質疑傳統簡約觀念「好陰功」

加樂爹

容許先做下標題黨, 其實想講學習生涯規劃.

年輕夫婦離家自住  始覺水電費低廉：而家冷氣無熄過 質疑傳統簡約觀念「好陰功」

上面新聞有趣點, 分析幾個原因：
1. Perception 由家庭對個人年少成長影響很大。
2. 當成長後有很多錢，視角可以擴大很多，可以嘗試跳出固有思想。
3. 個人懂從了解整個大經濟模式, 自己財富位置後，決定個人的消費模式的改變。  即係話讀書讓自身明白而改變消貴習慣。

當然可以, 三者都唔知唔諗，只要跟大隊做就得，係最後一種?

加樂爹

坦白說, 在EK內會發現有不同見解.

越是能夠認真討論的人, 本身對事物越有既定認知.
同一句話, 有不同程度理解, 甚至完全相反意見.
最後結論是, 從討論中反問自己, 了解自己, 是最重要.

縱然大家理解不同, 但靜心想下, 他們有一個共通點是, 對下一代有很好的"學習規劃"
這個值得尊重及學習.
尢其是這世代未到十年時間會轉一個學習模式.

當大家教育子女, 肯定沒有依上面 "簡約觀念 (努力用功)" 就是好的模式嗎?

對我來說, 對近十年的高等教育情況擁有的知識及眼光一定缺乏.
想得太多可能是不切實際, 但一直跟大隊去做, 又會怎樣?

對於現在有子女在中小學學習的家長, 未曾想到嗎?
是到大學畢業後才想?
又或是管不到就算, 即是正如上面用電的1-4項其中一項?

P.S. 為防誤解, 澄清這個題目, 重點不是講AI 怎樣改變學習生涯規劃.

加樂爹

這個題目, 有點涉及之前帖文"理想的孩子" .但重點不是說以今日孩子的成就, 去回想是否跟自己想要的理想模樣.

而是, 對於子女已在大學/職場, 分享家長當年的一些體驗, 考慮點, 當時對學習/事業發展的insight (展望).
當中發展在子女能力, 學校制度的限制, 怎樣去幫助子女取得優勢.
例如什麼的增潤課程, 活動, 個人性格發展, 與學校/機構的溝通/協作.
這些都是珍貴經驗.

當然, 以這個經驗, 若家長願意再以現在教育情況, 去再回想重做一次, 又會有什麼意見?

對於新的家長來說, 以上面用電的"簡約觀念"為比喻, 今日的學習生涯是否跟以前的"默默努力" 就可以呢?  

相信放出來討論, 最後都會學到野, 縱然可能方向各有不同.

P.S. 我是比較實際, 討論前都比較先想清楚自已目的, 所以可能會被認為主觀, 其實是討論的threads.

beastiebistro

加樂爹 發表於 26-5-18 10:14
這個題目, 有點涉及之前帖文"理想的孩子" .但重點不是說以今日孩子的成就, 去回想是否跟自己想要的理想模樣 ...

我個人對小朋友嘅栽培/理念喺我自己日誌版面已經詳細記載，你有興趣可以去參考。量太多，唔喺呢度再copy and paste喇。

只可以話，我暫時非常滿意我嘅安排，重做都會係咁。

加樂爹

回覆 beastiebistro 的帖子

是的, 之前都有了解過, 確實計劃得唔錯
P.S. 你主觀性好強, 所以之後等你評下我的看法, 會有獲益.

beastiebistro

加樂爹 發表於 26-5-18 12:23
回覆 beastiebistro 的帖子

是的, 之前都有了解過, 確實計劃得唔錯

個人認為冇主見，不如唔好好分享。當然唔代表一定啱，不過始終都要有POV，分享/討論先有價值/意義，先可以激發網友思考。我當然都會自省，日日都做添，所以蒸餾咗自己嘅意見先發聲...

barque

本帖最後由 barque 於 26-5-19 08:01 編輯


我覺得唔好用晒所有時間在讀書和成績上，性格上的培養和發展同樣重要。

曾經見過幾個讀書好叻，成績又好的小朋友，從小有乖又聽老師話。一直都覺得沒有什麼問題。但是大學畢業後找不到比較好的工作，父母建議不如去外國試吓，或者去外國名大學讀過碩士課程增加機會。

但是怎樣勸那個小朋友都是唔肯去，只肯在香港繼續讀碩士。其實我覺得這個和小朋友自己的見識，獨立能力和是否大膽走出Comfort Zone， 沒有冒險精神有關

自己覺得太聽老師話，其實都是一個問題，反而比較喜歡孩子聰明靈活，甚至乎有少少反叛和蠱惑。

但是這些特質在孩子大過後才發現其實好難改變

ANChan59

barque 發表於 26-5-19 07:58
本帖最後由 barque 於 26-5-19 08:01 編輯

「自己覺得太聽老師話，其實都是一個問題，反而比較喜歡孩子聰明靈活，甚至乎有少少反叛和蠱惑。」

立即想到幾間傳統名校，對號入座！

964000

barque 發表於 26-5-19 07:58
本帖最後由 barque 於 26-5-19 08:01 編輯

同意性格和EQ培養絕對重要過齋讀書，雖然好多性格係天生，但後天培養可以補足吓，其實長大好多工作和家庭問題，都係性格有關，我越嚟越覺得性格決定命運。
你朋友個小朋友呢啲性格咪啱做公務員/專業人士，唔需要好大膽，勤勤力力守規矩就好。

barque

964000 發表於 26-5-19 09:10
同意性格和EQ培養絕對重要過齋讀書，雖然好多性格係天生，但後天培養可以補足吓，其實長大好多工作和家庭 ...

問題是現在畢業要找公務員，老師或專業的工作都非常之不容易。這位孩子是讀傳統名校從小成績優異。

自己真心覺得在原校升讀碩士，有什麼作用呢？反而放膽出外國試吓，或者試吓在外國讀碩士，以佢能力好大機會可以另外闖出一番天地。所以確實有些可惜，覺得是膽色見識冒險精神限制咗發展。

我只是說個別例子

beastiebistro

barque 發表於 26-5-19 10:01
本帖最後由 barque 於 26-5-19 10:04 編輯

本帖最後由 barque 於 26-5-19 10:02 編輯

個人認為同由細嘅家教有直接關係。可能係比較保護溫室嘅環境長大，或者咩都習慣有屋企人做好晒，從來唔使冒險。亦可能係由細到大屋企都話，咩都唔使諗（最好唔好諗），齋讀好書就得喇。

家長嘅短視、過分呵護、甚至虛榮心（小朋友讀名校／成績好）就係害死小朋友嘅源頭。

ANChan59

barque 發表於 26-5-19 10:01
本帖最後由 barque 於 26-5-19 10:29 編輯

我係好想個仔出外讀大學，出外地工作，他一一拒絕，到忽然之間想出去闖下，跳出comfort zone也讓我很突然。

觀察到係人都有惰性，除非去到pain of no change > pain of change，個人肯用下腦就會作出改變！

barque

beastiebistro 發表於 26-5-19 10:24
個人認為同由細嘅家教有直接關係。可能係比較保護溫室嘅環境長大，或者咩都習慣有屋企人做好晒，從來唔使冒 ...

我同你的睇法一樣。自己的孩子長大了。回應版主的討論，多些放手讓孩子單獨去完成學習，或做其他活動。容許佢自己在可控的空間犯錯，一般佢不出口詢問求助我都不會出聲。

還記得孩子小學時和1位同學做一個project，佢哋自己去聯絡咗幾間NG O問人哋可否安排一個訪問面試去攞資料，全部過程佢同那位同學好似大人一樣自己安排得妥妥當當。作為父母只是安排接送。事後我亦都沒有問佢個過程怎樣。

我覺得佢哋在這個過程中，學會咗怎樣爭取機會，怎樣面對被人拒絕。

barque

ANChan59 發表於 26-5-19 10:31
我係好想個仔出外讀大學，出外地工作，他一一拒絕，到忽然之間想出去闖下，跳出comfort zone也讓我很突然 ...

那麼你覺得他這個決定，現在回看過嚟怎樣？

beastiebistro

barque 發表於 26-5-19 10:35
我同你的睇法一樣。自己的孩子長大了。回應版主的討論，多些放手讓孩子單獨去完成學習，或做其他活動。容 ...

同意㗎，個人認為其實小朋友細應該要慢慢開始放手。當然係循序漸進，冇話一次過放晒手。我嘅選擇係規劃咗初中放佢去英國寄宿，所以我會work back咁去諗幾時要放手其他嘢，例如自己搭車過海返學咁，等佢可以無縫銜接。
我嗰啲13歲去晒寄宿之後，基本上所有嘢都係自己搞掂喇。

twhkleung

beastiebistro 發表於 26-5-19 10:43
同意㗎，個人認為其實小朋友細應該要慢慢開始放手。當然係循序漸進，冇話一次過放晒手。我嘅選擇係規劃咗初 ...

嘩! 你仔仔真係叻, 13歲就已經咁成熟.

好多小朋友(包括我同阿仔), 呢個年紀, 都只係四圍框, 週圍彈下彈下, 睇下呢樣,搞下嗰樣...

beastiebistro

twhkleung 發表於 26-5-19 11:31
嘩! 你仔仔真係叻, 13歲就已經咁成熟.

好多小朋友(包括我同阿仔), 呢個年紀, 都只係四圍框, 週圍彈下彈下 ...

我三個仔女都係13歲去英國寄宿喇。佢哋基本上讀書、揀科、搭飛機轉機都係自己搞掂（事實上我想幫都幫唔到）。期間仲要經歷疫症，所以我知到就算我聽日唔喺度，佢哋都可以自己搞掂。

twhkleung

beastiebistro 發表於 26-5-19 11:38
我三個仔女都係13歲去英國寄宿喇。佢哋基本上讀書、揀科、搭飛機轉機都係自己搞掂（事實上我想幫都幫唔到） ...

為人父母, 你最後嗰句, 一定係最終目標

beastiebistro

twhkleung 發表於 26-5-19 11:41
為人父母, 你最後嗰句, 一定係最終目標

不過好多家長冇諗清楚應該點做先achieve到，甚至做相反嘅（令小朋友永遠長唔大）...

ANChan59

barque 發表於 26-5-19 10:40
那麼你覺得他這個決定，現在回看過嚟怎樣？

有幾個層次去睇：

1。個人事業成長係正面嘅，專業知識進步也是明顯，特別在Al及Fintech方面。

2。他自己都開心自己個部門好國際化，對大家做事方式，文化，溝通，協作有更好嘅理解。

3。收入方面，撇除交稅都比香港高不少。但係再升職加薪幅度不是三級跳之話，會係marginal。

4。work life balance係好多！長周末去歐洲旅行休息，好放便好平！放假冇人搵你做公事。

5。他因為是Arsenal seasonal ticket holder，所以有機會抽30/5在布達佩斯舉行的歐聯決賽門卷。又可能睇到Arsenal 22年後再次贏Premier League Champion。

6。識到一個獨立自強嘅女朋友！