上幼兒班,有嘜好 - 只是錢問題??

chloe劉媽咪

2yr+小朋友,比$2千,上3hours?
有得玩之外,是否有嘢學?
好否到3yr才學呢?
請教一吓.....

芝達

嘩！得三個鐘，都幾貴喎！咁一星期返幾日呀？我都好想知你問的問題，其實自己教同出面教有乜唔同呢？不過，豪無疑問，返幼兒班，小朋友可以同多

chloe劉媽咪

no, it's 5 days 3 hours per week.
就是唔知道好唔好?
自己要返工,得個工人响屋企,成日喎~~~
還不知道佢鍾唔鍾意,11月先返學.....  :wink:

lawandrew

學玩也是一種學習, 如果得個工人在家, 你個bb都唔知可以學d 嘜. 可能會成日　lookｔｖ．　如你明年要找幼稚園interview, 讀過幼兒園會可能有小小優勢．如經濟許可，　讀幼兒園是一個唔錯的選擇．　

chloe劉媽咪

多謝你的意見! :

yuenwa

上幼兒園不是玩咁簡單, 係好正經咁學習。我個囡只係返左兩個星期, 佢會話比我知兩個太空人係太空船裏互相餵對方食野, 這些事, 如果我地大人唔留意新聞, 都未必會知。

還有囡囡學識食完飯要放好張chair, 要叫唔該....等等。

專家話幼兒在3歲前學習/吸收能力係最好的, 所以我就把囡囡送到學校, 等囡囡在3歲前盡量學習。

mymelody2003

囝囝剛2歲 - 細仔, 將會入讀幼兒班, 好多人都認為咁細個就返學     會唔會太快呢? 我係在職媽咪, 請工人湊,個人認為好多事自己唔識去教的, 更何況要依賴工人去教??  例如群體生活, sharing, 遵守規則等呢d事o係屋企好難去教的, 如果由老師用專業知識去教的話, 小朋友可以更快去學懂, 對於幼稚園面試時比較好d, 表面上好似浪費金錢, 但實際上對小朋友的學習能力有幫助的, 經濟許可的話提早比小朋友上學係一個不錯的選擇.

大眼肥妹

我嘗試解答下你既問題啦.以我所知,幼兒園分半日同全日兩種,價錢大概都係around二千蚊左右.以半日計,幼兒園既返學時間應該會係逢星期一至五,每日三個鐘,番幼兒園既時候係會長過番幼稚園.幼兒園其實唔係剩係上唱遊堂,其實都會有好多學習既機會,不過當然係比起幼稚園簡單d啦.

以我個人認為,上幼兒園可以令到小朋友從小開始學習自律,群體生活,獨立,同埋可以糾正到一d小朋友日常生活之中既惡習/或者令佢學識一d正常既生活習慣,而呢d野係平時家長有時可能冇辦法處理到既,因為去到幼兒園,大家都會被一視同仁既看待,唔會話小朋友曳曳既時候都冇人指出佢既錯處既情況出現,所以我覺得小朋友番幼兒園都不失為一個好既學習機會.
[quote]
芝達 寫道:
嘩！得三個鐘，都幾貴喎！咁一星期返幾日呀？我都好想知你問的問題，其實自己教同出面教有乜唔同呢？不過，豪無疑問，返幼兒班，小朋友可以同多

CL322

我跟你們的情況一樣, 就是不想囝囝整天待在家裡跟工人姐姐玩, 於是俾佢足兩歲便上nursery, 不到兩星期, 佢已經時常bi la ba la咁講在校見到的事物.  而且每天都係好開心的要上學, 又好唔捨得咁同老師拜拜.
最大的改變, 是不再怕同人打招乎, 有禮貌了很多.
而且, 還自動戒片, 我都唔明.

so far, 我覺得現今大都是小家庭, 小朋友沒機會學習群體生活, 所以, 上nursery是他們學習的一個好原素.

sophia1201

但我識得唔少媽咪
俾小朋友番幾個月幼兒園就停左
因為病完又病
雖然都學到野
但整體衡量 得不償失
所以我多數會俾小朋友歲半起返一星期一次 playgroup
三歲先入幼稚園

cway

我都係想比囝仔早d開始有群體生活, 學識要同人相處, 唔係淨喺屋企比,工人就慣佢.

hlbaby2004

我就覺得初初返幼兒園會容易病d係事實。
但若果唔返幼兒園，遲d先返幼稚園，咪一樣會病！其實呢d係小朋友必經階段。病過有抗體之後就冇甘易病。
最緊要睇下間園的衛生情况和管理！

sophia1201 寫道:
但我識得唔少媽咪
俾小朋友番幾個月幼兒園就停左
因為病完又病
雖然都學到野
但整體衡量 得不償失
所以我多數會俾小朋友歲半起返一星期一次 playgroup
三歲先入幼稚園

大眼肥妹

同意,其實平時小朋友

hlbaby2004

有時病都係學習/成長的一部份！ (touch wood，當然係小病)~~~

[quote]
大眼肥妹 寫道:
同意,其實平時小朋友

Carmen2004

我都有想到依個問題，但如果我比他返playgroup instead of 幼兒班，是否又一樣? 可能playgroup cost 會多Dtim。我老的公不想我個仔太早入學，但他想BB上playgroup學多D不同事物。

MD

好認同~
如是全識mami可以自已教當然好,指意工人就...唉~
我工人早兩日先比我話完~
初初佢都會同囡囡玩,但而家就成日比我係'眼仔'睇到佢做完家務就閃入房(估計係煲電話粥)將我囡囡放係車仔度"牛",一係就一日暗佢瞓幾次(佢可以有多d時間做自已o野)
真係完全阻礙我囡囡的身心發展,見到個幕(將囡囡放係車仔度"牛)真係好火大
不過我雖然話過佢,但我老公話如果唔係自願的話,好難要個工人交心出來同你個囡玩,呢樣野一定要發自內心,就算佢陪囡囡玩都係做比你睇,囡囡都未必學到野~
所以我一定一定要比囡囡返n1,而家我就為有每日快d收工返屋企同囡囡玩返幾粒鐘補數~:wink:

lawandrew 寫道:
學玩也是一種學習, 如果得個工人在家, 你個bb都唔知可以學d 嘜. 可能會成日　lookｔｖ．　

  

Marcus媽

MD
我十分十分同意你講d 嘢。 工人每日願意同你好好咁照顧小朋友已經足夠，教育小朋友方面都係身為父母的responsiblility，所以我十分同意俾小朋友讀ｎ１。

袁太

我女2.5yr，9月開始返n班，學校會教唱歌、常識、運動之外重有生活技能例如食茶點、去洗手間、同小朋友分享玩具、執玩具等。依家屋企小朋友少，返學可以同多D小朋友玩，我個女不知幾鐘意返學。佢返n班前都返左9個月playgroup。佢都鐘意的，但係 playgroup D 小朋友唔固定，而且1 wk 得 1 次，佢無咩歸屬感。我覺得返n班好D。

咕怪媽媽

我就覺得即使係全職媽咪，亦教唔到上幼兒班的效果。例如屋企唔會有太多唔同類型的玩具比 bb玩，媽咪係咪識得響玩之餘引導、啟發小朋友的潛能。所以我都係情願送囡囡上幼兒班，比 d 受過訓練的專業人士去教導佢。而且，有 d 野係屋企教唔到的。

好似我囡囡咁，佢十個月大我已經送佢返每星期一次的playgroup，響體能/技能方面無疑係有幫助，但德育知識方面始終係無從入手。

到佢足歲半，我就比佢返基督教服務處的幼兒樂園(每星期兩次)，返左大概3、4堂，佢成個人有好明顯的轉變，例如可以坐定定(一陣間咁多)、肯同人分享玩具、肯排隊輪候(例如去洗手，要一個輪住一個洗)、執到其他小朋友的玩具肯比返人、去公園玩肯讓比其他小朋友玩先、肯聽人講道理。呢 d 係我之前完全唔敢想像的(我個係獨女，全家人包括我自己在內，都不知不覺縱容佢)。返多幾堂，仲識返黎講返今日先生講的故事比我聽。所以我覺得，返左學有其他小朋友的影響，係好過我自己講一百次一千次。

我朋友個囡囡，戒片戒極都戒唔到，返左幼兒班(足兩歲一星期返五天果隻)，一個星期自動戒 luck 左。因為其他小朋友都自己坐 potty，佢有樣學樣咁就得左。

所以我而家好盼望囡囡快 d 夠兩歲，可以快 d 返正規幼兒班。

Carmen2004

我老公話如果返N1就唔可以上playgroup。他說不可以令個仔好忙！