書.   

poonhui

小Ruby媽咪 寫道:
Hi poonhui,

Are your son also studying in K1D in Kent road? I think we can share their school life in KV from now onwards.

小Ruby媽咪,
Nice to meet you!
My son is studying in K1D and his class teacher is Miss MI.  Have we met at orientation day on 1 Sep?  On that day, I just exchaged the phone no. with some parents.  

Miss MI is a nice and experienced teacher as one of the upper class parent told me.  I am so glad to hear that my son is guided by a good teacher. Up to now, my son has no resistant for schooling.  Hope the kids enjoy their school life very much.

Let's sharel their school life and keep in touch.   We can know our childen progress by surfing this web site.  YEAH!

poonhui

龍鳳,
如果有買保險又或公司福利可以cover, 選私家醫院會好d.  所以, 我都幫囝囝填了浸會.  同意其他mami講, 通常緊急情況, 學校先送去醫院, 私家起碼唔駛等呢!  

poonhui

alisoncheung 寫道:

Longlongmum,

我囝今日都第一次換咗自己帶去條褲    ,老師同工人講話佢小便時弄濕,明天都要問問老師大概多久才去vv一次

alisoncheung,
你個囝換褲的問題, 上星期我個囝都試過.  班主任果日call我, 同我講我個囝換了自己帶去的褲, 當然我都好似你咁, 問老師隔多久去一次?  老師答, 以上星期適應週為例, 會去3次, 1st 全部學生返齊 (around 9:15am), 2nd 小食時間前去排洗 (around 10: 00am), 3rd 放學前 (around 10:45am).  
而我囝班主任就話, 其實佢地多數唔係忍唔住而癩, 只係仲未識將bird bird仔拎出來就去 (因學校依家教佢地穿住面褲, 好似大人咁小便), 所以開頭係好易弄濕褲仔.

poonhui

alisoncheung,
哈, 我囝上星期都係thursday換褲的, 果日佢係穿PE uniform. 所以, 我估學校係唔理佢地穿恤衫西褲, 抑或PE uniform, 嬸嬸老師都係教佢地唔好除褲, 免小朋友地佢confuse卦.  
今日正常school day, 唔知佢地上洗手間又點分配時間?


all,
唉, 見你地講開校車/褓母車, 今日我工人都話佢好早落街接, 但竟然要等好耐, 起碼遲了15分鐘, 唔知係唔係今日normal school day, 有d 混亂.  工人話車到了, 但我囝就睡著了 zzzzzz....zzzzz. 要執佢落車呀!   

poonhui

hi, all mami,
今日我自己帶囝囝返學, 入到學校見搭校車的小朋友自己行入課室, 沿路上見佢地主動同老師講早晨, 個個咁細個拎住書包, 自己行入課室. 真係好叻仔叻女!

入到課室, 我見座位排法係"口"字排位, 即一面黑板, 其餘3邊坐學生,  圍住老師的, 唔知之前係唔係咁呢?  (因我適應週無帶過囝囝, 只由得佢坐褓母車回校).  老師今早分開對手同腳做了個動作, 問我囝囝呢個咩字, 佢答係"大" 字,  原來昨日巳教了個 大字了!   

poonhui

hi, 小Ruby媽咪,
我1 SEP 果日係9:30am, 所以見唔到你了.

平時我囝都係坐褓母車返學, 今日我想同miss mi傾下計, 所以自己帶佢.  今日我見座位都係"U"/ "口"型擺法, 而我囝囝就係被安排到面向黑板果邊的座位.  佢係細仔(10月尾出世), 可能老師想留意佢發展, 定抑或係我囝naughty呢?!

下次有機會, 我留意下你囡囡先, 佢係唔係叫Ruby?

poonhui

小Ruby媽咪 寫道:
Hi PoonHui,

My daughter’s English name is Vienna, you can call her Kiki. Ruby means 紅寶石=寶貝. She was born in mid Nov but her size is quite big.  May I know your son’s name so that I can also locate him if I bring my daughter to school.

小Ruby媽咪 ,
please check PM 私人傳訊!

poonhui

mooon and all KV mami,
同意你們所講, 我們選KV現階段無人可以絕對肯定是對定錯, 正如好多家長會選其他幼稚園作為佢地的選擇一樣, 因無人知邊一間幼稚園係100%好的, 每間幼稚園一定有強與弱之處, 只係我們衡量過, 先為仔女選認為係最好的.  (至少我們心中肯定某一些地方先讓仔女入讀 )

moooon 寫道:
.....有時有朋友或親戚，在問到小朋友返那一間幼稚園的時候，當說完是返九龍塘....。
....，只是，孩子讀書的日子漫長，想看看家長有何良方去面對這些「無謂」的壓力！

mooon,
見你講開以上事情, 昨日發生了一件事在我囝囝身上, 想同你分享下.
我一家三口回奶奶處吃飯, 晚飯過後要回家, 囝囝一心要等爸爸hold了部lift 一陣, 當然一入lift 即同一個女士說sorry, 於是囝囝又跟我地講sorry之餘, 仲加多句"唔好意思, 唔該!".  那女士就讚囝囝乖, 跟住就問: 你讀那間幼稚園? (相信好多陌生人都會以此打開話題).  囝囝好大聲清楚回答: "九龍塘根德園幼稚園!".  我好surprise!  (因開學3星期以來, 我無教佢講, 而佢不足3歲人仔, 竟然係陌生人面前講得好清楚)  那女士微笑回應.   果刻, 見住囝囝自信表現, 心想姑勿論日後佢升途如何, 至少我要做到的係, 唔需要理會其他人點睇這間學校 (whatever it is good or bad).  小朋友係純真, 家長對學校有所懷疑又或有"閃縮"行為, 佢地就一定feel 到有壓力.  所以, 我好開心囝囝可以對別人說出自己所讀學校名字!   , 這點巳很足夠!   

poonhui

alisoncheung 寫道:
剛剛收到Miss So電話,佢話Trevor仔今日去厠所時被同學仔抓傷兩邊面珠仔，有小小流血，又擔心又肉尺呀!     

alisoncheung,
無獨有偶喎!  昨日我囝囝都有類似經歷!

囝囝話昨日在學校時去洗手間被同學推到, 趺在地上, 仲將手給我看, 仲示範動作隻手點落地我睇 (好彩係無損傷, 應該係佢地去vv時輕微推撞), 囝囝仲話之後嬸嬸幫/ 叫去洗下隻手仔.

小朋友推撞一定會有都明白的, 我問囝囝有沒有同老師講, 他說沒有, 問他知唔知邊個小朋友推跌你, 佢就只識用"果個" "果個同學" . 我唯有教佢入洗手間一定要排隊, 不可推撞, 如有人推到要同老師講.


   

poonhui

alisoncheung,
Poor Trevor! :cry:  
係呀, 同你一樣想法, 即使知道係邊個同學都只當係得個知字.  因為佢地咁細個, 個個都在學習群體生活中, 又未去到真係好懂性果階段, 唯有教佢正確的處理方法. 其實, 佢地肯返屋企同我地講, 我都會讚下佢, 仲要多方面鼓勵下, 等佢知道發生了事, 爸爸媽媽可以幫到佢.

你講到都幾嚴重, 如果我係你, 可能我都會去見下醫生.  不過, 通常媽咪都會緊張過爸爸, 呢d都係我地本性 = 母性!

8卦一問, 你是否為了Trevor受傷而day off?  因見你話回家途中, 在火車上見到Trevor, 仲同佢睇埋醫生添!  

poonhui

alisoncheung,
其實, 我都好奇想知, 學校點安排小朋友上洗手間? 會係自己一班去, 定同埋其他班一齊去?

因昨日我囝講我知俾人推倒, 工人都問了我一個問題: "老師唔係度架?" 我只聽呢度d mami講有嬸嬸(因我自己都見過), 但有無老師就真係唔知呢?!  

poonhui

mymavis,
Thanks!  但我想知係, 除了早上返學前佢地hand and hand咁去洗手間之外, 中間果段時間, 咁多classes, 係一班去完先到另一班, 定兩/三班一齊呢?
我明天可能會帶囝囝返學, 到時問下老師先, 順便望下mavis!

alisoncheung,
我昨晚同老公講關於Trevor 受傷事件, 囝囝聽到好8咁走埋來問邊個係trevor?  我話trevor被同學仔抓損了面, 佢又追問邊個係?   點樣受傷?  最後, 我就答佢讀K1A架, 唔係讀你果班.  下次有機會, 介紹囝囝識邊個係Trevor先得!

Cherrielo,
我囝都係活躍型. 男仔都係坐唔定!
我囝好鐘意砌東西, LEGO 真係唔錯的.  你試下同佢一齊玩, 折完又再砌, 玩玩下佢就會坐耐少少.  除 LEGO外, 佢都好鐘意玩puzzle, 初時俾d 簡單佢 (10塊以內), 跟住再砌多塊數 慢慢加, 而家佢都砌到好多塊數的puzzle .  而家, 我又會將兩幅撈亂, 要佢自己選回對的puzzle砌, 咁佢又可以坐耐一d, 試試呢!  

poonhui

LittlePY ,
你囡囡好叻, 識讀晒成段俾你聽   .  
我只知昨日有教"b", 不過, 囝只做了個動作, 就係好似人大肚婆咁, 撐住條腰, 然後凸個肚腩出來, 佢話"b"係咁.  咁我話大階"B"呢, 佢就答我: "有兩個肚腩呀!"
哈, 真係幾好笑!