好頭痛, 請大家給我議見???????

katymamama

我囡剛剛讀小一, 近期為我囡囡事好頭痛, 請大家給我議見。
我囡囡放學回到家約3:10, 他就開始睇電視及姐姐(工人)玩, 直至我和丈夫回家約(7:45), 都唔做工課說Sleeping ,
我試過好多方法都唔得~~~~~


  

tommythumb

返工時收埋個電視遙控，等佢開唔到機，要佢做工課，等你地返屋企check 完工課先可以睇電視。   

katymamama

我丈夫有想過搬走電視, 但覺不是解決方法。

  

tommythumb

點解要搬走？其實只要用遙控熄機，再按電視機既開關掣，咁即使佢按電視機既開關掣都開唔到機嫁。

你小朋友係咪比慣佢成日睇電視？如果係，都要改嫁啦，咪等佢學下要做好功課先至有電視睇囉。

另外，咁做仲可以等工人都無得自己睇電視，或者淨係比電視個小朋友睇而自己就蛇王或者煲電話。

katymamama

其實要放她補習社, 你會有點睇???不過我每月就要支出錢~~~

  

j-ma-ma

My husband tailor a box and locked a power lock timer insider.  We can controller the time when she can watch TV.

Great invention!!

DoReMi媽媽

點解個問題會喺個電視機度呢? 反而我覺得要俾個小朋友知道~放咗學要做功課, 哩個係佢o既責任, 未做完自己份內o既嘢係冇得玩, 如果唔改變小朋友o既心態, 你鎖乜嘢都冇用, 佢唔睇電視都可以玩第2樣嘢, 一樣係浪費咗小朋友日頭o既時間, 喺哩方面唔可以讓步, 如果唔趁小一好好教佢把握時間, 第時高年級越多功課就麻煩. :wink:

Longman

DoReMi媽媽 寫道:
點解個問題會喺個電視機度呢? 反而我覺得要俾個小朋友知道~放咗學要做功課, 哩個係佢o既責任, 未做完自己份內o既嘢係冇得玩, 如果唔改變小朋友o既心態, 你鎖乜嘢都冇用, 佢唔睇電視都可以玩第2樣嘢, 一樣係浪費咗小朋友日頭o既時間, 喺哩方面唔可以讓步, 如果唔趁小一好好教佢把握時間, 第時高年級越多功課就麻煩. :wink:

我囡現讀緊的kider 都是教小朋友"放咗學要做功課, 哩個係佢o既責任, 未做完自己份內o既嘢係冇得玩",可能囡囡自小受訓，縱使現在讀 kider 每天有3-4樣功課佢暫時都 manage 得幾好。

我都覺得問題不是出於電視機，問題似乎關於小朋友的原動力及責任心。有時家長難免要耐心教導 + 狠心拒絕 先得。

共勉之！

katymamama

多謝!!! 大家意見~~
是對的, 應該要她知道問題。開學至今. 我常試好多方法, 慢慢教, 獎罰, 時間表, 補習社(不過番o左約 20天就沒有上, 因她回家不停哭, 早上一起牀第一時間就哭, 回校都哭, 約哭了約一星期, 老師見意停。)

我真的想不到方法???????請各位給我意見????
      

Yukyuk

以下是"做功課唔專心點算好?"文章分享:

孩子做功課時總是坐不定，身體左搖右擺，眼睛則東張西望，原本只需二十分鐘完成的功課卻拖拖拉拉的費上一個小時。很多時父母，均對以上問題深表煩惱，最終引致勞氣傷神、打罵子女。究竟為何孩子有這些表現呢？父母怎樣才可讓孩子集中精神完成功課呢？
要解決小孩未能集中精神做功課，必須從成因入手，大概有下列五個原因：

一、 孩子的身體健康狀況是直接影響孩子的集中能力，如身體不適、睡眠不足，做功課自然容易打瞌睡、精神散漫。

二、 孩子亦可能受情緒困擾，以致未能集中精神，例如父母兄弟姊妹經常爭吵，吵罵聲不但紛擾了集中力，更會使小朋友恐慌不安，這樣又怎能集中精神完成家課呢？

三、 心理因素亦會影響孩子的耐性，如功課太艱深、太多，孩子對該科目沒有興趣等，均會對孩子完成功課的能力構成阻礙。

四、 客觀環境更不容忽視，玩具、遊戲機、電視、漫畫、電腦等「引誘」總把他們牢牢牽制著，眼睛雖然望著填充題，心神卻飛到九霄雲外。

五、 此外，環境變遷也是另一個阻礙，如經常搬屋、轉換環境、進食不定時、接送人經常不同等，亦會帶給孩子不規律及不安定的生活模式，這些轉變都須要時間適應，年紀越小的孩子適應時間會更長呢！

培養孩子集中精神做功課的能力，家長可以參考以下幾個建議：

1. 充足睡眠

　　有充足的睡眠，精力自然充沛，有精力才能專心做事；相反，睡眠不足，做功課只會事倍功半，浪費精力。因此，每天八小時睡眠是不可缺少的。此外，若因上了一天的課感到疲倦，可回家作小休午睡，醒來再做功課，更能增加效率。

2. 小休可充電

　　大部分小學生都十分活潑好動，要他們長時時坐著做家課，對他們來說實在是很困難的。因此，父母可嘗試督促子女做四十五分鐘功課後，給他休息十分鐘，讓他自由活動，充電後再來做功課。

3. 固定的書桌

　　最理想的是給予孩子一張固定和屬於自己的書桌，父母與孩子可以一起佈置，增加孩子對這張書桌的歸屬感；亦可把功課、書本集中在一起，讓孩子每次坐到桌前，便自然收拾心情，把精神集中。

4. 環境要安靜

　　孩子最容易受聲音的干擾，無論是音樂、談話聲、電視聲，甚至玩具、遊戲機，均會影響他們的集中力。因此，提供孩子一個免受騷擾的環境是培養他們學習和記憶能力的最先決條件。

除休息及環境的配合外，以下四個方法也可培養孩子集中注意力。

1. 編排時間表

　　父母可與孩子一同編排做功課和溫書的時間表，而溫書的時間適宜有一定的規律，如每天在四時至六時做功課、星期六上午溫習等，令孩子養成習慣，到時候小腦袋便會開始工作及進入最佳狀態。

2. 剌激興趣

　　若要孩子對學習產生興趣，先要增加孩子的自信及滿足感，可將重點放在孩子有進步的學科讚他，孩子便會因父母的讚賞感到開心，肯定自己的能力，讀書興趣增加，這樣才能提升專注力。

3. 訓練獨立能力

　　陪「太子」讀書，只會造成孩子的依賴性；父母一旦離開，孩子便無心機繼續，專注力亦相應減低。因此，父母要讓子女學習獨立完成功課，從小一開始，逐步習慣自動做功課、溫習。若發現孩子初時未能適應，父母可稍為陪同或提點，慢慢退位及放心孩子獨立完成家課。

4. 從遊戲鍛煉

　　其實，有很多有趣的遊戲也可培養孩子的專注及集中力。如層層疊、砌圖、奕棋，父母亦可陪孩子看書、寫書法、畫畫等，這些遊戲不但帶給孩子玩耍的樂趣，可令孩子領略到「越專心做、越有趣味、越能成功」的道理。
  

hkcwchan

我仔仔同樣是小一, 情況剛開始是很相近, 總是要我放工回家
後才做家課, 最重要是讓他知道功課是每天必須要完成的責任
你可先要求她完成一部份的功課, 中間休息是可看電視一下,
留待另一部份你們放工回家再做, 因為功課量是會慢慢增加的
待等習慣後, 再慢慢教妳要儘量自己完成,
我的仔仔由開始至現在, 慢慢開始由完全不做, 改為自己懂得
完成大部份, 請再加多些耐性, 加油呀...

麟媽媽

我都覺得鎖住電視唔係最好既辦法，
佢唔睇電視唔代表會做功課的。
你要比小朋友知道自己既責任，
解釋比佢聽每個人的責任，
好似爸爸媽咪既責任係返工搵錢，
姐姐由咁遠到香港做工既責任係照顧佢，
而小朋友既責任係返學、做功課溫習同埋玩。

我講我既經驗睇下你會唔會咁做︰
亞仔放學回家我沒定下時間，
所有時間由佢自己分配。
可以睇電視、玩電腦、訓下覺、做功課….
總之8點前我未返屋企佢分配 (記住提可以玩)，
但我一回家便唔可以再做功課，
因為佢應該係咁多個鐘分配了做功課的。
如果有唔識可以唔做住，但其餘的未做的話，
一律唔準再做，我將功課放係柜頂的。
佢喊晒我都唔會理佢既，一定唔比再做。
第二日由得佢無功課交，要佢自己面對老師，
要佢認知做功課係佢既責任便要自己承擔。

小朋友一年班欠功課仲衰得起，
好過大左都無自理能力，
一、二年班我地家長可以跟，
上到中學跟得幾多呢？
暫時我仔都係自動自覺做功課的，
做晒功課睇吓電視又無防的。  

katymamama

其實, 我都類似妳方式, 沒定下時間，
所有時間由佢自己分配。
可以睇電視、玩電腦、訓下覺、做功課….
總之我一回家便要自動將唔識的功課問，
但自己可以識做都安排唔到~~~
如果好像我囡囡咁,大家有甚麼方法 ??????

    

幫忙, 幫忙    

麟媽媽

佢唔做，咪由佢無得交囉！
有時小朋友知我地係父母，
正所謂你緊佢唔緊，
無得交等佢面對老師，
有時老師講一句權威過家長好多架！

katymamama 寫道:
其實, 我都類似妳方式, 沒定下時間，
所有時間由佢自己分配。
可以睇電視、玩電腦、訓下覺、做功課….
總之我一回家便要自動將唔識的功課問，
但自己可以識做都安排唔到~~~
如果好像我囡囡咁,大家有甚麼方法 ??????

    

幫忙, 幫忙    

katymamama

但我囡到睡覺前, 自己就緊張。

麟媽媽

既然佢緊張，便唔比佢訓覺前先做囉。
由佢無得交，忍心D，將來容易D manage吖。

我試過架，佢比老師寫手冊囉！
之後佢緊張過你。

katymamama 寫道:
但我囡到睡覺前, 自己就緊張。

julietta

我都試過，阿仔在開學時無帶一本書，比老師寫手冊，以後佢就好乖咁自動執好哂書包，唔駛我提佢。唔比佢跌過點知痛呢！

katymamama

~~~真的要比她跌過~~~我學0下先~~~

  

DoReMi媽媽

學老人家話頭 ~ 唔跌點得大吖!

過份遷就小孩, 只會適得其反, 令小朋友唔識得自強, 你而家o既狠心, 係做就小朋友將來o既責任感同處事方式, 亦影響佢o既性格!  所以唔好心軟呀! 加油!

katymamama

多謝!大家支持~~
現代做媽媽唔簡單, 經常要自己先學識先。 ~~

大家做家長要努力,加油